03/04/2026
බස්වල යන අයට සුබ ආරංචියක් - ආයේ බස් එකක් එනකල් හෝල්ට් එකේ කරවෙන්න ඕනේ නෑ - අලුත් ක්රමයක් 🚌
මෙරට ආබාධිත ප්රජාව, ගැබිනි මව්වරුන් සහ වැඩිහිටියන් වෙනුවෙන්ම විශේෂ පහසුකම් සහිතව ලංකාවට ගෙන ආ "පත්ල පහත්" (Low-floor) බස් රථ සේවාව සිංහල අලුත් අවුරුද්දට පෙර ධාවනයට එක් කිරීමට මේ වන විට සියලු කටයුතු සූදානම් කර තිබෙනවා.
ලංකා මෙට්රෝ සමාගම මගින් ක්රියාත්මක කරන මෙම සුපිරි බස් සේවාවේ විශේෂතා මෙන්න:
🚍 පළමු අදියරේ ගමන් මාර්ග (අප්රේල් මාසයේ සිට මාකුඹුරෙන් ඇරඹේ):
• මාකුඹර සිට පිටකොටුව (බත්තරමුල්ල, බොරැල්ල, ටවුන්හෝල් හරහා)
• මාකුඹුර සිට කඩවත (මහරගම අපේක්ෂා රෝහල, නාවින්න, කිරුළපන, බේස්ලයින්, පෑලියගොඩ, කැලණිය විශ්ව විද්යාලය හරහා)
📲 තාක්ෂණික පහසුකම් සහ ඔබව රස්තියාදු නොකරන අලුත්ම ක්රමය:
• බස් එක දැන් තියෙන්නේ කොහෙද, හෝල්ට් එකට එන්නේ කීයටද, ඉඳගෙන යන්න සීට් තියෙනවාද, හිටගෙන යන්න පුළුවන්ද කියලා ගෙදර ඉඳන්ම ෆෝන් එකෙන් බලාගන්න පුළුවන් විශේෂ Mobile App එකක් හඳුන්වා දීම.
• මේ බස් රථ සඳහාම වෙන්වූ විශේෂිත බස් නැවතුම්පොළවල්.
• බස් හෝල්ට් එකේ තියෙන Digital Display බෝඩ් එකෙන් බස් එක එන වෙලාව බලාගන්න පුළුවන්. ඒ වගේම ඇස් පෙනීමේ දුර්වලතා ඇති අයට, එතැන ඇති බොත්තමක් එබූ විට හඬ මගින් බස් රථයේ විස්තර දැනගැනීමේ (Voice) පහසුකම.
• ටිකට් කැඩීම වෙනුවට කාඩ්පතකින් ගෙවීමේ ක්රමය (ආරම්භයේදී මුදල් ගෙවා යාමටද කල් ලබාදේ).
• ආබාධිත මගීන්ට සහ රෝද පුටු භාවිතා කරන්නන්ට විශේෂ සහායක් ලබාදීම සඳහා පූර්ණ කාලීන පුහුණුවක් ලද රිය සහායකයින් යෙදවීම.
🔜 ඉදිරි සැලසුම් (අගෝස්තු මාසය වන විට):
තවත් නව බස් රථ 100ක් සහ ජපන් ආධාර යටතේ ලැබෙන සුඛෝපභෝගී බස් 8ක් සමගින් පහත මාර්ග ද ආරම්භ කිරීමට නියමිතයි.
• කැස්බෑව - පිටකොටුව
• පානදුර - ටවුන්හෝල්
• පානදුර - බත්තරමුල්ල
🛑 අනිවාර්යයෙන්ම දැනගත යුතුම දේ:
මෙම බස් රථවල ගමන් කිරීමට ආබාධිත ප්රජාවට අමතරව ඕනෑම සිවිල් පුරවැසියෙකුට හැකියාව ඇත. නමුත්, ගමන ආරම්භයේ සිට අවසානය දක්වා අතරමග ඕනෑම ස්ථානයකදී ආබාධිත පුරවැසියෙකු බස් රථයට ගොඩවීමට පැමිණියහොත්, ඔවුනට ප්රමුඛතාවය ලබා දී බස් රථයේ ඉඩ ලබා දීම අනෙකුත් මගීන්ගේ අනිවාර්ය වගකීමක් වේ.
අපේ රටේ පොදු ප්රවාහනය අලුත් වන මේ වටිනා පණිවිඩය හැමෝටම දැනගන්න Share කරන්න! 👍
