09/10/2022
ပန်းဆိုးတန်းလမ်းနဲ့ကုန်သည်လမ်းဆုံနေရာပါ။၁၉၆၁ ခုနှစ်ပုံဖြစ်လို့နှစ်ပေါင်း ၆၂နှစ်ရှိပြီ။ကျွန်တော့်တစ်သက်ပဲ။ပုံမှာမြင်ရတဲ့အဆောက်အဦးကြီးကို Rander House ခေါ်တယ်။အခုထိရှိသေးတယ်။ပြည်တွင်းအခွန်ရုံးဖြစ်နေပြီ။၁၉၃၆ ခုနှစ်အိန္ဒိယကုန်သည်ကြီးများစုပေါင်းဆောက်ခဲ့တာ။အိန္ဒိယသံရုံးနဲ့ကပ်ရပ်ပဲ။
ပန်းဆိုးတန်းလမ်းကဘဝအတွက်အမှတ်တရအများကြီးရှိတဲ့လမ်းပါ။ပထမဆုံးလုပ်ခဲ့ဖူးတဲ့ကုမ္ပဏီရုံးခန်းကပန်းဆိုးတန်းလမ်း။နှစ်အကြာကြီးလုပ်ခဲ့ဖူးတဲ့ကုမ္ပဏီကပန်းဆိုးတန်းလမ်းမှာ။
ကုန်ပစ္စည်းနိုင်ငံခြားကတင်သွင်းတဲ့တင်ဒါလုပ်ငန်းနဲ့ဆက်စပ်ပြီးပန်းဆိုးတန်းလမ်းပေါ်မှာရှိတဲ့ဧရာဝတီခေါ်တဲ့ပြည်တွင်းရေကြောင်း (IWTC)၊ ကုန်သွယ်လယ်ယာ(အခုမရှိတော့)၊မြန်မာ့ဆိပ်ကမ်းအာဏာပိုင်၊ဘဏ်(၁)၊ဘဏ်(၂)၊ Biman Airline (အခုမရှိတော့)၊ကုမ္ပဏီအခွန်ရုံး(လောကနတ်)၊ဘဏ်လမ်းပေါ်ကဘဏ်(၄)နဲ့ဆိပ်ကမ်းရှင်းလင်းရေး Agent ရုံးအလုပ်ကိစ္စနဲ့မကြာခဏရောက်ခဲ့တယ်။
အကောက်ခွန်ရုံး၊ရန်ကုန်ဆိပ်ကမ်း ဂိတ်(၅) နဲ့ကိုတစ်ပတ်တစ်ခါပုံမှန်ရောက်ခဲ့တယ်။အလုပ်အကိုင်မယ်မယ်ရရမရှိပဲလမ်းလျှောက်နေတဲ့ရက်မှာလည်းပန်းဆိုးတန်းလမ်းမရောက်တဲ့ရက်မရှိဘူး။
အင်္ဂလိပ်ခေတ်နာမည် Phyre Street ကို ၁၉၄၈ မြန်မာနိုင်ငံလွတ်လပ်ရေးရပြီးမူလနာမည် " ပန်းဆိုးတန်းလမ်း" ပြန်ပြောင်း
လိုက်တာ။ ကိုလိုနီအင်္ဂလိပ်ကရန်ကုန်မြို့အထင်ကရလမ်းမနာမည်ကိုအောက်မြန်မာပြည်မဟာဝန်ရှင်တော်မင်းကြီး Sir Arthur Phyre ကိုဂုဏ်ပြုပေးခဲ့တာပါ။Phyre St, ဆိုင်းဘုဒ်ဟောင်းကိုပန်းဆိုးတန်းနဲ့အနော်ရထာမီးပ္ပိုင့်မှာရှိသေးတာတွေ့မိတယ်။
ဒီဓါတ်ပုံကိုကမ္ဘာ့အကြီးဆုံးဓါတ်ပုံ website တခုဖြစ်တဲ့ pinterest.com ကယူထားတာ။
တစ်လသုံးစွဲသူ သန်း ၂၀၀ ရှိတဲ့ Pinterest Website ကိုမှတ်ပုံတင်ပြီးဓါတ်ပုံစိတ်တိုင်းကျသုံးနိုင်တယ်။ရှေးဟောင်းမြန်မာဓါတ်ပုံအများကြီးရှိတယ်။
စမတ်ဖုန်း App နဲ့ကြည့်လို့ရအောင်ဓါတ်ပုံကို GIF Format နဲ့တင်ထားတယ်။Pinterest ကို ၂၀၀၉ ခုနှစ်မှာ Ben Silbermann နဲ့သူ့မိတ်ဆွေအချို့တည်ထောင်ခဲ့တာပါ။Pinterest အသုံးပြုသူဟာဓါတ်ပုံကိုအမျိုးအစားခွဲပြီးသိမ်းဆည်းထားနိုင်တယ်။ Site အသုံးပြုသူကို Follow လုပ်ထားနိုင်တယ်။
Pinterest မှာကမ္ဘာတဝှန်းလုံးက
ဓါတ်ပုံအမျိုးအစားကိုအုပ်စုခွဲထားတယ်။လူကြိုက်များဓါတ်ပုံအုပ်စုက Home, Art, Craft, Fashion နဲ့ Food ဖြစ်ကြတယ်။US ဆန်ဖရန်စစ်စကိုအခြေစိုက်Pinterest ရုံးချုပ်မှာဝန်ထမ်း ၈၀၀ နဲ့လုပ်ငန်းလည်ပတ်နေတယ်။
အရင်ခေတ်လူတွေဓါတ်ပုံမှတ်တမ်းတင်ခဲ့လို့အခုခေတ်လူဒီဓါတ်ပုံကိုမြင်တွေ့ခွင့်ရနေတာ။ဒီနေ့ခေတ်ကြီးမှာကင်မရာဆိုတာလူတိုင်းအတွက်အထူးအဆန်းမဟုတ်တော့ဘူး။အနာဂတ်လူသားများအတွက်ဓါတ်ပုံများများစုဆောင်းကြပါ။
Ref : pinterest.com
လွင်ဦး(ရန်ကင်း)
