01/09/2025
✅🐷ປອດໝູສູ່ປອດຄົນ ນັກວິທະຍາສາດປະເທດຈີນປູກຖ່າຍປອດໝູ ແລະ ສາມາດຜ່າຕັດໃສ່ຄົນໄດ້ສຳເລັດເປັນຄັ້ງທຳອິດ.
ໃນວັນທີ 26 ສິງຫາ ປີ 2025 ທີ່ຜ່ານມາ ນັກວິທະຍາສາດປະເທດຈີນ ສາມາດປູກຖ່າຍປອດໝູຜ່ານການດັດແປງພັນທຸກຳສູ່ຮ່າງກາຍຂອງຄົນໄດ້ສຳເລັດເປັນຄັ້ງທຳອິດ ເຖິງວ່າປອດເປັນເປັນອະໄວຍະວະທີ່ຊັບຊ້ອນສຳລັບການປູກຖ່າຍ ແຕ່ໃນການພັດທະນາຄັ້ງນີ້ຖືວ່າເປັນບາດກ້າວໃໝ່ຂອງການທົດລອງທາງຄີນິກ.
ທາງແພດໄດ້ຜ່າຕັດປອດໃຫ້ຊາຍຊາວຈີນ ອາຍຸ 39 ປີ ທີ່ມີພາວະສະໝອງຕາຍ ເຊິ່ງເປັນປອດທີ່ໄດ້ຮັບການດັດແປງຍີນ 6 ຕໍາແໜ່ງ ເພື່ອໃຫ້ເໝາະສົມສຳລັບຮ່າງກາຍຂອງຄົນ, ພາຍຫຼັງຊາຍຄົນດັ່ງກ່າວໄດ້ຮັບການຜ່າຕັດ ປອດມາສາມາດເຮັດວຽກໄດ້ຢ່າງປົກກະຕິ 9 ມື້, ໂດຍບໍ່ໄດ້ມີການຕໍ່ຕ້ານຈາກຮ່າງກາຍ ແລະ ບໍ່ມີການຕິດເຊື້ອ.
ຜູ້ອໍານວຍການອົງກອນປູກຖ່າຍອະໄວຍະວະແຫ່ງຊາດ ການພັດທະນາການປູກຖ່າຍປອດໝູເພື່ອນໍາໃຊ້ກັບຄົນແມ່ນມີຄວາມສຳຄັນຫຼາຍ ເນື່ອງຈາກປອດເປັນອະໄວຍະວະທີ່ປູກຖ່າຍຍາກ ມີຄວາມສົມດຸນທາງຊີວະພາບທີ່ລະອຽດອ່ອນ ຮອງຮັບການໄຫຼຂອງເລືອດສູງ ແລະ ເປັນອະໄວຍະວະທີ່ຕ້ອງສຳພັດກັບອາກາດຕະຫຼອດເວລາ ຈຶ່ງເຮັດໃຫ້ເປັນອະໄວຍະວະທີ່ມີຄວາມອ່ອນໂຍນ.
ທັ້ງນີ້, ປັດຈຸບັນມີຄົນເຈັບຢູ່ຈີນ ແລະ ອະເມຣິກາ ຈໍານວນ 6 ຄົນທີ່ໄດ້ຮັບອະໄວຍະວະຈາກໝູທີ່ຜ່ານການດັດແປງທາງພັນທຸກຳເຊັ່ນ: ຫົວໃຈ, ຕັບ, ໄຕ ແລະ ປອດ ເຊິ່ງການປູກຖ່າຍຫົວໃຈຈາກໝູສູ່ຄົນຄັ້ງທຳອິດໃນປີ 2022 ແລະ ໃນປີ 2025 ກໍມີການປູກຖ່າຍປອດ ເຊິ່ງເປັນອະໄວຍະວະທີ່ປູກຖ່າຍຍາກທີ່ສຸດ ແລະ ເປັນສິ່ງທີ່ໜ້າຍິນດີ ທີ່ເຮົາໄດ້ເຫັນການພັດທະນາທາງດ້ານການແພດຂອງປະເທດຈີນ.
ແຫຼ່ງຂໍ້ມູນ: China Xinhua News
#ຄວາມຮູ້ #ປອດ #ຈີນ #ລາວໂພສ
