月曜日 08:30 - 17:30 火曜日 08:30 - 17:30 水曜日 08:30 - 17:30 木曜日 08:30 - 17:30 金曜日 08:30 - 17:30

SunS Myanmar, kamikodanaka4-3/5, Kawasaki-shi (2026)

22/09/2023

ဂျပန်မိုးလေဝသအေဂျင်စီက လာမည့်နှစ် ဒီဇင်ဘာလမှ ဖေဖော်ဝါရီလအတွင်း မိုးလေဝသခန့်မှန်းချက် ထုတ်ပြန်ခဲ့ပါတယ်။ ဂျပန်အရှေ့ပိုင်း၊ အနောက်ပိုင်းနှင့် အိုကီနာဝါ တို့သို့ လေအေးများဝင်ရောက်ရန် ခက်ခဲမည်ဟု ဆိုပါတယ်။

အပူချိန်များက ပုံမှန်ထက် ပိုများနေပြီး ဂျပန်မြောက်ပိုင်းတွင်မူ အပူချိန်က ပုံမှန်ထက် သို့မဟုတ် မြင့်မားဖွယ်ရှိပါတယ်။
ဆောင်းရာသီတွင် ကျမယ့် နှင်းပမာဏက ဂျပန်ပင်လယ်ဘက်ခြမ်းတွင် လျော့နည်းမည် သို့မဟုတ် ယခင်နှစ်များနှင့် အတူတူပင် ဖြစ်ပုံရပါတယ်။

ယခုနွေရာသီတွင် ဂျပန်ပင်လယ်ပြင်ရှိ ရေအပူချိန်က အလွန်မြင့်မားလာလို့ ဆောင်းရာသီတွင်ပင် အပူချိန်များ ဆက်လက်မြင့်မားနေနိုင်ပါတယ်။
ဂျပန်မိုးလေဝသအေဂျင်စီက ``ပူတဲ့ဆောင်းရာသီဖြစ်မယ် ထင်ရတယ်။ ဒါပေမယ့် ဆီးနှင်းတွေ တပြိုင်နက်တည်းကျလာနိုင်တယ်။ သတိထားကြပါ´´

07/09/2023

တိုင်ဖွန်းမုန်တိုင်းအမှတ် ၁၃ တိုကျိုသို့ ဝင်ရောက်နေပြီး မနက်ဖြန် အလုပ်သွားချိန်အတွင်း ပိုမိုနီးကပ်လာနိုင်ပါမည်။ ကန်တိုဒေသရဲ့ နေရာအနှံ့အပြားတွင် မိုးသည်းထန်စွာ ရွာသွန်းနိုင်သဖြင့် သတိထားရန် လိုအပ်ပါသည်။
စနေ တနင်္ဂနွေ တွင်လည်း မိုးသည်းထန်စွာရွာသွန်းနိုင်ခြေရှိပါတယ်။ တိုင်ဖွန်းမုန်တိုင်းဖြတ်သွားပြီးနောက် အရမ်းပူလာလို့ အပူဒဏ်ခံရနိုင်ပါတယ်။

05/09/2023

Hitachi, Ltd. နှင့် Tobu ရထားလိုင်းတို့က လက်ချောင်းရဲ့သွေးကြောကို screenဖတ်တာ သို့မဟုတ် မျက်နှာ‌ဒေတာကို screen ဖတ် စစ်ဆေးပေးသည့် နည်းပညာကို အသုံးပြုပြီး ဈေးဝယ်ခြင်းတို့ကို ပြုလုပ်နိုင်သည့် စနစ်တစ်ခုကို ဖန်တီးထားပါတယ်။
ခရက်ဒစ်ကတ် သို့မဟုတ် ပွိုင့်ကတ်မရှိလည်းပဲ စျေးဝယ်ပြီး ပွိုင့်များကို စုဆောင်းနိုင်ပါတယ်။

ဒီစနစ်ကို အသုံးပြုသူများက ခရက်ဒစ်ကတ် အချက်အလက်နဲ့ မွေးနေ့ စသည်တို့ကို မှတ်ပုံတင်ရပါမည်။အရက်ဝယ်ယူသူများရဲ့ အသက်ကို စစ်ဆေးရန် စတိုးဆိုင်ဝန်ထမ်းများ လိုအပ်မှုကို လျော့ပါးစေပါတယ်။

အဆိုပါစနစ်ကို စူပါမားကက်များတွင် ပထမဆုံး စမ်းသုံးကြည့်ဖို့ စီစဥ်ထားပါတယ်။
အဲဒီနောက်မှာတော့ Gym ၊ Hotel တွေမှာသုံးဖို့ စိတ်ကူးထားပါတယ်။

01/09/2023

စက်တင်ဘာ ၁ ရက်ဟာ ကန်တိုငလျင်လှုပ်ခတ်မှု နှစ် ၁၀၀ ပြည့် ဖြစ်ပါတယ်။
မြို့တော်ရဲဌာနနှင့် အခြားအာဏာပိုင်များက ကားမောင်းနေစဉ် ငလျင်လှုပ်ပါက အောက်ပါအချက်တို့ကို သတိထားရန် အကြံပြုထားပါတယ်။

1.ကားမောင်းနေစဥ် ငလျင်ကြီးလှုပ်ခဲ့ပါက ကားကို လမ်းရဲ့ဘယ်ဘက်ခြမ်းတွင် ဖြည်းညှင်းစွာရပ်ပါ။ မတော်တဆမှုဖြစ်စေနိုင်သောကြောင့် ရုတ်တရက် မရပ်လိုက်ပါနှင့်။

2.ကားကို ရပ်ပြီးနောက်၊ စမတ်ဖုန်း သို့မဟုတ် ရေဒီယိုရှိ ငလျင်နှင့် ယာဉ်ကြောဆိုင်ရာ အချက်အလက်များကို ရှာဖွေပါ။ ငလျင်လှုပ်ခတ်မှုကြောင့် လမ်းများ ပျက်စီးသွားနိုင်လို့ ယာဉ်ကို ရွှေ့သည့်အခါ ရဲနှင့် အခြားအာဏာပိုင်များရဲ့ လမ်းညွှန်ချက်များကို ဂရုတစိုက် နားထောင်ပြီး လုပ်ပါ။

3.ကားထဲကထွက်ပြီး ထွက်ပြေးတဲ့အခါ ကားသော့တွေကို ကားထဲမှာထားခဲ့ပြီး တံခါးကိုသော့မခတ်ပါနဲ့။ဘာလို့ဆို လူနာတင်ယာဉ်များ လမ်းတွင်ရှိနေသောကြောင့် ရပ်ထားခဲ့တဲ့ကားက လမ်းပိတ်နေခဲ့ရင် ရွှေ့ရန်အတွက်ဖြစ်ပါတယ်။ ကားတွင် ဆက်သွယ်လို့ရမယ့် ဖုန်းနံပါတ် စသည်တို့ကို ချန်ထားခဲ့ပါ။

28/08/2023

24 ရက်နေ့တွင် Fukushima Daiichi Nuclear Power Plantမှာ
ရေဒီယိုသတ္တိကြွ ပစ္စည်းများ ပါဝင်တဲ့ ရေများကို ပင်လယ်ထဲသို့ လွှတ်ခဲ့ပါတယ်။
တရုတ်က ဂျပန်နိုင်ငံမှ ရေထွက်ကုန်များ ရဲ့ တင်သွင်းမှုအားလုံးကို 24 ရက်နေ့မှစတင်ပြီး ရပ်ဆိုင်းထားမည်ဟု ကြေညာခဲ့ပါတယ်။

ယခုအချိန်အထိ တရုတ်နိုင်ငံသည် ဖူကူရှီးမားနှင့် မီယာဂီအပါအဝင် စီရင်စုကိုးခုမှ ရေထွက်ကုန်များ တင်သွင်းခြင်းကို ရပ်တန့်ထားသော်လည်း ယခုအခါ စီရင်စုအားလုံးသို့ တိုးချဲ့သွားပြီဖြစ်ကြောင်း သိရပါတယ်။ဂျပန်နိုင်ငံရဲ့ ရေထွက်ကုန်တင်ပို့မှု လျော့ကျသွားပါတယ်။
ဖူကူရှီးမားရဲ့ ဓါတ်ရောင်ခြည် ညစ်ညမ်းသောရေများကို ပင်လယ်ထဲသို့ မျောပါသွားပါက ရေထွက်ကုန်အစားအစာများ တရုတ်လူမျိုးများ စားသုံးရန် ဘေးကင်းမည်မဟုတ်ကြောင်း တရုတ်အစိုးရက ဆိုပါတယ်။

26/08/2023

Fukushima Daiichi Nuclear Power Plant မှာ ညစ်ညမ်းနေသော ရေကို သန့်စင်ပြီးနောက် ကျန်ရှိနေတဲ့ ရေဒီယိုသတ္တိကြွ ပစ္စည်းများ ပါဝင်တဲ့ ရေများကို သိုလှောင်ထားပါတယ်။ တန်ချိန် ၁.၃၄ သန်းအထိ တိုးလာခဲ့ပြီး ကန်ရေ ၁၀၀၀ ရဲ့ ၉၈ ရာခိုင်နှုန်းခန့်က ရေပြည့်နေပါပြီ။

2011 မှာ မတော်တဆမှုအပြီး ရေဒီယိုသတ္တိကြွပစ္စည်းများပါဝင်တဲ့ ရေတွေကို ၂၄ ရက်နေ့ မွန်းလွဲ ၁ နာရီခန့်တွင် ပစိဖိတ်သမုဒ္ဒရာထဲသို့ လွှတ်လိုက်ပါတယ်။ အဆိုပါ စီမံကိန်းသည် လာမည့်နှစ်ပေါင်း ၃၀ ခန့် အချိန်ယူရမှာဖြစ်ပါတယ်။

အာရှ-ပစိဖိတ်ဒေသမှ ဆန္ဒပြပွဲများ ပေါ်ပေါက်ခဲ့ပြီး အဲ့နေ့မှာတင် တရုတ်က ဂျပန်ပင်လယ်ထွက်ကုန်များကို လုံးဝပိတ်ပင်ကြောင်း ကြေညာခဲ့ပါတယ်။ တရုတ်နိုင်ငံသည် ဂျပန်နိုင်ငံရဲ့ ရေထွက်ကုန်ပစ္စည်းများ အများဆုံး တင်ပို့သည့် နေရာဖြစ်ပါတယ်။
အဆိုပါ အရေးယူဆောင်ရွက်မှုများက စီးပွားရေး ထိခိုက်နစ်နာစေရန် ရည်ရွယ်ပြီး ငါးဖမ်းလုပ်ငန်းကို ကြီးမားသော ထိုးနှက်ချက် ဖြစ်စေမည်ဟု ဂျပန်က ဝန်ခံခဲ့ပါတယ်။ တရုတ်နှင့် ဟောင်ကောင်တို့သည် တစ်နှစ်လျှင် ဒေါ်လာ ၁.၁ ဘီလီယံတန်ဖိုးရှိ ပင်လယ်စာများကို ဂျပန်နိုင်ငံမှ တင်သွင်းကြပါတယ်။

ဂျပန်အစိုးရက ကုသထားသောရေဖြစ်ပြီး ဘေးကင်းသည်ဟု ဆိုကာ သိပ္ပံပညာရှင်များစွာက သဘောတူညီခဲ့ကြပါတယ်။ နိုင်ငံတကာ အဏုမြူစွမ်းအင် အေဂျင်စီ (IAEA) ကလည်း အဆိုပါ အစီအစဉ်ကို အတည်ပြုခဲ့ပါတယ်။

22/08/2023

နာမည်ကျော် ကိုရီးယားဒီဂျေ SODA က ယခုလ 13 ရက်နေ့ အိုဆာကာမှာ ဂီတပွဲဖျော်ဖြေနေစဥ် ပရိသတ်ထံမှ လိင်ပိုင်းဆိုင်ရာ စော်ကားခံခဲ့ရကြောင်း ပြောကြားခဲ့ပါတယ်။
ဒီဂျေ SODAက ဂီတာပွဲဖျော်ဖြေနေစဥ် စင်ပေါ်ကနေ ဆင်းလာတဲ့အခါမှာ နောက်ကနေ ခန္ဓာကိုယ်ကို လက်နဲ့ထိတာ၊ ရင်ဘတ် ထိတာ ခံခဲ့ရလို့ တိုင်ကြားခဲ့ပြီး ယမန်နေ့က ပွဲစီမံခန့်ခွဲရေးကုမ္ပဏီက သံသယရှိသူ အမျိုးသားနှစ်ဦးနှင့် အမျိုးသမီးတစ်ဦးကို တရားစွဲခဲ့ပါတယ်။

17/08/2023

ဂျပန်နိုင်ငံသို့ လာရောက်လည်ပတ်သူ ဘရာဇီးနိုင်ငံသားများက ရက် 90 အတွင်း ခရီးနှင့် အလုပ်အတွက် ဗီဇာ လိုအပ်ပါတယ်။
သို့သော်လည်း ဂျပန်လူမျိုးများက ရက် ၉၀ အတွင်း ဗီဇာမလိုဘဲ ဘရာဇီးသို့ သွားရောက်လည်ပတ်နိုင်လို့ ဘရာဇီးအစိုးရက အောက်တိုဘာလမှစတင်ပြီး ဂျပန်လူမျိုးများလည်း ဗီဇာရယူရမည်ဟု ပြောကြားခဲ့ပါတယ်။

ယခုနှစ် မေလတွင် ဝန်ကြီးချုပ် Kishida နှင့် ဘရာဇီးသမ္မတ Lula တို့က ဒီကိစ္စနှင့် ပတ်သက်ပြီး ဆွေးနွေးခဲ့ကြလို့ ဘရာဇီးအစိုးရက စက်တင်ဘာ ၃၀ ရက်မှစတင်ကာ　3နှစ်အတွင်း ဘရာဇီးနိုင်ငံသားနှင့် ဂျပန်နိုင်ငံသားနှစ်ဦးစလုံးအတွက် ရက် ၉၀ အတွက် ဗီဇာများ မလိုအပ်တော့ကြောင်း ကြေညာခဲ့ပါတယ်။

16/08/2023

Kyoto Gozan Okuribi သည် နွေရာသီရဲ့ ညကောင်းကင်ကို အရောင်ခြယ်ပေးသည့် Obon ရဲ့စိတ်ဝိညာဉ်များကို ပို့ဆောင်ပေးတဲ့ ရိုးရာပွဲတစ်ခုဖြစ်ပြီး
ကျိုတိုပြည်သူများအတွက် အရေးကြီးသော Obon ပွဲများထဲမှ တစ်ခုလည်းဖြစ်ပါတယ်။
Okuribi က ကျိုတိုမြို့ရဲ့ ရိုးရာယဉ်ကျေးမှု အမွေအနှစ်ဖြစ်ကြောင်း မှတ်ပုံတင်ထားပါတယ်။
ဒီည 8နာရီမှာ ကျင်းပပြုလုပ်သွားမှာပါ။

08/08/2023

တိုင်ဖွန်း အမှတ် 6က Kyushu ကို တဖြည်းဖြည်း ရွေ့လျားနေပြီး အဲဒါကြောင့် နေရာတော်တော်များများမှာ မိုးရွာသွန်းနေပါတယ်။
Kyushu တောင်ပိုင်းနှင့် Amami ဒေသတွင် 8 ရက်နေ့ နံနက်အထိ တစ်နေရာတည်းတွင် မိုးဆက်လက်ရွာသွန်းနေပြီး linear မိုးကြိုးတစ်ခုဖြစ်ပေါ်လာလို့ သဘာဝဘေးအန္တရာယ်များ ဖြစ်ပေါ်နိုင်ခြေရှိလို့ ကျေးဇူးပြု၍ အလွန်သတိထားပါ။

Kyushu၊ Shikoku၊ Kinki နှင့် Tokai ဒေသများသည် 10 ရက်နေ့ ဝန်းကျင်အထိ မိုးအမြောက်အများ ရွာသွန်းနိုင်ဖွယ်ရှိပြီး နှစ်စဉ်ပုံမှန်လများထက် မိုးပိုရွာနိုင်လို့ အန္တရာယ်ရှိပါတယ်။
Kyushu‌ဒေသတို့တွင် လေများ ပြင်းထန်လာပြီး လှိုင်းများ ပိုမြင့်လာဖွယ်ရှိပါတယ်။

တိုင်ဖွန်းမုန်တိုင်းက ဖြည်းဖြည်းချင်းရွေ့လျားနေသောကြောင့် မိုးနှင့်လေတို့က အချိန်ကြာမြင့်စွာ ဆက်လက်တည်ရှိနေနိုင်ဖွယ်ရှိပါတယ်။ တိုင်ဖွန်းမုန်တိုင်း မချဉ်းကပ်မီ မိမိတို့နေထိုင်ရာဧရိယာတွင် မည်သည့်အန္တရာယ်များ ရှိနေကြောင်းနှင့် မည်သည့်နေရာသို့ ရွှေ့ပြောင်းရမည်ကို သိရှိရန်( ハザードマップ) အန္တရာယ်ရှိကြောင်းအသိပေးဖော်ပြထားတဲ့မြေပုံကို အသုံးပြုပါ။

07/08/2023

ယခုနှစ် ဇွန်လတွင် ဒုက္ခသည်များဆိုင်ရာ ဥပဒေကို ပြောင်းလဲခဲ့ပါတယ်။ အကယ်၍ ဒုက္ခသည်အဖြစ် အသိအမှတ်ပြုရန် စာရွက်စာတမ်းများကို သုံးကြိမ်ထက်ပို၍ တင်ပြပါက ပြည်တော်ပြန်ရပါမည်။
သို့သော်လည်း ဂျပန်နိုင်ငံတွင် မွေးဖွားကြီးပြင်းလာသော နိုင်ငံခြားကလေးများကို မိဘများနှင့်အတူ နိုင်ငံသို့ ပြန်မပို့သင့်ဟု ထင်မြင်ချက်ရှိခဲ့ပါတယ်။

ဂျပန်နိုင်ငံတွင် ရာဇ၀တ်မှုမှတ်တမ်းမရှိသော မိဘများကဲ့သို့သော သတ်မှတ်ထားသောအခြေအနေများနှင့် ကိုက်ညီပါက ကလေးများနှင့် မိဘများကို ဂျပန်နိုင်ငံတွင် နေထိုင်ခွင့်ပြုရန် အစိုးရက ဆုံးဖြတ်ခဲ့ပါတယ်။မူလတန်းမှ အထက်တန်းကျောင်းအထိ ကလေးများနှင့် သူတို့ရဲ့ မိဘများကို ထုတ်ပေးပါမည်။

ဂျပန်နိုင်ငံတွင် နေထိုင်ခွင့်မရှိသော အသက် ၁၇ နှစ်အောက် နိုင်ငံခြား ကလေး ၂၀၀ ခန့်ရှိကြောင်း သိရပါတယ်။ လူဝင်မှုကြီးကြပ်ရေး ဝန်ဆောင်မှုအေဂျင်စီက အဆိုပါကလေးများရဲ့ 70% ခန့်ကို ခွင့်ပြုချက်ရမည်ဟု စဥ်းစားထားပါတယ်။
ခွင့်ပြုချက်ရရှိပြီးသည်နှင့် အခြားခရိုင်တစ်ခုသို့ ပြောင်းရွှေ့နိုင်ခြင်း သို့မဟုတ် အချိန်ပိုင်းအလုပ်လုပ်နိုင်မည် ဖြစ်ပါတယ်။

04/08/2023

ဖူဂျီတောင်ကို ယူနက်စကို ကမ္ဘာ့အမွေအနှစ်အဖြစ် သတ်မှတ်ခဲ့တာ ၁၀ နှစ်ရှိပါပြီ။
Yamanashi စီရင်စုရဲ့ အဆိုအရ ဇူလိုင် ၁ ရက်မှ ၃၀ ရက်အထိ Yamanashi ဘက်ခြမ်းက Yoshidaguchi လမ်းမှ Fuji တောင်ပေါ်သို့ လူပေါင်း 64,000 ခန့် တက်ခဲ့ကြပါတယ်။
ကိုရိုနာဗိုင်းရပ်မဖြစ်ခင် 2019 ခုနှစ်ကထက် ဖူဂျီတောင်တက်သူပိုများလာပါတယ်။
Obon ပိတ်ရက်များတွင် တောင်တက်သူဦးရေပိုများပြီး တောင်တက်လမ်းက ကျဥ်းလို့ Yamanashi စီရင်စုက လူများစွာ တောင်တက်ခြင်းကို တားဆီးရန် ရဲများနှင့် ပူးပေါင်းရန် ဆုံးဖြတ်ခဲ့ပါတယ်။
တစ်ရက်အတွင်း လူပေါင်း 4,000 ကျော် တောင်တက်ပါက ခရိုင်အစိုးက တောင်တက်ခြင်းကို ရပ်တန့်ရန် စီစဉ်ထားပါတယ်။တောင်တက်သူအရေအတွက်ကို လေဆာ အာရုံခံကိရိယာဖြင့် စစ်ဆေးပါမည်။

SunS Myanmar

22/09/2023

07/09/2023

05/09/2023

01/09/2023

28/08/2023

26/08/2023

22/08/2023

17/08/2023

16/08/2023

08/08/2023

07/08/2023

04/08/2023

住所

営業時間

電話番号

ウェブサイト

アラート

ショートカット

共有する

月曜日	08:30 - 17:30
火曜日	08:30 - 17:30
水曜日	08:30 - 17:30
木曜日	08:30 - 17:30
金曜日	08:30 - 17:30