ຄ.ພ.ພ & ຈົດໝາຍຂ່າວຊາວພຸດ

05/08/2024

ພຣະຄຳພັນ ສິດເກົ່າ ຄພພ ຮຸ່ນທີ່ 7
ປັດຈຸບັນທຈຳພັນສາຢູ່ທີ່ ວັດພຣະເຈົ້າໃຫຍ່ອົງຕື້
ບ້ານນາໂຊກ ເມືອງຍົມມະລາດ ແຂວງຄພມ່ວນ

12/02/2024

ແຈ້ງການ

ນະມັດສະການ: ພຣະອາຈານປະທານອົງການພຸດທະສາສະໜາສັມພັນລາວ ນະຄອນຫຼວງວຽງຈັນ ແລະ ພຣະອາຈານປະທານອົງການພຸດທະສາສະໜາສັມພັນລາວແຂວງ ໃນຂອບເຂດທົ່ວປະເທດ
ເລື່ອງ: ການຈັດງານບຸນປະເພນີ ປີໃໝ່ລາວ ປະຈຳປີ ພສ ໒໕໖໖.

ອີງຕາມ ທັມມະນູນສົງລາວ (ສະບັບປັບປຸງ), ສະບັບເລກທີ 96/ອພສ, ລົງວັນທີ 15 ທັນວາ 2022, ອີງຕາມ ມະຕິກອງປະຊຸມປະຈຳເດືອນ ມັງກອນ ຂອງຄະບໍລິຫານງານປະຈຳການ ສູນກາງອົງການພຸດທະ ສາສະໜາສັມພັນ ແຫ່ງ ສປປ ລາວ, ຄັ້ງວັນທີ 22 ມັງກອນ 2024.

ສູນກາງອົງການພຸດທະສາສະໜາສັມພັນແຫ່ງ ສປປ ລາວ ຂໍນະມັດສະການແຈ້ງມາຍັງພຣະອາຈານຊາບວ່າ: ການຈັດງານປີໃໝ່ລາວ ປີນີ້ ແມ່ນມີ 4 ວັນຄື: ວັນທີ 13, 14, 15 ແລະ 16 ເດືອນ ເມສາ 2024 ເພື່ອໃຫ້ມີຄວາມ ເປັນເອກະພາບກັນໃນການຈັດງານ ທາງສູນກາງ ອພສ ຈຶ່ງອອກແຈ້ງການດັ່ງນີ້:

1. ເນື່ອງຈາກວ່າ ເດືອນ ກຸມພາ ປີ 2024 ແມ່ນຈະໝົດເດືອນໃນວັນທີ 29 ເຊິ່ງປີໃດໝົດ 29 ປີນັ້ນຈະມີທັງໝົດ 366 ວັນ, ການຈັດງານບຸນປີໃໝ່ລາວ ຈະປະກອບມີວັນເນົາຢູ່ 2 ວັນຄື: ວັນທີ 14 ແລະ 15 ເມສາ 2024;

2. ຂໍໃຫ້ທາງ ອພສ ນະຄອນຫຼວງວຽງຈັນ ແລະ ອພສ ແຂວງໃນຂອບເຂດທົ່ວປະເທດ ຈັດຕັ້ງປະຕິບັດ ຢ່າງເປັນເອກະພາບຮ່ວມກັນ ໃນຂອບເຂດທົ່ວປະເທດ. ດັ່ງນັ້ນ, ຈຶ່ງແຈ້ງມາຍັງທ່ານເພື່ອຮັບຊາບ ແລະ ຈັດຕັ້ງປະຕິບັດຕາມຢ່າງເປັນເອກະພາບ.

ປະທານສູນກາງອົງການພຸດທະສາສະໜາສັມພັນ ແຫ່ງ ສປປ ລາວ

ພຣະອາຈານໃຫຍ່ ມະຫາບຸນມາ ສັມມາພົມ

18/12/2023

18/08/2023

18/08/2023

ນິມົນ/ເຊີນ ສິດສານຸສິດຂອງ ມື້ລາງພຣະອາຈານໃຫຍ່ ມະຫາຊາລີ ກັນຕະສີໂລ ຮ່ວມບຸນທັກຂິນານຸປາທານ ອຸທິດກຸສົນ 10 ປີ ການຈາກໄປຂອງພຣະອາຈານ ວັນທີ 8-17 ກັນຍາ 2023
- ກິດຈະກຳອຸປະສົມບົດໝູ່ 80 ອົງ
- ຜ້າປ່າ 80 ກອງ
ທີ່ ສຳນັກວິປັສນາກັມມະຖານ ວັດປ່ານາຄນນ້ອຍ

16/08/2023

https://youtu.be/4fBaDwELc5g

ສາລະຄະດີ ຈິດຕະກຳນຳທາງ ຈະພາທ່ານໄປສຳຫຼວດ ຈິດຕະກຳບູຮານອັນຊົງຄຸນຄ່າ ທີ່ຮັກສາໄວ້ໃນບູຮານສະຖານທົ່ວປະເທດ. ຕອນທີ 2 ...

16/08/2023

ພິທີສາມິຈິກຳທຳຄອງວັດຕໍ່ພຣະມະຫາເຖຣະ ຄະນະປະທານ ຄະນະທີ່ປຶກສາ ສູນກາງ ອົງການພຸດທະສາສະໜາ ແຫ່ງ ສປປ ລາວ ໄດ້ຈັດຂຶ້ນໃນຕອນບ່າຍ ຂອງວັນທີ 15 ສິຫາ 2023 ທີ່ຫໍທັມມະສະພາ ວັດພຣະທາດຫຼວງເໜືອ ເມືອງໄຊເສດຖາ ນະຄອນຫຼວງວຽງຈັນ
​ເມດຕາເປັນປະທານພິທີໂດຍ ພຣະອາຈານໃຫຍ່ ມະຫາບຸນມາ ສິມມາພົມ ປະທານສູນກາງອົງການພຸດທະສາສະໜາສຳພັນແຫ່ງ ສປປ ລາວ ພ້ອມດ້ວຍຄະນະບໍລິຫານງານປະຈຳການສູນກາງ ອພສ, ຄະນະ ອພສ ສູນກາງ ພ້ອມດ້ວຍຄະນະສົງຈາກ 9 ຕົວເມືອງໃນນະຄອນຫຼວງວຽງຈັນ ຕະຫຼອດຮອດຄອບຄົວການນຳ ແລະ ອົງການຈັດຕັ້ງທຸກພາກສ່ວນເຂົ້າຮ່ວມຢ່າງຫຼວງຫຼາຍ

ການເຮັດສາມີຈິກຳ ເປັນການຮັກສາຄອງວັດຂອງສົງຢ່າງໜຶ່ງ ທີ່ພິກຂຸສາມະເນນຄວນປະຕິບັດຕໍ່ກັນ ແລະ ກັນ ເຊິ່ງພຣະຜູ້ນ້ອຍຄວນເຮັດຕໍ່ພຣະຜູ້ໃຫຍ່ ເພື່ອຄວາມສາມັກຄີ ແລະ ຄວາມຜາສຸຂຂອງໝູ່ສົງ ຄວາມປະພຶດດີງາມນີ້ເອີ້ນວ່າ ສາມີຈິກຳ ໝາຍເຖິງ ການຂໍຂະມາໂທດກັນທຸກໂອກາດ ບໍ່ວ່າຈະມີໂທດຂັດຂ້ອງໝອງໃຈກັນ ຫຼື ບໍ່ກໍຕາມ ໂອກາດທີ່ຄວນເຮັດສາມີຈິກໍານັ້ນນິຍົມເຮັດໃນໄລຍະເຂົ້າພັນສາ.

------------------------------------------
ຂອບໃຈ ພາບ ແລະ ຂ່າວ
ຄັດຈາກ ເພຈ: ກັມມາທິການເຜີຍແຜ່ສີລະທັມ ແລະ ປະຕບັດກັມມະຖານ ສູນກາງ
https://www.facebook.com/media/set/?vanity=Laomeditation&set=a.331338295903249