02/10/2026
မဂ်လာညနေလေးပါ။
နေဝင်ချိန်ဆည်းဆာအလှနဲ့အတူ ပြန်လာပါပြီ
ချစ်သူငယ်ချင်းတို့ရေ...
အတွေးပေါင်းများစွာနဲ့ပေါ့...
စိတ်ကောင်းလေးထားဘို့ အဓိကပါလို့...
လူတွေနဲ့နေရတော့ ပြသနာမျိုးစုံမြင်နေကြားနေရတယ်..အရမ်းဒေါသကြီးတဲ့သူတွေဆုံဘူးတယ်မလား။
ကိုယ်လဲဒေါသဖြစ်တတ်ပါတယ်လို့..
ဖတ်လိုက်ရတဲ့စာလေးပြန်မျှပါမယ်..
"တချို့အရာတွေက
တကယ်ကြီးမားလို့ ပြဿနာဖြစ်သွားတာ မဟုတ်ပါဘူး။
စိတ်တိုနေတဲ့ မိနစ်အနည်းငယ်အတွင်း
ပြောလိုက်တဲ့ စကားတစ်ခွန်း၊
ပို့လိုက်တဲ့ စာတစ်စောင်၊
ချလိုက်တဲ့ ဆုံးဖြတ်ချက်တစ်ခုကြောင့်
ကြီးသွားတာတွေ ရှိပါတယ်။
ဒေါသဖြစ်နေချိန်မှာ
ကိုယ်ပြောချင်တာတွေက
အဲဒီအချိန်မှာတော့
အရမ်းမှန်နေသလို ထင်တတ်တယ်။
“သူ့ကို ဒီလိုပြောမှ သိမယ်”
“ဒီတစ်ခါတော့ မခံတော့ဘူး”
“အခုချက်ချင်း ရှင်းပစ်မယ်”
"အခုပဲဖုန်းဆက်မယ်"
လို့ စိတ်က တွန်းတတ်တယ်။
ဒါပေမယ့် ဒေါသလျော့သွားတဲ့အခါ
ပြဿနာက အရင်လောက် မကြီးတော့ပေမယ့်
ကိုယ်ပြောခဲ့တဲ့ စကားကတော့
ပြန်ယူလို့ မရတော့တာမျိုး ရှိတယ်။
တစ်ခါတလေ
အနိုင်ရချင်တဲ့ မိနစ်အနည်းငယ်ကြောင့်
နှစ်ပေါင်းများစွာ တည်ဆောက်ခဲ့တဲ့
ဆက်ဆံရေးတစ်ခု ပျက်သွားနိုင်တယ်။
တစ်ခါတလေ
“ငါမှန်တယ်” ဆိုတာ သက်သေပြချင်လွန်းလို့
ကိုယ်ချစ်ရတဲ့သူတစ်ယောက်ရဲ့စိတ်ကို
လိုတာထက် ပိုနာကျင်စေမိတတ်တယ်။
ဒေါသမဖြစ်ရဘူးလို့
တရားက မဆိုလိုပါဘူး။
ဒေါသဖြစ်လာတာကို သိဖို့၊
ဒေါသရှိနေချိန်မှာ
ကိုယ့်စကားနဲ့ ကိုယ့်လုပ်ရပ်ကို
သူ့လက်ထဲ အပ်မထားဖို့ပါ။
မပြောသင့်သေးရင် ခဏမပြောတာ
ရှုံးတာမဟုတ်ပါဘူး။
မပို့သင့်သေးတဲ့စာကို
မနက်ဖြန်အထိ ချန်ထားတာ
ကြောက်တာမဟုတ်ပါဘူး။
မဆုံးဖြတ်သင့်သေးတဲ့အရာကို
စိတ်အေးမှ ပြန်စဉ်းစားတာ
အားနည်းတာမဟုတ်ပါဘူး။
အဲဒါဟာ
ကိုယ့်စိတ်ကို ကိုယ်သိပြီး
ကိုယ့်လုပ်ရပ်ကို ကိုယ်ထိန်းနိုင်ခြင်းပါ။
ဒီည စိတ်ထဲမှာ
မကျေနပ်တာတစ်ခုခု ရှိနေသေးရင်
ဒီနေ့အတွင်း အပြီးရှင်းဖို့
မလိုပါဘူး။
အိပ်လိုက်ပါ။
စိတ်ကို အေးခွင့်ပေးလိုက်ပါ။
မနက်ဖြန်လည်း
အဲဒီစကားကို ပြောဖို့လိုနေသေးရင်
ပိုအေးတဲ့စိတ်နဲ့ ပြောလို့ရပါတယ်။
ဒါပေမယ့်
ဒီည ဒေါသနဲ့ ပြောလိုက်တဲ့စကားကိုတော့
မနက်ဖြန် ပြန်မပြောခဲ့သလို
လုပ်လို့မရနိုင်ပါဘူး။
တစ်ခါတလေ
သည်းခံခြင်းဆိုတာ
အရာအားလုံးကို ခံနေခြင်းမဟုတ်ပါဘူး။
ကိုယ့်ဒေါသကို
ကိုယ့်ဘဝအတွက် ဆုံးဖြတ်ချက်ချခွင့်
မပေးခြင်းလည်း
သည်းခံခြင်းတစ်မျိုးပါပဲ။
ဒီညတော့
ပြဿနာအားလုံးကို ဖြေရှင်းပြီးမှ
အိပ်ဖို့မလိုပါဘူး။
ဒေါသကိုသာ
မနက်ဖြန်အထိ ဆုံးဖြတ်ခွင့်မပေးဘဲ
အိပ်နိုင်ရင်လည်း
ဒီနေ့အတွက် လုံလောက်ပါတယ်"
*ဒီစာလေးဖတ်ပြီး ကောင်းလိုက်တာ..ကိုယ်တွေ့နေရတာ ..အချို့သူတွေကအရမ်းစိတ်မြန် ဒေါသကြီးတော့ သူ့အနားမှာနေတဲ့သူဆိုလူသာအနားနေတာစိတ်ကခပ်ခွာခါနေသွားကြတယ်...အာ့လိုဒေါသကြီးသူမဖြစ်ဘို့လိုပါလားဆိုတာ အသိသတိလေးရလိုက်ပါတယ်။*
#ဒေါသ
#သည်းခံခြင်း
#သတိ
#စိတ်အေးချမ်းမှု
