31/10/2025
නිවාඩුවට නුවරඑළියෙ trip යන අයට බලන්න තියෙන තැන්... ❤️🌴🇱🇰
නුවරඑළියේ ට්රිප් එක යන්න ක්රම තුනක් තියෙනවා
කොච්චියෙන් එන්නත් පුපුවන්, පොදු බස් ප්රවාහන සේවයක එන්නත් පුලුවන්, අපේ පෞද්ගලික වාහනයක යන්නත් පුලුවන්.
ඕනම පාරකින් නුවරඑළියේ යන්න බස් තියෙනවනෙ. පෞද්ගලික වාහනේකින් එන්නත් දන්නවනෙ. කෝච්චියෙන් එන්නෙ කොහොමද මන් කියන්නම්,
කෝච්චියේ එනවනම් ලගම ලේසිම ක්රමය තමා නානුඔයට ඇවිත් එන එක.එතනින් නුවරඑළියට බස් එකේ එන එක.
සීතල නුවරඑළියෙ සංචාරය කරන ඔබ යායුතුම තැන්...❄️🍃
1846 දී සැමුවෙල් බේකර් විසින් හොයාගත්තා යැයි සැලකෙන මුහුදු මට්ටමේ සිට අඩි 6128 සහ මීටර් 1868 උසින් පිහිටි City of Light , City on the plain, Little England යනුවෙන් නුවරඑළිය හැදින්වෙනවා. නුවරඑළියේ තමා ටවුන් එකක් ලගම තියෙන මල්වත්තක් ( වික්ටෝරියා ගාඩ්න් එක තියෙන්නේ බස් ස්ටෑන්ඩ් එකට අල්ලලා) සහ ලංකාවේ රක්ෂිත කැලයක් තියෙන එකම නගරය තමයි නුවරඑළිය.
📌️බෝඹුරැ ඇල්ල,
වාහනේ ගිහින් කිලොමීටර් 2ක දුරක් පයින් යන්න තියෙනවා. හරිම ලස්සන තැනක්. දැන් කෑම්ප් ගහන්න දෙන්නේ නැහැ දන්න විදියට. වහින කාලෙට වතුර ඉතා වැඩි නිසා පරිස්සමෙන් යන්න ඕනා, නුවරඑළියේ ඉදලා වැලිමඩ පාරේ හක්ගල මල්වත්ත පහුකරලා බොරගස් වලින් වමට හැරිලා රේන්දපොල පාරේ යන්න ඕනා, කාපට් පාරක් මේක, ලොකු බස් එකක් උනත් යන්න පුලුවන්. බොඹුරු ඇල්ල කියලා බස් එකත් තියෙනවා. නුවරඑළියේ ඉදලා කිලෝමීටර් 18ක් තියෙනවා. කුඩා දරුවන් රැගෙන යාම සුදුසු නැහැ.
📌️ශාන්තිපුර
ලංකාවේ උසම ගම, මෙතන වීව් පොයින්ට් එකක් තියෙනවා. ටිකට් එකක් ගන්න ඕනා, නුවරඑළියේ ඉදලා 5කීමී විතර තියෙන්නේ. බස් එකේ යන්නත් පුලුවන්, කාර් වෑන් පොඩි බස් ඕන එකක් යන්න පුලුවන්.
📌️ගෑල්වේස්ලෑන්ඩ්
මේක පුංචී කෑලයක් ටවුන් එක කිට්ටුවම තියෙන, උදේම ගියොත් හරියට කුරැල්ලෝ එහෙම බල්න්න පුලුවන්. විශේෂයෙන් අදුරු නිල් මැසිමාරා එහම දකින්න පුලුවන්. 2.3කීමී දුරක් තියෙන්නේ වටේටම යනකොට. රුපියල් 48ක ටිකට් එකක් ගන්න ඕනා, පරිසරයට ආදරේ නම් අනිවාර්යයෙන් යන්න , පොලිතීන් ජරාව මොනවත් නැති කැලයක අසිරිය බලන්න. සුද්දා ගේ කාලෙවත් කපපු නැති පරණ කැලයක් මේක. හැබැයි නුවරඑළියේ අව්ව අඩු දවස් වලට, පින්න කාලෙට කැලේ ඇතුලේ ඉතා අදුරු විදියට තියෙන්නේ ඒක නිසා පොඩිලමයි ඒ දවස් වලට එක්කන් යන්න එපා ඒ අදුරු වැඩි නිසා, මේක ආරක්ශිත තැනක් පොඩ්ඩ්ක් වත් බය වෙන්න ඕනා නැහැ, ඕනම වාහනයකින් යන්න පුලුවන්
📌️Holy Trinity Church
මේක 1852 හදලා තියෙන පරණම පල්ලියක් මෙකේ තියෙනවා හරිම පරණ පියානෝ එකක් එහෙම, කනත්ත තියෙනවා සුද්දෝ හිටපු කාලේ ඉදලා තියෙන.
📌️නුවරඑලිය පරණ railway station එක.
දැන් මේක බස් ඩිපෝව. පරණ ගොඩනැගිලි තාම තියෙනවා. පැරණි වේදිකාව පවා තාම තියෙනවා.
📌️Single tree hills
මෙතන ස්වර්ණගිරි චේතිය පන්සල තියෙන්නේ කන්ද මුදුනේ , ටවුන් එක ලගමයි තියෙන්නේ, හරි ලස්සන තැනක්, සමනල කන්ද පවා පේනවා. පන්සල ලගට ලොකු බස් ඇරෙන්න ඕන වාහනයක් යන්න පුලුවන් , 4w වාහනයක් නම් තව උඩට යන්න පුලුවන් ටවර් එක කිට්ටුව ට.
📌️පිදුරුතලාගල උසම කන්ද
අඩි 8280 පමණ උසයි. 2012 ඉදලා තමා යන්න දෙන්නේ, කාර් වෑන් ජීප් පමණයි යන්න දෙන්නේ පොඩි බස් යන්න බැහැ, කීමී 6 කට අඩි 2100ක පමණ නැග්මක් තියෙනවා, ඒක නිසා යන වාහනය සුදුසු නම් පමණක්ම යන්න, මගදි කාර්මික දෝෂයක් උනොත් කැලේ නිසා අමාරු වෙනවා, ආමී එකට කොල් කරන්න ඕනා එත් සමහර විට සිග්නල් නැතිනම් ලොකුම අමාරුවල වැටෙනවා, රුපියල් 230ක් වාහනයට පමණක් අය කරනවා. එක වරකට වාහන 15 පමණ උඩට යවන්නේ, ඔබගේ id එක අනිවාර්යයෙන් අරගෙන යන්න, වහින කාලේට ගියොත් මනස්කාන්ත දියඇලි ගණනාවක් බලන්න පුලුවන්, දැඩි ආරක්ශිත පෙදෙසක් නිසා මග බහින්න බැහැ, උඩම තියෙනවා කුඩා පන්සලක් ඉස්සර යන්න දුන්නේ නැහැ දැන් යන්න දෙනවා, උඩම තැන ගලක් තියෙනවා හිටවපු ඒ තැන තමා ලංකාවේ මිනිසෙකුට යාහැකි උසම ස්ථානය වන්නේ, ඒ වගේම ලංකාවේ සිතියම් කොටස් 52 අතරින් නුවරඑළිය , ගම්පොල , හගුරන්කෙත , බදුල්ල යන කොටස් හතරෙම බින්දුවේ පටන් ගැන්ම මේ ස්ථානයයි. මෙතන ගුවන් හමුදා රේඩාර් එක, සන්නිවේදන කුළුණ , එයාර්ලංකා රේඩාර් එක , යුද හමුදා නාවික හමුදා රේඩාර් සහ සන්නිවේදන කුලුනු සමග රෑපවාහිනී කුළුණ, CSN කුළුණ ( දැනට අක්රියව පවති) යන කුලුනු අටක් පිහිටා තිබෙනවා මේ සමග ත්රිවිද හමුදාවම මෙහි ඉන්නවා. වල් ඌරන් නිදැල්ලේ ඉන්නවා බලන්න පුලුවන්, සමනල කන්ද , කිරිගල්පොත්ත . තොටුපල , කිකිලියමාන , හක්ගල , නමුණුකුල, කදුවැටි සමග නුවරඑළිය පහල සහ අඹේවෙල ෆාම් එක, සුළං විදුලි බලගාර , පට්ටිපොල , හොටන්තැන්නේ නැග්ම හරිය, කදපොල පැත්ත, හපුතලේ , බණ්ඩරවෙල උඩ පැත්ත, මන්දාරම්නුවර උඩ පැත්ත , රන්දෙනිගල , පුස්සැල්ලාව පැත්තක් , කොත්මලේ පැත්තක්, පූඩලුඔය පැත්තක්, පේනවා මීදුම නැත්තම්, ටවුන් එකේ දී බලන්න යන්න ඉස්සෙල්ලා උඩ මීදුම ද කියලා, ඔබ අනිවාර්යයෙන් මත්පැන් මත්ද්රව්ය අරන් යන්න එපා, හොදම විදියට අමාරුවෙ වැටෙනවා, සිගරැට් බොන්න පුලුවන්, ටවර් සහ කුළුණු පැත්ත ෆොටො ගහන්න සම්පූර්ණයෙන්ම තහනම්.
📌️ඩන්සිනන් ඇල්ල, (ඩන්සින් ඇල්ල) Dunsinane Falls
මේ දිය ඇල්ල මාර්ග දුෂ්කරතාව මේ නිසාමද කොහෙද ගොඩක් අය ගිහින් නැති තැනක් මම දන්න විදිහට මහපාර අයිනේ ඉඳලම අතිශය චමත්කාරජනක දියඇල්ලක් දකින්න පුලුවන් තැනක් තමයි මේ ඩන්සිනන් ඇල්ල කියන්නේ.
නුවරඑළියේ ඉදලා නුවර පාරේ පුඩලුඔය හංදියෙන් හැරිලා පුඩලුඔය පාරේ ගියාම ඩන්සිනන් වතුයායේ පිහිටා ඇති මෙම දියඇල්ල තියෙනවා. නුවරඑළියේ ඉදලා ම කිමි 20ක් තියෙනවා හැබැයි මේ දුර යන්න පැයකට ආසන්න කාලයක් යනවා මොකද මාර්ගය දුෂ්කරයි, නමුත් ඕනාම වාහනයක් ගමන් ගන්න පුලුවන්, ඇල්ලට යනතෙක් එක් පසකින් කිකිලියමාන රක්ෂිත වනයක් සහ අනිත් පසින් රම්බොඩ කදුවැටිය මනහර ලෙස දකින්න පුලුවන්. දියඇල්ල අසල කොවිලක් තියෙනවා ඒක හරහා ගිහින් දියඇල්ල පාමුලටම යන්න පුලුවන් , දණහිසෙන් පහලට වතුර ඇති මෙම කොටසේ ඇති තරම් වෙලා ඉන්න පුලුවන්, කුඩා දරුවන් පවා බය නැතුව අරගෙන යන්න හැකියාව තියෙනවා නමුත් මෙහි දිය නෑමට අවස්ථාව නම් නැහැ ඕනානම් පහල කොටසේ නාන්න පුලුවන්. ඒකත් හේතුවක් මේ ඇල්ල පිරිසිදු ව පවතින්න. අසල කඩයක් වත් නැහැ. වැසිකිළි පහසුකම් නැහැ. පාර දුෂ්කර නම් නුවරඑළියේ ඉදලා තවලම්තැන්නට ඇවිත් එතනින් හැරිලා කොත්මලේ හරහා තලවාකැලේ පාරේ ඇවිල්ලා මේ ඇල්ල ගාවට එන්න පුලුවන්. එවිට කිමි 40ක් පමණ තියෙනවා. දුර බලන්න එපා මේ ඇල්ල බලන්න යන්න ඒක එච්චර ම ලස්සනයි. හොදම දේ නුවරඑළියේ ඉදලා කොලඹ යන දවසට මේක බලන්න යන්න ප්ලෑන් කරන්න, එතකොට නුවර පැත්තට යනවා නම් තවලම්තැන්නට ගිහින් යන්න පුලුවන් නැත්තම් පුඩලුඔය හරහා තලවාකැලේ හරහා හැටන් පාර හෝ කොත්මලේ හරහා නාවලපිටිය යන්නත් පුලුවන්.
📌️නානුඔය ඇල්ල
නුවරඑළියේ ඉදලා නානුඔය පහුකරලා රදැල්ල ශෝට්කට් පාර මුලම හරියෙන් හැරිලා Glassaugh වත්ත තුල පිහිටා ඇති මේ කුඩා නමුත් මනරම් ඇල්ල වෙත එන්න පුලුවන්. පායන කාලේ නානුඔයේ වතුර අඩු නම් මේ ඇල්ල ඉතාකුඩා දියපාරක් පමණයි. අනතුරු දායක නැති සිත්සේ විනෝද වෙන්න පුලුවන් තැනක්, මේ ලස්සන ඇල්ලේ වතුර නම් මූණහොදන ගමන් බොන්න නම් සුදුසු නැහැ. කොහොම උනත් මේ තැන ජරා කරන්න එපා වටින තැනක්.
📌️Aadishakti Seeta Amman Temple හෙවත් සීතාකෝවිල.
නුවරඑළිය බදුල්ල පාරේ කීමී 8 පමණ ගියාම පාර අයිනේ ම තියෙන්නේ. මේ රාම රාවණා සීතා කතාව හැමෝම දන්නවා නේ, සීතා දේවියට වැදුම් පිදුම් කිරිමට සාදන ලද කෝවිල මම දන්න විදියට ( වැරදිනම් නිවැරැදි කරන්න) මෙහි හනුමන්තාගේ යැයි සැලකෙන දැවැන්ත අඩි සටහනක් තියෙනවා. හින්දුන්ගේ පූජනීය ස්ථානයක් බැවින් නිතර ඉන්දීය ජාතිකයන් ගෙන් පිරි පවතිනවා. හොද වැසිකිළි පද්ධතියක් තියෙනවා.
📌️පට්ටිපොල දුම්රිය ස්ථානය.
මේ ලංකාවේ උසම ස්ටේශන් එක, හොර්ටන්තැන්ට යන මාර්ගයේ තියෙන්නේ. පොඩ්ඩක් ගිහිල්ලා ෆොටො අරගෙන එන්න. දුම්රිය මාර්ගයේ උසම ස්ථානය තියෙන්නේ පට්ටිපොල ඉදලා ටිකදුරක් ගියාම ඔහිය පැත්තට, වෙලා තියෙනවා නම් පොඩ්ඩක් ඇවිදලා බලන්න.
📌️රේල් පාරේ ගමන. Railway hike
මේක ටිකක් අලුත් දෙයක් උනාට අපිට, කොල්ලො කට්ටියක් යනවනම් මේක අමුතුම අත්දැකීමක් වෙනවා පට්ටිපොල ඔහිය දක්වා කිලෝමීටර 6ක් විතර තියෙනවා මේ දුම්රිය ස්ථාන දෙක අතර ගමන් කිරීම ඉතාමත්ම චමත්කාරජනක අත්දැකීමක්, කැලේ මැදින් මෙම මාර්ගය වැටිල තියෙන හින්දා අනිවාර්යෙන්ම හොද එලියක්,වතුර, සැහැල්ලු ආහාරයක්, හදිසි වර්ෂාවෙන් බේරීමට හැකි දේවල් එක්ක යන්න සූදානම් වෙන්න ඕනේ.
අනිත් වැදගත් දේ මේ දුම්රිය ස්ථාන දෙක අතර දුම්රිය ගමන් කරන වේලාවන් පට්ටිපොළ ඉඳලා උදේ 10- 11ත් අතර දවල් 1-2 අතර සහ හවස 4. සිට 5 දක්වා දුම්රිය ධාවනය වෙනවා ඒ නිසා ඒ ගැන ඉතා කල්පනාවෙන් ගමන් කළ යුතුය. මේ ගමනෙදි අංක18 බිං ගේ හමුවන අතර එය මීටර් 300ක් පමණ දිග වංගු සහිත ඉතා අඳුරු බය හිතෙන බිංගෙයක් මීට අමතරව අංක19 , අංක 20 , අඩි 250ක් පමණ වන අංක 21 බිංගේ ද මෙම මාර්ගයේ දී ඔබට හම්බෙනවා. මීට අමතර දුම්රිය ස්ථානයේ ඉහලම ස්ථානයක් කොටසේදී හමුවෙනවා. පොඩ්ඩක් ප්ලෑන් කරලා යන්න සුපිරි අත්දැකිමක්.
📌️තොටුපල කන්ද,
හොර්ටන්තැන්ට යන මාර්ගයේ උද්යානය තුළ තියෙන්නේ, මේ ලංකාවේ තෙවැනි උසම කන්ද, (මීටර් 2350) මාර්ගය අසල බොඩ් එකක් තියෙනවා පාර පෙන්නන්න, කෑලේ මැදින් යන්න තියෙන්නේ, මුදුනට ආවිට අඹේවෙල , පට්ටිපොල , පිදුරුතලාගල වැලිමඩ සානුව ආදිය හොදට පේනවා. කුඩා දරුවන් රැගෙන යාම සුදුසු නැහැ. කොල්ලෝ සෙට් එකක් නම් යන්නේ අනිවා යන්න.
📌️පැරණි ෆාඉන් හෝටලය
මේක තියෙන්නේ වාහන නැවතුම්පොළේ සිට හොර්ටන්තැන්ට ඇතුලුවෙන ස්ථානයේ දකුණු පසට වන්න. ගොඩක් අය මේ තැන බලන්නේ නැහැ මෙහි හොර්ටන්තැන්න ගැන සෑහෙන දෙයක් දැන ගන්න පුලුවන් තැනක්. 80දශකයේ මේක ප්රසිද්ධ සංචාරක හෝටලයක්, පරණ හෝටල තමා දැන් මියුසියම් එකක් විදියට වෙනස් කරලා තියෙන්නේ. පැරණි හෝටලයේ ඉතා පැරණි බිත්ති තිබු ආකාරය පවා සංරක්ෂණය කොට තිබෙනවා. කොටියා ගෝන හිසක් ඇතුලුව තවත් සතුන් සංරක්ෂණය කරලා තියෙනවා. මගේ මහප්පා මේ හෝටලයේ වැඩ කරපු කෙනෙක් අවුරුදු ගානක්, හැත්තෑව අසූව දශකයේ දෙස් විදෙස් ප්රියතම සංචාරක ගමනාන්තයක් විදියට තමා ඔහු කිව්වේ. පොඩි දරුවන්ට අනිවාර්යයෙන්ම පෙන්නන්න ඕනා තැනක්.
📌️හොර්ටන්තැන්න එහෙම නැත්තම් මහඑළිය,
උදේ 6.00 ඉදන් හවස 3.00 වෙනකම් විතරයි හෝටන්තැන්න ට ඇතුල් වෙන්න පුලුවන් , ඒකත් 2 ට කලින් ගියොත් තමා Full tour එකම යන්න අවසර දෙන්නේ..
ගවරතැන්න කියන මේ වටිනා උද්යානය තුළ කීමී 10ක් තියෙනවා වටේම ගිහින් එනකොට. මෙහිදී කුඩාලෝකාන්තය, මහලෝකාන්තය, බේකස් ඇල්ල ඇතුලු, කුඩා ජලාශ ඇතුලු ලංකාවේ වෙන කිසිදු තැනක නොමැති චමත්කාරජනක පරිසරයක් දැක ගන්න පුලුවන්. වැදගත් දේ හෝර්ටන්තැන්න බලන්න යනවා නම් හදිසියේ යන්න එපා සම්පූර්ණ දවසක්ම ඒ සදහා යොදා ගන්න, නුවරඑළියෙන් උදේ 6-7 අතර පිටත් උනා නම් සැලකියයුතු වේලාවක් අරගෙන තැන්න බලන්න පුලුවන්. බොහෝවිට උදේ 10ට පසු මහාලෝකාන්තය මීදුමෙන් වැසී යනවා, පැහැදිලි කාළගුණය ඇත්නම් සබරගමුවේ බෙලිහුල්ඔය දක්වා අයස්කාන්ත දර්ශනයක් දැක ගන්න පුලුවන්. වැදගත් දේ මහාලෝකාන්තයේ සිට බේකස් ඇල්ල ගිහිල්ලා තැන්නෙන් එලියට එන්න තියෙන පාර දුෂ්කරයි, ඒක නිසා විවේක අරගෙන ඇවිදින්න. අනිත් කරුණ වර්ශා කාලේ පොඩි ලමයි ඉන්නවා නම් තැන්නේ යන්න එපා මොකද අපි ඇවිදින පාරවල් සියල්ල කුඩා දිය පාරවල් වෙනවා වැස්සට. අරක්කු ගංජා අරගෙන යන්න එපා උද්යානය ඇතුලට, චෙක් කරනවා, (ඩ්රින්ක් එකක් ගන්නම ඕනා නම් මහඑලිය හරියේ බොන්න, එත් බෝතල් තියාගෙන බොන්න එපා එලියට පේන්න.) සුපුරුදු අඹේවෙල පාරෙන් ගිහිල්ලා එනකොට ඔහිය ගිහිල්ලා බොරලන්දට ඇවිත් ( මෙතනින් හපුතලේ යන්නත් පුලුවන් )කැප්පෙටිපොළ හරහා නුවරඑළිය එන්න. දුම්රියෙන් යනවා නම් පට්ටිපොල සිට පිවිසුමට කිමී 14 සහ ඔහිය සිට කිමී. 13 තිබෙනවා. පයින් යන මේ ගමන පොඩ්ඩක් වත් වෙහෙසකර නැහැ. එකම දේ ඔබ වර්ෂාවක් ඇදහැලුණු විට බේරෙන්න අවශ්ය දේ රැගෙන යන්න, කුඩයක් නම් ඉහලන්න බැහැ තැන්නේ. වතුර අරගෙන යන්න, මගදි වතුර ගන්න තැන් තැන් වල ටැප් තියෙනවා.
📌️බේකස් ඇල්ල
හෝටන්තැන්න ප්රධාන පිවිසුමේ සිට කිලෝමීටර් තුනක් දුරින්ද ලෝකාන්තයේ සිට කිලෝමීටර් හතක් දුරින් මේ ඇල්ල තියෙන්නේ. බ්රිතාන්ය ජාතික සැමුවෙල් බේකර්ස් විසින් 1845 වර්ෂයේ දී පමණ මෙය සොයා ගන්නා ලද අතර ඔහු නමින් මෙය නම් කර ඇත . වලවේ ගඟේ ප්රධාන අතු ගංගාවක් වන බෙලිහුල්ඔය මීටර් විස්සක් පමණ ඇද හෑලීමෙන් මෙම මනස්කාන්ත දිය ඇල්ල නිර්මාණය වී තිබේ. මේ දක්වා ගමන් කිරීමට ඇති මාර්ගය හොඳින් සාදා නොමැති නිසා කුඩා දරුවන් රැගෙන යාමේදී සැලකිලිමත් විය යුතුය. විශේෂයෙන් වර්ෂා කාලයේ දී ගමන් ගන්නේ නම් ඊට සූදානම්ව පැමිණිය යුතුය. මේ යන පාර ලෙස්සන් සුලු නිසා සැලකිලිමත් වෙන්න. මෙහි වතුර ඉතාමත්ම සීතල බැවින් ඒ පිළිබඳ සැලකිලිමත් වෙන්න ඕනෙ සහ සවස 3 ට පෙර හෝර්ටන් තැන්නට එන්න ඕනා හොදට ඇල්ල බලන්න ඕනා නම්.
📌️සදතැන්න
වැව ලග ඉදලා ටික දුරයි තියෙන්නේ, සෆාරි ජීප් එකක පමණයි ඇතුලේ යන්න පුලුවන්. රුපියල් 2000 පමණ අය කරනවා, වීව් පොයින්ට් එකක් තියෙනවා . කදු වැටි ගණනාවක් බලන්න පුලුවන්. මේක බීජ අර්තාපල් ගොවිපළ. කෙසේවෙතත් මේකේ පහසුකම් ගැනනම් සෑහෙන්න බැහැ.
📌️Pedro Tea Factory මේ තේ කර්මාන්තශාලවක්, ලස්සන පැත්තක තියෙන්නේ. නුවරඑළියේ ඉදලා උඩුපුස්සැල්ලාව පාරේ ගිහින් බොරලන්ද හංදියෙන් හැරිලා යන්න ඕනා.
📌️පුන්චිකැලේ පල්ලිය St. Paul the Hermit Church
හරිම හාස්කම් තියෙන තැනක්. අනිවාර්යයෙන් ගිහින් බලන්න ඔබ මොන ආගම ඇදහුවත් ප්රාර්ථනාවක් කරන්න ගිහින් අනිවාර්යයෙන් එය ඉටු වෙනවා. උඩුපුස්සැල්ලාව පාරේ අයිනේ තියෙන්නේ නුවරඑළියේ ඉදලා කිමී 4 විතර තියෙන්නේ.
📌️Lovers leap දිය ඇල්ල,
උඩුපුස්සැල්ලාව පාරේ බොරලන්දට ගිහින් යන්න පුලුවන් . කාර් වෑන් වල අමාරුයි . බයික් වලින් පුලුවන් , නැත්තම් එතනින් වීල් එකක් ගන්න, 800 , 1000 ගන්නවා, ලේඩ්මැක්ලම් පාරේ ගිහිල්ලා බලන්න පුලුවන් ඒත් උඩට යන්න අමාරුයි.
📌️ලෙඩිමැක්ලම් පාරේ අයිස්පීල්ල ( නාන්න පුලුවන්) සීතල උපරිමයෙන් තියෙනවා, කාර්යබහුල තැනක්, නුවරඑළියේ සීතල වතුර නාන්න ඕනා නම් ඔන්න තැන.
📌️කන්දේඇල
නාන්න පුලුවන්, සබන් පාවිච්චි කරන්න බැහැ. ඕනා නම් වැවේ බොට්ටුවේ යන ගමන් සීතල යන්න මීවිත තොල ගාන්න පුලුවන් පහසුකම් තියෙනවා. එහෙම නැත්තම් මෙතන කඩයකින් නූඩ්ල්ස් එකක් කාලා ප්ලේන් ටී එකක් බීලාම බලන්න යන්න. හොර්ටන්තැන්ට යන පාරේ තියෙන්නේ, ප්රසිද්ධ තැනක්.
📌️නවසීලන්ත ෆාම්
අඹේවෙල ටවුන් එකේන් හැරිලා යන්න ඕනා, රු 100 ක ටිකට් එකක් ගන්න ඕනා, ලොකු බස් එකක් උනත් යන්න පුලුවන්. අඩි 8 විතර උස ඉතා වටිනා පට්ටි ගොනුන් අනිවාර්යයෙන් බලන්න, චීස් හදන හැටි බලන්න පුලුවන්, හාවෝ විශාල වශයෙන් බලන්න ඉන්නවා, ඇතුලේ රෙස්ටුරන්ට් තියෙනවා, ( බොරු ගණන් හැබැයි ) හොද වැසිකිළි තියෙනවා. සත්තුන්ට ලෙඩ කාලෙට කිරිදොවන හැටි බලන්න දෙන්නේ නැහැ.
📌️හයිලන්ඩ් කිරි පිටි කර්මාන්තශාලව හොර්ටන්තැන්නේ යන අතරේ මග බලන්න පුලුවන්. ඇතුලුවීම තහනම්. විශේෂ අවසරය මත ඇතුළුවීමට හැක.
📌️එරමදුකැලේ ඇල්ල
රාගල පහු කරලා ඇමස්ට් හංදියෙන් රෑපහා පාරේ කිමී 4 ගියාම ඇල්ල පේන හරියෙන් පහලට බහින්න ඕනා, එතනට වෙනකන් ඕනම වාහනයක් එන්න පුලුවන් . මෙතනට ආවාම එරමදුකැලේ ඇල්ල ට අමතරව එරමදුකැලේ පොඩි ඇල්ල , උඩුපුස්සැල්ලාව ඇල්ල සහ කොටබේ උඩ ඇල්ල දකින්න පුලුවන්, වහින කාලේ නම් සරැවට තියෙන ඇලි පායන කාලෙට වතුර අඩු වෙනවා, එරමදුකැලේ ඇල්ලෙන් නාලා රෑපහා පහු කරගෙන දඹගොල්ලෙන් හැරිලා නිල්දණ්ඩාහින්න ට ගිහින් දියනිල්ල පාරේ කුඩාලෝකාන්තය බලලා හරස්බැද්ද හරහා ආපහු නුවරඑළිය එන්න පුලුවන් බයික් වල යන්න කියාපු ගමන , ලංකාවේ ලස්සන දකින්න මේ හරියෙත් යන්න . මේ ඇලි වලට තව නම් තියෙනවා මම කිව්වෙ මේ පැත්තේ නම් වලින්.
📌️මීපිලිමාන ස්ට්රොබෙරි වාගවන් බලලා හොම්මේඩ් ජැම් අරගෙන එන්න පුලුවන්, හොර්ටන්තැන්නේ පාරේ තියෙන්නේ, ස්ට්රොබෙරි ෆාම් එකක් බලන්න යන්න පුලුවන් ට්රක්ටරයේ නැගලා, පොඩි දරුවන්ට අනිවාර්යයෙන් පෙන්න.
📌️මහකුඩුගල
( රාවණා රජතුමා සම්බන්ද කන්ද) බෘක්සයිඩ් වලින් හැරිලා හයිෆොරස්ට් වලට යනකොට තියෙන්නේ.
📌️හයිෆොරස්ට්
මේ පැත්තට නකල්ස් පවා පේනවා හුලං කපොල්ලක් පාර කාපට් නිසා ඕනම වාහනයක් යන්න පුලුවන්.
📌️රම්බොඩ ඇල්ල
නාන්න පුලුවන්, නුවර ඉදලා එනකොට පාර අයිනේ ඉදලා ටික දුරයි. ඒ හරියේ නාලා කන්න පුලුවන් තැන් තියෙනවා. වහින කාලෙට සම්පූර්ණයෙන්ම බොර වතුර තියෙන්නේ. වෙන් ඇලි වල තියෙන නිදහස් බව නම් මේකේ නැහැ සෙනග වැඩි නිසා.
📌️කොත්මලේ
නාන්න ගොඩක් තැන් තියෙනවා, පාලම යට නාන එක ආරක්ශිත වැඩී, මේ පැත්තේ අය ඔය වතුරට රත්තරන් වතුර කියලා කියන්නේ, ගිහිල්ලා ම බලන්න ඇත්ත ද කියලා.
📌️හැටන් පාරේ එනවා නම් මෙල්ස්නා ටී කාස්ල් එක බලන්න යන්න, වීව් පොයින්ට් එකක් තියෙනවා, unblended tea ගන්න පුලුවන් මෙහෙ තේ වතු වල, කෑම ගණන් වැඩි සමාන්යන් මෙතන. එත් පොඩි දරුවන්ට පෙන්න හොද තැනක්.
📌️මැක්ස්වුඩ්ස් තේකම්හල. දැන් මේක දම්රෝ සමාගම මිලදී ගෙන තියෙන්නේ. නුවර ඉදලා එනකොට පාර අයිනේ.
ඔබ එන්නේ බන්ඩාරවෙල වැලිමඩ හරහා නුවරඑළිය නම් වැලිමඩ පහුකරලා කැප්පෙටිපොළ ටවුන් එක පහුකරලා එනකොට තියෙන බැලුන්ගල රොටි කඩෙන් බිම්මල් එක්ක උණු උණු රොටි කලා කට දන ගමන් ඉගුරු දාලා දෙන ෆුල් ප්ලෙන්ටි එකක් බොන්න අමතක කරන්න ම එපා.
📌️තව හැමෝම දන්න වික්ටෝරියා පාක්, ග්රෙගරි වැව, හක්ගල පාක් එක, පොස්ට්ඔෆිස් එක තියෙනවා.
නුවරඑළියේ ආවාම හොටල් ඇතුලේ ඉන්න එපා ටවුන් එකේ ඇවිදින්න, කොච්ච ඇවිද්දාත් දාඩිය දාන්නේ නැහැ, HNB BOC වගේ බැන්කු වලට ගියොත් බලන්න මල් වගාව කොච්චර ලස්සනද කියලා,
මාකට් එකට ගිහින් නුවරඑළියේ ම අල සහ රාගල බොන්චි සහ මෙහෙ ආවේණික එලවලු අරගෙන එන්න, හැබැයි ගණන් නම් වැඩි.
ලස්සන බලන්න ලංකාවේ නුවරඑළිය ඇවිත් නානුඔය ඉදලා හපුතලේ වෙනකම් කෝච්චියේ යන්න.
ඔය වගේ තැන් ගොඩක් තියෙනවා තව ලස්සන බලන්න ඕනී නම් නුවර පැත්තෙනම් එන්නේ එනකොට ගම්පොල හරහා එන්නේ නැතුව පදියපැලැල්ල පාරෙන් එන්න. පාරක තියෙන ලොකුම නැග්ම තියෙන්නේ ඒ පාරේ , හයිෆොරස්ට් බෘක්සයිඩ් හරහා එන්නේ හරිම ලස්සන තැන් තියෙනවා.
දේශගුනය ගැනත් කියන්නම්,
නුවරඑළියේ පරණ අය කියන්නේ 1984 දී සහ 1998 ද දී වතුර මිදෙන උෂ්ණත්වයක් නුවරඑළියේ තිබුණා, කියලා ජනවාරි මාසේ. 1984 දී සෙල්සියස් ඍන 2 දක්වා සහ 1998 දී සෙල්සියස් බිංදුව සටහන් වුනු උශ්ණත්වමාන සහිත තැන් තියෙනවා. 2011 දීත් කටුක සීතලක් ආවා සෙල්සියස් 1 වෙනක්ම් අඩු උන. විකපීඩීයා අනුව පසුගිය සියවසේ නුවරඑළියේ අඩුම උශ්ණත්වය ඍන 2.6 ලෙස සටන් වෙනවා.
මාර්තු-අප්රෙල් - රස්නෙම කාලය නුවරඑළියේ 24 c වෙන්න වැඩි වෙන්වා සමහර විට දවල් කාලේ, හවස වහින්න පුලුවන් පැය දෙකක් විතර, රෑට 15 c පමණ.
මැයි ජුනි ජුලි - නුවරඑළියේ සුලිසුළං හමන කාලේ තමා මේ, හැම තිස්සෙම පින්න වැටෙනවා වැස්සත් එක්ක, සමහර විට දවස් තුනක් විතර වහිනවා පායන්නේ නැතුව, සමාන්යන් 18-10 c අතර තියෙන්නේ. සමහර විට තද සීතල එනවා. මේ අවුරුද්දේ 2018 සීතල සෑහෙන්න වැඩි උනා හීටර් දාන තරමට. උෂ්ණත්වය 7c දක්වා පහල වැටුනා,
අගෝස්තු සැප්තැම්බර් ඔක්තෝබර් - මේ කාලේ වැස්ස අඩුවේගන යන කාලේ. නමුත් සමහර විට හොදට අව්ව තිබ්බාත් ක්ශනිකව වහිනවා, සුළං අඩු කාලයක්. 15-12 c අතරේ වෙනස් වෙනවා සමාන්යන්. නුවරඑළියේ ඇවිදින්න හොද කාලයක්.
නොවැම්බර් - දෙසැම්බර් - ජනවාරි
වැස්ස දෙසැම්බර් මුල වෙන්න අඩුම වෙනවා සහ සීතල පටන් ගන්නවා දෙසැම්බර් මැද හරියේ සමාන්යන් 15-8 අතරේ මේක 2016 දී ගත්තොත් 3 c වෙනකම් අඩු උනා. ජනවාරි මැද වෙනකම් ඇටකටු විනිවිද යන සීතල තියෙනවා.
ජනවාරි - පෙබරවාරි. ජනවාරි තද සීතල පෙබරවාරි වෙනකොට ක්රමයෙන් අඩු වෙනවා සහ හවස වරු වැස්ස පටන ගන්නවා. සමාන්යන් වැසි රහිත යි කියන්න පුලුවන්. 18-10 අතර උෂ්ණත්වය වෙනස් වෙනවා
මේ නුවරඑළියේ සමාන්යන් තියෙන විදිය මේක වෙනස් වෙන්න පුලුවන් කාලෙන් කාලෙට, ඒ වගේම නුවරඑළියේ ම ඉන්න පැත්ත අනුවත් වෙනස් වෙනවා. ටවුන් එකේ 12 c තියෙනකොට ඊට කීමී 2 විතර දුරින් පිදුරුතලාගල පාමුල මම ඉන්න හරිය 10c විතර, නුවරඑළිය ට වඩා කදපොල අඹේවෙල පට්ටිපොල සීතල වැඩී. ටොප්පාස්, මාගස්තොට, කලුකැලේ කියන්නේ නුවරඑළියේ මීදුම වැඩිම පැති. හාවාඑලිය හරිය තමා මීදුම අඩුම.
තව අප්රකට තැන් තියෙනවා ලේසියෙන් යන්න බැරි...🥺
Negambo Negambo Beach Srilanka Hotel Offers Colombo, Galle Face Greens Sigiriya யாழ்ப்பாணம்.com Ella Visit Beautiful Mirissa - Sri Lanka Trincomalee Kandy මහනුවර கண்டி
