02/08/2026
අපගේ තොරණ ප්රදර්ශනය සඳහා අපව තෝරාගෙන, එම පුණ්ය කාර්යය සාර්ථක කර ගැනීමට මූලිකව කටයුතු කළ , හැකි සෑම අයුරකින්ම සහෝදරත්වයෙන් අපට අත්වැලක් වූ සුසිල් චන්දන මහතා හට අපගේ හෘදයාංගම ස්තුතිය පුද කරමු.
එසේම, තොරණ සැකසීම ආරම්භ කළ මොහොතේ සිට අවසානය දක්වා අපව නිරන්තරයෙන් දිරිගන්වමින්, නිවැරදි මඟ පෙන්වීම ලබා දුන් පූජ්ය ගොනාගල පදුමාජෝති නාහිමියන් නමස්කාර පූර්වකව කෘතවේදීව සිහිපත් කරමු.
තවද, තොරණ ඉදිකිරීමේ ස්ථානයේ දිවා රෑ නොබලා අප සමඟ කරට කර වෙහෙසෙමින් මෙම කාර්යය සාර්ථක කර ගැනීමට කැප වූ සභාපතිතුමා ද ඉතා ආදරයෙන් හා ගෞරවයෙන් සිහිපත් කරමු.
අපගේ කටයුතු පිළිබඳ හැකි සෑම අවස්ථාවකදීම සොයා බැලූ විදුර සහෝදරයා ඇතුළු ප්රදේශවාසී සියලු දෙනාට ද අපගේ අවංක කෘතවේදීත්වය පිරිනමමු.
මෙවැනි උතුම් පුණ්ය කාර්යයකදී ඔබ සැම සමඟ එක්ව කටයුතු කිරීමට ලැබීම අප ලැබූ මහත් භාග්යයක් ලෙස අපි සලකමු. එසේම, මෙම පින්කම හරහා ඔබ වැනි පින්වත්, සහයෝගශීලී පිරිසක් හඳුනාගැනීමට ලැබීම අපට ඉමහත් සතුටක් හා සැනසීමක් ගෙන දුනි.
වදුරඹ ශ්රී සුනන්දාරාමය මූලික කර ගනිමින් ඉදිරියටත් මෙවැනි උතුම් පින්කම් රැසක් සිදු කිරීමට ඔබ සැමට ශක්තිය, ධෛර්යය සහ වාසනාව උදාවේවායි හදවතින්ම ප්රාර්ථනා කරමු.
ඔබ සැමට තෙරුවන් සරණයි! 🙏
පානාකඩුවේ චන්දිම හිමි ඇතුළු අපි.
