Shekinah hotel, No 18, Maharbandoola Road, Pathein (2026)

31/05/2026

ပုသိမ်မြို့သို့ကျန်းမာရေးစောင့်ရှောက်မှု့ပေးရန်လာရောက်ကြသော ဆရာဝန်ကြီးများ အထူးကုဆရာမကြီးများအား အကောင်းဆုံးသောဝန်ဆောင်မှု့များဖြင့် ဝန်ဆောင်မှု့ပေးခွင့်ရခဲ့သည့်အတွက် ဝမ်းသာဂုဏ်ယူရပါတယ်။

Shekinah hotel
09899449922-33
No.18 Mahabandola Road,Pathein

16/04/2026

သင်္ကြန်အတတ်နေ့(16.4.2026)
မြန်မာနှစ်သစ်မှာအေးချမ်းကြစေဖို့
ရွှေရင်အေးလေးတိုက်ဖြစ်ပါတယ်

15/04/2026

သင်္ကြန်အကြတ်နေ့(15.4.2026)
စတုဒီသာကတော့
သာကူပဲဖြစ်ပါတယ်

14/04/2026

သင်္ကြန်အကျနေ့(14.4.2026)
စတုဒိသာ
မုန့်လက်ဆောင်ဖြင့်လာရောက်တည်းခိုကြသော ဧည့်သည်တော်များကိုဧည့်ခံကျွေးမွေးနေပါတယ်

13/04/2026

သင်္ကြန်အကြိုနေ့(13.4.2026)
လာရောက်တည်းခိုကြတဲ့
ဧည့်သည်တွေအတွက်
စတုဒီသာ ဘာဖြစ်မလဲဆိုတဲ့အဖြေလေးက???

19/01/2026

မော်တင်စွန်းဘုရားသမိုင်းနှင့် အံ့ဖွယ် ၁၈ ပါး

မော်တင်စွန်းဘုရားသည် ဧရာဝတီတိုင်း ပုသိမ်ခရိုင် ငပုတောမြို့နယ်မော်တင်စွန်းတွင်တည်ရှိသည် မော်တင်စွန်းကို နဂါးရစ်တောင် . သရဏတောင် ( သို့မဟုတ် ) နီဘန်တောင် ဟုခေါ်တွင်သည်။

ဘုရားသမိုင်း

ဆံတော်ရှင်စေတီတော်မှာ မြတ်စွာဘုရားပွင့်တော်မူစဉ် ဥက္ကလာပတိုင်းသားများဖြစ်သောကုန်သည် တဖုသနှင်ဘလ္လိက ညီနောင်တို့သည်သက္ကရစ် ၁၀၃ ခုနှစ်တွင် မြတ်စွာဘုရားရှင်ထံတော်မှ ဆံတော်ရှစ်ဆူကိုပထမဦးစွာ ပင့်ဆောင်ပူဇော်ခွင့်ရခဲ့လေသည်။

ကုန်သည်ညီနောင်တို့သည်ရေလမ်းခရီးဖြင့်မြန်မာနိုင်ငံသို့ပြန်လာခဲ့ရာ ဇေယျသေန နဂါးမင်း၏ပိုင်နက်ဖြစ်သောနဂရအငူသို့ဖြတ်သန်းရာတွင် ဇေယျသေန နဂါးမင်းမှ ဆံတော်နှစ်ဆူ ပင့်ဆောင်ယူပြီး မော်တင်ထိပ်၌ စိုင်တမော့အရွယ် စေတီတဆူ ဌာပနာတော်မူ၍ တည်ထားကိုးကွယ်ခဲ့သည်။ ယခင်ဘွဲ့အမည်အားဖြင့် '' မဟာမကုဋရံသီ ''မည်တွင်ခဲ့သည်။

ပြုပြင်မှုများ

သီရိဓမ္မာ အာသောကမင်းကြီးမှ သာသနာတော်သက္ကရာစ် ၂၃၆ တွင် အရှင်မဟာမောဂလ္လိ တိဿမထေရ်နှင့်အရှင်ဥတ္တရမထေရ်မြတ်ကြီးနှစ်ပါး၏တန်ခိုးတော်ဖြင့် မင်း မိဖုရားမောင်းမ မိဿန်စုံညီစွာပြုပြင်မွမ်းမံခဲ့သည်။

သက္ကရာဇ် ( ၄၅၇ ) တွင် ပုဂံပြည့်ရှင် အလောင်းစည်သူမင်းကြီးသည် ပင်လယ်ရပ်ခြား တိုင်းနိုင်ငံများသို့ရေလမ်းခရီးဖြင့်လှည့်လည်ရာတွင် မော်တင်တောင်ထိပ်ရှိ ဆံတော်ရှင်စေတီတော်မှရောင်ခြည်တော်ကွန့်မြူး၍ ဖေါင်တော်ဆိုက်ခါ တက်ရောက်ဖူးမျှော်ခဲ့လေသည်။ မူလစေတီတော်ကိုငုံ၍ သံတောင် ၄၀ အရွယ် စေတီတော်မြတ်ကြီးအဖြစ်ထည်ထားပြုပြင်ခဲ့သည်။ဖောင်တော်ဦးဘုရား '' ဘွဲ့တော်တွင်စေခဲ့ပြန်သည်။

စတင်တည်ထားသည်မှစ၍ ယနေ့အထိ ၁၂၇၈ သက်တမ်း နှစ်ရှိပြီဖြစ်ကြောင်းမှတ်သားရသည်။ ဖောင်တော်ဆိုက်ရောက်၍ ဖေါင်တော်ဦးဘုရားအဖြစ် တပေါင်းလတွင်ဗုဒ္ဓပူဇနိယ ပွဲတော်ကျင်းပခဲ့သည်။ ထိုအစဉ်အလာကို အစပြု၍ ဘုရားပွဲတော်ကို တပေါင်းလတွင် ယနေ့တိုင်ကျင်းပခဲ့ကြသည်။

မော်တင်စွန်းစေတီတော်မြတ်ကြီး၏ ထူးခြားအံ့ဖွယ် ( ၁၈ ) ပါး

( ၁ ) ညအခါစေတီတော်တွင်တစ်ယောက်တည်းအဓိဌာန်ပြီး(၇)ပတ်ပြီး ရစ်ပတ်ပါက ရွှေသံငွေသံကြားရခြင်း။

( ၂ ) ဒုတိယကမ္ဘာစစ်အတွင်းကအင်္ဂလိပ်များအမြောက်မိုး၊စက်သေနတ်မိုး၊ဗုံးမိုးရွာသော်လည်းကျည်ဆန်တစ်ခုမျှမခခြင်း။

( ၃ ) လပြည့်-လကွယ်ရောင်ခြည်တော်လွှတ်လေ့ရှိခြင်း။

( ၄ ) တောင်ကုန်းနှင့်ပရ၀ဏ်တွင်ရာသီပန်းတို့မပြတ်ပွင့်ခြင်း။

( ၅ ) ညချမ်းအခါစေတီကုန်းတော်တွင်အမွှေးရနံ့လှိုင်တက်ခြင်း။

( ၆ ) ခေါင်းလောင်းများမတီးဘဲမြည်တတ်ခြင်း။

( ၇ ) ယခုထက်တိုင်ရံဖန်ရံခါဆွမ်းများဦးအောင်မတင်နိုင်ခြင်း။

( ၈ ) နှစ်စဉ်နှစ်တိုင်းဘုရားပွဲတော်ဖြစ်သော်လည်းခိုက်ရန်ဖြစ်ပွားသော ဘေးအန္တရာယ်မရှိခြင်း။

( ၉ ) နတ်ကျား၊နတ်နဂါးတို့ဘုရားလာဖူးသော်လည်းလူတို့ကိုဒုက္ခမပေးခြင်း။

( ၁၀ ) လပြည့်-လကွယ်တွင်စေတီကုန်းတော်မှမောင်းသံ၊ဗုံသံစသော တူရိယာအမျိုးမျိုးတို့၏အသံကိုအရုဏ်ဦးတွင်ကြားရတတ်ခြင်း။

( ၁၁ ) ဘေးအန္တရာယ်များကျရောက်ပါကစေတီတော်ကြီးအားအာရုံပြုဆုတောင်းလိုက်ပါကဘေးအန္တရာယ်မှကင်းဝေးခြင်း။

( ၁၂ ) တပေါင်းလပွဲတော်ကြီးဖြစ်ခါနီးတွင်ကျီးအုပ်ကြီးများ၊အမျိုးအမည်မသိသောငှက်အုပ်ကြီးများ တောင်တော်နှင့်စေတီတော်အားပျံဝဲကြခြင်း။

( ၁၃ ) ဘုရားပွဲတော်တွင်လူအပေါင်းသိန်းသန်းချီလာရောက်သော်လည်းသောက်သုံးရေကန်များမှရေများ လျော့နည်းသွားခြင်းမရှိခြင်း။

( ၁၄ ) ဘုရားပွဲတော်တွင်ဆွမ်းတော်တင်တောင်ပုံရာပုံစွန့်ထားသော်လည်း ကျီးတစ်ကောင်မျှလာရောက်စားသောက်မှုမရှိခြင်း။

( ၁၅ ) ဘုရားပွဲတော်တွင်လူအပေါင်းသိန်းသန်းချီရောက်သော်လည်းတောင်တော်တွင်လူပြည့်သည်ဟုမရှိခြင်း။

( ၁၆ ) ယုံကြည်စွာဖြင့်စေတီတော်ရင်ပြင်တွင်သစ္စာအဓိဌာန်ကာ ပုတီးစိပ်ပါကရင်ပြင်တော်မှမြည်ဟိန်းသံကြားရတတ်ခြင်း။

( ၁၇ ) နှစ်စဉ်တပေါင်းလတွင်အကြောင်းတစ်စုံတစ်ရာကြောင့်ဘုရားပွဲတော်မကျင်းပနိုင်ပါကတောင်တော်မြည်ဟိန်းခြင်း။

( ၁၈ ) စေတီတော်ကိုအဝေးမှမြင်ရလျှင်လည်းကောင်းး စေတီတော်ပရဝိဏ်သို့ကြည်ညိုစိတ်ဖြင့်ရောက်မိသည်နှင့်ဖူးမြော်ဦးတိုက်လျှင်ကာယသုခ၊စိတ္တသုခနှစ်ပါးချမ်းမြေ့ရခြင်း တို့ဖြစ်ပါသည်။

#မော်တင်စွန်း
Credit ဇော်မောင် ပုသိ်

12/12/2025

(9-11)December 2025
ကျိုက်ထီးရိုးဘုရားဖူးခရီးစဥ်
(Shekinah+Htike Myat San)Hotel ဝန်ထမ်းများကျိုက်ထီးရိုး ဘုရားဖူးသွားဖြစ်ပါတယ်။

9.12.2025 မနက် ၅ နာရီမှာ Shekinah မှစထွက်ပါတယ်။ခိုင်ခိုင်ကျော်(ပန်းတနော်)မှာbreakfastစားပါတယ်၊နေ့လည် ၁နာရီမှာစစ်တောင်းတံတားအကျော်မှာနေ့လည်စာစားပြီး ကင်မွန်းစခန်းကို ညနေ၂နာရီခန့်မှာရောက်ပါတယ်။တောင်တတ်ကားခ တစ်ယောက် ၇၀၀၀ကျပ်နဲ့ ၁နာရီခန့်စီးပြီးဘုရားရင်ပြင်အနီးတောင်တတ်ကားဂိတ်ရောက်ပါတယ်။ရိုးရိုးလေး ၃ မှာcheck in လုပ်ပြီးကျီးကန်းပါးစပ်ဘက်သို့သွားပြီး ညနေ ၅နာရီခန့်ပြန်ရောက် ရေချိုးကြပြီး ညနေ ၆နာရီခွဲမှာ ထမင်းဆိုင်သွားထမင်းစားကြပါတယ်။ထမင်းစားပြီးဘုရားရှိခိုး ပြီး စကားထိုင်ပြောကြကာ ည၉နာရီခန့်မှာကိုယ့်အခန်းကိုယ်ပြန်ကြပါတယ်။

10.12.2025 မနက် ၄နာရီထပြီး အာရုံဆွမ်းကပ်ပြီး နေထွက်အလှလေးကြည့်ပါတယ်။၆နာရီခွဲမှာ hotel မှကျွေးတဲ့breakfast စားပြီး ၇နာရီခွဲမှစပြီးcheck outလုပ်ကာ ခရီးဆောင်အိပ်များကိုအထမ်းခြင်း ၃ ခြင်းဖြင့်အပ်ကာ အဖွဲ့လိုက် လမ်းလျောက်ဆင်းခဲ့ပါတယ်။ ခရီးအကွာအဝေး ၇ မိုင်လမ်းလျောက်ရမည်ဟုသိရပြီး ၄ နာရီခန့်လျောက်ခဲ့ရပါတယ်။အလွန့်အလွန် အလွန်ပင်ပန်းကြပါတယ်။လမ်းမှာခွေးမလေးတစ်ကောင်က လမ်းပြပေးပြီးအရမ်းလိမ္မာပါတယ်။လမ်းမှာသွားတာကို အသံပြုပြီးပြန်ခေါ်ပါတယ်။၉နာရီမှာစဆင်းတာ တောင်ခြေကို နေ့လည် ၁နာရီခွဲလောက်ရောက်ပါတယ်။ထမင်းစားသောက်ကြပြီး ၂နာရီကျော်လောက်မှာ ဘီးလင်းသို့စတင်ထွက်ခွာပါတယ်။ဘီးလင်းမြို့ရှိ ထူကပေါ hotel မှာ check in ဝင်ပြီး ရေကူး ရင်းအပန်းဖြေကြပါတယ်။ညဘက်မှာလည်းhotel dinning မှာ ကာရာအိုကေ ဆိုရင်းပျော်ခဲ့ရပါတယ်။

11.12.2025မနက် ၆နာရီထပြီး ၆နာရီခွဲမှာbreakfast စားပြီး(ပုံမှန်ကတော့ ၇ နာရီမှကျွေးတာပါ၊special requestပါ)မနက် ၇ နာရီဘီးလင်းမှစထွက်ပါတယ်။ကမ္ဘာအကြီးဆုံးထိုင်တော်မူ၊ကျိုက်ပေါလောမှဲ့ရှင်၊ကြေးသွန်းရုပ်ပွားတော်၊သစ်သီးယို၊ကျွဲကောသီးဆိုင်များကိုဝင်ပြီး ၁၁နာရီလောက်မှာ ဘုရားကြီးမှာနေ့လည်စာ စားပါတယ်၊ပြီးတော့ ပဲခူး ရွှေသာလျောင်းနှင့် ကွမ်ရင်မယ်တော်ကျောင်းတို့ကိုဝင်ပြီးရန်ကုန်ကို နေ့လည် ၂ နာရီလောက်မှာဖြတ်ပြီး ည ၈ နာရီလောက်မှာပုသိမ်ကိုပြန်ရောက်ပြီးခရီးစဥ်အဆုံးသတ်ပါတယ်။

အခုလိုခရီးစဥ်လေးဖြစ်အောင် ဧည့်သည်တော်များနေထိုင်တည်းခိုအားပေးမှု့ကြောင့် ဝန်ထမ်းများအခုလို ပျော်ရွှင်ရတဲ့အတွက် Shekinah နှင့် Htike Myat San hotelတို့မှာတည်းခိုကြသောဧည့်သည်များကိုအထူးကျေးဇူးတင်ပါတယ်။

U Bo expressမှာကိုဘိုဘိုနှင့် အဖွဲ့သားများကိုလည်းကျေးဇူးတင်ရပါတယ်။အသွားရောအပြန်ပါ မငြီးမငြူဘဲ နားဒုက္ခခံပေးတဲ့အတွက်လည်းကျေးဇူးတင်ပါတယ်။(ကားနဲ့တောင်ပေါ်ခရီးစဥ်ကို လမ်းညွှန်ပေးတဲ့ ကိုစိုးလွင်ဦး(ကိုဝလေး)ကိုလည်းကျေးဇူးတင်ပါတယ်။

ထူကပေါHotelမှာအခန်းစီစဥ်ပေးပြီးလိုလေသေးမရှိ စီစဥ်ပေးတဲ့ဆရာဦးထွဋ်ထွဋ်နိုင်နှင့်GMကိုကျော်ဇင်ဦးကိုလည်းကျေးဇူးတင်ပါတယ်။

Shekinah hotel

31/05/2026

16/04/2026

15/04/2026

14/04/2026

13/04/2026

19/01/2026

12/12/2025

Address

Telephone

Website

Alerts

Contact The Business

Shortcuts

Share

Category

Listing takedown request