23/11/2024
ကမ်းသာယာသို့ လွမ်းချင်း.....
ဒီ Page လေးမှာ Guest House အကြောင်းထက်
ကမ်းသာယာကမ်းခြေရဲ့ သဘာဝအလှလေးတွေကို
ပိုပြီးတော့မှ တင်ဖြစ်ခဲ့ပါတယ်။
Admin ကိုယ်တိုင်က သဘာဝပတ်ဝန်းကျင်ကို
ချစ်မြတ်နိုးသူတစ်ယောက်ဖြစ်လို့ပါ။
ငယ်ရွယ်စဥ်ကတည်းက ကမ်းခြေလေးဟာ
တဖြည်းဖြည်း ဆင့်ကဲတိုးတက်လာပေမယ့်
လတ်ဆတ်တဲ့ ပင်လယ်လေညှင်းတွေနဲ့
လှိုင်းခတ်သံတွေဟာ ရိုးအီမသွားပါဘူး။
ပင်လယ်စာတွေဟာ လတ်ဆတ်မြဲပါပဲ။
ကင်းပုံချောင်းကလေးဟာလည်း စီးဆင်းလျက်ပါပဲ။
ကမ်းခြေဆီ အလည်လာရင်
ပင်လယ်ကြီးက ဆီးကြိုလို့ ပျော်ရွှင်ရသလို
အိမ်ပြန်ရင်လည်း ရိုးမတောင်တန်းတွေကြား
အလွမ်းတွေ ထွေးပိုက်ပြီး ပြန်ရစမြဲပါ။
Admin အရွယ်ရောက်လာတော့
ကမ်းခြေရဲ့ အလှတွေကို Social Media ပေါ်
တတ်နိုင်သလောက် မျှဝေခဲ့ပါတယ်။
ကမ်းခြေလေးကို အဝေးက သတိရရင်
အလွမ်းပြေ ကြည့်နိုင်အောင်ပေါ့။
မိုးလေကင်းစင်တဲ့ အခုလိုရာသီမှာ
ပင်လယ်ပြာပြာကြီးကို ပိုလွမ်းမိပါတယ်
အခုအချိန်မှာတော့ ကမ်းခြေလေးကို
လွမ်းနေတဲ့သူဟာ Admin တစ်ယောက်တည်း
မဟုတ်တာသေချာပါတယ်။
ကမ်းခြေလေးကို လွမ်းနေရင်လည်း
Page ထဲက Photo တွေ Video ကိုကြည့်ရင်း
အလွမ်းဖြေနိုင်ကြပါစေ။
ကိုယ်စိတ်နှလုံး ငြိမ်းချမ်းကြပါစေ။
ဘဝအမောတွေ ပြေပျောက်ကြပါစေ။
ကမ်းခြေကျေးရွာလေးလည်း ဘေးကင်းပါစေ။
ကဗျာလေးတစ်ပုဒ်ကတော့.....
" လူသားတွေဟာ လောကကြီးထဲ
ဝင်လာလိုက် ထွက်ခွာလိုက်ပါပဲ.....
ကင်းပုံချောင်းကလေးကတော့
အမြဲစီးဆင်းနေမှာပါ..... "
