Hotel Villu Villa

01/02/2024

#රෝදඋඩජීවිතේ
@

24/01/2024

25/04/2023

විසි කරන ටිකට් කෑල්ලටත් වටිනාකමක්.
******************************************
තාත්තලාගේ දවසේ තාත්තා එක්ක එන්න ප්‍රසංගයේ ටිකට් 500 ක් තියෙනවා. ඒවායේ මිල ගනන් වෙන්නෙ 5000/. 2500/. 1000/.

සාමාන්‍යයෙන් අපි වැඩසටහනක් වෙනුවෙන් ටිකට් එකක් මිලදී ගෙන ඒක ප්‍රසංග දොරටුවට දුන්නම ඒක දෙකට ඉරල දානවා. ඉතුරු ටිකට් කෑල්ල ප්‍රසංගයෙන් පස්සෙ කුණු කූඩයට.

ඒත් "තාත්තා එක්ක එන්න" ප්‍රසංගයේ ඉතුරු වෙන ටිකට් කෑල්ලටත් අපි වටිනාකමක් දෙනවා.

ඒ ඉතුරු වන ටිකට් කෑල්ල,
ප්‍රසංගය දවසෙ අපි ගහන නිල මුද්‍රා සලකුණ සහිතව,
ARES LANKA Eyewear and Hearing Aids ආයතනයට,
ජූනි 19 න් පස්සෙ
ඔක්තෝම්බර් 18 වෙනිදාට කලින්,
ගිහින් දුන්නොත්,
එම ආයතනයෙන් මිලදී ගන්නා,
ඕනෑම කන්නාඩි කුට්ටමක් සදහා,
40% ක වට්ටමක් ලැබෙනවා.

ටිකට් කෑල්ල අරන් යන ඕනෑම කෙනෙකුට ඒ වාසිය ලැබෙනවා.

මේ 40% වට්ටම ආරාධනා පත්‍ර සදහා මෙන්ම සියලුම මිල ගන වල ටිකට් සදහා ලබා දෙන බවට එහි අධිපති ධම්මික සම්පත් මහතා පොරොන්දු වෙලා තියෙනවා.

මේ වැඩේ සම්බන්ධීකණය කලේ මා හිතවත් අජිත්.

අද කාලෙ කන්නාඩි වල මිල ගනන් එක්ක මේක හැමෝටම හොදම අවස්ථාවක් කියල මට හිතෙනව.

ඔබ තාත්තාව ස්පර්ශ කරගෙන ටිකට් කැබැල්ලෙනුත් ප්‍රයෝජනයක් ගන්න. ඔබට, අම්මාට තාත්තාට, දරුවෙකුට, යාලුවෙකුට, අවශ්‍යතා ඇත්තෙකුට.

මේ වට්ටම තාත්තලාගේ දිනයට පදනම් ආයතනය සිසාරා ගලන තාත්තලාගේ ආදරය වෙනුවෙන්මයි.

එන්න අපි අලුත් ඇස් වලි ලෝකය දකිමු. අලුතින් ලෝකය දකිමු. කොල කැබැල්ලක්වත් විසි නොකරමු. විසි කරන කොල කැබලි එකතු කරල ලෝකය හදමු!

තාත්තලාගේ දවසට (ජූනි 18) තාත්තලාට හොදම තෑග්ග තාත්තා එක්ක එන්න

තාත්තා නැති නම් තාත්තාගේ මතකය අලුත් කරන්න තාත්තා එක්ක බලන්න එන්න

ටිකට්ස් සදහා අමතන්න 0777398111
අරවින්ද හබක්කල.

(මට මෙන්ම තව කෙනෙකුට සහනයක් පිනිස ශෙයා කර දෙන්න)

19/04/2023

තාත්තා එක්ක එන්න ප්‍රසිද්ධ රැගුම් පාලක මණ්ඩලයේ අනුමැතියට භාර දුනිමි!

17/04/2023

තාත්තා එක්ක එන්න

01/04/2023

සබරගමු මිටියාවතේ වෙල් එළි මැද අකුරු අමුණා ඔහු විසින් සිර කරවූ මාණික්කාවතේ කෙටිහාමි තාත්තාගේ අධිශ්ඨාන ශක්තිය මින්නේරි ඔය ජනපදයේ සරුපස අතර අලුත් පරම්පරාව සඳහා පැලකර යන පලබර හෝරා කීපය.

10/03/2023

තාත්තා එක්ක එන්න.

14/02/2023

මහේශ් නිශ්ශංක, මස්ඉඹුල, රවී සිරිවර්ධන, සුනීර සුමංග, පීටර් රොසයිරෝ එකතු වන ගීතමය භාෂා පෙලහර සමග "තාත්තා එක්ක එන්න" ලංකාවේ පලමු වැඩසටහන මාර්තු 18 වෙනි සෙනසුරාදා හවස 6.15 ට අනුරාධපුර යොවුන් නිකේතනයේදී.

ටිකට්ස් (රු 500/, 1000/, 3000/, 5000/) එදින දොරටුවෙන් ලබාගත හැක.

සංවිධානය නීතීඥ අරවින්ද හබක්කල.

0777398111

31/01/2023

තාත්තා එක්ක එන්න.
***********************
මට මියගිය තාත්තා නැවත රැගෙන ආ නොහැක. ඉපදුන හැමෝම මිය යා යුතුය. මරනින් මතු දිවියක් විශ්වාස නොකල ඔහු වෙනුවෙන් කිසිවකුට බත් ගිල්ලවා මට ආත්ම තෘප්තියකුත් නොමැත.

තාත්තා මිය ගිය දින සිට අද දක්වා මා ඔහු වෙනුවෙන් කදුලක් නොසැලූ දිනයක් නැති තරම්ය. මිනිසුන් මට හිනා වෙන තරමට මා ඔහු ගැන වැලපෙමින් සිටිමිය. පනස් වියැති පිරිමියෙකුට නොගැලපෙන තරම්ම මා හඩමිය.

ඔවු අපේ රටේ පිරිමි අඩන්නෙ නෑ. ඇඩුවත් පොඩි කාලෙ විතරමයි. අඩන්නෙ හිත හයිය නැති පිරිමි. ගෑනු වගේ පිරිමි.

පිරිමි අඩන්න ඕනෙ රහසින්. කාටවත් නොපෙනෙන්න.

පිරිමින්ට අන්දලා තියෙන මේ සීතාම්බර සලුව ගලවල කීතු කරල දාන්න ඕනෙ.

එන්න තාත්තලාව දකින්න. මගේ තාත්තාව නෙමෙයි ඔබේ තාත්තාව දකින්න. මග ඇරුන තාත්තාව හොයා ගන්න. අම්මලා විසින් අයිති කරගත් දරු සෙනෙහස නිසා හුදකලා වුන තාත්තලාගේ ඛේදවාචකය ස්පර්ශ කරන්න.

තාත්තේ මට ඔයාව මැවිලා පේනවා
ඔයා මා ළගම දැවටෙනවා.ලෝකෙ හොදම තාත්තා ඔයා. ඔව් උඹලටත් උඹලගෙ තාත්තාලා ගැන එහෙම හිතෙන්නම ඕනෙ.

"සැන්දෑ අහසේ රන්වන් පාටය ඔබ මට හිරු වාගේ." සුනීර ගයාවි. ප්‍රවින් වයාවි. හෙලානා සවුන්ඩ්ස්. මහේශ් හා මස් ඉඹුල කතා කරාවි.

හුනු කැටේ නිල් ගාලා පාට කරපු අතීතේ.... බෝටා සපත්තු දාලා හාරා කලිසම ඇදපු අතීතේ.. පාට සපත්තු දෙකක් ගන්න පෙරුම් පුරපු අතීතේ....

තාත්තව දැක්ක අම්මා බුදු වෙන්නම ඕනෙ.

තාත්තා එක්ක එන්න
මාර්තු 18.
හවස 6.15.
අනුරාධපුර යොවුන් නිකේතනය.

දැනට ටිකට්ස් ඇති තැන්.
ටිකට් මිල 5000/ 3000/ 1000/ 500/

අයිෆල්.
වෝකර්‍ර්ස්.
අලංකුලම.
සමුද්‍රා පොත් හල.
ඩොක්ටර් කරුනාතිලක ඩිස්පෙන්සරි.
ලියාන් සෙලියුලර්.
(ලාභය පොඩි උන්ගෙ සපත්තු වලට)

අරවින්ද හබක්කල
0777398111

28/01/2023

කාන්තාවන් දෙදෙනෙක්.
***************************
පලවෙනි ෆොටෝ එකේ මිහින්තලේ, සියඹලාගස්වැව තෙලිගු ගම්මානයේ එස් .වසන්තා. සති අන්තයට අනුරාධපුර කාගිල්ස් එක ගාවට එනවා කීයක් හරි ඉල්ල ගන්න. තවත් දරුවෙක් ඉන්නවා අවුරුදු දහයක. එයා ඉස්කෝලෙ යනවා. ගේ ටකරං වලින් වට කරලාලු තියෙන්නෙ. ස්වාමියා කුලි වැඩ. හැමදාම වැඩ නෑ.

දෙවෙනි ෆොටෝ එකේ ඉන්නෙ කුමාරි. කැකිරාවේ ඇඹුල්ගස්වැව. මේ අතේ ඉන්න දරුවා අවු 5යි. අනික් කෙනා අවුරුදු 10යි. මේ සැරේ ශිෂ්‍යත්වය පාස්. වෙන ඉස්කෝලෙකට දාන්න ඕනෙ. මහත්තයා කොන්ද කැඩිලා නැගිට ගන්න බෑ. කුමාරි, සති අන්තයට අනුරාධපුර පලාත් සභාව ඉස්සරහට එනවා කීයක් හරීල්ල ගන්න.

දෙන්නාටම ටෙලිෆෝන් නම් නෑ.

උදවුවක් කිරීමේ අදහසින් ෆොටෝ ගන්නා බවත් ඒවා යාලුවන්ට පෙන්වන බවත් කියලයි ගත්තෙ.

අපිට ලෝකයේ ඇති දිලිදුකම සහමුලින්ම සදාකාලික අවසන් කල නොහැක. එහෙත් මිත්‍රත්වයේ හස්තය දිගු කිරීමට ඒ පන්ඩිත කතා අවැසි නැත.

මේ කාන්තාවන් දෙන්නට උදවු කරන්න කැමති කවුරුවත් ඉන්නව නම් මට කතා කරන්න. පුද්ගලිකව ඔවුන් ගැන හොයා බලලා ඔබේ උපකාරය ඔවුන්ට ලබා දෙන්නම්.

ෆොටෝ ගහලා ෆේස් බුක් දැම්ම එක වැරදියි, මූණ පේන එක වැරදියි, මේක ඒ මිනිස්සුන්ගෙ රස්සාව, අරකයි මේකයි කියන උන් ඔක්කොම බ්ලොක් කරනවා. මොකද ලිස්ට් එකේ ඉන්න ඔක්කොම ෆ්‍රෙන්ඩ්ලා නෙමෙයි.ඇද කියන්න එලි බහින උන් ගොඩක් මටවත් මේ එකෙකුටවත් කරපු ලබ්බක් නෑ.

සුදු ඇදල උඩමලු ගිහින් එන කීප දෙනෙක්ම මං දිහා සතෙක් දිහා බලනව වගේ බැලුවා මේ දෙන්න එක්ක කතා කර කර ඉන්නකොට. අපිට මිනිස්සු පේන්නෙ අපි බලන හිලේ තරමට බං.

දේශමාන්‍ය අරවින්ද හබක්කල.
0777398111
(ශෙයාර් කලාට හෙන ගහන්නෙ නෑ)