https://www.facebook.com/104144194891088/

DRICC Atsinanana, Bâtiment dans l'enceinte ex-Sidema/Tranosoa Bazary Kely, Toamasina (2026)

Q: What is the address?

Bâtiment Dans L'enceinte Ex-Sidema/Tranosoa Bazary Kely

01/12/2025

* "Dialogue Public Privé"

Notanterahina teto Toamasina ny alakamisy 27 Novambra 2025 teo ny fivoriana andiany faha sivy nataon’ireo komity mpanara-maso ny dinika fifampiresahana eo anivon’ny sehatra tsy miankina sy ny fanjakana na DPP.

Nifantoka tanteraka tamin’ny fampahafantarana ny voka-pikarohana farany sy ny tetikasa fanamboarana ny bokin-dalana mahakasika ireo dingana rehetra tokony harahina ho an’ny fomba fiasa eo anivon’ny seranan-tsambo sy ny fanaraha-maso ny fandrosoan’ny fanantanterahana ny fampiharana ireo asa natao ho laharam-pahamehana ho an’ny fanamorana ny fivezivezena ao anatin’ny seran-tsambon’i Toamasina ity fivoriana ity.

Tanjona, ny fanatsarana tanteraka ny fomba fiasa eo anivon’ny serantsambo mba hahafahana sahady mitsena ny fahavitan’ny fanitarana ny seran-tsambon’i Toamasina izay ho anisan’ny seranan-tsambo lehibe indrindra eto Afrika ka ho matihanina, ary mba ho fomba fiasa vaovao hifanaraka amin’ny fenitra iraisam-pirenena ny fomba fiasa ho hita eo anivon’ny izany seran-tsambo izany.

Ity Dinika ity moa dia hita fa nahomby ary isan’ny ho atao fototra na dika mitovy ho an’izay tetik’asa lehibe mbola maro hifandimby eto amin’ny firenena.

* “FOIRE TOAM’KETRIKA ANDIANY FAHA 06”

Fa ny andron'io Alakamisy 27 Novambra 2025 io ihany koa dia nisokatra teto Toamasina ihany koa, ny foira be “TOAM’KETRIKA”, foira izay karakarain’I LA FABRIQUE des pratiques entrepreunariales, ity farany moa dia ivon-toerana fanohanana sy fampivoarana ireo tanora mpandraharaha vao misondrotra.
Miisa 134 ny mpandray anjara, ary amin’ny maha mpiara-miasa akaiky an’i La Fabrique sy ny Fitaleavam-paritrin’ny Indostria sy ny fampiroboroboana ny sehatra tsy miankina dia anisan’ny nandray anjara amin’ny fampiratiana ny ekipa mba hahafahan’ireo kaopérativa mampiranty ny vokatr’izy ireo mba hahafahan’ireo kaopérativa misokatra ho amin’ny fiaraha-miasa amin’ny sehatra hafa.

Naharitra 03 andro moa ity foira be ity ka nifarana ny Asabotsy 29 Novambra 2025.

22/09/2025

[17-22 septambra 2025]
FIFAMPIRESAHANA EO AMIN’NY FANJAKANA SY NY SEHATRA TSY MIANKINA (DPP)
Miroso amin’ny famolavolana torolalana momba ny dingana arahina mikasika ny asa eny anatin’ny seranan-tsambo ny Komity mpanaraka sy mpanara-maso ny Fifampiresahana eo amin’ny fanjakana sy ny sehatra tsy miankina teto Toamasina.

Tontosa ny 22 septambra teto Toamasina ny fivoriana andiany faha-8n’ny fifampiresahana eo amin’ny fanjakana sy ny sehatra tsy miankina (DPP) tao aorian’ny fifanakalozan’ireo mpisehatra ao anatin’ny asa momba ny seranan-tsambo. Nibahana nandritra ny fihaonana sy ny dinika natao ny momba ireo fomba fiasa eo anivon’ny seranan-tsambo manaraka ny fenitra. Tafiditra ao anatin’izany ny mikasika ny fanafarana sy fanondranana entana. Nanamafy ny Minisitry ny Fampiroboroboana ny Indostria sy ny Varotra (MIC), David RALAMBOFIRINGA, izay sady Filoha mitarika ity fifampiresahana eo amin’ny fanjakana sy ny sehatra tsy miankina ity fa fampandrosoana maharitra no tanjona napetraka. Ary ny torolalana dia niarahana nandrafitra hanatsarana ny asa ao amin’ny seranan-tsambo ho tombontsoan’ny mpandraharaha voakasika rehetra. Efa mihitatra ihany ny fotodrafitrasa hoy izy ka ilaina ny fampandrosoana eo amin’ny fomba fiasa amin’ny ankabobeny mifandray amin’izay. Hitondrana fanamorana ny raharaha ara-barotra ary hisy fiantraikany eo amin’ny vidin’entana izany ary ho voakasika mivantana ny ara-toekarena.
Araka ny fanambaran’ny Talem-paritra Atsinanana, Jean Berchmans Belalahy , hahitana vokatra azo tsapain-tanana amin’ny fanatsarana ny fizotry ny asa eny amin’ny seranan-tsambon’i Toamasina , izay ivon’ny toekaren’i Madagasikara , ny fivoriana sy fifampidinihana natao.
Marihana fa nanohana ny fifampiresahana eo amin’ny fanjakana sy ny sehatra tsy miankina natao tetoToamasina ny Vondrona Eoropeanina amin’ny alalan’ny tetikasa Clim-Invest ary nandrindra izany ny l’Economic Development Board of Madagascar (EDBM).

01/08/2025

FMFP-ANTSO TETIKASA AP 20

Notanterahina omaly Alakamisy 31 Jolay 2025 ny fampahafantarana, fizarana ary indrindra fanampiana ho am'ity antso tetikasa AP 20 ity, izay natokana indrindra ho an'ireo orinasa madinika mivondrona amin'ny kaoperativa, fikambanana, sy ONG.

Raha tsiahivina, ny FMFP na tahiry famatsiam-bola Malagasy dia mamatsy amin'ny alalan'ny Fanohananan'ny AFD sy ny vondrona eropeanina ny fampiofanana ireo mpiasa amin'ny orinasa na mpikambana amina vondrona, mba ahafahan'izy ireo ho havanana amin'ny asa izay ataony.

Tanjona tamin'ity androany ity ny hanatsarana sy hampiakarana ny tahan' ny fandraisan'anjaran'ireo maniry hisitraka fampiofanana eo an'ivon'ny FMFP, 250 tetikasa ho an'ny faritra manerana an'i Madagasikara no hisitraka ny famatsiana fiofanana ka ilaina araka izany ny mikaly sy mandrafitra tsara ny tetikasa.
Tonga niatrika ity fotoana ity ny ekipan'ny DRIC Atsinanana, noho ny fifanarampiaraha-miasa eo amin'ny MIC sy ny FMFP.

Entanina arak'izany ireo kaoperativa fa indrindra ireo mpisitraka ny ODOF mba handray anjara mavitrika amin'ny famaliana ny tetikasa fa sady hitombo ny fahaiza-manao ny mpikambana no handray anjara betsaka ihany koa amin'ny fampiroboroboana ny toekarana eto Madagasikara amin'ny alalan'izay fanatsarana traikefa izay.

08/03/2024

"Vehivavy miarina sy miray hina, firenena mandroso"

Lohahevitra lehibe ho an’ity 08 Mars andro iraisam-pirenena ho an'ny zon'ny vehivavy ity. Teto Toamasina no natao ny fankalazana nationaly izay tarihan'ny Ramatoa Mialy Rajoelina(première dame).
Feno dia feno raha ny fandaharam-potoana ho an'ity herinandro ity ary anisan'izany ny fitokanana ny birao’ ny fitalevam-paritrin'ny polisim-pirenena eto Toamasina sy ny fitsidihana ireo varotra fampiratiana izay tanterahina eo anoloan’ny tranoben’i firaisana ambony vohitra Toamasina I.
Fampiratiana izay andraisan’ireo vehivavin’ny DRIC Atsinanana anjara ka anasongadinan’izy ireo ny vokatrin’ny Coopérative TANJONA MAMOKATRA izay anisan’ny nisitraka ny milina fanaovana chips ny ODOF sy ny coopérative KOVAPAMMINA misehatra amin’ny fanjairana sy ny taozavatra.
Nisy ihany koa ny filaharana lehibe izay niainga teo amin’ny APMF ka hatreo amin’ny esplanade MIAMi izay mbola nanehoan’ireo Andriambavi-lanitra eto anivon’ny DRIC Atsinanana ny firaisankinan’izy ireo ka nandraisan’izy ireo anjara tamin’izany filaharana izany.

13/09/2023

Famatsiam-bolan’ny Banky iraisam-pirenena

Natao teto amin’ny renivohitrin’ny faritra Atsinanana androany Alarobia 13 Septambra 2023 tao amin’ny efitrano fivoriana ny Hotel Calypso, ny atrikasa sy fanadihadiana momba ny orinasa madinika sy salantsalany eto Toamasina, izay nifandrimbonan'ny Antenimieran’ny Varotra sy ny Indostria Toamasina, ny fitaleavam-paritrin’ny fampiroboroboana ny indostria, ny Varotra sy ny Fanjifana Eto Atsinanana, ny vondron'ireo mpandraharaha vehivavy eto Toamasina ary La Fabrique, ny fanomanana azy. Dimy amby roapolo (25) ireo mpandray anjara.
Tanjona tamin’ity Atrikasa ity ny fanombanana ny faharetan’ireo orinasa madinika sy salantsalany manoloana ny fikorontanan’ny toetr’andro eto amin’ny faritra Atsinanana.

30/08/2023

VOI ( Vondron'Olona Ifotony)
CR Ambalabe, district Vatomandry

Nanatanteraka fihofanana mikasika ny fiainany kaoperativa sy ny fanatsarana ny fitantanana eo anivony kaoperativa n'y ekipa 'ny DRICC Atsinanana.

Magniry ny hivadika ho kaoperativa Ireo VOI (Vondron'Olona Ifotony), izay fikambanana mpiaro n'y ati-ala.

Miisa 40 ( 20 lahy 20 vavy) izy ireo no nofanina, izay @ commune rurale Ambalabe, district Vatomandry, aty Amin faritra Atsinanana.

DRICC Atsinanana

18/08/2023

Formation professionnelle en Technique de transformation des produits agro-alimentaires et halieutiques teto Toamasina n'y 14-18/08/23

Notanterahina teto Toamasina n'y fiofanana momba ny "Technique de transformation des produits agroalimentaires et halieutiques" ny 14/08 - 18/08/23, izay nokarakarain'ny MICC, niarahana tamin'ny METFP, izay notahanan'ny PNUD.

Fizarana mari-pankasitrahana tamin'ny fanarahana n'y fiofanana (attestation) no namaranana n'y fiofanana androany, izay notronon'ny DG METFP, tale fampianarana ara-tekinika, ireo solontenam-panjaka eto an-toerana, tale-paritry n'y fampiroboroboana ny indostria, n'y varotra s'y n'y fanjifana, solontenan'ny PNUD, olo-manankaja maro.

ATSINANANA

08/08/2023

Fitsidihana ny fanitarana ny Port de Toamasina

Anio 08/0823 Dia nitsidika ny asa fanitarana ny seranatsambon'ny Toamasina (Port de Toamasina) ny Minisitry ny Fitaterana sy ny Famantarana ny Toetrandro Andriamatoa Manambahoaka Valéry Fitzgerald RAMONJAVELO sy ny Minisitry ny Toekarena sy ny Fitantanambola Ramatoa Rindra Hasimbelo RABARINIRINARISON, notronin'ireo sehatra rehetra izay miasa mivantana amin'ny Port de Toamasina. Anisany nandray anjara feno n'y DRICC aty amin'ny faritra Atsinanana.
Taorian 'ny fitsidihana dia narahina fivoriana tetsy amin'ny "PACT na Port Academy Center Toamasina" niaraka tamin'ireo vondrona mpamily fiara vaventy eto an-toerana s'y ireo olona misehatra mivantana amin'ny fampiasana n'y port de Toamasina mba hoentina handravonana ny mety olana misy eo amin'ny fivezivezena ary koa mba handrindrana ny filaminana eo amin'ny fidirana s'y fivoahana ny port mba tsy ho hisy n'y fitohanana.

ATSINANANA

14/07/2023

TANINKETSA INDOSTRIALY AO BRICKAVILLE

Efa misokatra ho an’ireo mpandraharaha liana amin’ny fitantanana ny milina famokarana chips ao Brickaville ny famaliana ny Antso ho an’ny tetikasa (Appel à projet). Manana hatramin’ny 03 Aogositra 2023 amin’ny 4 ora hariva izy ireo amin’izany.
Ny fanehoana ny fahalianana dia alefa amin’ny adiresy mailaka [email protected] sy [email protected] ary aterina an-tanana ao amin’ny Biraon’ny Fitalevam-paritra (DRICC) Atsinanana ao amin'ny Rez de chaussée Bâtiment Région avenue de l'Indépendance Toamasina.

DRICC Atsinanana

01/12/2025

22/09/2025

01/08/2025

08/03/2024

13/09/2023

30/08/2023

18/08/2023

08/08/2023

14/07/2023

Address

Telephone

Website

Alerts

Contact The Business

Shortcuts

Share