Селото е распослано во подножјето на прекрасната планина Серта, уште наречена и Конечка Планина, близу изворот на реката Крива Лакавица. Лежи 20 километри јужно од градот Радовиш.
Под селото се наоѓаат и Конечките езера, а во близина на селото се наоѓа и големото вештачко езеро Мантово. Езерата се богати и со разновидна риба, како на пример: крап, костреш, плашица и други.
Во месноста Горна Кула и
ма остатоци од античка и средновековна тврдина. За прв пат Конче се споменува во 1019 година во записите за византискиот император Василиј II. Селото било дел од Струмичката епархија на Охридската архиепископија. Од XIV век во селото постои манастирот „Св. Богородица“. Во грамотата на царот Стефан Урош од 1366/1367 година, во селото живееле 25 семејства. На крајот на XIX век селото било дел од Радовишката каза на Отоманската империја.
Мештаните се занимаваат со одгледување тутун, а и други земјоделски гранки. Исто така се одгледува добиток.
Според пописот од 2002 година, селото имало население од 967 жители, со што селото се вбројува во големи села во областа на Конче и Радовиш
