27/07/2026
ចាប់តាំងពីបានបើកដំណើរការនៅខែវិច្ឆិកា ឆ្នាំ២០២២ មក Eightfold Urban Resort ត្រូវបានដឹកនាំ និងគ្រប់គ្រងដោយក្រុមការងារដែលមានបទពិសោធន៍ជាង ១០ ឆ្នាំក្នុងវិស័យបដិសណ្ឋារកិច្ច។ ដោយផ្អែកលើការប្តេជ្ញាចិត្តក្នុងការផ្តល់សេវាកម្មប្រកបដោយគុណភាព និងការយកចិត្តទុកដាក់ យើងបានខិតខំផ្តល់ជូនភ្ញៀវនូវបទពិសោធន៍ស្នាក់នៅប្រកបដោយផាសុកភាព និងស្តង់ដារលំដាប់អន្តរជាតិជាបន្ដបន្ទាប់។
យើងមានសេចក្តីសោមនស្សរីករាយយ៉ាងក្រៃលែង ក្នុងការប្រកាសថា នៅឆ្នាំ២០២៦ Eightfold Urban Resort ត្រូវបានជ្រើសរើសជាថ្មីម្តងទៀតសម្រាប់ពានរង្វាន់ Best of the Best Award ដោយទទួលបានចំណាត់ថ្នាក់ទី18th ក្នុងចំណោមសណ្ឋាគារល្អបំផុតនៅទ្វីបអាស៊ី។ កិត្តិយសដ៏មានតម្លៃនេះ គឺជាសក្ខីភាពនៃការខិតខំប្រឹងប្រែងរបស់ក្រុមការងារយើងទាំងមូល និងការគាំទ្រដ៏មានន័យពីសំណាក់ភ្ញៀវគ្រប់រូប។
យើងសូមថ្លែងអំណរគុណដោយស្មោះអស់ពីចិត្តចំពោះភ្ញៀវទាំងអស់ ដែលបានផ្តល់ទំនុកចិត្ត មតិយោបល់ និងការគាំទ្រយ៉ាងបន្តបន្ទាប់។ រាល់ការចែករំលែកបទពិសោធន៍ និងការវាយតម្លៃរបស់លោកអ្នក គឺជាកម្លាំងចិត្តដ៏សំខាន់ ដែលជួយជំរុញឱ្យយើងបន្តអភិវឌ្ឍ និងលើកកម្ពស់គុណភាពសេវាកម្មឱ្យកាន់តែល្អប្រសើរឡើង។
សៀមរាប គឺជាទីក្រុងតូចតែបេះដូងធំ ដែលពោរពេញទៅដោយភាពកក់ក្តៅ ស្នាមញញឹម និងបដិសណ្ឋារកិច្ចដ៏ស្និទ្ធស្នាល។ ជាទីក្រុងដែលសម្បូរទៅដោយបេតិកភណ្ឌវប្បធម៌ និងប្រវត្តិសាស្ត្រដ៏អស្ចារ្យ សៀមរាបគឺជាផ្ទះរបស់ប្រាសាទអង្គរវត្ត ដែលជាបេតិកភណ្ឌពិភពលោកដ៏ល្បីល្បាញ និងជាគោលដៅដែលទាក់ទាញអ្នកដំណើរមកពីគ្រប់ទិសទី។
យើងទន្ទឹងរង់ចាំស្វាគមន៍លោកអ្នក មកស្នាក់នៅជាមួយយើងម្តងទៀតនាពេលឆាប់ៗខាងមុខ ដើម្បីបង្កើតអនុស្សាវរីយ៍ដ៏អស្ចារ្យ ជាមួយគ្នាម្តងទៀត។
ដោយក្តីគោរព និងក្តីរាប់អានយ៉ាងជ្រាលជ្រៅ
ក្រុមការងារ Eightfold Urban Resort។
……….
Since opening in November 2022, Eightfold Urban Resort has been proudly managed by a dedicated team with over 10 years of hospitality experience, delivering world-class service and accommodation.
We are thrilled to announce that in 2026, we once again were nominated for the Best of the Best Award, ranking as the 18th best hotel in Asia.
We extend our heartfelt thanks our guests as this milestone would not have been possible without your valuable feedback and continued support. Thank you for trusting us and helping us grow.
Siem Reap — a relatively small city with a big heart and a warm welcome hospitality for every traveler seeking meaningful cultural exploration. It offers travelers a rich tapestry of ancient temples, highlighted by the world-famous Angkor Wat.
We look forward to welcoming you, and of course you 😉 again soon.
Warmest regards,
The meanagement,
Eightfold urban resort.
