12/09/2026
🙏දළදා සමිඳුන් උදෙසා කිලෝ 86ක අභිනව ස්වර්ණමය මහ කරඬුවක් පූජා කෙරේ – රත්තරන් විතරක් කිලෝ 65ක් , පැරණි කරඬුව ගැන පැතිරෙන කටකතාවල ඇත්ත හෙළිකරමින් මහා නාහිමිවරුන් සහ දියවඩන නිලමේ දුන් නිල පැහැදිලි කිරීම මෙන්න 🌸
ඓතිහාසික ශ්‍රී දන්ත ධාතූන් වහන්සේ වැඩහිඳුවාලීම උදෙසා අභිනවයෙන් නිර්මාණය කරන ලද අතිශය මනරම් ස්වර්ණමය මහ කරඬුවක් (Golden Casket) පසුගිය සැප්තැම්බර් 08 වන දින පූජා කර ඇති බව මල්වතු - අස්ගිරි උභය මහා විහාරීය මහානායක මාහිමිපාණන් වහන්සේලා සහ දියවඩන නිලමේ ප්‍රදීප් නිලංග දෑල මහතා නිල වශයෙන් තහවුරු කර තිබෙනවා.
මෙම අභිනව ස්වර්ණමය කරඬුව සම්බන්ධයෙන් සහ ඓතිහාසික පැරණි කරඬුව පිළිබඳව සමාජ මාධ්‍ය ඔස්සේ පැතිර යන සාවද්‍ය තොරතුරු නිවැරදි කරමින්, තිබ්බටුවාවේ ශ්‍රී සිද්ධාර්ථ සුමංගල මල්වතු මහ නාහිමි, වරකාගොඩ ශ්‍රී ඥාණරතන අස්ගිරි මහ නාහිමි සහ දියවඩන නිලමේවරයා විසින් බෞද්ධ කටයුතු කොමසාරිස් ජනරාල්වරයා වෙත ලිඛිතව මෙම සම්පූර්ණ විස්තරය යොමු කර ඇත.
📌 මැණික් හා ස්වර්ණාභරණ අධිකාරිය තහවුරු කළ නිල දත්ත:
සම්පූර්ණ බර කිලෝග්‍රෑම් 86.04ක්: මෙම අභිනව ස්වර්ණමය මහ කරඬුවේ සම්පූර්ණ බර කිලෝග්‍රෑම් 86.04ක් වන අතර, එය සම්පූර්ණයෙන්ම සුවිශේෂී නිරවද්‍යතාවයකින් යුතුව නිර්මාණය කර තිබේ.
රත්තරන් සහ මැණික් සංයුතිය:
පිරිසිදු රත්තරන් (Gold): කිලෝග්‍රෑම් 65.224ක්
විවිධ වටිනා මැණික් ගල් (Gems): කිලෝග්‍රෑම් 1.480ක්
පැස්සුම් සහ උපකාරක ද්‍රව්‍ය: කිලෝග්‍රෑම් 20.822ක්
මූල්‍ය දායකත්වය: ඇතුල්කෝට්ටේ පදිංචි කමන්ත අමරසේකර මහතා ඇතුළු පවුලේ ඥාතීන් සහ හිතෛෂීන්ගේ පූර්ණ පෞද්ගලික ධන පරිත්‍යාගයෙන් සහ මහානායක හිමිපාණන් වහන්සේලාගේ පූර්ණ අනුමැතිය ඇතිව මෙම උදාර පුණ්‍යකර්මය සිදු කර ඇත.
🛑 පැරණි රිදී කරඬුවට මොකද වුණේ? – කටකතා බොරු වෙයි:
රජ දවස උරුමය සුරක්ෂිතයි: දෙවැනි විමලධර්මසූරිය රජු විසින් ආරම්භ කර කීර්ති ශ්‍රී රාජසිංහ රජු දවස සම්පූර්ණ කරන ලද ඓතිහාසික රන් ආලේපිත රිදී මහ කරඬුව එහි අනන්‍යතාව සහ ඓතිහාසික වටිනාකම සුරැකෙන පරිදි ශ්‍රී දළදා මාලිගාවේ අභ්‍යන්තරයේ අතිශය සුරක්ෂිතව තැන්පත් කිරීමට පියවර ගෙන තිබේ.
1853 ආඥා පත්‍රයේ බලතල: 1853 ආඥා පත්‍රය අනුව ශ්‍රී දළදා වහන්සේගේ ආරක්ෂාව, තේවාව සහ සියලු අයිතිවාසිකම් සෘජුවම පැවරී ඇත්තේ මල්වතු-අස්ගිරි උභය මහා විහාරීය මහානායක මාහිමිවරුන් සහ ගරු දියවඩන නිලමේවරයා වෙත පමණි.
ශ්‍රී දළදා සමිඳුන් කෙරෙහි ලෝකවාසී බෞද්ධ ජනතාව තුළ පවතින අසීමිත භක්ත්‍යාදරය සහ ගෞරවය තවදුරටත් තහවුරු කිරීම මෙම පූජෝපහාරයේ ප්‍රධාන අරමුණ වූ බව අදාළ නිල ලිපිය මඟින් වැඩිදුරටත් අවධාරණය කර ඇත.
දළදා සමිඳුන් වෙනුවෙන් කෙරුණු මේ අසිරිමත් මහා ස්වර්ණමය පූජෝපහාරය දැකබලා ඔබේ සිත පහන් කරගන්න මේ උතුම් පුවත අන් අයටත් පෙනෙන්න Share කරන්න!
සාදු! සාදු! සාදු! 🙏
උපුටාගැනීම
Ape Media Social Media Return
