Si Kham - Campground

Si Kham - Campground စည်ခမ်း - Campground မှာ ဓာတ်ပုံလာရိုက်ရင်း

ဝရုန်းသုန်းကား ကာလကြီးလို့ ပြောမလား။၈၈ ၈၉ ၉၀ ဝန်းကျင်မှာ ကျနော်တို့ ကျောင်းနေဖက်သူငယ်ချင်းတွေ မွေးလာကြတယ်။ ခေတ်မကောင်းတဲ...
10/08/2025

ဝရုန်းသုန်းကား ကာလကြီးလို့ ပြောမလား။
၈၈ ၈၉ ၉၀ ဝန်းကျင်မှာ ကျနော်တို့ ကျောင်းနေဖက်သူငယ်ချင်းတွေ မွေးလာကြတယ်။ ခေတ်မကောင်းတဲ့ကာလမှာ မွေးလာကြသူတွေ ဖြစ်ပေမယ့် ကျနော်တို့ ဖြတ်သန်းရတဲ့ ငယ်ဘဝတွေဟာ ကောင်းတာတွေချည်း ရခဲ့ကြပါတယ်။ ကျနော်တို့ ဒေသကွက်ကွက်လေးကိုပဲ ပြောရရင် တိုက်ပွဲဖြစ်လို့ ပြေးရတယ်ဆို မရှိသလောက်။
ကျောင်းကို ပျော်ပျော်ကြီးတက်ခဲ့ရတယ်။
စာအုပ်ဆိုင်က စာအုပ်တွေ ဖတ်စရာရှားတဲ့အထိ ဖတ်ခွင့်ရခဲ့တယ်။
သီချင်းတွေ သေချာ နားထောင်ခွင့်ရခဲ့တယ်။
ဘောလုံးကို စိတ်ကြိုက်ကစားခွင့်ရခဲ့တယ်။
လူမျိုးမတူ ဘာသာမတူတာတွေ ရှိပေသိ၊
ငြင်းကြခုံကြတာတွေ ရှိပေသည့် အသည်းထိ လှိုက်ပြီး နာသွားကြတာမျိုးမရှိ၊ အမုန်းကြီး မုန်းသွားကြတာမျိုးမရှိ။ သူ့ပွဲကိုယ်သွား ကိုယ့်ပွဲသူလာနဲ့ တော်တော်ကို ပျော်ပျော်ပါးပါး ရှိခဲ့တဲ့ ကာလတွေပါ။
လူငယ်သဘာဝ ရန်ပွဲ၊ ရိုက်ပွဲရှိကြပေမယ့် ဘယ်သူမှ လူမျိုးနဲ့ ချီပြီး ရန်မီးမစကြ။ စဖို့ရာလည်း နာနာကြည်းကြည်း ခံစားချက်မရှိကြ။
လူကြီးတချို့ အတိတ်က အဖြစ်အပျက်တချို့ကြောင့် စိုးရိမ်စိတ်နဲ့ ခြောက်လှန့် ပြောဆိုတာမျိုးရှိခဲ့တာတောင် ဘယ်သူမှ ကိုယ့်သူငယ်ချင်းကို စွန့်ပစ်လိုက်ဖို့ စိတ်ကူးမရှိကြ။ ပေါင်းရင်း သင်းရင်း တကယ်ပင်ညီအကိုလို နေခဲ့ကြသူတွေပါ။
ခုခေတ်စားလာတဲ့ Slow Living ဆိုတာမျိုး အပြည့်အဝကြီး ရခဲ့ကြပါတယ်။
ခုဆို ကျနော်တို့တွေ ၃၅ ကျော်လို့ ၄၀ထဲ ခြေလှမ်းကြပါပြီ။
လူငယ်အရွယ်က ကျော်ပြီး လူရွယ်ဖြစ်ကြပါပြီ။ ကောင်းရာကောင်းကြောင်းအတွက် ဦးဆောင်ကြရမယ့်အရွယ်။ ရှေ့ဆောင်လှမ်းပြကြရမယ့် အရွယ်။
ဒီလိုအရွယ်မှာ ကျနော်တို့ လူငယ်တွေကို ပေးနေကြတာတွေက စစ်ပွဲတွေ၊ လူမျိုးနဲ့ချီပြီး ရန်မီးပွားစရာတွေ၊ မျိုးဆက်နဲ့ချီပြီး မုန်းကြမယ့်အမုန်းတွေ။
အများကြီးတွေးလေ အများကြီး စိတ်မောစရာ ဖြစ်လေပါပဲလေ။

နန့်မွန်း ရေခဏခဏ နစ်နေတာ မြင်ရတော့ တကယ်စိတ်မချမ်းသာရပါ။ ဘယ်သူမပြု ကျနော်တို့အမှုပါပဲ။ မိုးအတော်အတန်ရွာတယ်ဆိုရင်ပဲ ရေတွေ ...
02/08/2025

နန့်မွန်း ရေခဏခဏ နစ်နေတာ မြင်ရတော့ တကယ်စိတ်မချမ်းသာရပါ။ ဘယ်သူမပြု ကျနော်တို့အမှုပါပဲ။
မိုးအတော်အတန်ရွာတယ်ဆိုရင်ပဲ ရေတွေ ဒလဟော ကျလာပြီး နန့်မွန်းဟာ ရေနစ်ပါပြီ။
နစ်ပေမပေါ့။
ရွာကျလာတဲ့ မိုးရေတွေကို ထိန်းစရာ သစ်ပင်တွေ သစ်တောတွေမှ မရှိတော့တာကိုး။ ချောင်းထဲ ရေစီးအဟုန်ကို အတိုင်းအတာ တစ်ခုထိတားပေးနိုင်တဲ့ ကျောက်တုံးကျောက်ခဲကြီးတွေမှ မရှိတော့တာကိုး။
ချောင်းက သဲတွေယူပြီး လမ်းခင်း အိမ်ဆောက် လုပ်လွန်းတော့ မြေမျက်နှာ နိမ့်မြင့်ကွာခြားချက်ကလည်း တော်တော်များပြီ ထင်ပါတယ်။ ဥပမာ နှစ်မွှာဆုံကစပြီး နန့်မွန်းဆုံးတဲ့ ထောက်ပတ်ကုန်းနားထိ နိမ့်မြင့်ကွာခြားချက် အရင်က ၁၀ ပေရှိတယ်ဆို အခု ပေ ၃၀ အသာလေးပါပဲ။ အဲ့တော့ အရင်က စာပွဲပြင်ပေါ် ရေဖိတ်ကျမိရင် စီးသလို နှေးနှေး စီးဆင်းတတ်တဲ့ရေဟာ ခုဆို ရေတံလျောက်က ကျသလို အရှိန်အဟုန်နဲ့ စီးတော့တာပါပဲ။ ထိန်းစရာ ကျောက်တုံးကျောက်ခဲတွေ မရှိတော့ဘူး။ စုတ်ယူထားစရာ မြေဆီလွှာတွေကို ထိန်းပေးမယ့် သစ်ပင်တွေလည်း မရှိတော့ဘူးကိုး။
ကျနော်ကတော့ လွန်ခဲ့ နှစ်အစိပ်လောက်က ချောင်းကို မျက်လုံးထဲ မြင်မြင်ပြီး ပြေးလွမ်းတာပါပဲ။
နွေရာသီ ရေကြည်ကြည့် ရေအေးအေး ကူးချင်ရင် အများကြီးသွားစရာမလိုဘူး။ နတ်ကြီးကုန်းထိပ်ဘက်နားဆို ချောင်းဟာ တော်တော်ကြည်လင်နေပြီ။ ချောင်းထဲမှာ ငါးလဝါ​လို့ခေါ်တဲ့ ငါးတစ်မျိုးရှိတယ်။ အရိုးပျော့ပျော့နဲ့၊ ကြော်စားလိုက်ရင် တော်တော်ချိုပါတယ်။ ခုတော့ မတွေ့ရတော့ဘူး။ အရင်က အဲ့ကောင်တွေ သွားလာနေတာ အတိုင်းသားမြင်နေရတာပဲ။
တိုက်ကုန်းက ထွက်လိုက်ရင် ကျောက်တုံးကျောက်ခဲတွေနဲ့။ ရေတွေ ကြည့်လင် အေးစိမ့်။ အဲ့ရောက်ရင် ရေကို ဒီအတိုင်းသောက်ကြတာပဲ။ အရင်က ဘယ်သူမှ ရေသန့်ဘူး မသောက်ကြပါဘူး။ ချောင်းသဲတွင်းကရေ မဟုတ်ရင် ရေတွင်းထဲက ရေကို ဒီအတိုင်း ရေစစ်နဲ့ စစ်ရုံစစ်ပြီး သောက်ကြတာပါပဲ။
အဲ့လိုကြည်လင်နေတဲ့ နေရာမှာပေါက်တဲ့ ကျောက်တုံးတွေက ရေညှိတွေ ကျောက်ပွင့်တွေရတယ်။ ရေညှိ ဆွဲကြ၊ ကျောက်ပွင့်စုကြ၊ စိမ့်တွေထဲ ဇရစ်ပင်တွေခူး၊ တောထဲဝင်ရင် ဥသျှစ်ရွက်၊ တောအုန်း၊ ကြိမ်ဖူး၊ ဋရင်ကောက်၊ ဂုန်မင်းအူ ပေါချက်။ လူကြီးတွေ ဟင်းရှာထွက်ကြတဲ့နေရာ။ ကလေးတွေ ငှက်လိုက်ပစ်တဲ့နေရာ။ အရင်က ကစားစရာဆိုလို့ တောထဲသွား ငှက်ပစ်တာ၊ ဘောလုံးကန်တာလောက် ဆော့စရာ ရှိတာကိုး။
တချို့နေရာတွေမျာ ချောင်းနှစ်ခွ ဖြစ်သွားတဲ့နေရာတွေရှိတယ်။ ရေနည်းတဲ့ တစ်ဖက်ကို ပိတ်ပြီး ကျောက်တုံးတွေ လှန်လိုက်ရင်ပဲ ပုဇွန်ဆိပ်တွေ ငါးရံ့တွေ ပုဇွန်လုံးတွေ တစ်ပိဿာလောက်က အသာလေး။ ရှိမှာပေါ့။ ရှော့မှ မတိုက်ကြသေးတာကိုး။
ခုကျတော့ လိုချင်စရာတွေ များကြပြီ။ ခေတ်ကြီးက အပြိုင်အဆိုင်။ အကျိုးအကြောင်း ဆင်ခြင် စဥ်းစားဖို့ထက် ရသလို ပိုက်ဆံရှာကြ။ သူထက်ငါ ခေတ်မှီတယ်ဖြစ်အောင် ဝယ်ကြ ခြမ်းကြပေါ့။
ဒါနဲ့ ချောင်းတွေဟာ ချောင်းတွေ မဟုတ်တော့ဘူး။ သစ်တောတွေဟာ သစ်တောတွေ မဟုတ်တော့ဘူး။
ကျနော်တို့ ချောင်းတွေ သစ်တောတွေကို ဒုက္ခပေးခဲ့သလို့ ချောင်းတွေ သစ်တောတွေက ဒုက္ခ ပြန်ပေးကြပါပြီ။
ဘယ်သူမှ အပြစ်တင်လို့ မရပါဘူး။
ဘယ်သူမပြု ကျနော်တို့ အမှု့ပါပဲ။

Photo Credit to Min Thant

သဘာဝသယံဇာတက်ို အလွန်အမင်း အားကိုး အားထားပြုတဲ့ နိုင်ငံတွေဟာ ဆင်းရဲကြသတဲ့။ငယ်ငယ်တုန်းက ဖတ်ဖူးသွားတဲ့ သဘာဝသယံဇာတ ကျိန်စာအက...
26/04/2025

သဘာဝသယံဇာတက်ို အလွန်အမင်း
အားကိုး အားထားပြုတဲ့ နိုင်ငံတွေဟာ ဆင်းရဲကြသတဲ့။
ငယ်ငယ်တုန်းက ဖတ်ဖူးသွားတဲ့ သဘာဝသယံဇာတ ကျိန်စာအကြောင်း။

ဒါကြောင့်ပဲနေမယ်။
ရွှေမရှာချင်ခဲ့ဘူး။
ကျောက်မရှာချင်ခဲ့ဘူး။
သိုင်းမသင်ချင်ခဲ့ဘူး။
ဘဝမှာ ငွေများများစား ရှာဖို့ရာ
တိုက်တိုက်ခိုက်ခိုက် နေဖို့ရာ အစီအစဥ်မပါခဲ့ဘူး။

သဘာဝကို မထိခိုက်ရာ သဘာဝကို ထိန်းသိမ်းရင်း အသက်မွေးလို့ရရာ အလုပ်တစ်မျိုး သယ်လာပြီး ဒီဒေသမှာ အလုပ်လာလုပ်မယ်။

သဘောကျလို့ လိုက်လုပ်ချင်သပဆိုတဲ့သူတွေကို အကူအညီပေးမယ်။

အတိုင်းအတာ တစ်ခုထိလုပ်ပြီးရင် တစ်နေရာရာမှာ ငြိမ်ငြိမ်လေး သွားနေမယ်၊ လုပ်ချင်တာတွေလုပ်မယ် တွေးထားခဲ့တာ။

ဒီအခြေအနေ ဒီလူတွေ ဒီထဲက အတွေးတွေနဲ့ ကျနော်တို့ ဒေသကြီး အေးအေးဆေးဆေး နေခွင့်ရဖို့ရာ လမ်းမမြင်။

အဲ့ဒီအချိန်တုန်းက ပျော်ခဲ့ပါးခဲ့ရတာတွေ သတိရမိတာပါပဲ။ အခုတော့ ဘာတွေ ဖြစ်နေပြီလဲတောင်မသိ။အခြေအနေပေးရင်တော့ ပုံစံတစ်မျိုးနဲ...
25/03/2025

အဲ့ဒီအချိန်တုန်းက
ပျော်ခဲ့ပါးခဲ့ရတာတွေ သတိရမိတာပါပဲ။
အခုတော့ ဘာတွေ ဖြစ်နေပြီလဲတောင်မသိ။
အခြေအနေပေးရင်တော့ ပုံစံတစ်မျိုးနဲ့ ပျော်စရာတွေ ပြန်ဖန်တီး ပေးချင်ပါသေးတယ်။

Address

နန့်သဲဘုရားအနီး(တိုက်ကုန်း ရှမ်းကွက်သစ်)၊ နန့်မွန်းမြို့
Indawgyi
01114

Website

Alerts

Be the first to know and let us send you an email when Si Kham - Campground posts news and promotions. Your email address will not be used for any other purpose, and you can unsubscribe at any time.

Shortcuts

Share

Category