18/12/2022
පෘතුගාල පාපන්දු කණ්ඩායම ලෝක කුසලානයෙන් ඉවත්වීමෙන් පසු ක්රිස්ටියානෝ රොනාල්ඩෝගේ සහෝදරිය වන Kátia Aveiro විසින් මේ විදියට දීර්ඝ සටහනක් සමාජ ජාල වෙත මුදාහැර තිබෙනවා...
කවදාහරි දවසක මගේ දරුවන් මගෙන් ඉල්ලා සිටියොත්, ඉරිසියාවෙන් පෙළෙනවා වෙනුවට ජීවන අරගලය තුළින් ජයගැනීම, අන් අයට ගෞරවය දැක්වීම, තමන්ගේ මහිමය රැකගැනීම, පිළිවෙලකට වැඩක් කිරීම, යමක් කිරීමේදී ඒ සඳහා වන කැපවීම, බාධාවන් හමුවේ නොසැලී ඉදිරියට යාම, නපුරු මිනිසුන් සමඟ ජීවත්වීම යනාදී කරුණු පැහැදිලි කතාවක් කරන්න කියලා..,
ඒ වගේම ඒ අය මට කිව්වොත්, ඉලක්කයන් කරා ගමන් කිරීම, කුසලානයන් ලබාගැනීම, ත්යාගයන් දිනීම, තමනට පෙර නොතිබූ නොවූ විරූ උරුමයක් ලබාගැනීම වගේ දේවල් ගැන මට උදාහරණ එක්ක කතා කරන්න කියලා...
ඔව්... මම... මම... එයාලට කියලා දෙන්න යන්නේ පෘතුගාලයේ අගනුවරට ඈත ගමක් මැද සාමාන්ය නිවසක ඉපදුණු මගේ සහෝදරයා ගැන.., ඒ කියන්නේ ඔවුන්ගේ මාමා ගැන...,
බොහෝ විට අධික බරින් එන වැසි ජලය එකතුකර ගැනීමට ඒ ගෙදර ඇතුළේ තැනින් තැන තබා තිබුණු බාල්දි සහ එලා තිබුණු රෙදි කෑලි ගැන.., සිමෙන්ති වෙනුවට ප්ලාස්ටික් කැබලි තලා බිමට අතුරා තිබුණු පොළව ගැන.., දර වලින් ආහාර පිසූ ගරා වැටුණු කුස්සිය ගැන.., සීතල කාළයට නාන්න උණු වතුර රත් කරපු විදිය සහ ඒ තැන ගැන.., ඔහු ඔහුගේ සහෝදරයන් 4 දෙනා සමඟ ගඩොල් වලින් සාදා, මෙට්ට දෙකක් අතුරා නිදාගත් ඔහුගේ කුඩා කාමරය ගැන.., ඔහුගේ පියා හිටපු සටන්කාමියෙකු සහ විදේශ යුද්ධයෙන් දිවි ගලවා ගත් අයෙකු වන වගත් ඔහුගේ මව අනාථ නිවාසයක හැදී වැඩී පසුව එම අනාථ නිවාසයද හැර ගොස් තම අසරණ පවුල ඇති දැඩි කළ අනාථ දැරිවියක් බවත් ම ඔවුන්ට කියා දෙනවා...
ඔහු ටිකෙන් ටික ගොඩනැගූ ඔහුගේ අධිරාජ්යය ගැන මම ඔවුන්ට කියලා දෙනවා... ඔහු සතුව තිබුණු ඔහුගේ ශක්තිය ගැන, ඔහු පොරොන්දු වූ දේවල් සහ ඒවා නොපිරිහෙලා ඉටු කළ ආකාරය ගැන මම ඔවුන්ට කියලා දෙනවා.., ඔහුගේ චරිතය ගැන මම ඔවුන්ට කියලා දෙනවා.., ඔහුගේ සොහොන හාරා ඔහුව මිහිඳන් කරන්නට සමහරු සැදී පැහැදී සිටිය විට පවා, ඔහු කිසි විටෙකත් තම උත්සාහයන් අත් නොහැරිය බව මම ඔවුන්ට කියලා දෙනවා... මම ඔවුන්ට චිත්රපටයටක් පෙන්වන්න ආකාරයට ඔවුන්ගේ මාමාගේ ජීවිතයේ සැබෑ කතාව කියලා දෙනවා...
ඒ වගේම දෙවියන්ට මම ස්තූතිවන්ත වෙනවා, මමත් ඔහුගේ ජීවන කතාවේ කොටසක්වීම ගැන...
ඔව්... මම ඔහුගේ ජීවිතයේ එක කොටසක්...
ඒ වගේම අපි ගතකළේ මොනතරම් ලස්සන ජීවිතයක්ද...
මට ඔහු ගැන හරිම ආඩම්බරයි...
ඔහු තමයි…
මගේ සහෝදරයා …
ඔව් වෙන කවුරුත් නෙවෙයි ඔහු "ක්රිස්ටියානෝ රොනාල්ඩෝ."
- ධම්මික සමරතුංග -
...
