https://www.facebook.com/104956672502390/

Hotel Review by Kyaw Gyee, Yangon (2026)

Name: Hotel Review by Kyaw Gyee
Address: Yangon, MM
Telephone: +959783662441

12/01/2024

ပြောပြချင်လွန်းလို့ လာရေးရတာ အရင်ရေးနေကျလို ပုံတွေဝေဝေဆာဆာ မပါနိုင်တာ ဆောရီးဗျာ

မူးပြဲနေမှ ရောက်သွားပြီး မနက်ကျဂိနေလို့ မနက်စာတောင် ထ မစားလိုက်ရတဲ့ ဟော်တယ်လေးပါ
ဒါပေမဲ့ တော်တော်လေး အဆင်ပြေပြီး ပေးရတာနဲ့လဲ တန်လို့ ကိုယ်လို budget သမားတွေအတွက် လာပြောပေးတာပါ

တာမွေ ဉီးထွန်းမြတ် လမ်းထဲက Hotel Rose Hill တဲ့
စျေးနှုန်းက စပြောရရင်
နှစ်ယောက်ခန်း 45000 က စ တယ်
Kandawgyi View နဲ့ အထပ်မြင့် အခန်းဆို 50000-55000 လောက်ရှိတယ်
ကျတော်သွားခဲ့တုန်းက ၄ ယောက်နေတာ ၃ ယောက်ခန်း 53000 တန် ကို extra တလုံးထိုးတော့ 20000 ထပ်ပေးရတယ်
၄ ယောက်စာကိုမှ 73000 ပဲကျတဲ့သဘောပေါ့ဗျာ
စျေးတန်တယ် လို့ပြောလို့ရတယ်

အဲ့လိုသက်သာလို့ အခန်းတွေမကောင်းမှာလား service ညံ့နေမှာလားဆိုတော့လဲ မဟုတ်ဖူးဗျ
အခန်းတွေကလဲ သန့်တယ် မိုက်တယ် service လဲ ကောင်း breakfast လဲ ကောင်းတယ်
ဝရံတာ သေးသေးလေး တခုလဲပါသေးတယ် အထပ်မြင့်အခန်းဆို view လေးကြည့်ရင်း ဇိမ်ယူလို့လဲရအုန်းမယ်

Front Office က ညီမလေးတွေကလဲ service ကောင်းလိုက်တာပြောမနေပါနဲ့ 😁 ကျနော်တို့အဖွဲ့က လူအရေအတွက် မငြိမ်လို့ booking ကို ၃ ခါလောက်ပြန်ပြောင်းရတာတောင် မငြီးမငြူနဲ့ သေချာလေး စီစဉ်ပေးတယ်

တခုလေးပဲ ပြောစရာရှိတာက အိမ်သာရေချိုးခန်း က ကျဉ်းရှည်ရှည်လေးဖြစ်နေတာ တခုရှိတယ် ဒါကလဲသူက အိမ်သာခွက်နေရာနဲ့ shower နေရာကို မှန်နဲ့ကာထားလိုက်တော့ ကျဉ်းသလိုဖြစ်သွားတာ

မနက်စာက စားလိုက်ရတဲ့သူတွေပြောပြတာတော့ ဖြစ်သလို ဘူဖေးဖြစ်ပီးရော ဆိုပီး ကျွေးတာ မဟုတ်ဖူးတဲ့ ထမင်း ခေါက်ဆွဲ မုန်ဟင်းခါး ဆန်ပြား စသဖြင့် စုံစုံလင်လင် ကိူမှ အသားဟင်းတမျိုးလဲပါသေးတယ်
ဒီစျေးနဲ့က တန်နေပြီလေဗျာ နော်

နောက်တခေါက်ထပ်သွားဖြစ်မှပဲ ပုံလေးတွေလှလှပပ နဲ့ အရင်လို ပြန်တင်ပေးမယ်
ခုကတော့ ရှိတဲ့ပုံလေး တပုံနဲ့ပဲ ကျေနပ်ပေးကြပါဗျာ 😘

Thank you

03/11/2023

ဒီ နေရာ review တော့ ခများတို့ မသိချင်ကြဘူး မဟုတ်လား 🧐❓
……………………………………
……………………………………
စ တာပါ 😂 လာနှပ်တာ မဟုတ်ဖူး 😁 မိတင် လာတာ 😌

30/10/2023

Welcome back !!!!
အားလုံးပဲ မင်္ဂလာပါဗျာ
ကျနော် ပြန်ရောက်လာပါပြီ
အရင်လောက် post တွေ ခပ်စိပ်စိပ်တော့ မတင်နိုင်သေးပေမဲ့ … ခများတို့အတွက် တတ်နိုင်သမျှ အချိန်တွေ ပြန်ပေးဖြစ်မယ်လို့ မျှော်လင့်ပါတယ်

Comeback အနေနဲ့ ရေးပေးမဲ့ နေရာကတော့ ပုံမှန်အချိန်ကာလမှာဆိုရင်တော့ ကျနော်တို့ ခများတို့ စိတ်မဝင်စားလောက်ကြမဲ့ price range (စျေးနှုန်း) ထဲကပါပဲ
အခုက သီတင်းကျွတ် promotion နဲ့ 40% တောင် off ရလို့ တခါမှ မရောက်ဘူးတဲ့ 4 stars အဆင့်ရှိတဲ့ ဟော်တယ် တခုကို ကျနော် သွားနေကြည့်ခဲ့ပါတယ်
ဆိုတော့ ဒီ post က experience sharing သဘောပဲဖြစ်မှာပါ နယ်သမားတွေ ရန်ကုန်လာတုန်း အနားယူမယ် ပိုက်ဆံသုံးမယ်လို့စဉ်းစားထားတဲ့ အကို အမ တွေတော့ အဆင်ပြေပါလိမ့်မယ်
သူလို ကိုယ်လို ရန်ကုန်တွင်းမှာပဲနေပီး အကြောင်းကြောင်းကြောင့် ၁ ည အိပ်ယုံလောက် သုံးမဲ့ ဆရာသမားများအတွက်တော့ မတန်ပါဘူး ခင်မျာ

ကျနော် ရောက်ခဲ့တာက Sky Star Hotel ပါ အရှေ့မြင်းပြိုင်ကွင်းလမ်းမပေါ် ကျိုက္ကဆံစူပါဝမ်းနား တာမွေမြို့နယ်ပေါ့ဗျာ
သူက ပုံမှန်စျေး 85000 တန် အခန်းကို သီတင်းကျွတ်ရက်အတွင်း 51000 နဲ့ စျေးချလို့ ကျနော် သွားစပ်စုခဲ့တာဗျ

ဟော်တယ်ကြီးကတော့ protocol (လုပ်ထုံးလုပ်နည်း) အရ 4 stars အဆင့် ဟော်တယ်ကြီး ဆိုပေမဲ့ နည်းနည်းတော့ ဟောင်းလှပီလို့ ပြောရမှာပေါ့ဗျာ

စဝင်လိုက်ကထဲက Front office နဲ့ lobby က တော့ အကျယ်ကြီးနဲ့ ခမ်းနားသယောင်ထင်ရပါတယ် မီးဆိုင်းအကြီးကြီးတွေ ရေတံခွန်လိုဟာမျိုးတွေ ပန်းချီကားချပ်ကြီးတွေနဲ့ပေါ့ဗျာ … ဒါပေမဲ့ ခေတ်ဟောင်းက အပြင်အဆင်တွေဖြစ်နေတော့ တမျိုးပဲ 😂 အနီးစပ်ဆုံးဆိုရင် ရွှေဂုံတိုင် Excel Hotel နဲ့ သွားတူတယ် ကျဉ်းတာ ကျယ်တာပဲ ကွာမယ်

Front Office က အဆင်ပြေပါတယ် Professional staff တွေပါပဲ systematic လဲဖြစ်တယ် check-in မှာ ဘာပြသနာမှ ကြီးကြီးမားမား မရှိခဲ့ပါဘူး

ဓါတ်လှေကားကတော့ နည်းနည်းကျဉ်းတယ် သူဆောက်ခဲ့တဲ့ခေတ်တုန်းကတော့လဲ ကျယ်ချင်ကျယ်မှာပေါ့လေ … ခုခေတ်အနေနဲ့ကျ ကျဉ်းတယ်
ဓါတ်လှေကား နံရံ တဖက်ကို မှန်အပြည့်ကာပေးထားတာတွေ့တော့ ကျနော့်post တွေအောက် လာလာမန့်တဲ့ မှန်ပါမှ ဆိုတဲ့အကိုကြီးတောင် သွားသတိရသေးတယ် 😂

သူက စုစုပေါင်း ၁၂ လွှာထိရှိတယ်ဗျ ကျနော်က ၉ လွှာမှာ နေခဲ့ရတာ … view မိုက်တယ်ဆိုပါတော့လေ … လျှောက်လမ်း corridor တွေက သန့်ရှင်းတယ် ကျယ်တယ် dim light လေးတွေကြောင့် အသည်းငယ်တတ်တဲ့ မပုကြွယ်လေးတွေအနေနဲ့တော့ စိတ်ထဲ တမျိုးတမည် သရိုးသရီ တွေးမိကြလိမ့်မယ်ထင်တယ် ဘာလို့ဆို ဒီက ကျားကိုးစီးစားမကုန်ကြီးတောင် အဲ့လိုတွေးမိလိုက်သေးတယ် ဒါမဲ့ Trust Me !!! ဘာညာသရကာ ဘာမှ မရှိပါဘူး corridor နည်းနည်းကျယ်နေလို့ လူ့သဘာဝအရ စိတ်လှူပ်ရှားတာပါ 😁

အခန်းထဲဝင်ဝင်ချင်း ခံစားချက်ကတော့ “အော် ဘယ်ဆိုးလို့လဲ ထင်ထားတာထက် အများကြီးပိုကျယ်ပါလား” ဆိုတဲ့ အတွေးလေး အရင်ဖြစ်မိတယ် overview အရတော့ မဆိုးဘူးပေါ့လေ
Detail လိုက်ကြည့်မိတာတော့ အခန်းလေးတွေက ဟောင်းရှာပြီ ဒါပေမဲ့ ပြုပြင်ထိန်းသိမ်းတာလေးတော့ မဆိုးဘူးပြောရမယ်

အိုကေ အခန်းက ကျယ်တယ် တော်တော်လေးကိုကျယ်တယ်လို့ပြောလို့ရတယ် အသက်ရှူမကြပ်စေဘူး City view နဲ့ ဝရံတာ အကျယ်ကြီးတစ်ခုလဲပါသေးတယ် ဒါပေမဲ့ ခုန်ချမှာစိုးလို့လားမသိ မှန်တံခါးတော့ သော့ခတ်ထားတယ် 😂
အခင်းအကျင်း အပြင်အဆင်တွေကတော့ 4 stars အဆင့်မှီအောင် အကုန်လူပ်ထားတယ် အသေးစိတ်မရေးပြတော့ဘူး
ပုံအောက်က စာတွေကျမှ ဖတ်တော့
တီဗီက တော့ android မဟုတ်ဖူး ရိုးရိုးပဲ ဒါပေမဲ့ ကို့ရဲ့ bill တွေ ဘာတွေ အကုန်ပေါ်အောင် လုပ်ထားတဲ့ system ဗျာ ကျနော် တခါမှ မတွေ့ဖူးတဲ့ စနစ်ပေါ့
Complementary ရေဗူး နဲ့ ကော်ဖီ နို့မှုန့် ဘာညာသာရကာလေးတွေက ပုံမှန်ဟော်တယ်တွေထက် ပိုကောင်းတယ်
အဲကွန်းကလဲ ရုပ်ထွက်မလှပေမဲ့ အေးပါတယ် အဆင်ပြေတယ် … တချိူ့ review တွေမှာ အဲကွန်းပြသနာရှိတယ်လို့ဖတ်ရဖူးတယ်
နံရံကပ်ဗီရိုလေးလဲ အထှာကျပါတယ် အဲ့ထဲမှာ အဝတ်တန်း အပြင် safe box ပါရှိတယ်
ကုတင်တွေက ကျွန်းကုတင်တွေပါ မွေ့ယာတွေလဲ ကောင်းပါတယ် အပြစ်ရှာစရာမရှိပါဘူး
4 stars ဆိုတော့ Fire safety policy လဲ ပါရတာပေါ့ Escape plan ကိုလံ တံခါးမှာကပ်ပေးထားပီး မီးလောင်တဲ့အခါတပ်ပီးထွက်ပြေးဖို့ mask လိုဟာမျိုးလဲထားပေးတယ်

ရေချိုးခန်း အိမ်သာက အခန်းနဲ့စာရင် နည်းနည်းလေး ကျဉ်းသလို ခံစားမိတယ်
ဒါပေမဲ့ ရေချိုးခန်းအသုံးအဆောင် toiletries တွေကတော့ တော်တော်လေး ပြည့်ပြည့်စုံစုံပါပဲ
Grade ပြည့်တယ်ပဲပြောပါတော့ဗျာ

ကောင်းတာတွေတော့ ပြီးပြီ ပြသနာနည်းနည်းရှိတာလေး ပြောအုန်းမယ်
အခန်းထဲမှာဗျာ မီးပလပ်ပေါက် အရမ်းရှားပါးတယ်
တီဘီ ရေခဲသေတ္တာ သုံးတဲ့နားမှာ extension board တခုနဲ့ ခံသုံးထားတယ် အဲ့ဒါကလဲ သူ့ဟာနဲ့သူအပြည့်
လွတ်တဲ့အပေါက်ဆိူလို့ ခြေရင်းဘက် အဲကွန်းအောက်မှာ တပေါက်ပဲရှိတယ် အဲ့ဒါတောင် ရေနွေးအိုးသုံးဖို့ရည်ရွယ်ချက်ထင်တယ် အဲ့ဒါကြီးဆောက်တဲ့အချိန်တုံးက ဖုန်းတွေမပေါ်သေးတာများလား စဉ်းစားစရာပါပဲ
အားနည်းချက်ကတော့ အဲ့တခုပါပဲ
အခန်းသန့်ရှင်းသပ်ရပ်မှုနဲ့ service အပိုင်းကတော့ အခု promotion စျေးနဲ့မဟုတ်ပဲ ပုံမှန်စျေးနှုန်းနဲ့ယှဉ်ရင်လဲ တန်ပါတယ်

အတန်ဆုံးအကြောင်းအရာထပ်လာပါပီ
အဲ့ဒါကတော့ breakfast ပါ 😁
International Mini buffet ခင်းပါတယ်
မြန်မာစာ အိန္ဒိယစာ နဲ့ ဘိုစာ ၃ မျိုးလောက်တွေ့ရပါတယ် အမယ် အရမ်းမများဘူးဆိုပေမဲ့ မနက်စာ ကောင်းကောင်ရအချိန်ပေးစားတတ်တဲ့သူတွေအတွက်တော့ မိုက်ပါတယ်
ကျနော်ဆိုဗျာ ပရိုမိုးရှင်းစျေး ၅၁၀၀၀ နဲ့ဆိုတော့ လူ တယောက်ကို ၂၅၀၀၀ ပဲကျတယ် အဲ့မှာမှ ရေကူးရတာရယ် မနက်စာ ကောင်းကောင်းစားရတာနဲ့တင် တန်နေပါပီ 85000 နဲ့တွက်ရင်တော့ နည်းနည်းစျေးများသလိုဖြစ်ပေမဲ့ မတန်တာမျိုးတော့လဲ မဟုတ်ပါဘူး
အစားအစာတွေ အကြောင်းလဲ ပုံအောက်ကစာတွေရောက်မှ ဖတ်တော့နော်

နောက်ဆုံးတခု ပြောပြဖိုါကျန်နေတာကတော့ Relaxation Area ပါ 2nd floor မှာရှိတယ်
ရေကူးကန် ရယ် Gym ရယ် ပေါ့
Sauna နဲ့ whirlpool bath တော့ရှိပေမဲ့ Functioning မဖြစ်နေပါဘူး ပိတ်ထားတယ်
ရေကူးကန်က လူအလာနည်းတော့ သန့်တယ် အရမ်းမကျယ်ပေမဲ့ လူရှင်းတော့ private ဆန်တဲ့ ခံစားချက်ရတယ် ကို့အိမ်က ရေကန်လာစိမ်ရသလိုပဲ 😂 pool-side မှာလဲ ခုံလေးတွေရှိတော့ သောက်ချင်လဲအဆင်ပြေတယ်
Gym ထဲတော့ မဝင်လိုက်ရဖူး ဒါပေမဲ့ Treadmills (ပြေးစက်) တွေ Elliptical machines တွေတော့ တွေ့ခဲ့တယ် ကိုက မူးနေတော့ အဲ့ထဲလဲ မဝင်နိုင်ပါဘူး 😁

ကျနော့် review က ပီးပီ ဒါပဲ
ကျနော်ကတော့ 51000 နဲ့မို့ price to performance အရ တန်တယ်လို့သတ်မှတ်တယ်
85000 ဆိုရင်တော့ ကျနော်က စိတ်တောင်မကူးဘူးတာရော ကိုယ်တိုင်လဲ ဘယ် 85000 ကိုမှ မရောက်ဖူးတာကြောင့် တန် မတန် မဝေဖန်တတ်ဖူး သွားနေကျ ဆရာဆရာမ တွေပဲ ဆုံးဖြတ်ပီး ကောမန့်မှာ ဝင်ဆွေးနွေးပေးကြပါအုန်း
စာအရှည်ကြီးဖတ်ပေးလို့ ကျေးဇူးအများကြီးတင်ပါတယ် 😍 အရမ်းချစ်တယ်နော် 😘

23/10/2023

အားလုံးကို အရမ်းလွမ်းပါတယ်
စာ (review) တွေလဲ ပြန်ရေးချင်ပါတယ်

ဒီအတောအတွင်း ဘယ်မှ မသွားဖြစ်လို့ … ကုန်ကြမ်းနည်းနည်းစုပြီးရင် စာတွေ ပြန်ရေးဖြစ်မလားမသိဘူး

အဲ့အခါကျ အရင်လိုပဲ ဖတ်ကြအုန်းမှာမလား ??? 😍😍😍😍

17/05/2023

ကျနော့် စာဖတ်သူများကို အားနာနာနဲ့ပဲ အသိပေးစရာတစ်ခုရှိပါတယ် …

လတ်တလောကာလတွေမှာ Hotel Review by Kyaw Gyee page မှာ ဘာ update မှ ရေးနိုင် တင်နိုင်မှာ မဟုတ်ပါဘူးခမျာ

အကြောင်းအရင်းကတော့ ကျနော် အရင်က ကိုယ်ရေးကိုယ်တာကိစ္စများကြောင့် ဟော်တယ်တွေဘက် ခဏခဏရောက်ဖြစ်လို့ စာတွေရေးပေးနိုင်တာဖြစ်ပြီး
အခုချိန်မှာတော့ အဲ့လို သွားစရာ အကြောင်းမရှိတော့တဲ့ အခြေအနေဖြစ်သွားပါတယ်

ကျနော် နောက်ပိုင်းမှာ ပုံစံတမျိုးနဲ့ (ဥပမာ - blogger တွေလို sponsor ယူပြီး ရေးပေးတာမျိုး) နဲ့လဲ ပြန်ပေါ်လာချင်ပေါ်လာပါမယ်

ဒါမှ မဟုတ် ဘယ်တော့မှ ပြန်မပေါ်လာတော့တာလဲ ဖြစ်ချင်ဖြစ်ပါလိမ့်မယ်

ဘာပဲပြောပြော ဒီ အချိန်တို ကာလအတွင်း ကျနော်သိသလောက် ရေးပြတာကို စိတ်ဝင်တစားရှိကြလို့ လဲ ဝမ်းသာရပါတယ်

စာရေးကလဲ ဝါသနာပါတော့ နောက်ပိုင်း တခုခုထပ်ရေးဖြစ်ရင်လဲ အသိပေးပါအုန်းမယ်

လောလောဆယ် Emotional breakdown ကာလမို့ ခဏ နားခွင့်ပြုကြပါဗျာ 💔

03/05/2023

အဖြူနဲ့အမဲ နှစ်ရောင်ထဲသုံးပြီး ဥရောပဆန်တဲ့ အပြင်အဆင်နဲ့ စျေးလဲသင့်တင့်တဲ့ မြောက်ဉက္ကလာက ဟော်တယ် အသစ်လေး နောက်တစ်ခု

ဟော်တယ် နံမည်က Hotel Havana N-Okkalapa Lake View

ဒီဟော်တယ်ကို Galaxy သွားရင်းနဲ့ ဆောက်တာ မပြီးခင်ထဲက သတိထားမိနေတာ … ကျနော်အကြိုက်ဆုံး အမဲရောင်ကို အဖြူရောင်နဲ့ စပ်ထားတဲ့ Architect ရဲ့ design ကြောင့် အရမ်းသဘောကျနေတာ … သကြ်န်မတိုင်ခင်ကမှ ဖွင့်လိုက်ပြီဆိုပီး တွေ့လိုက်တော့ သွားဖြစ်အောင်သွားမယ်ဆိုပီး တေးထားတာ … ခုတော့ ရောက်ခဲ့ပြီးပီ

နေရာက မြောက်ဉက္ကလာအဝိုင်းမှတ်တိုင်က ရေကန်ကြီးရှိတဲ့ ဘေးကလမ်းထဲမှာပါ … အရင်ရေးပေးဖူးတဲ့ Galaxy Hotel နဲ့ အတော်လေးနီးပါတယ် … ကျောချင်းကပ်လောပ်ဖြစ်မယ်ထက်တယ် …

နေရာက လူနေရပ်ကွက်ထဲဆိုပေမဲ့ ဟော်တယ်တွေအများကြီးရှိတဲ့ရပ်ကွက်ဆိုတော့ တိတ်တိတ်ဆိတ်ဆိတ်ရှိပါတယ် … ကားပါကင်ကနေစပြောရမယ်ဆို … underground ပါကင်ကြီး အကျယ်ကြီးပဲ … ခြံထဲမှာလဲ အမိုးသေချာလုပ်ပေးထားတဲ့ ပါကင်လေးတွေရှိသေးတယ် …. ကားအပျောက်ရိုက်ချင်ကြတဲ့ ညိုကီတွေ စိတ်ချလက်ချ ထားလို့ရပါတယ် … underground မှာပဲ ဓါတ်လှေခါးလဲရှိတဲ့အတွက် reception မဖြတ်ချင်တဲ့ မမ တွေလဲ သဘောကျမှာပါဗျာ 😝

RECEPTION ရောက်သွားတာနဲ့ Europe ဘက်က vintage အဆောက်အဉီးတစ်ခုထဲရောက်သွားသလိုခံစားရမှာပါ … အရာရာက အဖြူနဲ့အမဲ ကိုပဲ သုံးထားတာ မျက်စိကိုအေးစေပြီး ခမ်းနားတယ်ဆိုတဲ့ vibe မျိုး ခံစားမိတယ် ကျနော်ကပဲ အဲ့အရောင်အရမ်းကြိူက်လို့လားမသိဘူး
Reception နဲ့ lobby ကြီးက ခမ်းနားပေမဲ့ ဝန်ထမ်းအင်အား နည်းနေသေးတယ်ထင်တယ် … ရှင်းလင်းနေရော … လူရှင်းတာ တမျိုးတော့လဲ ကောင်းပါတယ် ဒါပေမဲ့ Receptionists ညီမလေးက တယောက်ထဲဖြစ်နေတော့ နည်းနည်း တိုင်ပတ်နေရှာတယ် အသစ်လဲဖြစ်နေတော့ orientation မရသေးတာမျိုးဖြစ်မယ်ထင်တယ် …. ကျနော့်တုံးကအဆင်မပြေတာလေးဆိုရင် booking လုပ်ထားပေးမဲ့ ကျနော်ပြောထားတဲ့အခန်းမျိူးကမရတော့လို့ စျေးပိုများတဲ့ အခန်းကိုယူဖို့ပြောတာမျိူးကျ အဆင်သိပ်မပြေဘူးလားလို့လေ … အပြစ်တင်တာမဟုတ်ပါဘူးနော် (Management Team အနေနဲ့ ပိုကောင်းတဲ့ policy တွေ ချမှတ်နိုင်ဖို့ရည်ရွယ်ပါတယ်)
Bell boy ကလဲ ကျနော်သွားတုန်းက တယောက်ပဲ တွေ့ခဲ့ရပါတယ် … ဧည့်သည်များတဲ့အချိန်ဆို အဆင်ပြေပါ့မလား တွေးမိပါတယ် ….
Otherwise အဆင်ပြေပါတယ် … တွေ့ခဲ့ရတဲ့ ဝန်ထမ်း ၂ ယောက်လုံးလဲ ဖော်ရွေပီး အဆင်ပြေကြပါတယ်

သူက rooftop 6 လွှာမှာ bar ရှိတယ် … spa လဲရှိတယ် လို့ဆိုတယ် … ကျနော်က ၅ လွှာမှာ ရတယ် … ကော်ရစ်ဒါတလျှောက်လဲ အဖြူနဲ့အမဲတွေချည်းပါပဲ သန့်ရှင်းနေရော အသစ်နံ့တောင်မပျောက်သေးဘူး (ဆေးနံ့ ပတ်တီးနံ့ 😂)

အဲ့လိုနဲ့ အခန်းထဲရောက်တော့လဲ အဖြူအမဲပဲဗျာ
အခန်းကလဲ ကျယ်တယ် … ရိုးရိုးရှင်းရှင်းလေးပဲ တံခါးတွေအကုန်လုံးကလဲ အနက်ရောင်တွေ ထိုင်ခုံ စားပွဲကအစ အနက်ရောင်ပါပဲ … ကြမ်းခင်းကတော့ ကျောက်ပြား ခင်းထားတယ် … ပြတင်းပေါက်တစ်ခုပါပေမဲ့ ကျနော်က ရေကန်ဘက်အချမ်းမဟုတ်တော့ view သိပ်မလှဖူး … lake view ဘက် ရရင်တော့ ပိုမိုက်လောက်မယ် … အခန်းသန့်ရှင်းသပ်ရပ်မှူကတော့ အထူးပြောစရာမလိုပါဘူး အသစ်လဲဖြစ်နေတော့ အရာအရာ တောက်ပြောင်နေတာပါပဲ … မွေ့ယာကလဲ အိနေတာပါပဲ အသစ်တွေကိုး … အသုံးအဆောင်တွေဆိုလဲ ရှယ်တွေချည်းပဲ … တီဘီကြီးကလဲ 42 လက်မ ထင်တယ် အကြီးကြီးပဲ … မီးခံသေတ္တာအသေးတစ်ခုလဲ ထည့်ပေးထားသေးတယ် ရေနွေးအိုး Dryer အကုန် အသစ်ပဲဗျာ Hotel Grade အပြည့်ပါပဲ အသေးစိတ်ကိုတော့ ပုံမှာကြည့်ပေးပါ

ရေချိုးခန်းက မှန်အနောက်နဲ့ ကာထားတယ် …. အပြင်ကနေကြည့်ရင် အရိပ်တော့မြင်ရတယ် … ကို့ bf/gf နဲ့ဆို သိပ်ကိစ္စမရှိပေမဲ့ business trip မှာ လုပ်ဖော်ကိုင်ဘက် သူစိမ်းနဲ့ဆို နည်းနည်းများ ရှို့တို့ရှန်းတန်းဖြစ်မလားလို့လေ … ကြိတ် crush နေရင်တော့လဲ တမျိုးပေါ့ ရင်ခုန်ရတာပေါ့ 😂 လိုက်ကာလေး တခု ထားလိုက်ရင် နည်းနည်းပိူအဆင်ပြေမလားလိူ့ပါ (ရှက်တတ်တဲ့သူတွေအတွက်)
ရေချိုးခန်းက အကျယ်ကြီးပါ … ဝါသနာပါရက် အဲ့မှာလဲ တစ်ကြောင်းဖြစ်တယ် 😎 စတာပါ
ဘေစင်လဲကျယ်တယ် ရေပန်းလဲ ရေအားကောင်းတယ် shower gel နဲ့ shampoo ကို dispenser နဲ့ နံရံမှာ ချိတ်ထားပေးတယ် … ကျနော်ရတဲ့အခန်းတုန်းကတော့ housekeeping သေချာမစစ်ခဲ့ဖူးနဲ့တူတယ် ရေချိုးဆပ်ပြာ ကုန်နေလို့ ရေချိုးရင်းတန်းလန်း လှမ်းခေါ်ပီး ဖြည့်ခိုင်းရသေးတယ် …
ဘေစင်ဘေးမှာ နံရံမြှုပ်စင်လေး ထားတာလဲ သဘောကျတယ် အဲ့စင်ပေါ်မှာ သွားတိုက်တံ ဘာညာ ထားပေးထားတယ်။

စျေးနှုန်းပြောပြဖို့မေ့နေလို့
သူ့မှာ day use (9-5) ဆို 24000
Section (3hr) ဆို 18000
Night only (6pm-9am) ရုံးသမား package ပေါ့ဗျာ အဲ့ဒါဆို 27000
24hr ဆိုရင်တော့ 36000 နဲ့ 42000

စျေးကတော့ ဟော်တယ် အသစ်တစ်ခုအနေနဲ့ဆို တန်ပါတယ် night package ဆို သဘောကျတယ် ကျနော်တို့လို ရုံးချိန်ပြင်ပ အသုံးပြုတဲ့သူတွေအတွက် အရမ်းအဆင်ပြေ
အဲ့ဒီစျေးတွေက မနက်စာ လဲ ပါတယ်ဗျာ (section နဲ့ day use က လွဲလို့)

မနက်စာက ဘူဖေးခင်းပါတယ်
အမယ်နည်းတယ်ဆိူပေမဲ့ ဒီစျေးနဲ့ မနက်စာ ဘူဖေးကို နိုဗိုတယ်လိုတော့ မျှော်လင့်လို့ဘယ်ရမလဲ 😁 ထမင်း/ခေါက်ဆွဲ အသားတမျိုးပါမယ် အရွက်တစ်မျိုးပါမယ် ဟင်းရည်ပါမယ် အချိုပွဲ တမျိုးပါမယ် ဒီလောက်ပါပဲ
အရသာအဆင်ပြေတယ် … refill နည်းနည်းကြာတာလေး တစ်ခုတော့ ကြုံခဲ့ရတယ် … စားရတာက 6 လွှာက rooftop bar မှာ view ကောင်းကောင်းလေးနဲ့ စားရတာ ပိုစားဝင်သလိုပဲဗျ 😝

ဒီလောက်ဆို တော်တော်လေးစုံပြီထင်ပါတယ် … overall rating ပေးရမယ်ဆို

စျေးနှုန်း ⭐️⭐️⭐️⭐️
သန့်ရှင်းမှု ⭐️⭐️⭐️⭐️
အသုံးအဆောင်ပရိဘောဂ ⭐️⭐️⭐️ ⭐️
ဝန်ဆောင်မှု ⭐️⭐️⭐️
သေချာပေါက် နောက်တခေါက်ထပ်သွားဖြစ်မှာပါ 😍

02/05/2023

ခများတို့ ကျော်ကြီး အသည်းကွဲနေလို့ စာတွေလဲ မရေးဖြစ်နေတာနဲ့ … မန်းတလေး အပိုင်း ၂ က နည်းနည်းကြာသွားတယ် … စောင့်ခိုင်းထားမိလို့ ဆောရီးပါဗျာ 💔

ကြိုသတိပေးထားချင်တာကတော့ ဒီ Post က အစုံသုတ် post ဖြစ်ပါတယ် ဟော်တယ် ၂ခု-၃ခု အကြောင်းလဲ တပြိုင်ထဲရေးမှာ ဖြစ်သလို မန္တလေးရောက်တုန်း စားစေချင်တဲ့ ကျနော်ကြိုက်တဲ့ စားစရာတွေအကြောင်းလဲရေးမှာဖြစ်ပါတယ် ... အဲ့တော့ စိတ်မဝင်စားတဲ့ စာဖတ်သူများ ကျော်ဖတ်ပေးပါ ခမျာ ...

အရင်ဆုံး ဟော်တယ်တွေအကြောင်းပြောပေးပါမယ် ... ထုံးစံအတိုင်း ကျနော် စေ◌ျးသင့်တာလေးတွေပဲ ပြောပြပေးမှာမို့ ၅၀၀၀၀-၆၀၀၀၀ တန်တွေရှာနေတာဆိုရင်လဲ ဒီ post က ခများအတွက်မဟုတ်ပါဘူး ...
ပထမဆုံး တစ်ခုက ၃၅၀၀၀ တန်လေးပါ ... နံမည်က Hotel Duo Swan တဲ့ သူက ၃၇ လမ်းပေါ် ၆၆ နဲ့ ၆၇ ကြားမှာ ရှိတယ် မြင်လွယ်အောင်ပြောရရင် ပြင်ဉီးလွင် ဘက်ထွက်တဲ့ ၃၅ လမ်းကြီးနဲ့ နီးတယ်ဗျာ
66 လမ်းကြီးကလဲ စည်သင့်သလောက် စည်ပါတယ် ... အနီးအနား ခေါခေါ တို့ ဘီယာဆိုင် တို့လဲရှိပါတယ် ...

ဟော်တယ်လေးကတော့ ခပ်သေးသေးပါပဲ ... သေးပေမဲ့ သန့်ရှင်းတယ် သပ်ရပ်တယ် ... ဝန်ဆောင်မှုလဲ အတော်အသင့်ကောင်းပါတယ် ... ကျနော် အရင်က နေတုန်းက ၂၅၀၀၀-၂၈၀၀၀ ကနေ အခု update ဈေးကတော့ ၃၅၀၀၀ ပါတဲ့ဗျာ ... ဒါက အကျဉ်းဆုံးအခန်းပေါ့ဗျာ ဒီ့ထက်ကျယ်တာတွေ ရှိသေးတယ် ဈေးလဲ သူ့ထက်မြောက်မယ်...
၃၅၀၀၀ အခန်းလေးကတော့ ကျဉ်းတယ်လို့ပြောရမှာပေါ့ ... ကုတင်ရယ် စားပွဲရယ် ပဲ ... တခြားနေရာအပိုရယ်လိုမပါသလောက်ပဲ ... အရာရာ ကွက်တိလေးလုပ်ထားတာ ... ရေချိုးခန်း အိမ်သာလေးကလဲ ခပ်ကျဉ်းကျဉ်းပါပဲ ... ကျဉ်းပေမဲ့ တအားသန့်ရှင်းတယ် ... သန့်ပြန့်နေတာပဲ ... မွေ့ယာခင်းဆိုတာလဲ တင်းရင်းလို့ တက်အိပ်ရမှာတောင် အားနာတယ် ... ပုံတွေလဲ ထည့်ပေးထားပါတယ် ကျနော်ရိုက်ထားတာတော့ မဟုတ်ဖူး Google maps ကပုံတွေပါ ... အတွင်းနဲ့အပြင် မကွာပါဘူး ကျနော်နေခဲ့ဖူးလို့ အဲ့ဒါတော့ စိတ်ချပါ ... ကျနော်အဲ့ဟော်တယ်တွေမှာ နေခဲ့စဉ်တုန်းက ခုလို စာတွေလဲမရေးသေးတော့ ပုံတွေရိုက်မထားလို့ပါ .. တခုပြောဖို့ကျန်ခဲ့လို့ ... သူက ၃၅၀၀၀ ပေမဲ့ မနက်စာတော့မပါဘူးဗျ ... မီးတော့ ၂၄ နာရီ ရတယ်လို့ပြောတယ် ... ကားပါကင်ကတော့ သီးသန့်မရှိဖူး ဟော်တယ်ရှေ့ သင့်သလိုရပ်ယုံပါပဲ ... နေရာတွေတော့ ရှိတယ် ... လုံခြုံရေးက ညဘက်ဆို ကြည့်ပေးပါတယ် ... ဒီလောက်ပါပဲ ..

နောက်ထပ် တစ်ခု ပြောပြပေးချင်တာကကျ Taw Win Myanmar Hotel သူကတော့ မန္တလေးရဲ့ အချက်အချာကျတဲ့ လမ်း ၈၀ ပေါ်မှာ ... တိတိကျကျဆိုရင်တော့ 80 29x30 ကြားမှာဗျာ ... သူလဲ ကားပါကင်မရှိဘူး ... လမ်းမပေါ် ဖလက်ဖောင်းေပေါ် သင့်သလိုရပ်ရတာပဲ ... လုံခြုံရေးဝန်ထမ်းတော့ရှိပါတယ် ... ညဘက်စိတ်ချရပါတယ် ... ဒီဟော်တယ်ကလဲ ရှေးဟော်တယ်ပြဗျ သူ့ခေတ်နဲ့သူ့အခါတော့ အတော်လေးခမ်းနားခဲ့ပါလိမ့်မယ် … (ကျနော် ဟိုနေ့က ရေးပေးတဲ့ Royal Power Hotel လိုပေါ့) Lobby နဲ့ Reception area က ကျွန်းတွေနဲ့ ... ဝန်ဆောင်မှုပေးတဲ့သူတွေကလဲ ဖော်ရွေပါတယ် … ဈေးနှုန်းက နှစ်ယောက်ခန်းကို ၃၀၀၀၀ ဝန်းကျင်ပါပဲ ... ခုတော့ မီးစက်နှိုးရ ဘာရနဲ့မို့ ဘယ်လောက်ဖြစ်တယ်မသိဘူး ... သူ့ဆီမှာ ကျနော် သဘောအကျဆုံးအခန်းက Suite ပါ ... နှစ်ယောက်အိပ်ခုတင် တစ်လုံး ရယ် တစ်ယောက်အိပ် ခုတင် နှစ်လုံးရယ်ပါတယ်ဗျာ ... အခန်းကလဲ အကျယ်ကြီးပဲ ... ကို့အိမ်ကိုနေရသလိုပဲ ... မိသားစု နဲ့သွားတာမျိုး .. သူငယ်ချင်းတွေ စုနေကြတာမျိုးဆိုရင် တော်တော်အဆင်ပြေတယ် ... အခန်းတွေက သန့်ရှင်းမှု အတော်အသင့်ရှိပါတယ် ... အသစ်တွေလို မျိုးတော့ အရမ်းကြီး မခမ်းနားပါဘူး ... ဒါပေမဲ့ သူ့ဈေးတန်းလေးနဲ့သူကတော့ အဆင်ပြေပါတယ် ... ရေချိုးခန်း အိမ်သာကတော့ သုံးလို့ဖြစ်တယ်ဆိုရုံပါပဲ Functioning ဖြစ်တယ် ... Luxury တော့ မဖြစ်ဖူးပေါ့ဗျာ ... ကျနော်ကတော့ အပိုင်း(၁) တုန်းက ရေးဖူးတဲ့ Royal Power ထက်စာရင် ဒီ Taw Win Myanmar ကို ပိုသဘောကျတယ်ဗျ ...

အခုကျနော် ပြောပြသွားတဲ့ ဟော်တယ်တွေကတော့ Budget သမားတွေအတွက်ဖြစ်ပါတယ် ... Guest House လောက်ထိလဲ မဆင်းချင်ပဲ Hotel Level မှာ အဆင်ပြေနိုင်မဲ့ ဟာလေးတွေပါ ... တကယ်လို့ စာဖတ်သူအနေနဲ့ တညကို ၆ သောင်း ကနေ ၈ သောင်းလောက်ထိလဲ တတ်နိုင်တယ် ... Breakfast ပါမှ ရေကူးကန် ပါမှ ဆိုသူတွေအတွက်ကတော့ Swallow Hotel တို့ The Home Hotel Mandalay တို့ The Magic Hotel တို့လိုဟာတွေကို ရှာကြည့်ပါဗျ ...
စာအရမ်းရှည်နေရင် ပျင်းသွားမှာစိုးလို့ အစားအသောက်နဲ့ပတ်သတ်တာတွေကိုတော့ နောက်ထပ် တပိုင်းခွဲပြီး ရေးပေးပါအုန်းမယ်... ကျေးဇူးတင်ပါတယ်

22/04/2023

သကြ်န်တွင်း ရွာခဏပြန်ရင်းနဲ့ မနက်စာ မုန့်တီ ကောင်းကောင်းစားချင်တာနဲ့ မန္တလေးခဏ တက်သွားဖြစ်တယ်
မန္တလေးက ကျနော့်အချစ်ဆုံး သဘောအကျဆုံး နေရာတစ်ခုဖြစ်တာမို့လို့ တညတော့အိပ်အုန်းမယ်ကွာဆိုပီး ဘတ်ဂျတ်ဟော်တယ် လိုက်ရှာပီး နေဖြစ်ခဲ့တော့ ကျနော့် စာဖတ်သူတွေလဲ မန္တလေးရောက်ခဲ့ရင် သိသင့်တာလေးတွေသိရအောင် ရေးပေးလိုက်ပါတယ် …
ဒီတခေါက်သွားခဲ့တဲ့ဟော်တယ်က တစ်ခုပဲဆိုပေမဲ့ ကျနော် အရင်က သွားခဲ့ဖူးတဲ့ ဟော်တယ်လေးတွေအကြောင်းပါ စုပေါင်းပြီး ရေးပေးမယ်ဗျာ …

အခုရောက်ခဲ့တဲ့ နေရာကတော့ 80 27x28 ကြားက Royal Power Hotel ပါ
သူက 26 လမ်း ကျုံးဘေး နဲ့ နီးတော့ အပေါ်ဆုံးထပ်ကနေဆိုရင် ကျုံး view နဲ့နေရတာပေါ့ဗျာ
ဟော်တယ်ကတော့ အဟောင်းပါ တော်တော့်ကိုဟောင်းပါပီ ကျနော်တို့ ခလေးဘဝ 2000 ခုနှစ် ဝန်းကျင်မှာဆိုရင်တော့ အမိုက်စားပေါ့ဗျာ ခုနောက်ပိုင်း အသစ်တွေနဲ့တော့ သွားယှဉ်လို့မရဘူးဗျ

စျေးနှုန်းကတော့ ၂၈၀၀၀ နဲ့ ၃၃၀၀၀ လို့ပြောတယ် … breakfast မပါဘူး …. မပါလဲ ကိစ္စမရှိဖူး ကျနော်တို့ ရန်ကုန်ကလူတွေ မန္တလေးသွားတယ်ဆိုတာ အလုပ်နဲ့ပဲဖြစ်ဖြစ်သွားရရင်တောင် အရမ်းနံမည်ကြီးပြီး စားလို့ကောင်းတဲ့ ဒေသစာတွေ စားဖြစ်အောင်စားကြရမှာမို့လို့ ကျနော်က မန္တလေးသွားရင် breakfast မပါတဲ့ budget hotel တွေ inn တွေမှာပဲ နေလေ့ရှိတယ်

ပထမဆုံး ကားပါကင် ကနေစပြောရမယ်ဆိုရင် ကားပါကင်က သိပ်အဆင်မပြေဖူးဗျ ဟိုတယ်ရှေ့မှာ 4-5စီးလောက်ပဲရပ်လို့ရမယ် … လမ်းမပေါ်မှာ ရပ်မယ်ဆိုရင် MCDC က ကောက်တဲ့ အခွန် ပေးဆောင်ရတယ် တညကို ၅၀၀ ပါတဲ့ အဲ့ဒါကို ဟော်တယ်က မဆောင်ပေးပါဘူး ကို့ဖာကို ဆောင်ရတယ် ၂၈၀၀၀ နဲ့ ဆိုတော့လဲ ခွင့်လွှတ်လိုက်ပါနော် …

Lobby နဲ့ Reception ကတော့ တချိန်က တော်တော်ခမ်းနားမယ်လို့ထင်ရတယ် ကျွန်းတွေနဲ့ အလှဆင်ထားတာမျိုးပေါ့ … FO က ကလေးမ ၂ ယောက်ကတော့ ရှမ်းတရုတ်မလေးတွေထင်တယ် နည်းနည်းချေတယ် … စိတ်ထဲ သိပ်တော့ သဘောမတွေ့သလိုပဲ … အရမ်းကြီး ဖော်ရွေနေတာမျိုး မဟုတ်သလိုပဲ

အလွှာက မြေညီအပါဆို ၁၀ လွှာလောက်ရှိလိမ့်မယ်
ဓါတ်လှေခါးက လမ်း ၈၀ ပေါ်ကို မျက်နှာမူထားတာ မှန်ချပ်တွေနဲ့ဆိုတော့ ဓါတ်လှေကားတတ်သွားရင် လမ်းမပေါ်ကို မြင်နေရတယ်

ကျနော်က အထပ်မြင့်မြင့်လေးမှာ နေချင်လို့ request လုပ်လို့ 9 လွှာမှာ ရခဲ့တယ် … ကျုံးဘက်အချမ်းတော့မဟုတ်ဖူး … ဒါမဲ့ ကိစ္စမရှိဖူး နောက်ဖေးမှာ emergency လှေခါး ဝရံတာလေးရှိတော့ အဲ့ကနေ ကျုံးဘက်ကို ဓါတ်ပုံရိုပ်လို့တော့ရတယ် 😝

အခန်းအကြောင်းပြောရမယ်ဆိုရင် … တံခါးတွေကိုတော့ card system နဲ့ပြန်လုပ်ထားတယ် … အခင်းက ကျွန်းပါကေး နဲ့ … ကုတင်ကလဲ ကျွန်းကုတင်ပဲ ဟော်တယ်ကအဆောက်အဉီးဟောင်းဆိုပေမဲ့ မွေ့ယာတွေကတော့ လဲထားသေးတယ်ထင်တယ် ထင်သလောက်မဆိုးပါဘူး … spring တွေ ကောင်းသေးတယ် … ပြတင်းပေါက်အကြီး တစ်ပေါက်ပါတယ် … ကျုံးဘက်အချမ်းသာရရင် ပြတင်းပေါက်ဖွင့်လိုက်တာနဲ့ ကျုံးတောက်လျှောက်မြင်ရမှာပေါ့ဗျာ …
ထိုင်ခုံ စားပွဲ လေးလဲ ပါပါတယ် ကျွန်းနဲ့ပဲ … အရမ်းတော့ မသစ်တော့ဖူးပေါ့ …
အဲကွန်းကိုတော့ သိပ်သဘောမကျဖူး … သူက ပုံမှန် မြင်နေကျ တစ်လုံးချင်းဆင်ထားတဲ့ အဲကွန်းမျိုးမဟုတ်ပဲ shopping mall တွေမှာ ဆင်သလို compound type ထင်တယ်
လေထွက်ပေါက်ကြီးပါတယ် ceiling type လိုမျိုးပေါ့ … ပြီးတော့ တပ်ထားတဲ့နေရာက သိပ်အဆင်မပြေတော့ ကျနော်က အိုက်တတ်တော့ လေက အိပ်တဲ့နားဆီ မရောက်သလိုပဲ …
Remote တော့ရှိတယ် နံရံမှာကပ်ထားပေးတယ် လိူသလိူချိန်လို့တော့ရပါတယ် …

ရေချိုးခန်းကတော့ ကျဉ်းရှည်လေးပေါ့ … bath tub ပါပေမဲ့ ကျနော်ရတဲ့အခန်းမှာတော့ functioning မဖြစ်နေပါဖူး … ရေပန်းကလဲ ရေထွက်အားနည်းပါတယ် … ဘေစင်ကတော့ ကောင်းတယ် ကျယ်တယ် မှန်လဲ အကြီးကြီး တချပ်ပါတယ် … Dryer ထည့်ပေးထားတာတွေ့တယ်
ရေချိုးခန်း တံခါးက သိပ်မကောင်းချင်ဘူး

အားလုံးခြုံပြောရရင် အဆင်သိပ်အပြေကြီးတော့မဟုတ်ပါဘူး ဒါပေမဲ့ စျေးသက်သာတယ် နေရာက အချက်အခြာကျတယ် ဘေးမှာလဲ ခေါခေါ (coco)ရှိတယ် ( Ygn က G&G တို့လို့ Mdy မှာ နေရာတိုင်းနီးပါးရှိတတ်တဲ့ convenience store ကိုပြောတာပါ)

ကို့မြို့ကိုယ့်ရွာမဟုတ်တဲ့အတွက် overall rating တွေလဲ ပေးမနေတော့ပါဘူး … ပေးလဲ 2 to 3 stars အတွင်းပဲ ပေးလို့ရမှာပါ

ဒီ post ကို အပိုင်း ၂ ဆက်ရေးပေးမယ် … ဒီတခေါက်မှာ မရောက်ဖြစ်ပေမဲ့ အရင်ကနေခဲ့ဖူးတဲ့ သင့်တော်တဲ့ နေရာလေးတွေနဲ့ မန္တလေးမှာ စားလို့ကောင်းတဲ့ ကျနော်ကြိုက်တဲ့ စားစရာလေးတွေ အကြောင်းပေါ့ … လိုင်းကြောင်သလိူဖြစ်နေပေမဲ့ မန္တလေးအကြောင်းပြောရင် စားစရာအကြောင်း မပြောလို့မဖြစ်ဖူးဗျ … ပီးတော့ မန္တလေးတခါမှ မရောက်ဖူးသေးတဲ့သူတွေအတွက်လဲ နည်းနည်း လမ်းညွှန်ပေးချင်တာပါတာပေါ့လေ …

အားလုံးပဲ မြန်မာနှစ်သစ်မှာ ရွှင်လန်းချမ်းမြေ့ကြပါစေဗျာ 😍

10/04/2023

လောလောဆယ် ရွာခဏပြန်နေလို့ ဘာမှရေးစရာမရှိသေးပါဘူး ဗျ
ပိတ်ရက်တွေပီးလို့ အပြန်မှပဲ အများကြီးထပ်ရေးပေးမယ်နော်

See first လုပ်ပီးသာ စောင့်နေပေးဗျာ
Luv you all 😍

02/04/2023

နည်းနည်းအဆက်သွယ်ပျက်သလိုဖြစ်နေတာ ဆောရီးပါဗျာ
အများကြီးရေးပေးချင်ပေမဲ့ ဒီတလော ဘယ်မှ သိပ်မသွားဖြစ်လို့ ရေးစရာကုန်ကြမ်း မရှိနေလို့ပါ

အခုပြောပြပေးမှာက မြော်ကဥက္ကလာက ဘတ်ဂျတ်ဟော်တယ်လေး
အဝေးပြေးနဲ့လဲ အရမ်းမဝေးဘူး မြောက်ဥက္ကလာ အလယ်ခေါင်လောက်မှာရှိတာဆိုတော့ တောင်ဥက္ကလာ မြောက်ဥက္ကလာ မြောက်ဒဂုံ ရွှေပေါက္ကံ မဂ်လာဒုံ ဘက်ကသူတွေလဲ အဆင်ပြေတာပေါ့ဗျာ

ဟော်တယ်နံမည်က Grand Kantharyar Hotel ပါ
အသစ်လေးဗျ
ခုမှ စဖွင့်တဲ့ပုံစံပဲ ပစ္စည်းတွေနေရာချနေတတချို့အခန်းတွေ ပြင်ဆင်နေတာ တွေ့ခဲ့တယ်
နေရာကတော့ ခေမာသီ လမ်းမပေါ် ကန်သာယာစင်တာ ဘေးက လမ်းပေါ် ပေါ့ဗျာ Fb မှာ page ရှိတယ် ရှာကြည့်လိုက်ပါ

ဘတ်ဂျတ် လို့ဘာလို့ပြောရသလဲဆိုရင်တော့ မနက်စာအပါ ညအိပ်ကိုမှ ၂၅၀၀၀ မို့လို့ပါ
ဟော်တယ် အသစ်လေးကို ၂၅၀၀၀ နဲ့နေရတာတော့ တန်တာပေါ့ဗျာ

ကားပါကင် ကနေစပြောပါမယ်
ကားပါကင် မြေညီထပ်မှာရှိပေမဲ့ ၃-၄ စီးပဲဆန့်လိမ့်မယ် နောက်ကျတဲ့သူ အပြင်ဘက်ပါကင်မှာ ရပ်ရပါမယ် ဒါကြောင့် ကားအပျောက်ဖြစ်ချင်ရင်တော့ သိပ်အဆင်မပြေပါ

အထဲဝင်လိုက်ရင်တော့ အရမ်းခမ်းနားနေတာမျိုး မဟုတ်ပေမဲ့ ကြည့်ပျော်ရှုပျော်ရှိပါတယ် FO က ကလေးမတွေကတော့ pro ဟုတ်ပုံမပေါ်ဘူး ဒါပေမဲ့ ဖော်ရွေကြပါတယ် ထူးဆန်းတာက အခန်းထဲလိုက်ပို့တာလဲ ကလေးမ တွေပဲဗျ မြန်မာပြည်မှာက bell boy ဆို ယောကျာ်းလေးပဲခန့်တာများလို့လေ

ဓါတ်လှေကားရှိပါတယ် အထပ်ကတော့ ၄-၅ ထပ်လောက်ရှိမယ် ကျနော် အမှူမဲ့အမှတ်မဲ့ ဖြစ်သွားလို့လေ လျှောက်လမ်းတွေကတော့ ပွင့်ပွင့်လင်းလင်းပြောရရင် hotel vibe မရစေပါဘူး အဆောက်အဦးရဲ့ အပြင်ပိုင်း တည်ဆောက်ပုံက လှသလောက် အထဲမှာ ကာလာရွေးချယ်မှု နည်းနည်းလိုသွားတယ်ထင်ပါတယ်
ဒါကအပြစ်တင်တာမဟုတ်ဖူးနော် ကျနော့်အမြင်ကိုတင်ပြတာ သူ့စျေးနဲ့ ဒီလောက်မိုက်နေတာပဲ ကျေနပ်စရာပါ

အခန်းထဲအကြောင်းပြောရရင် ၂၅၀၀၀ နဲ့ကတော့ တန်ပါတယ်
ကျယ်လဲကျယ်တယ် အသုံးအဆောင်ပရိဘောဂတွေလဲ မဆိုးပါဘူး အရမ်းရှယ်ကြီးတော့ဘယ်ဟုတ်မလဲဗျာ
သန့်ရှင်းသပ်ရပ်တယ် နေလို့တော့ ဖြစ်တယ်ဗျာ
ကျနော့်အမြင်ပြောရရင် အပြစ်ရယ်လို့သိပ်ပြောစရာမရှိပါဘူး ၄-၅ သောင်းတန်တွေနဲ့တော့ လာမယှဉ်နဲ့ပေါ့နော် ဟုတ်တယ်မလား
ကုတင် မွေ့ယာ အဲကွန်း ဘီရို တီဗီ အကုန်အဆင်ပြေပါတယ်
ရေနွေးအိုးတော့ပေးထားပေမဲ့ Dryer တော့မတွေ့မိဖူးဗျ
ပြောစရာလေးတချက်က စားပွဲ နဲ့ ကုလားထိုင်ကတော့ သိပ်ပီးသက်တောင့်သက်သာမဖြစ်ဖူး ကျနော်က တခါတလေ အလူပ်တွေ ပါပါသွားလို့ ဒါတွေထိလိုက်ပြောနေတာပါ
အိပ်ယာပေါ်တတ်အိပ်ယုံကတော့ အဆင်တော်တော်လေးပြေပါတယ်
အဓိကတော့ ဘတ်ဂျတ်ပေါ့ဗျာ ၂၅၀၀၀ နဲ့ ခုချိန် ရန်ကုန်မှာ ရှားသွားပီလေ နော်

ရေချိုးခန်းလေး လဲ သဘောကျတယ်
ရေပူရေအေးစက်ကလဲ အသစ် ပဲ ဘေစင်ဘုံပိုင်ခေါင်းလေးကလဲ ထူးထူးခြားခြားလေး (ပုံမှာပါတယ်)

Kitchen လဲရှိတယ် မှာစားလို့ရတယ် စျေးတွေကတော့ ထုံးစံအတိုင်း ၆၀၀၀-၇၀၀၀ ပေါ့
မနက်စာ ကျ အခန်းထဲလာပို့ပေးတယ်
အသီးစုံထမင်းကြော်လေးရယ် ကော်ဖီရယ် စားလို့ဖြစ်ပါတယ် အကောင်းစားကြီးတော့ ဘယ်ဟုတ်မလဲ
ဒါလေးကျွေးပေးချင်တဲ့ စေတနာကို အသိအမှတ်ပြုရမှာပေါ့ တညမှ ၂၅၀၀၀ ထဲနဲ့ လေ နော်
ကျနော် စာရေးပြီးရင်တော့ စျေးတတ်သွားကြတာများတယ် 😂

Overall rating ကတော့
စျေးနှုန်း ⭐️⭐️⭐️⭐️
သန့်ရှင်းမှု ⭐️⭐️⭐️⭐️
အသုံးအဆောင်ပရိဘောဂ ⭐️⭐️⭐️
ဝန်ဆောင်မှု ⭐️⭐️⭐️

29/03/2023

ကျနော့် စာဖတ်သူ တွေထဲမှာ မန္တလေးက ညီကိုတွေ ညီမ တွေ ရှိကြလားဗျ

ရှိရင် ကျနော့်ကို recommend ပေးပါအုန်း
ဘယ်တွေ သွားစေချင်လဲ ဘာတွေက စျေးသက်သာပြီး ဘယ်လိုအဆင်ပြေလဲ ဆိုတာ

ဒါမှမဟုတ် ကျနော့်အရေးအသား ဘာပဲဖြစ်ဖြစ် အရေးခံနိုင်ပါတယ်ဆိုတဲ့ ပိုင်ရှင် ကိုကို မမ တွေ စပွန်ဆာ ပေးလဲ စိတ်မဆိုးဘူးနော် 😂

သကြ်န် တွင်း မန်းလေးမှာ ရှိနေမယ်ဗျ

22/03/2023

ဟိုတရက်က သွားချင်တဲ့နေရာတွေရော သွားနေကျနေရာတွေရော အကုန်ပြည့်နေလို့ လမ်းဘေးကားထိုးရပ်ပီး ရှာလိုက်ရတာ နောက်ဆုံးတော့ ရောက်နေတဲ့ နားနဲ့သိပ်မဝေးတဲ့ Hotel Chicago ကိုပဲ ရွေးဖြစ်သွားတယ်
အရင်ပုံမှန်ကာလတွေတုန်းက ကလပ်ကအပြန်ဆိုဝင်အိပ်နေကြနေရာလေးပေါ့ အဲ့တုန်းကတော့ မူးရူးနေတော့ အိပ်ဖြစ်ရင်ပြီးရော ဘာမှလဲ သေချာမကြည့်မိဘူးပေါ့ဗျာ ... ခုတခေါက်ကတော့ ကျနော့် စာဖတ်သူတွေအတွက် ရည်ရွယ်ပြီးတကူးတကရောက်သွားခဲ့တာပါ စေ◌ျးနှုန်းကတော့ မနက်စာဘူဖေးအပါကိုမှ ညအိပ် ၃၅၀၀၀ ပါ

နေရာကတော့ တာမွေလေးဂုံးတံတား အတက် ၊ မေတ္တာညွန့် ထဲမှာပါ တရုတ်ဘုံကျောင်းရှိတဲ့လမ်းထဲမှာ သူ့အရှေ့ မျက်စောင်းထိုးမှာပဲ နောက်ထပ် ဟော်တယ်တခုရှိသေးတယ် အဲ့ဒါအကြောင်းလဲ နောက်မှသပ်သပ်ရေးပေးမယ် ...
Chicago က မြေညီမှာ ကားပါကင်တော့ရှိတယ် သိပ်မကျယ်ဘူး ၅ စီးလောက်တော့ ပြွတ်သိတ်ထည့်ရင် ဝင်လောက်တယ် ... ကားပါကင်ကနေ ဓါတ်လှေကားဆီကိုသွားရင် Reception ကိုတိုက်ရိုက်ဖြတ်ရတာမျိုးမဟုတ်ပေမဲ့ မြင်တော့ မြင်နေရတယ်
အထပ်က မြေညီအပါဆို ၆ ထပ်ရှိမယ် အပေါ်ဆုံးထပ်က Bar ရှိတယ် Breakfast စားလဲ အဲ့နေရာမှာပဲ

နောက်ထပ်ထူးခြားချက်ကတော့ ပထမထပ်မှာ Spa ရှိတယ်တဲ့ဗျာ ... Menu တော့ တောင်းမကြည့်ခဲ့ရဘူး ကောင်မလေးက ဆဲမှာစိုးလို့ LOL

အိုကေ အခန်းတွေအကြောင်းပြောကြရအောင် ... အခန်းက ဝင်ဝင်ချင်းမှာပဲ လူကိုစိတ်ပျက်စေလောက်အောင် ဆိုးရွားနေတာမျိုး လုံးဝမရှိပါဘူး Hotel Vibe လဲ ကောင်းကောင်းရပါတယ် Corridor တွေလဲ သန့်ရှင်းပါတယ်
အခန်းကလဲ ကျယ်တယ် ကျနော်က ဘာလို့မှန်းမသိဘူး အဲ့ Hotel ကြီးကို မူးနေတဲ့အချိန်တွေပဲရောက်ဖူးတာဆိုတော့ တခါမှ ကောင်းတယ်လို့မမြင်ခဲ့ဖူးဘူး ... ဒီတခေါက်ရောက်သွားတော့ တော်တော်လေး အဆင်ပြေနေတာကို တွေ့ရတယ် ကျနော်မရောက်ဖြစ်တဲ့အချိန်အတွင်းမှာပဲ renovation လုပ်သလား ကျနော်ပဲ အမှတ်မှားလား မသိပါဘူးဗျာ ... ခုတော့ တော်တော်အဆင်ပြေတယ် ... မွေ့ယာ ခေါင်းအုန်း စောင် အကုန် သန့်ရှင်းတယ် အဆင်ပြေတယ် ... ထိုင်ခုံ စားပွဲ ဘီဒို နဲ့ အခြားအသုံးအဆောင်တွေလဲ အိုကေပါတယ် ရေနွေးအိုး Dryer လဲ ပါပါတယ် ကော်ဖီထုပ်တွေတောင်ပါလိုက်သေးဗျာ

အခန်းကျယ်ဝန်းပုံနဲ့သန့်ရှင်းပုံကတော့ ပုံကိုကြည့်ပြီးတော့ပဲ ခများတို့ဘာသာ ဆုံးဖြတ်ပါဗျာ ကျနော် ပြောနေရင် မျက်စိထဲသေချာမြင်မှာ မဟုတ်ဖူး .... အခန်းနဲ့ ပတ်သတ်ပြီး စိတ်တိုင်းမကျတာပဲပြောမလား အားနည်းချက်ပဲပြောမလား အဲ့ဒါလေးတခုတော့ တွေ့ခဲ့ရတယ် … အဲ့ဒါကတော့ အခန်းကာထားတဲ့ material က အုတ် နဲ့မဟုတ်ပဲ အထပ်သားပြားလို (အထပ်သားတော့ မဟုတ်ဖူးလေ Gypsum Board ခေါ်လား ဘာလားကွာ မီးခံကျောက်ပြားလိုပုံစံမျိုးလေ ...) သူက technically အသံလုံတယ်လို့တော့သိထားပါတယ် ဒါပေမဲ့ ကိုင်ကြည့်မိသွားတော့ စိတ်မလုံခြုံဘူးပေါ့ဗျာ အသံမှလုံပါ့မလားဆိုပီး 🤭ဒါပေမဲ့ ဒါက ကျနော်ရခဲ့တဲ့ အခန်းတစ်ခန်းထဲလဲဖြစ်နိုင်ပါတယ် တခြားအခန်းတွေက အုတ်နဲ့ပဲလဲ နေရင်နေမှာပေါ့ ... နောက်တချက်က ခများတို့ စိတ်မပူဖို့ ကျနော်တခါထဲ စမ်းသမ်းခဲ့တယ် .... အပြင်ကိုတယောက်ထွက်ပီး အထဲကနေ သီချင်းခပ်ကျယ်ကျယ်ဖွင့်ကြည့်တာ အသံကျယ်ကျယ်နဲ့ အော်ကြည့်တာမျိုး စမ်းသပ်ခဲ့တယ် ... ထင်သလိုမျိုးကြီး အတိုင်းသားကြားနေရတာမဟုတ်ပါဘူး ... တော်တော်ကျယ်တော့မှပဲ ရိုးတိုးရိပ်တိပ်ကြားရတာပါ ဒါကလဲ Corridor က မို့လို့ပါ ဘေးခန်းကနေတော့ ကြားနိုင်စရာမရှိပါဘူးလေ

နောက်တခုပြောချင်တာက ရေချိုးခန်း ပါ ... ရေချိုးခန်းကတော့ တော်တော်လေးကျဉ်းတယ်လို့ထင်မိတယ် ပုံထဲကျ ကြည့်လိုက် ... အိမ်သာကမုတ်ရဲ့ အပေါ်တည့်တည့်လောက်မှာ ရေပန်းကိုတပ်ထားတော့ ရေချိုးတဲ့လူက အတင်းတိုးကြိတ်ပြီးချိုးနေရသလိုပဲ ... အဲ့ဒါကလွဲလို့ တခြားပြသနာ ကြီးကြီးမားမားတော့မရှိပါဘူးလေ ... အတင်းအပြစ်ရှာပြောကြေးဆို အဲ့ဒါလေးသတိထားမိတာ ပြောပြတာ ...

ဝန်ဆောင်မှုနဲ့ ပတ်သတ်ပြီးပြောရမယ်ဆိုရင်တော့ .... ကျနော်ရောက်တဲ့အချိန်မှာ ဝန်ထမ်းအင်အားပဲ နည်းလို့လားမသိ ... Reception ကနေ သော့ပေးလိုက်ပြီး ကို့ဖာကိုပဲ တက်သွားရတယ် ... ဘယ်သူမှ လိုက်မပို့ခဲ့ဘူး .... တချို့ကျ ပို့တာကို မကြိုက်တာလဲရှိတတ်တယ်လေ ... အဲ့လိုမျိုးဆိုရင်တော့အဆင်ပြေတာပေါ့ ... ဒါပေမဲ့ ကျနော်က personal point of view ကနေ ကြည့်တာမျိုးမဟုတ်ပဲ ... M&E Framework အတိုင်းကြည့်ပြီးပြောရမယ်ဆိုရင်တော့ အဲ့နေရာမှာ အမှတ်လျော့တာပေါ့ဗျာ ... ပုံမှန်ရှိသင့်ရှိထိုက်တဲ့ service မရဖူးလို့သတ်မှတ်တာပေါ့ ...

မနက်စာကတော့ ကောင်းပါတယ် ... ထမင်းကြော် အသားတမျိုး အရွက်တမျိုး ကြက်ဉ အရည်သောက်စားစရာတမျိုး (ကြာဇံချက် / မုန့်ဟင်းခါး / အုန်းနို့ခေါက်ဆွဲ တမျိုးမျိုး) ပေါင်မုန့် အသီး ဖျော်ရည် ကော်ဖီ ထုံးစံအတိုင်းပေါ့ဗျာ ... တခုပဲ ... အသားဟင်းက ကုန်သွားရင်ထပ်မချက်ဘူးထင်တယ် ... ကျနော် ၈ နာရီကျော်လောက်မှာစားတာ (အရမ်းတော့နောက်မကျပါဘူးလေ ... နော်) အဲ့တာ စပြီးစားကထည်းက အသားဟင်းက ကုန်နေတာ ... အော် ကြော်နေတာနေမှာပါလေဆိုပြီး စောင့်ပြီး ဖြေးဖြေးချင်းစားနေတာ .... စားလို့သာကုန်သွားတယ် ထပ်မဖြည့်ခဲ့ဘူး ... အဲ့တော့ ကိုတွေလဲ ကြက်ဉ ၄ လုံးစားပလိုက်တယ် 😆

အနှစ်ချုပ်ပြောရရင် ... မဆိုးပါဘူး သူ့စေ◌ျးလေးနဲ့သူကတော့ တန်ပါတယ် ... အားနည်းချက်လေးတွေရှိနေသေးတယ်ဆိုပေမဲ့လဲ ပြုပြင်လို့ရတဲ့ဟာလေးတွေပဲများပါတယ် ... ဆိုးဆိုးဝါးဝါးအဆင်မပြေတာမျိုးတော့မရှိပါဘူး … ကျနော်က Standard တစ်ခုထားဖို့ Frame ကိုဆွဲထားတာမို့ တချို့အချက်လေးတွေ ညိသွားတာပါ ... ဒါလောက်ပါပဲ ... စာအရှည်ကြီးဖတ်ပေးလို့ ကျေးဇူးတင်ပါတယ်

Overall Rating ပေးရမယ်ဆိုရင်
အခန်းသန့်ရှင်းမှု ⭐️⭐️⭐️⭐️
အခန်းတွင်းအသုံးအဆောင်⭐️⭐️⭐️⭐️
စေ◌ျးနှုန်း⭐️⭐️⭐️
ဝန်ဆောင်မှု⭐️⭐️
နောက်တခေါက် သွား/မသွား - Spa မရောက်ဘူးသေးလို့ ထပ်ကိုသွားအုန်းမှာ 😂

Hotel Review by Kyaw Gyee

12/01/2024

03/11/2023

30/10/2023

23/10/2023

17/05/2023

03/05/2023

02/05/2023

22/04/2023

10/04/2023

02/04/2023

29/03/2023

22/03/2023

Address

Telephone

Website

Alerts

Shortcuts

Share

Category