Fraskanjel Beach

18/01/2026

Reflektim kritik mbi zhvillimet aktuale në Freskanjel
“Fraskanjel Beach” apo Plazhi i Freskanjelit

Si banor i Freskanjelit ashtu si bashevendasit e mi dhe si pjesë e këtij komuniteti, ndiej detyrimin moral qe të shpreh shqetësimet e mia lidhur me mënyrën se si po zhvillohen ngjarjet e fundit, të cilat rrezikojnë drejtpërdrejt interesin e përbashkët dhe të ardhmen e këtij vendi.
Dua të informoj opinionin publik se gjatë muajve të fundit ka pasur një rritje të ndjeshme të kërkesave për blerjen e parcelave pranë bregut të Bunës. Është e rëndësishme të theksohet qartë se banorët e Freskanjelit nuk janë kundër zhvillimit. Përkundrazi, të gjithë jemi të një mendimi se kjo zonë duhet të zhvillohet në përputhje me potencialin e saj natyror, agrare, turistik dhe shoqëror.
Megjithatë, ajo që po vërehet me shqetësim është se disa nga pronarët e rinj po ndjekin qëllime të tjera, të shoqëruara me sjellje të pasinqerta dhe arrogante, duke dëmtuar pronën shoqërore dhe duke uzurpuar rrugën pranë bregut të Bunës. Këto shkelje janë të dukshme dhe të dokumentuara qartë në skicën ekzistuese zyrtare.
Freskanjeli është një ndër fshatrat e rralla që ka ndërtuar me forcat e veta infrastrukturën bazë: rrugët, linjën e ujësjellësit, linjën e elektrifikimit, asfaltimin, si dhe rrjetin e telefonisë. Këto janë vlera kolektive që kërkojnë respekt maksimal. Askush nuk ka të drejtë të vijë me urdhra, imponime apo ide të errëta, duke u përpjekur të diktojë se “si qëndrojnë gjërat”, pa njohur historinë, sakrificat dhe realitetin e këtij komuniteti.
Janë vizatuar linja të reja mbi skicën aktuale, të cilat tregojnë qartë shkelje të kufijve, të rrugëve dhe të pronës shoqërore. Si është arritur kjo dhe me ndihmën e kujt, aktualisht nuk është e qartë. Megjithatë, kjo çështje do të trajtohet seriozisht dhe do të zgjidhet vetëm përmes një studimi të mirëfilltë, të bazuar në fakte, dokumente dhe skica zyrtare.
Mesazhi është i qartë dhe i prerë: çdo individ është i mirëpritur në Freskanjel, por vetëm me respekt të plotë ndaj pronës, rrugëve, pemëve dhe hapësirave të përbashkëta. Askush nuk ka të drejtë të ngrejë barriera, të uzurpojë apo të zgjerojë pronësinë përtej parcelave që ka blerë ligjërisht. Kjo është një vijë e kuqe që duhet kuptuar dhe respektuar nga të gjithë.
Komuniteti i Freskanjelit ka qenë dhe mbetet i hapur për dialog, konsultim dhe zgjidhje transparente të çdo pengese apo mosmarrëveshjeje, pa presione, pa emërime arbitrare dhe pa konflikte të panevojshme. Çdo vendim duhet marrë me qetësi, përgjegjësi dhe mendje të ftohtë, në interes të përbashkët.
Freskanjeli do të mbetet ashtu siç është ndërtuar ndër vite, pavarësisht presioneve apo thashethemeve. Çdokush që vjen me qëllime të mira, me respekt dhe ndershmëri, do të jetë gjithmonë i mirëpritur.
I bëj thirrje të gjithëve të ndalemi, të reflektojmë,thellohemi dhe të kërkojmë një zgjidhje sa më të drejtë dhe të qëndrueshme, pa u ndjekur “cep më cep” dhe pa krijuar pakenaqesi dhe përçarje.
E gjithë Ana e Malit e njeh Freskanjelin si bukëdhënës, dashamirës dhe mikpritës. Ky është identiteti ynë dhe ky identitet duhet ruajtur.
Ju mirëpresim

Delo Heba
New York
01.18.2026

28/12/2025

Freskanjel beach

16/08/2025

🌊 Fraskanjel Beach – Perla Sekrete e Bunës
Vetë emri “Freskanjel” do të thotë freski.
Në një kënd të qetë buzë lumit Buna, larg zhurmës e nxitimit të përditshëm, ndodhet Fraskanjel Beach – një perlë natyrore që çdo ditë shkëlqen më shumë dhe bëhet vendi i dashur i atyre që kërkojnë qetësi, bukuri dhe çaste që mbeten në kujtesë.
Këtu, uji eshte i freskët e i kristaltë përqafohet me rërën e argjendtë e të imët, ndërsa hijet mikpritëse të plepave dhe bagremave të përkëdhelin me një freski të ëmbël verore. Në sfond, tingujt e lehtë të gjetheve që vallëzojnë dhe shushurima e kallamishtes së bambusë krijojnë një melodi natyrale që të qetëson shpirtin dhe ta mbush zemrën me paqe.
Fraskanjel Beach është ideal për:
 Pushime familjare nën hijet e freskëta, me hapësira të bollshme për piknik dhe momente të shkujdesura.
 Dashamirësit e diellit, me rërë të pastër që fton për rrezitje të ngrohtë dhe relaksuese.
 Adhuruesit e lundrimit, që mund të eksplorojnë Bunën me kajak ose mjete të tjera ujore, duke ndjerë plotësinë dhe bukurinë e saj.
 Peshkatarët pasionantë,mundesi te shkelqyshme, këtu gjejnë ujëra të pasura dhe një qetësi që i bën orët e peshkimit edhe më të këndshme.
Veçoritë e Fraskanjel Beach:
 Qetësi e plotë, larg turmave, vapës dhe trafikut të qytetit.
 Akses i lehtë si nga rruga tokësore ashtu edhe nga uji.
 Freski e vazhdueshme që e ndien në çdo frymëmarrje.
 Natyrë e gjallë, e paprekur dhe autentike – një vend që të tërheq vetvetiu dhe nuk do të të lërë të largohesh pa e dashur.
Por Fraskanjel Beach nuk është thjesht një plazh – është një përvojë që të hyn në shpirt.
Imagjino netët magjike buzë lumit: një open bar i ngrohtë dhe mikpritës, peshk i freskët i gatuar me dashuri, muzikë e butë që përzihet me shushurimën e ujit dhe një qiell i mbushur me yje. Një mbrëmje ku koha ndalon dhe gjithçka duket se është endur nga natyra vetë, pa prishur asnjë detaj të bukurisë që të rrethon. Ku mund ta gjeni kte kenaqesi?
Ky vend nuk të fton vetëm të vish – të bën ta marrësh me vete në zemër.
Fraskanjel Beach është thirrja e natyrës për të marrë frymë thellë, për të ndjerë tokën nën këmbë dhe për të krijuar kujtime që të ngrohin edhe kur verës i ka ikur stina.
Eja dhe zbulo këtë thesar të fshehtë – lëre magjinë e tij të të mbështjellë.
Në Fraskanjel Beach, nuk je thjesht vizitor… je banor nderi i një parajse të vogël.
D.d Heba
08/16/2025 New York

07/07/2025

24/07/2023

Fine sand and cool clean water at Fraskanjel beach

09/04/2016

Kubla per te gjith

31/01/2016

Po afron kohe per gjoje te kublave

31/01/2016

Fresh fish for costumers

20/09/2015

First costumers

18/09/2015

Grand opening ....BBQ and live music Fraskanjel Beach saturday night 18.30 pm