Heritage Ruhuna

22/06/2026

Heritage ruhuna wellness garden
0094702050112

20/06/2026

TrueFreedom Only

18/06/2026

ලංකාවේ පැරණි වඳ වී යන පලතුරු අතර හිඹුටු හැඳින්විය හැකිය .
ඈත අතීතයේ හිඹුටු ජනප්‍රිය වුවද අද වන විට සමහරක් දෙනා නොදන්නා පලතුරක් බවට පත්වී ඇත. පැරණි අතීත ජනප්‍රවාද කවි ගී වලද හිඹුටු පලතුර ගැන සඳහන් වේ.

🍒 උද්භිත විද්‍යාත්මක නාමය Salacia chinensis වන අතර
Hippo celastraceae කුලයට අයත් වේ.

🍒 හිඹුටු තෙත් කලාපය ආශ්‍රිතව කුඩා වන ලැහැබ් වල හා කඳු ආශ්‍රිතව ස්වභාවික වැවුණු පලතුරකි. කිසිසේත්ම වගා කිරීම සඳහා එක් නොකරගත් පලතුරක් ලෙස හිඹුටු හැඳින්විය හැකියි. දකුණු ආසියාතික රටවල හිඹුටු ශාකය දක්නට හැකියි.

🍒 හිඹුටු වැලක් ලෙස වර්ධනය වන ශාකයකි. අඩි 20 ක් 30 පමණ දිගට වැල් වැඩේ. හොදින් වැඩුණු වැලක කඳ අඩි 1පමණ විශ්කම්භයකින් යුතු වේ.. ගස් වල එතෙමින් වැඩිම ප්‍රිය කරයි.. විශාල හිඹුටු වැල් ඇබරි ගස් වල එති වර්දනය වේ.

🍒Chinese salaciya ▪️Lolly berry ▪️saptachakra
යන නම් වලින් හඳුන්වයි.

🍒 හිඹුටුවැල් වල අතු රිකිලි දිගේ මල් හා ගෙඩි රාශියක් හටගනී.
හිඹුටු මල් කහ හා කොළ මිශ්‍ර පැහැති මල් වේ. ඉදුණු හිඹුටු ගෙඩි ඉතා ලස්සන තැඹිලි පැහැයක් ගනී.
එහි ඇතුළත මදය තැඹිලි පැහැයට හුරු ජෙලිමය ස්වභාවයකින් යුතු ය
එහි ඇතුළත බීජ තුනක් පමණ ඇති අතර .මිලි මීටර් 10ක් 25ක් පමණ ගෙඩියක ප්‍රමාණය වේඇතුලත මදය කොමඩු රසැති සීනිබෝල මෙන් දියවෙන සුළු ඉතා ප්‍රනීත පැණි රසකින් යුතු වේ.

🍒 ප්‍රණීත පලතුරක් වන හිඹුටු ස්වභාවික වනාන්තරවල ඇතැයි සොයා ගෙන ඇති අතර ඒවා ඉතාමත් ප්‍රනීත රසයකින් යුතුය. දැනට ගවේෂණ මගින් සොයාගෙන ඇති වර්ග එතරම් ප්‍රණීත( පැණි රස ) රසයක් නොමැති බව සඳහන් වේ.

🍒 මුල් වලින් හට ගන්නා පැල මගින් ප්‍රචාරණය සිදු වන බව පැවසේ. බීජ මඟින් ප්‍රචාරණය එතරම් සාර්ථක නොවේ. කෙසේ නමුත් හිඹුටු පිළිබඳ තොරතුරු ඉතා අල්පය

🍒 හිඹුටු ශාකයේ මුල් දියවැඩියා රෝගය සඳහා ඖෂධ වශයෙන් භාවිතා කරන බව පැවසේ
🍒 හිඹුටු පලතුර සහ ශාකයේ කොටස් ආයුර්වේද ඖෂධ සඳහා භාවිතා කර ඇත.. 🍒ඉන්දියාව හා තායිලන්තය ආදී රටවල බහුලව වැවෙන හිඹුටු ඖෂධිය ශාකයක් ලෙස සැලකේ.
🍒 උදරාබාධ. ඇඟපත වේදනාව ආදී රෝග සඳහා ශාකයේ කොටස් කසාය වශයෙන් සකස් කරන බව පැවසේ.

🍒 උද්‍යාන අලංකරණයට යොදා ගත හැකි ශාකයකි. එසේම අඩු ඉඩ කඩක දී බඳුනක වුවද වගා කරගත හැකියි.

තොරතුරු -
#ඉඳුවරි වර්ණකුලසූරිය

17/06/2026

මෙම ශාකය ආඩතෝඩා, වං ඇපල, අගල් අාදාර හා පාවට්ටා වන නම් වලින් ලංකාවේ විවිධ පලාත්වලදී හැඳින්වේ. මෙය අඩි 3-10 දක්වා අතර උසට වැඩෙන බහුවාර්ෂික පඳුරකි. මෙම ශාකය බෙහෙවින් වැවෙන්නේ පහතරට වියළි ප්‍රදේශවලයි. මෙම ශාකය ඉන්දියාවේ හා මලයාවේද වැවේ. ආඩතෝඩා කොළය අඟල් 6-12 දක්වා දිගැතිය. ලන්සාකාරය. එහි කෙලවර තියුණුය. කෙටි හා දැඩි කක්ෂිය ශුකිවල කුඩා සුදු මල් හටගනී. නිපත්‍ර අඟලක් පමණ දිගය. මලේ මුකුටය ද්වීකෝෂ්ටීය වේ. මල් වැඩි වශයෙන් හටගනුයේ නොවම්බර් හා දෙසම්බර් යන මාස වලයි. ආඩතෝඩා ඵලය ස්ඵෝටිකාවකි. එය අඟල් 3/4 පමණ දිගය.

ඖෂධීය වටිනාකම

එය සෙම් රෝග, රත් පිත් රෝග, ස්වසන අපහසුතා ඇතිකරවන රෝග, උණ, වමනය, ප්‍රමේහ රෝග හා කුෂ්ට රෝග නසයි. දේශීය වෛද්‍ය කර්මවලදී තැම්බුම්, මැල්ලුම්, පත්තු, ඉසකුඩිච් හා කෂාය සඳහා ආඩතෝඩා කොළ ගනු ලැබේ. බොහෝ විට “ආඩතෝඩා පංචාංගය“ හෙවත් කොළ, මුල්, මල්, පොතු හා නැටි යන පස් පංගුවම ගනු ලැබේ. ආඩතෝඩා යොදාගෙන නිපදවනු ලබන ප්‍රකට ඖෂධ රැසක් ඇත. වාසාවලේහය, වාසාහරිතක්‍යාදී ලේහය, වාහක පංචාංගය, වාසකාරිෂ්ටය ඉන් සමහරක්ය. මේවා රත්පිත් රෝග, ක්ෂය රෝග සහ ශ්වසන රෝග වලදී භාවිත කෙරේ. මෙහි සඳහන් “වාසක“ යන වදන ආඩතෝඩා සඳහා භාවිත වන සංස්කෘත වචනයයි.

“ශාක ලෝකය සහ ශ්‍රී ලංකාවේ ඖෂධීය ශාක“ කෘතිය ඇසුරිනි_
(සරත් රණවීර සහ රේඛා රණවීර )

16/06/2026

Wir setzen uns ständig dafür ein, Ihr privates Ayurveda-Erlebnis zu einer unvergesslichen Erinnerung in Ihrem Leben zu machen.

14/06/2026

14/06/2026

හීං දෙමට - Gmelina asiatica L.
නම: හීං දෙමට
විද්‍යාත්මක නම: Gmelina asiatica L.
පවුල: VERBENACEAE (නිර්ගුණ්ඩි කුලය)
සමාන පද: දෙමට, ගැට දෙමට, කැටි දෙමට, කහ දෙමට
ඉංග්‍රීසි නම: Asian Bushbeech
දෙමළ නම: කඩම්බල්, කුමිල්
සංස්කෘත නම: බිදාරි, ගෝපභද්‍ර, විකර්නි
භාවිතා කළ හැකි කොටස්: මල්,ගෙඩි, පොතු සහ මුල්
උප විශේෂ: හීං දෙමට ඇත්දෙමට
දෝෂ කර්ම: කඵ නාශක, ප්‍රධාන කාසහර, ජ්වරඝ්න, ශූලහර, ශෝථහර, බලකාරක
ගුණ කර්ම: රස - තික්ත. කෂාය ගුණ - ලඝු, රූක්ෂ වීර්යය - උෂ්ණ විපාක - කටු
රසායනික ගුණ: පත්‍ර හා නොමේරූ අතුවල mucilage අඩංගු ය. Glycosidic සංයෝග ද අඩංගු බව වාර්තා වුව ද saponin අඩංගු නොවේ. බීජ වලින් කොළ පාටට හුරු කහ පැහැ semi-drying fatty oil 7.5% අඩංගු ය.
චිකිත්සක භාවිතයන්: ව්‍රණ, ක්ෂත, පෙනහළු ආශ්‍රිත රෝග වලදී, ප්‍රදාහ, ශ්වාස, කාස, සුදු බිංදුම, සන්ධි ශෝථ, විරංග, උණ, භග්න, චිකිත්සාවේ දී. වණ, ක්ෂත,ස්වසනාළ, ප්‍රදාහය, පෙනහලු, ආසාදන,ඇදුම,කස්ස, සුදු බිංදුම( ගොනෝරිය) නම් සමාජ රෝගය, සන්දි ඉදිමීම, ථිරංග නම් සමේ රෝගය, කැඩුම් බිදුම් ආදිය සදහා ප්‍රතිකාර කිරීමට හීං දෙමට ශාකයේ මල්, ගෙඩි, පොතු, මුල්, ආදිය භාවිතා කරයි. දෙමට සෙම නසන,ඇඳුම,කැස්ස,වේදනා,ඉදිමුම්, ආදිය සුව කරන ගුණ සහිතයි.
හීං දෙමට යොදා නිපදවන ඖෂධ: දෙමට පැණිය, දෙමට මල් කල්කය හීං දෙමට යොදා නිපදවන ඖෂධයන්‍ ය. සුරංවිදුර ගුළිය ඇඹරීමේ මාත්තුවක් ලෙස දෙමට ගෙඩි යුෂ යොදා ගනී.
වෙනත් භාවිතයන්: යාගහෝම වලදී භාවිතා කරයි. කමත් වැඩ සඳහා යොදා ගනී. ඉන්ධන ලෙස යොදා ගනී. ඵලය ආහාරයට ගනී. රා පැසවීමේ දී හා බුලත් විට සඳහා පොතු භාවිතා වේ. ගෙවතු අලංකරණයේ දී භාවිතා වේ.
වෙනත් විස්තර:
විශාල ලෙස විහිදුණු හෝ බිම මත වැතිරුණු පතනශීලි පඳුරකි. බෙහෙවින් දැඩි ය. මීටර් 3 ක් පමණ උස හෝ දුර්ලභ ව උප සදාහරිත මීටර් 8 ක් පමණ උස ගසක් විය හැකි ය. සමහර විට බිම ඇදී යන ස්වභාවයකි. සාමාන්‍යයෙන් කටු සහිත ය. බෙහෙවින් අතු බෙදේ. විවිධාකාර ප්‍රමාණ හා ස්වරූප සහිත ය. පොත්ත කහ හෝ දුඹුරු පැහැයට හුරු සුදු පැට ය. තුනී ය. සිනිඳු ය. ලීය දැඩි හා අළු පාට ය. ශෘඛිකා සමාන්තර ය. දැඩි ය. බොහෝවිට පැතලි වේ. ළපටි විට බූ සහිත හෝ විලුද වැනි ය. පත්‍ර කුඩා ය. වෘන්ත සෙ.මී. 0.5-3 පමණ දිග ය. සිහින් ය. පත්‍ර තලය පටලමය හෝ කඩදාසි වැනි ය. අණ්ඩාකාර හෝ අණ්ඩාකාර සිට ඉලිප්සාකාර, ප්‍රත්‍යණ්ඩාකාර, උපරොම්බීය හෝ ත්‍රිකෝණාකාර වටයකින් යුක්ත ය. සෙ.මී. 1-9.5 පමණ දිග ය. තද පැහැ දිලිසෙන මතුපිටකි. පුෂ්ප මංජරිය කක්ෂීය හා අග්‍රස්ථිය යි. පහළට එල්ලෙමින් පවතින ස්වභාවයකි. පුෂ්ප විශාල ය. පුෂ්ප මංජරිය සෙ.මී. 2.5-5 පමණ ය. කහ හෝ දීප්තිමත් ගෙන්දගම් කහ පාට ය. දිග සෙ.මී. 4-5 කි. ද්වීඕෂ්ඨීය යි. බාහිර ව රතු පැහැ සියුම් බූවකි. ඵලය අණ්ඩාභ හෝ ප්‍රත්‍යණ්ඩාභ-පේර හැඩති ය. ඉදීමේ දී කහ පාටට හැරේ. බීජ 1-2 දරයි.

13/06/2026

13/06/2026

අශෝක පොතු, ඇට සහ මල් ආයුර්වේද ඖෂධයි. අර්ශස් රෝගයට හා ප්‍රදර රෝගයට අශෝක පොතුවලින් සාදා ගත් ඖෂධ පාවිච්චි කරති. අශෝක මල් ලේ අතීසාරයට වටිනා පිළියමකි. උද්‍යාන අලංකරණය සඳහාද යොදාගත හැකි බි‍ඟුන් ආකර්ෂණය වන සෙවණැති ශාකයකි .

13/06/2026

🥣 ළදරුවන්ගේ රත ගාය, රත කුෂ්ඨ, සමේ ඇතිවන දිලීර ආසාදන සහ විවිධ චර්ම රෝග සඳහා ඖෂධීය ස්නානය සඳහා යොදාගනී. . 🕵️ඇස් රෝග සඳහා රත්මල් තැම්බූ ජලයෙන් ඇස් සේදීම සම්ප්‍රදායික ක්‍රමයක් වේ. කාන්තාවන්ගේ අධික හෝ අවිධිමත් ඔසප්වීම පාලනය කිරීමට ද යොදා ගනී.
🌼🦋🐝ගෙවත්තට සමනලුන් ආකර්ෂණය කරවන ශාකයක් ලෙසද උද්‍යාන අලංකරණයේදී යොදාගත හැකි වටිනා ශාකයකි.