24/11/2025
📕အင်မတန်နာမည်ကျော်ကြားပြီး အောင်မြင်နေတဲ့ Celebrity တွေ Tatသေသွားကြတာ မကြာခဏ ကြားမိကြမှာပါ။ အစကဆို သိပ်အံ့ဩခဲ့ဖူးတယ်။ ဒီလောက် လူတကာလိုချင်တဲ့၊ တောင့်တတဲ့ဘဝကို ရထားတာ ဘယ့်နှယ်လုပ် Tatသေကြရသလဲပေါ့။ ဘာတွေများ စိတ်ညစ်စရာရှိလို့လဲပေါ့။
📙နောက်မှ နားလည်လာတယ်။ သူတို့တွေမှာ စိတ်ညစ်ရင်လည်း ညစ်ကြောင်း ပြလို့မရဘူး။ အချိန်ပြည့် ပြုံးပြနေရတယ်။ တတ်ကြွပြနေရတယ်။ တန်းစီစောင့်ဆိုင်းနေတဲ့ အလုပ်တွေကိုလည်း မရပ်မနားလုပ်ရသေးတယ်။ မကြိုက်သူ၊ မုန်းတီးသူတွေရဲ့ ဝေဖန်ဆဲဆိုသမျှကိုလည်း ခံနေကြရတယ်။
🔖နာမည်ကျော်လာရင် ဝိုင်းဝိုင်းလည်လာပေမဲ့ အဲဒီထဲမှာ ဘယ်သူက မိတ်ဆွေစစ်လဲဆိုတာ ဝေခွဲရခက်တယ်။ အများစုက သူ့ဆီက တစ်ခုခုလိုချင်လို့ လာချဉ်းကပ်နေကြတာလေ။ ရှေ့တင်သာ ချီးမွမ်းနေပေမဲ့ နောက်ကွယ်မှာ ရစရာမရှိအောင် ပြောချင်ပြောနေမှာ။ ဒီလိုမျိုး စိတ်ချယုံကြည်ရတဲ့ အရင်းနှီးဆုံးလူတွေလည်း ကိုယ်နားမှာမရှိတဲ့အခါကျတော့ ရင်ဖွင့်စရာလည်း လူမရှိဘူး။ ဒီလိုနဲ့ပဲ ကြိတ်မှိတ်သည်းခံကျော်ဖြတ်ရင်း မခံနိုင်တော့တဲ့အဆုံး ထွက်ပေါက်ရှာသွားကြတာလို့ မြင်မိပါတယ်။
📒ဒီပုံထဲက လူ (၃)ယောက်လိုပေါ့။ ကိုယ်ကလည်း ထင်တယ်။ သူတို့ (၂)ယောက်ကြည့်ရတာ အဆင်ပြေနေပုံရတယ်၊ ငါတစ်ယောက်တည်း အဆင်မပြေတာ၊ ဒီတော့ ထုတ်ပြောနေရင် ရှက်စရာကောင်းတယ်ပေါ့။ ဒီလိုပဲ ကျန်တဲ့ (၂)ယောက်ကလည်း ထင်နေတယ်။ သူတို့ကြည့်ရတာ ပျော်နေပုံပဲ၊ တော်ပါပြီ၊ ငါလည်း အဆင်ပြေချင်ယောင် ဆောင်လိုက်မယ်ပေါ့။
အခုခေတ်လို ရုပ်ဝတ္ထု ကိုးကွယ်မှုများပြီး ဆိုရှယ်မီဒီယာ ထွန်းကားလာတဲ့ခေတ်မှာတော့ ပိုတောင်ဆိုးပါသေးတယ်။ ကျွန်တော်တို့ဟာ အဆင်မပြေနေပေမဲ့ မပြေကြောင်းကို ပြသ၊ ပြောပြလို့မရဘဲ ပြေတယ်လို့ပဲ ဟန်ဆောင်ပြနေရတယ်။ အတင်းကြီး Strong ဖြစ်ပါတယ်လို့ သက်သေထူနေရတယ်။ တကယ်တမ်းတော့ လူပဲဟာ။ အချိန်ပြည့်တော့လည်း ဘယ်သန်မာနေပါ့မလဲ။ တစ်ခါတလေတော့ ယိုင်လဲတတ်တာပေါ့။ အဓိကက ပြန်ထနိုင်ဖို့ပဲလိုတာ မဟုတ်ဘူးလား။ ဒီတော့ အရှိအရှိအတိုင်းနေပါ။ လူပီပီသသ ပြိုလဲစရာရှိတာ လဲလိုက်ပါ။ ဒါဟာ ရှက်စရာမဟုတ်သလို ရှုံးနိမ့်သွားတာလည်း မဟုတ်ပါဘူး။
ဖတ်ဖို့....အသုံးချဖို့....မျှဝေဖို့
To read....To apply.....To Share🫶
ပျော်ရွင်ပါစေ။ (စာအုပ်မှ ကူးယူဖော်ပြပါသည်။)
Photo Crd:
🍖🍜စားသောက်ဖွယ်ရာများ မှာယူသုံးဆောင်နိုင်ရန်အတွက် "Hidden Restaurant" ကို ဖွင့်လှစ်ထားပါတယ်။
Open Time -11:00Am To 9:30Pm
📍Location - Ground Floor
ခင်မင်နွေးထွေးစွာဖြင့် အစဉ်ကြိုဆိုလျက်
❤️❤️❤️❤️❤️❤️❤️
Hotel Shwe Min Thar ( Myitkyina)
🏠အမှတ် ၂၂ ၊ဧရာရပ်ကွက်၊ ဆမားလမ်းနှင့် သခင်နက်ဖေ လမ်းဆုံ မီးပွိုင့်အနီး၊ မြစ်ကြီးနားမြို့၊ ကချင်ပြည်နယ်။
☎️ 09 452592167, 09 683046446, 09 762019555, 09 772019555
📧 [email protected]
#မြစ်ကြီးနား #မြစ်ကြီးနားဟိုတယ်
