06/10/2026
නකල්ස් කඳු වළල්ලේ නිහඬ පාරාදීසය පිටවල පතන.. 🌿
මීදුම් සලුවෙන් බරවුණු පරිසරයේ නිහඬ බව බිඳින විහඟ ගීත රාවයන්ගෙන් පිරුණු නකල්ස් කඳුවැටිය යනු සොබාදහම ශ්‍රී ලංකාවට දුන් අසිරිමත් තෑග්ගකි. ඒ සුන්දර කඳු පන්ති අතරේ සැඟවුණු, යන යන කෙනෙකුගේ සිත එක තැනක නවතන අපූරුම ස්ථානයක් ලෙස පිටවල පතන හැඳින්විය හැකිය. අක්කර ගණනාවක් පුරා පැතිරුණු කොළ පැහැති පලසක් එලුවා වැනි මේ තණබිම මැදින් සිසිල් මීදුම් රොදක් අතරින් ඇවිදගෙන යද්දී දැනෙන නිදහස අසමසම එකකි. පතන කෙළවරට ඇවිදගෙන ගිය පසු හමුවන අඩි සිය ගණනක් ගැඹුරු කුඩා ලෝකාන්තයේ සිට පහළ බලද්දී, මිටියාවතේ පිහිටි ඇටන්වල ගම්මානයත්, හැඩකාර කුඹුරු යායවල ලස්සනත් පෙනෙන්නේ සිත්තමක් ලෙසිනි. පතන මත වැවෙන ඉතා කුඩා වර්ණවත් මල් වර්ග, දුර්ලභ ගෙම්බන්, විවිධ සමනලුන් සහ කුරුල්ලන් මේ පරිසර පද්ධතියට එක් කරන්නේ ජීවමාන රූපරාමුවක සුන්දරත්වයකි. කඳුකරයේ සිසිල් සුළඟ ගත තවරිද්දී, නගරයේ කාර්යබහුලත්වය සහ වෙහෙස මහන්සිය තත්පර ගණනකින් අමතක වී යයි.
නකල්ස් කඳුකරයේ සුන්දරත්වය විඳින ඔබට ඒ අත්දැකීම තවත් අමතක නොවන එකක් කරගැනීමට ලකේගල රිසෝට් සූදානම්ව සිටියි. නකල්ස් කඳුවැටියට සහ සුප්‍රකට ලකේගල කන්දට මුහුණලා පිහිටි අපගේ රිසෝට් එකේ සිට උදෑසන මීදුම අතරින් නැගී එන හිරු එළියත් සමග කඳු පන්තියේ මනරම් දර්ශනය නැරඹීමටත්, රසවත් දේශීය ආහාර වේලක රස බැලීමටත්, රාත්‍රියට ගිනි මැලයක් වටා එකතු වී නිදහසේ කාලය ගත කිරීමටත් ඔබට අවස්ථාව හිමිවේ. ගමනෙන් පසුව ගතට වගේම සිතටත් උපරිම සුවපහසුව ලබාගැනීමට පවුලේ අය හෝ යහළුවන් සමග නකල්ස් වෙත පැමිණෙන ඔබට ලකේගල රිසෝට් එක කදිම නවාතැනකි.
Lakegala Resort – Matale
📞 077 777 4008
