15/09/2026
អបអរសាទរ! កម្ពុជា ជាប់ចំណាត់ថ្នាក់លេខ១ ក្នុងតំបន់អាស៊ីអាគ្នេយ៍ ជាប្រទេសល្អបំផុតសម្រាប់អេកូទេសចរណ៍ និងឈរលេខ១៧ លើពិភពលោក
(ភ្នំពេញ)៖ កម្ពុជា បានជាប់ចំណាត់ថ្នាក់លេខ១ ក្នុងតំបន់អាស៊ីអាគ្នេយ៍ ជាប្រទេសល្អបំផុតសម្រាប់អេកូទេសចរណ៍ (Eco-Tourism) និងជាប់ចំណាត់ថ្នាក់លេខ១៧ ក្នុងចំណោមប្រទេសនានានៅលើពិភពលោក នេះបើយោងតាមចំណាត់ថ្នាក់របស់ U.S. News & World Report។
យោងតាមប្រភព U.S. News & World Report / SEA Infographics ខាងលើ កម្ពុជា ស្ថិតនៅចំណាត់ថ្នាក់លេខ១៧ ខណៈប្រទេសឡាវ ស្ថិតនៅលេខ២២, ថៃ លេខ៣៣, ម៉ាឡេស៊ី លេខ៤២, ហ្វីលីពីន លេខ៦០, ឥណ្ឌូណេស៊ី លេខ៦៧, មីយ៉ាន់ម៉ា លេខ៧៤, សិង្ហបុរី លេខ៧៧ និងវៀតណាម លេខ៨៩។
ចំណាត់ថ្នាក់នេះ បានបង្ហាញពីសក្តានុពលរបស់កម្ពុជា ក្នុងការអភិវឌ្ឍវិស័យអេកូទេសចរណ៍ ដោយកម្ពុជាមានធនធានធម្មជាតិដ៏សម្បូរបែប រួមមាន ព្រៃឈើ ភ្នំ ទឹកជ្រោះ បឹង ទន្លេ និងតំបន់ធម្មជាតិជាច្រើន ដែលអាចទាក់ទាញភ្ញៀវទេសចរជាតិ និងអន្តរជាតិ។
សូមរួមគ្នាការពារសម្បត្តិធម្មជាតិ ដើម្បីនាំមកនូវមោទនភាពជាតិ និងជាឧត្តមប្រយោជន៍ជាតិ និងប្រជាជនកម្ពុជាទាំងមូល៕
#ទេសចរណ៍កម្ពុជា
#អេកូទេសចរណ៍
![[English Below]🚴🌿 ទទួលយកបទពិសោធន៍ជិះកង់ក្នុងព្រឹត្តិការណ៍សមរាត្រីអង្គរនារដូវកាលបៃតងនេះ!ចូលរួមជាមួយយើងទទួលយកបទពិសោធន៍ជិះក...](https://img5.glotels.com/080/460/1679983410804604.jpg)
