The Treasure Host Jate Lett Beach

The Treasure Host Jate Lett Beach ဂျိတ်လက် ကမ်းခြေခရီးစဉ်

ကျွန်းလေး မရောင်းဖြစ်ဖူးဆိုတာရယ်။ 10 လပိုင်းမှာ ခရီးစဉ်တွေ ပြန်စမယ်ဆိုတာရယ် တင်ပေးတာပါ။Bay Of Treasure Host ( ဂျိတ်လက်ကမ...
25/08/2021

ကျွန်းလေး မရောင်းဖြစ်ဖူးဆိုတာရယ်။
10 လပိုင်းမှာ ခရီးစဉ်တွေ ပြန်စမယ်ဆိုတာရယ် တင်ပေးတာပါ။

Bay Of Treasure Host ( ဂျိတ်လက်ကမ်းခြေ ) ကျွန်းပတ်ခရီးစဉ်များ

🏥 ကျန်းမာရေး ဝန်ကြီးဌာန၏ လမ်းညွှန်ချက်များဖြင့် Covid-19 ရောဂါ ကာကွယ်မှုများကို လုပ်ဆောင်ထားပါသည်။

⛺️ Adventure Trip ကိုစိတ်ဝင်စားပြီး သဘာဝနှင့်ခရီးသွားခြင်းကို နှစ်သက်သော သူငယ်ချင်းတို့ကို Bay Of Treasure Host ( ဂျိတ်လက်ကမ်းခြေ ) မှ ကြိုဆိုလျှက်ရှိပါသည်။

♦️Adventure Trip ဆိုတာဘာလဲ❓
ဒီမှာဖတ်ကြည့်နော် ⬇️⬇️⬇️
https://www.facebook.com/1813363648962305/posts/2073622539603080?sfns=mo

♦️Bay Of Treasure Host ( ဂျိတ်လက်ကမ်းခြေ ) ကဘယ်မှာလဲ ❓

ဂျိတ်လက်ကမ်းခြေက ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်မြို့နယ်၊ ရွှေသောင်ယံမြို့၊ ဘောမိကျေးရွာအုပ်စု၊ ဂျိတ်လက်စံပြကျေးရွာ မှာတည်ရှိပါတယ်။
GPS Location ပါ။ ⬇️⬇️⬇️
Bay Of Treasure Host
https://goo.gl/maps/BHcpbgVKbQT2
ကားလမ်းမရှိသေးတော့ နေရာဘဲကြည့်လို့ရအုံးမှာပါ။ ရှေ့နှစ်တော့ ကမ်းခြေပတ်လမ်းပေါက်ပါပြီ။ အခု‌ဆိုင်ကယ်တွေနဲ့ သွားလို့ရနေပါပြီ။

♦️ဂျိတ်လက်ကမ်းခြေ ကိုဘယ်လိုသွားရမလဲ ❓

ချောင်းသာကနေ ၁၇ မိုင်ဝေးတဲ့နေရာမှာ ရှိပါတယ်။
🚗ချောင်းသာမှ ကျောက်မောင်နှမလမ်းအတိုင်း သဘော့ကန်ဆိပ်ကမ်းအထိ ကား ၁ နာရီစီးပြီး 🚤 လှေ ၄၅ မိနစ် ( Speed Boat မိနစ် ၂၀ ) စီးပြီးရင်ရောက်ပါပြီ။

♥️ဘယ်နည်းနဲ့မဆို Bay Of Treasure Host ( ဂျိတ်လက်ကမ်းခြေ ) ကိုရောက်အောင်လာမယ်ဆိုရင် တစ်ဦးအတွက် စားစရိတ်နဲ့ တည်းခိုစရိတ် တစ်ရက်စာ 30000/- ပါ။♥️

Keto Package လဲ 30000/- နဲ့ဘဲ စီစဉ်ထားပါတယ်။

♦️Bay Of Treasure Host ရဲ့ Tour Plan

Day 1️⃣

🕘 ည ၉ နာရီနှင့် ၁၁ နာရီ အတွင်း ဧည့်သည်တို့၏ အိမ်တိုင်ရာရောက် ကားများဖြင့်ကြိုပြီး ည ၁၁ နာရီတွင် ခရီးစဉ်စတင်ပါမည်။
လမ်းတွင် အဆာပြေသုံးဆောင်နိုင်ရန်အတွက် ပြည်ကြီးမဏ္ဍိုင်စားသောက်ဆိုင်တွင် ခေတ္တရပ်နားပြီး မနက် ၅ နာရီခန့်တွင် ချောင်းသာသို့ ရောက်ရှိပါမည်။

🕔 ချောင်းသာမှတဆင့် ရွှေသောင်ယံမြို့သို့ ခရီးဆက်ပါမယ်။ သဘော့ကန်ဆိပ်ကမ်းသို့ မိနစ် (၃၀) ခန့် ခရီးဆက်ပါမယ်။

🚤 သဘောကန်ဆိပ်ကမ်းတွင် အသင့်စောင့်ကြိုနေသော Fiber Boat နှင့် ၄၅ မိနစ်ခန့် ( Speed Boat မိနစ် ၃၀ ) စီးပြီးရင် Bay Of Treasure Host ( ဂျိတ်လက်ကမ်းခြေ ) ကိုရောက်ပါပြီ။

🍜 အသင့်ပြင်ဆင်ထားသော မနက်စာကို သုံးဆောင်ပြီး ကျွန်းပတ်ခရီးစဉ်စတင်ပါမည်။

🕧 နေ့လည် ၁၂ နာရီတွင် နေ့လည်စာအဖြစ် ကိုတံငါရဲ့ဖက်ထမင်းဖြင့် ဧည့်ခံ ကျွေးမွေးပြီး ခေတ္တအနားယူပြီးနောက် Bay Of Treasure Host တည်ရှိရာ ဇီးဂျိုင်ကမ်းခြေတွင် ညနေဆည်းဆာ နေဝင်ချိန် အလှကို ကြည့်ရှုပြီး အပန်းဖြေပါမည်။

🕕 ညနေ ၆ နာရီတွင် ညစာဖြင့် ဧည့်ခံကျွေးမွေးပြီး အိပ်စက်အနားယူပါမည်။

Day 2️⃣ (၁ ညအိပ် ၂ ရက် ခရီးစဉ်အတွက်)

🕖 မနက် ၇ နာရီတွင် မနက်စာသုံးဆောင်ပြီး အနီးနားကမ်းခြေများ (OR) ဂျိတ်လက်ကမ်းခြေ၏ အထင်ကရ နေရာများသို့ သွားရောက်လည်ပတ်ပါမည်။

🕧 နေ့လည် ၁၂ နာရီတွင် နေ့လည်စာသုံးဆောင်ပြီးနောက် အိမ်ပြန်ခရီးအတွက် အသင့်စီစဉ်ထားသောလှေဖြင့် သဘော့ကန်ဆိပ်ကမ်းသို့ ပြန်လည်ပို့ဆောင်ပေးပြီး၊ အသင့်စောင့်ကြိုနေသော ကားဖြင့် အိမ်တိုင်ရာရောက် ပြန်လည်ပို့ဆောင်ပေးပါမည်။ (အခါကြီး၊ ရက်ကြီးများတွင်ညစုရပ်သို့သာ ပို့ဆောင်ပေးပါမည်။)

Day 2️⃣

🕖 မနက် ၇ နာရီတွင် မနက်စာသုံးဆောင်ပြီး အနီးနားကမ်းခြေများရှိ Snorkeling Site များသို့ သွားရောက်၍ ရေအောက် သဘာဝ အလှတရားများကို ကြည့်ရှုပါမည်။

🕧 နေ့လည် ၁၂ နာရီတွင် နေ့လည်စာစားသောက်ပြီးနောက် ရေတိုက်စားထားသော သဘာဝကျောက်ဆောင်ကြီးများနှင့် ငွေဗျိုင်းဖြူတို့ အိပ်စက်နားခိုရာ ဗျိုင်းကျွန်း သို့သွားရောက်လည်ပတ်ပါမည်။

🕕ညနေ ၆ နာရီတွင် ညနေစာဖြင့် ဧည့်ခံ ကျွေးမွေးပြီး အိပ်စက် အနားယူပါမည်။

Day 3️⃣

🕖 မနက် ၇ နာရီတွင် မနက်စာသုံးဆောင်ပြီး အနီးနားကမ်းခြေများ (OR) ဂျိတ်လက်ကမ်းခြေ၏ အထင်ကရ နေရာများသို့ သွားရောက်လည်ပတ်ပါမည်။

🕧 နေ့လည် ၁၂ နာရီတွင် နေ့လည်စာသုံးဆောင်ပြီးနောက် အိမ်ပြန်ခရီးအတွက် အသင့်စီစဉ်ထားသောလှေဖြင့် သဘော့ကန်ဆိပ်ကမ်းသို့ ပြန်လည်ပို့ဆောင်ပေးပြီး၊ အသင့်စောင့်ကြိုနေသော ကားဖြင့် အိမ်တိုင်ရာရောက် လိုက်လံပို့ဆောင်ပေးပါမည်။

♦️Package Plan မှာဘာတွေပါမလဲ ❓

🚌 ရန်ကုန်-ချောင်းသာ-သဘော့ကန် ၇ ယောက်စီး၊ ၁၃ ယောက်စီး၊ ၁၅ ယောက်စီး၊ အယောက် ၃၀ စီး ကားခ များ၊ ( အခါကြီး ရက်ကြီးတွင် ယာဉ်လိုင်ပေါ်တင်မူတည်ပြီး ဈေးအပြောင်းအလဲ ရှိနိုင်ပါသည်။)

🛥 သဘော့ကန် ဆိပ်ကမ်း မှ ဂျိတ်လက် ကမ်းခြေ အထိ လှေ ( Fiber Boat ) ကြို/ပို့၊

🚤 ဂျိတ်လက် ကမ်းခြေ မှ အခြား ကမ်းခြေများနှင့် ကျွန်းများသို့ သွားရောက် လည်ပတ် သောလှေခများ၊

🐠 Snockling အတွက် မျက်မှန်၊ Life Jacket နှင့် အသက်ကယ် ဘောကွင်းများ၊

🥘 သန့်ရှင်းလတ်ဆတ်သော ပင်လယ်စာ ဖြင့် Breakfast, Lunch & Dinner.

⛺️ တည်းခိုရန် Bungalow, Double Layer Tent, Luxury Bell Tent များ ( No Aircon ),

💡 ၂၄ နာရီ Solar လျှပ်စစ်မီး၊

💊 ကျန်းမာရေး စောင့်ရှောက်မှု၊

🚀 Drone ( DJI P4 Pro Plus ),

🐟 ရေအောက် Camera ( GoPro ),

📷 Professional Camera များနှင့် ဧည့်သည်များအား မှတ်တမ်းတင်ပေးခြင်းများ၊
စသည်တို့ပါဝင်ပါမည်။

🛑🚨ကျွန်တော်တို့ဝန်ဆောင်မှုတွင် သောက်ရေသန့်ဖိုးအပါအဝင် မည်သည့်အဖိုးအခကိုမှ ထပ်မံတောင်းခံမည် မဟုတ်ပါ။ 🚨🛑

🥃🍾 ပုလင်းကတော့ ကိုယ်တိုင်ယူဆောင်ခဲ့ပါ။

♦️ဂျိတ်လက်ကမ်းခြေရောက်ရင် ဘယ်တွေသွားရမလဲ ❓

ဘယ်သူနဲ့ဘဲလာလာ ဒီနေရာတွေကို သွားဖြစ်အောင်သွားပါ။

ကျွန်း (၃) ကျွန်း 🏝
1️⃣ ပန်းတမော့ကျွန်း
2️⃣ မျောက်လေပွေကျွန်း
3️⃣ ဗျိုင်းကျွန်း

အနီးနား ကမ်းခြေများ 🏖
1️⃣ အောင်ဆုပန်စေတီနှင့် ရွာတံတား
2️⃣ ဖော့မော် အုန်းခင်းနှင့် ကမ်းခြေ
3️⃣ ဂျိုင်ကြီး ကမ်းခြေ
4️⃣ ဂျိတ်လက် ကမ်းခြေ
5️⃣ ပုလ္လင်ငူ ကမ်းခြေ
6️⃣ တောင်နီမော် ကမ်းခြေ
7️⃣ ညောင်ပင်ဂျိုင် ကမ်းခြေ
8️⃣ အိမ်ဂျိုင် ကမ်းခြေ
9️⃣ ဖိုးထိုးဂျိုင် ကမ်းခြေ
🔟 ဇီးဂျိုင်ကမ်းခြေ ( Bay Of Treasure Host ) စသည်ဖြင့် လည်ပတ်စရာ နေရာတွေ စုံလင်လှပါတယ်။
ဂျိတ်လက် ကမ်းခြေကိုရောက်ရင် (၄/၅) ရက်နေမှ နေရာစုံရောက်ပါမယ်။ တစ်ခုနဲ့တစ်ခု မိနစ် အနည်းငယ်စီသာ သွားရတယ်ဆိုပေမယ့် နေရာတွေများလို့ပါ။

♦️Package စျေးနှုန်းတွေက ဘယ်လောက်လဲ ❓
Bungalow OR Double Layer Tent + Fiber Boat Package
၂ ညအိပ် ၃ ရက် ( စရိတ်ငြိမ်း )
ရန်ကုန် ➡️ ဂျိတ်လက် 150000/- + ကားခ
သဘော့ကန် ➡️ ဂျိတ်လက် 150000/-

Luxury Bell Tent 8M + Speed Boat Package
၂ ညအိပ် ၃ ရက် ( စရိတ်ငြိမ်း )
ရန်ကုန် ➡️ ဂျိတ်လက် 240000/- + ကားခ
သဘော့ကန် ➡️ ဂျိတ်လက် 240000/-

🧮 ၁ ရက်တိုး ၁ရက်လျှော့လျှင် ၃၀၀၀၀/- အပေါင်း/အနှုတ်ဘဲဖြစ်ပါမယ်။

♥️ Keto Diet လုပ်နေတဲ့ ဧည့်သည်တွေအတွက် အ အထူး Keto Diet Package Plan ကို ပင်လယ်စာ သီးသန့်ဖြင့် စီစဉ်ထားပါတယ်။ ♥️

😍 ဧည့်သည်တွေရဲ့ Review လေးတွေလဲ ဖတ်စေချင်ပါတယ်။ 😍

သူငယ်ချင်းတို့ သွားမယ်ဆိုရင် 📲📱
09779999099, ‭09970478282‬, 09980777003, 09980777011 09973369963 ကို ဆက်သွယ်လိုက်ပါ။

🚨ဧည့်သည်တို့၏ တောင်းဆိုမှု၊ ရာသီဥတု အခြေအနေ၊ ပင်လယ်ဒီရေ အတက်/အကျ ပေါ်မူတည်ပြီး ခရီးစဉ်များ အပြောင်းလဲရှိပါမည်။ 🚨

https://www.facebook.com/thetreasurehostadventureandcampingsite/

25/07/2021

Mood 🎵🎶

Why you always in a mood? Fu**in' 'round, actin' brand new
I ain't tryna tell you what to do, but try to play it cool
Baby, I ain't playing by your rules
Everything look better with a view 🎶🎵🎶🎵

Page နဲ့ မသက်ဆိုင်ပါဘူး။ ဒါပေမဲ့လဲ လိုအပ်ရင် အကူအညီရအောင်တင်ပေးတာပါ။ အခုရက်ပိုင်း Blue Mark Page တွေပါ Hack ခံနေရတာတွေ က...
10/07/2021

Page နဲ့ မသက်ဆိုင်ပါဘူး။ ဒါပေမဲ့လဲ လိုအပ်ရင် အကူအညီရအောင်တင်ပေးတာပါ။
အခုရက်ပိုင်း Blue Mark Page တွေပါ Hack ခံနေရတာတွေ ကြားနေရပါတယ်။ အခု Page လဲ Hack ခံရဖူးပါတယ်။ ကျွန်တော်သူငယ်ချင်း ပြန်ကယ်ပေးတာပါ။
Facebook Account, Page Hack ခံရရင် သူကူညီပေးပါတယ်။ ဝန်ဆောင်ခတော့ရှိတာပေါ့။ အရမ်းမခက်ခဲရင်လဲ သူကူညီပေးတတ်ပါတယ်။ သူ့ကို အလုပ်အပ်ရင်လဲ ငွေကြိုလွှဲစရာမလိုဘူး။ Page Or Profile ရမှ သုံးကြည့်။ ပြီးမှလွှဲလို့ရတယ်။ သူလဲ အခုအထိ ကျွန်တော့် Page ရဲ့ Security ကို ကူညီပေးနေတုန်းပါ။

အကောင့်တွေ ပြန်ယူပေးမယ်ဆိုပြီး ငွေညှစ်ခံရတာ။ အလိမ်ခံရတာတွေ တွေ့ရလို့ အဲ့လိုတွေ မဖြစ်အောင် ဒီ Post ကိုတင်ပေးတာပါ။

သူရဲ့ Profile နဲ့ Page ကိုလဲ link ထည့်ပေးထားပါတယ်။

Profile
https://www.facebook.com/ronnel.castilloii.3

Page
https://www.facebook.com/SocialMediaSpecialistAndServices

ရွာထဲကို စီးဝင်တဲ့ချောင်းလေး။ ရေကြည့်နေတာဘဲ။ 🥰
06/07/2021

ရွာထဲကို စီးဝင်တဲ့ချောင်းလေး။ ရေကြည့်နေတာဘဲ။ 🥰

ဗဒတ်/ပဒတ် လည်နီ🐍🐍🐍ကျွန်တော် ကမ်းခြေမှ ခဏခဏကိုတွေ့ရပါတယ်။ ဒေသခံတွေလဲ ခဏခဏ အကိုက်ခံရတယ်။ အဆိပ်မရှိဘူး ဘာမှမဖြစ်ဘူးလို့လဲပြ...
09/06/2021

ဗဒတ်/ပဒတ် လည်နီ
🐍🐍🐍

ကျွန်တော် ကမ်းခြေမှ ခဏခဏကိုတွေ့ရပါတယ်။ ဒေသခံတွေလဲ ခဏခဏ အကိုက်ခံရတယ်။ အဆိပ်မရှိဘူး ဘာမှမဖြစ်ဘူးလို့လဲပြောကြတယ်။ တချို့က ဗဒတ်/ပဒတ် လည်နီ ဆေးမမှီလို့လဲပြောကြတယ်။ ဒေသစကားအမျိုးမျိုးဆို‌တော့ စာတွေရှာ ဖတ်ကြည့်မိတယ်။ Wiki နဲ့ Google မှာရှာတယ်။ နောက်ဆုံး Myanmar Snakes Facebook Group လဲတွေ့တယ်။ သူတို့ဆီက ရေးထားတာ ပြည့်စုံတော့ တချို့ဖြည့်ရေးပြီး post ပြန်တင်လိုက်တယ်။

မြွေအကြောင်းလေး စရအောင် ....

Taxonomy လေးကို လေ့လာကြည့်မယ်..

မြန်မာအမည် | လည်ပင်းနီမြွေ၊ ပဒတ်/ဗဒတ် လည်နီ
(Myanmar Name)

အင်္ဂလိပ်အမည် | Red Neck Keelback
(Common Name)

သိပ္ပံအမည် l Rhabdophis subminiatus
(Binomial Name)

မျိုးရင်း | Colubridae
(Family)

မျိုးစု | Rhabdophis
(Genus)

မျိုးစိတ် | R.subminiatus
(Species)

အထွေထွေအချက်အလက်💢

အဆိပ် | အဆိပ်ပြင်း ☠
(Venom) | Venomous and Poisonous

မျိုးပွားခြင်း | ဥမှပေါက်ဖွားသည် 🥚
(Reproduction) | Oviparous

အမူအကျင့် | နေ့ဘက်လှုပ်ရှားသည် 🌄
(Behavior) | Diurnal

Colubridae မျိုးရင်းမှာ ရှိတဲ့ မြွေအတော်များများကတော့ အဆိပ်မရှိပါဘူး။ ဒါပေမဲ့ အခု ဖော်ပြတဲ့ Rhabdophis မျိုးစုနဲ့ အချို့မျိုးစိတ်တွေမှာတော့ အန္တရာယ်ဖြစ်နိုင်လောက်တဲ့ အဆိပ်ရှိပါတယ်။

မြန်မာနိုင်ငံမှာ Rhabdophis မျိုးစိတ် ၇ မျိုးရှိပါတယ်။ သို့သော် ဒီမျိုးစိတ်ကို အများစု တွေ့ရပါတယ်။

ရေစပ်တွေမှာနေတာများပြီး ဖားပြုတ်တွေ၊ ငါးတွေကို စားသုံးပါတယ်။

ထိတ်လန့်တဲ့အချိန်မှာ မြွေဟောက်တွေလို လည်ကုပ်ပိုင်းကို ပြားပစ်လိုက်နိုင်ပါတယ်။ ဒါ့ကြောင့် မြွေဟောက်လည်နီလို့လည်း ဒေသန္တရ ခေါ်ကြပါတယ်။

✴
ယခင်က ဒီမျိုးစိတ်ကို အန္တရာယ်မရှိဘူးလို့ ယူဆသော်လည်း နောက်ပိုင်းမှာတော့ သူ့ရဲ့ ပြင်းထန်တဲ့ အဆိပ်ကြောင့် အန္တရာယ်ရှိတဲ့ မျိုးစိတ်အဖြစ် ပြောင်းလဲသတ်မှတ်ခဲ့ကြတာ ဖြစ်ပါတယ်။

သူ့ အဆိပ်မှာ Procoagulants ပါဝင်ပြီး Hemorrhagins နဲ့ Anticoagulants လည်း ပါဝင်နိုင်ပါတယ်။ ငန်းတော်ကျားရဲ့အဆိပ်နဲ့ အဆိပ်ပြင်းအား မတိမ်မယိမ်းလောက်ရှိတာမို့ အတော်ပြင်းပါတယ်။

အထက်မေးရိုးရဲ့အနောက်မှာ အစွယ်ရှိတဲ့ Rear Fanged အမျိုးအစားဖြစ်လို့ ကိုက်ရုံနဲ့အဆိပ်မသင့်နိုင်ဘဲ ကြာကြာ ဝါးမျိုခံရမှသာ အဆိပ်သင့်နိုင်မှာပါ။

✴
သူက ဖားပြုတ်တွေကိုစားပြီး ဖားပြုတ်တွေရဲ့ အဆိပ်ကို အနီရောင်ရှိတဲ့လည်ပင်းအောက်မှာ သိုလှောင်ထားပါတယ်။ ဒါ့​ကြောင့် လက်အလွတ်ဗလာနဲ့ မကိုင်သင့်သလို မကျွမ်းကျင်ရင်တော့ လုံးဝ မကိုင်သင့်ပါဘူး။ လည်ပင်းအဆိပ်ဂလင်းကထွက်တဲ့အဆိပ်ဟာ လက်ကိုပေကျံလာမိလို့ မျက်လုံးကိုကိုင်မိရင် မျက်လုံးကန်းနိုင်သလို ပါးစပ်ထဲမတော်တဆဝင်သွားရင်လည်း အဆိပ်သင့်သေဆုံးနိုင်ပါတယ်။ ဒါ့ကြောင့် Venomous and Poisonous လို့ ပြောတာပါ။ တကယ်လို့ အိမ်မွေးတိရစ္ဆာန်လေးတွေက ဒီမြွေကို စားမိရင်လည်း အဆိပ်သင့်နိုင်ပါတယ်။

သူ့အစွယ်က အခေါင်းပေါက်မဟုတ်ပါဘူး။ မြောင်းပါဝင်ပြီး အနောက်စွယ်နဲ့ ကိုက်ခံရတဲ့အခါ အဆိပ်ဂလင်းကထွက်တဲ့ အဆိပ်+တံတွေး အရောအနှောဟာ အစွယ်ကြောင့်ပေါက်သွားတဲ့ အရေပြားအပေါက်ထဲ ဝင်ပြီး အဆိပ်သင့်နိုင်တာပါ။

အချုပ်အားဖြင့်​ပြောရရင် ပြင်းထန်တဲ့အဆိပ်ရှိသောလည်း နေရာရွှေ့ပေးဖို့ မလိုအပ်တဲ့ မြွေအမျိုးအစားပါ။ ဒီမြွေကိုက်ခံရလို့ သေဆုံးမှုဟာ ၁ ရာခိုင်နှုန်းထက် မပိုပါဘူး။ လက်အလွတ်နဲ့မကိုင်ပါနဲ့၊ ကိုက်ခံရရင် ဆေးရုံကို အမြန်ဆုံးသွားပါ၊ တိရစ္ဆာန်လေးတွေကို ဒီမြွေနဲ့ ထိတွေ့ဆော့ကစား စားသောက်ခြင်းမပြုဖို့ တားဆီးပါ။

1% ဆိုပေမဲ့ မပေါ့နဲ့နော်။ ☠️

ဗဟုသုတ ရမယ်လို့ မျှော်လင့်မိပါတယ်။

ထပ်ဆင့်ပြန်လည်မျှဝေနိုင်ပါတယ်။

ဗဟုသုတ တိုးပွားနိုင်ပါစေ။

Photo| Wikipedia

Reference -
Wikipedia web page
Snake DB web page
Raptile Database web page
thailandsnakes web page
hongkongsnakeid web page

(Myanmar Snakes Facebook Group မှ စာရေးသူကို အထူးကျေးဇူးတင်ရှိပါသည်။)

ကျွန်တော့် ကမ်းခြေလေး ကျွန်တော်ကိုယ်တိုင်ရောင်းပါမယ်ခင်ဗျာ။ အခြေအနေတစ်ခုကြောင့်ပါ။ သူငယ်ချင်း မိတ်ဆွေတွေ စိတ်မကောင်းဖြစ်...
05/06/2021

ကျွန်တော့် ကမ်းခြေလေး ကျွန်တော်ကိုယ်တိုင်ရောင်းပါမယ်ခင်ဗျာ။ အခြေအနေတစ်ခုကြောင့်ပါ။ သူငယ်ချင်း မိတ်ဆွေတွေ စိတ်မကောင်းဖြစ်မယ်ဆိုတာ နားလည်ပါတယ်။ ကျွန်တော်လဲ စိတ်မကောက်းဖြစ်ရပါတယ်။ ပိုင်ဆိုင်မှုအားလုံး ကျွန်တော့်နာမည်ပေါက်ပါ။ စာရွက်စာတန်း အစုံထည့်ပေးထားပါတယ်။ ဂရံကျပြီသားမြေပါ။ ကမ်းခြေပတ်လမ်းနဲ့လဲ နီးနီးလေးပါ။ ခုချိန်ဈေးဖွင့်ရတာအားနာလို့ ကိုယ်တိုင်ဘဲဈေးဖွင့်ပေးကြပါ။ Payment ပေါ်မှာမူတည်ပြီး ရောင်းနိုင်ရင်ရောင်းပေးပါမယ်။ ကျွန်တော့်ကို 09779999099/ 09980777011 နဲ့ Messenger Viber တို့ကဆက်သွယ်လို့ရပါတယ်။ Messenger ဆိုရင် ပိုအဆင်ပြေပါမယ်ခင်ဗျာ။

https://www.facebook.com/kohtunlinmaung

Edit

ဘယ်နေရာလဲ မေးတဲ့မိတ်ဆွေတွေအတွက် GPS Location ပါ။
Bay Of Treasure Host
https://goo.gl/maps/jestu61rvBVHqDwKA

လမ်းပေါက်ပြီလာဆိုတော့ ???

ကမ်‌ခြေပတ်လမ်းပြီးရင် ပေါက်ပါပြီ။ ခုလဲ ဆိုင်ကယ်တွေ သွားလာနေကြပါတယ်။ တံတားမပြီးသေးလို့ သွားမရသေးတာပါ။

မြေဘယ်လိုသွားကြည့်လို့ရမလဲ ???

၄ မျိုးသွားလို့ရပါတယ်။

ပထမတစ်မျိုးက ချောင်းသာကနေ Speedboat နဲ့ သွားလို့ရပါတယ် ၁ နာရီခွဲလောက်ဘဲသွားရပါတယ်။

ဒုတိယတစ်မျိုးက ချောင်းသာ_ ကျောက်မောင်နှမလမ်းအတိုင်း ရွှေသောင်ယံလမ်းအဆုံး သဘော့ကန်ရွာအထိလာပါ။ ပြီးမှာ လှေ နဲ့ ၁ နာရီ speed boat နဲ့ မနစ် ၂၀ ဘဲကြာပါမယ်။

တတိယလမ်းက ချောင်းသာ _ ကျောက်မောင်နှမလမ်းအတိုင်း သဘောကန် (ကျွန်းချောင်းဆိပ်) အထိလာပါ အဲ့ကနေ ဆိုင်ကယ်နဲ့ သွားရင် ခဏပါဘဲ။ နောက်ပိုင် အဲ့နေရာက ကမ်းခြေပတ်လမ်း ဖြစ်သွားမဲ့နေရာပါ။

နောက်ဆုံးလမ်းက သာပေါင်းဘက်ကသွားရပါတယ်။ သာပေါင်း_ မကျီးဇင်_ဘောမိ အထိလာပါ။ ဘောမိကနေ လှေစီးရင် မိနစ် ၂၀ ဆိုရပါပြီ။

ကျွန်တော်ပြောတဲ့ လမ်းတွေကဆိုရင် တခြားကမ်းခြေတွေ ပါအများကြီး ကြည့်လို့ရပါမယ်။ ဝယ်မယ်လို့ စဉ်စားရင် နားလည်တဲ့ရှေ့နေနဲ့ မြေစာရင်ရုံးကို သွားပြီး စစ်ပါ။ အ‌စောင့်အရှောက်ခံ နယ်မြေ၊ လေ့ကျင့်ရေးနယ်မြေ။ လျှော်ကြေးယူပြီးသာနေရာ ..... အကြောင်းအမျိုးမျိုးတွေရှိကြပါတယ်။ ပုံစံ ၇ ထွက်ပြီးမြေမှသာ အခြာလုပ်ငန်းတွေ ပြောင်းလုပ်ဖို့ မြန်မြန် အဆင်ပြေမှာပါ။ လုပ်ရတဲ့ လုပ်ငန်းစဉ်တွေကို ရှေ့နေတွေသာမေးကြည့်ပါ။ ၃ နှစ်က ၅ နှစ်အတွင်းကြပါတယ်။ အချိန်ပေးထားနိုင်ရင်တော့ ဈေးသက်သက်သာသာနဲ့ ရနိုင်ပါတယ်။

ကမ်းခြေမြေဝယ်လို့ မေးချင်ရင် ကျွန်တော့်ကို အချိန်မရွေး မေးပါ။ တတ်နိုင်ဆုံး နှုတ်၏ဆောင်မခြင်းဖြင့် ကူညီပေးပါမယ်။ 🙏

ကျွန်တော့်ဘက်က ကမ်းခြေတွေမှာ Camping လုပ်ရင်း ကိုယ်တိုင်ငုပ်ပြီးရိုက်ခဲ့တဲ့ Hard Coral တွေပါ။ ရေအရမ်းကြည်ပါတယ်။ ကျောက်ပန...
02/11/2020

ကျွန်တော့်ဘက်က ကမ်းခြေတွေမှာ Camping လုပ်ရင်း ကိုယ်တိုင်ငုပ်ပြီးရိုက်ခဲ့တဲ့ Hard Coral တွေပါ။ ရေအရမ်းကြည်ပါတယ်။ ကျောက်ပန်းခင်းတွေက ဧကနဲ့ချီပြီးတော့ကို နေရာတွေ အများကြီးမှာရှိနေတာပါ။ အဲ့ကျောက်ပန်းတွေကို မထိ၊ မတို့၊ မချိုး၊ မဖဲ့အောင် တော်တော်လေး ထိန်းသိမ်းရပါတယ်။ နောက်ပိုင်း ကျွန်တော် ကျောက်ပန်းခင်းရှိတဲ့နေရာအတိအကျကိုမပြောပြတော့ဘူး။ သဘာဝတရားကို မြတ်နိုးတဲ့သူတွေကိုတော့ ကျွန်တော်လိုက်ပို့ပေးပါတယ်။ Under Water Rule အရ Don’t Touch Anything ပါ။

https://www.facebook.com/thetreasurehostadventureandcampingsite/

ကျွန်တော် လက်ရှိသုံးနေတဲ့ Tent တွေပါ။ ပင်လယ်ဆားငွေ့၊ နေပူဒါဏ်၊ နှင်းဒါဏ် ခံနိုင်တယ်ဆိုတော့ Quality စိတ်ချရတယ်။Size တွေက ...
21/10/2020

ကျွန်တော် လက်ရှိသုံးနေတဲ့ Tent တွေပါ။ ပင်လယ်ဆားငွေ့၊ နေပူဒါဏ်၊ နှင်းဒါဏ် ခံနိုင်တယ်ဆိုတော့ Quality စိတ်ချရတယ်။
Size တွေက ၂ မျိုး ကနေ ၄ မျိုးအထိလာတယ်။ ကျွန်တော်က ကျွန်တော်သုံးဖူးတဲ့ အရွယ်တွေနဲ့ စျေးကိုဘဲထည့်ပေးထားပါတယ်။ ကျွန်တော်သုံးတာတွေက အခုအမျိုးအစားထဲမှာ အကြီးဆုံးတွေပါ။ Stock ရှိပြီးသားတွေပါ။ customer ဝယ်မှ မှာပေးရတာမျိုးမဟုတ်ပါဘူး။ မှာရတဲ့စျေးတွေလဲ ကျွန်တော် Comment မှာထည့်ပေးထားပါတယ်။ Tent အကြီးတွေက Shipment စျေးမြန်မာပြည်ကို စျေးကြီးတယ်။ Weight လဲ အရမ်းလေးပါတယ်။

Adventure Trip ထွက်တဲ့ Camper တွေအတွက် အရမ်းကိုအဆင်ပြေတယ်။ ကျွန်တော်လဲ ခဏခဏသွားတယ်။

Dulit Frogmouth Bird (သို့) ငှက်ဖျင်း➖➖➖➖➖➖➖➖➖➖➖➖➖ကျွန်တော် ထူးထူးဆန်းဆန်း ငှက် ၂ မျိုးရဲ့ပုံတွေ ကျွန်တော့် ဝန်ထမ်းပို့ပ...
12/10/2020

Dulit Frogmouth Bird (သို့) ငှက်ဖျင်း
➖➖➖➖➖➖➖➖➖➖➖➖➖

ကျွန်တော် ထူးထူးဆန်းဆန်း ငှက် ၂ မျိုးရဲ့ပုံတွေ ကျွန်တော့် ဝန်ထမ်းပို့ပေးလို့ရပါထားပါတယ်။ ကျွန်တော့် ကမ်းခြေကခြံနောက်မှာတွေ့လို့ရိုက်ပို့ပေးတာတဲ့။ ဘာငှက်မှန်းမသိလို့ လိုက်ရှာကြည့်တော့ Dulit Frogmouth လို့ခေါ်တယ်။ (Khin EiEi Aung မအိ ကျေးဇူးပါ။) Bay Of Treasure Host (ဂျိတ်လက်) နဲ့၊ ဂွက သူငယ်ချင်း (Thargyi Lwon Wai ကိုသားကြီး ကျေးဇူးပါ) တွေ ပြောတာတော့ သူတို့ကို ငှက်ဖျင်း လို့ခေါ်ကြတယ်။ Dulit Frogmouth Bird လို့ခေါ်ပါတယ်။

အရွယ်အစားကတော့ ၂ လက်မခွဲ ၁၆ လက်မ ဝန်းကျင်အထိ မျိုးစိတ် မျိုးကွဲပေါ်မူတည်ပြီး အရွယ်အစားတွေ ကွာကြပါတယ်တဲ့ တောင်ပံ ၂ ဖက် ဆန့်လိုက်ရင် အကြီးဆုံးကမှ လက်မ ၂၀ အကြီးဆုံးဘဲလို့ Wiki မှာ ဖတ်ရပါတယ်။ ၁၆ လက်မရှိတဲ့ အကောင်ဆိုရင်တော့ ပိုကြီးတဲ့ အတောင်ပံတွေရှိမှာပါ။ ကျွန်တော်ဘက်မှတော့ 8 လက်မလောက်ရှိတဲ့ အရွယ်တွေ တွေ့ရပါတယ်။ သူ့ရဲ့ အမွှေး အတောင်တွေက သစ်ရွက်နဲ့တူပြီး ပါးစပ်က ဖါး ပါးစပ်နဲ့တူတယ်။ ကျွန်တော့် ကမ်းခြေဘက်မှ ညဘက်ဆို အဲ့ ငှက်လေးတွေ အော်တဲ့ အသံ ညတိုင်းလိုလိုကြားရတယ်။ ၂ နာရီ ၃ နာရီ မနားဘဲ အော်နိုင်တာ။ အထီး၊ အမက အရွယ်အစားအတူတူပါဘဲ။ အမက ပိုကြီးတယ်ဆိုတာ မရှိပါဘူး။ မျိုးစိတ်ခွဲ ၈ မျိုးရှိပါတယ်လို့ မှတ်သားရပါတယ်။ ညဘက်အိပ်ချိန် သူတို့ အသံလေးတွေ၊ လှိုင်းရိုက်သံလေးတွေနဲ့ အိပ်ရတဲ့ အရသာ အရမ်းကိုကောင်းတယ်။

သိသမျှ ဖတ်မိသမျှ ကြားဖူးသမျှ ကိုမျှဝေလိုက်ခြင်းဖြစ်ပါတယ်။ လွှတ်လပ်စွာ Share နိုင်ပါတယ်။ ကူးယူနိုင်ပါတယ်။ ကိုယ်ရေးတဲ့ ပုံနဲ့တော့မလုပ်စေချင်ပါဘူး။ Crd လေးပေးရင် ကျေးဇူးတင်ပါပြီ။

Photo Crd; Google, Lin

Bay Of Treasure Host မှာ မီးအဖြူတွေမထွန်းရတဲ့ အကြောင်းအရင်းက ဒါလဲ ပါတယ်။ကျွန်‌ဝော် တို့ပတ်၀န်းကျင်မှာပိုးစုန်းကြူးလေး တွ...
09/10/2020

Bay Of Treasure Host မှာ မီးအဖြူတွေမထွန်းရတဲ့ အကြောင်းအရင်းက ဒါလဲ ပါတယ်။

ကျွန်‌ဝော် တို့ပတ်၀န်းကျင်မှာ
ပိုးစုန်းကြူးလေး တွေကို မတွေ့ရတော့ပါဘူး။

ဘာလို့လဲ?
မျိုးတုန်းကုန်တာလား?
ဒီနေ့ တနသ်ာရီဂျာနယ်မှာ ဒီအကြောင်းလေးရှင်းပြထားတာတွေ့လို့ စိတ်၀င်စားပြီး google မှာပါရှာဖတ်ကြည့်မိတယ်။

ပိုးစုန်းကြူးတွေက နွေဦးရာသီရဲ့ပိုးကောင်လေးတွေပါ။မကြာခင်ရောက်လာတော့မယ့် နွေဦးကစလို့ June လ လောက်ထိ ပိုးစုန်းကြူးတွေ ပေါ်လာတက်တဲ့ရာသီပါပဲ။ ပိုးစုန်းကြူးမျိုးစိတ်ပေါင်း ၂,၀၀၀ ၀န်းကျင်လောက်ရှိပါတယ်တဲ့ ။အကောင်အကြီးအသေးရှိတယ်။တချို့က ပန်း၀တ်ရည်ကိုစားတယ်။ဘက်တီးရီးယားစားတယ်။ တချို့ ပိုးစုန်းကြူးတွေက အချင်းချင်းပြန်စားကြပါတယ်။

ပိုးစုန်းကြူးတွေဟာ ဒိုင်နိုဆောတွေနဲ့ခေတ်ပြိုင်လို့တောင်ပညာရှင်တွေကဆိုပါတယ်။သူတို့ ကမ္ဘာပေါ်မှာ ရှိခဲ့တာ နှစ်သန်းပေါင်း 100 ကျော်ပါပြီတဲ့။
ဒါပေမယ့် လူသားတွေအနေနဲ့ ဒီ‌သက်တမ်းရင့် ပိုးကောင်ငယ်တွေကို ထိန်းသိမ်းဖို့၊ကြင်နာဖို့ ပျက်ကွက်ခဲ့ကြပါတယ်။ သိပ္ပံပညာရှင်တွေကိုယ်တိုင်တောင် 2018 ခုနှစ်လောက်မှ ပိုးစုန်းကြူးတွေပျောက်ကွယ်လာတာကိုအရေးတကြီး အဖြစ် သုတေသနတွေပြုကြ။ထိန်းသိမ်းဖို့ စာတမ်းတွေဖတ်ကြ။အဖွဲ့တွေဖွဲ့ကြနဲ့ လှုပ်ရှားလာခဲ့တယ်လို့ The Guardian သတင်းစာက ဆိုပါတယ်။ ဒီသုတေသနတွေလုပ်ပြီးမှပဲ ပညာရှင်တွေဟာ ပိုးစုန်းကြူးတွေအကြောင်းပိုသိလာခဲ့ပါတယ်။

The Guardian က ပိုးစုန်းကြူးတွေပျောက်ကွယ်လာရတာကိုအချက် 3 ချက်နဲ့ထောက်ပြပါတယ်။ အားလုံးဟာ
ပိုးစုန်းကြူးတွေရဲ့ Life Cycle ဘ၀စက်၀န်းကို နားမလည်ကြတဲ့ ၊နယ်ချဲ့ချင်တဲ့ လူတွေရဲ့ အပြစ်ပါပဲ။

(၁)မြို့ပြဖွံဖြိုးလာခြင်း။

မြစ်ကမ်းလိုနေရာ။ ချောင်းဘေးမြောင်းဘေးတွေမှာ ရေနဲ့နီးတဲ့ကွင်းပြင်ကျယ်တွေမှာ ပိုးစုန်းကြူးတွေ နေပါတယ်။ ‌ဆောင်းရာသီမှာ သားလောင်း ချတယ်။Larva လို့ခေါ်တဲ့ ပိုးတီအဖြစ်နေတယ်။ နွေဦးမှ သူတို့ထွက်လာကြပါတယ်။ ပြဿနာက မီးလေးလင်းပြီး ဟိုဒီပျံနေမှ လူတွေက ပိုးစုန်းကြူးမှန်း သိကြတာပါ။ သားလောင်းအဆင့် Larva အဆင့်မှာ သူတို့ကို‌ခြေရာခံဖို့ခက်သလို တော်ယုံလည်းမမြင်ရပါဘူး။ ပြီးတော့ အဲ့အဆင့်မှာတင် လေနဲ့အတူလွင့်ပါသွားနိုင်ပါသေးတယ်။ မြို့ပြဖွံဖြိုးမှုရဲ့ နောက်မှာ သူတို့နဲ့ သဟဇာတ ဖြစ်တဲ့ ပတ်၀န်းကျင်မရှိတော့တာ သိပ်တော့မဆန်းလှပါဘူး။

(၂)ပိုးသတ်ဆေးနဲ့ဓာတုဓါတ်ကြွင်းများ

ဒါကလည်းသိပ်မဆန်းပါဘူး။ ပိုးစုန်းကြူးဟာ Soft-bodied ပိုးကောင်ငယ်တွေဖြစ်တယ်။သူတို့ဖွဲ့စည်းပုံအရ ပိုးသတ်ဆေး‌ကို ဘယ်လိုမှခံနိုင်ရည်မရှိပါဘူး။ သူတို့မှာအကာအကွယ်ဆိုလို့ ဖင်မှာလင်းနေတဲ့ Bioluminescence လို့ခေါ်တဲ့ Cold-fire မီးတောက်အေးတွေပဲရှိပြီး ဘက်တီးရီးယားကာကွယ်ဖို့ပဲတက်နိုင်တာပါ။ ပိုးသတ်ဆေးကြောင့် သားလောင်းဘ၀၊ Larva မှာတင် ရှောကုန်ကြပြီး အကောင်ဖြစ်လာရင်လည်း မျိုးရိုးဗီဇချို့ယွင့်ပြီး အသက်မရှည်ပါဘူးတဲ့။

(၃)Light pollution အလင်းညစ်ညမ်းခြင်း

ဒါက စိတ်၀င်စားဖို့ကောင်းတဲ့အချက်တစ်ခုပါ။ ပိုးစုန်းကြူးတွေရဲ့ နောက်ဖင်က လင်းတဲ့ မီးက အချင်းချင်းဆက်သွယ်ဖို့၊ မိတ်လိုက်ဖို့ ၊အစာရှာဖို့၊သားကောင်မျှားဖို့ အသုံး၀င်ပါတယ်။ မျိုးဥချဖို့ ၊အစာချေဖို့၊အထီးအမဆွဲဆောင်ဖို့၊ရောဂါကာကွယ်ဖို့ စသည်ဖြင့် ဒီနောက်ဖင်မီးက ပိုးစုန်းကြူးအတွက်အရာရာပါပဲ။
မျိုးစိတ်ပေါင်း ၂၀၀၀ လောက်ရှိတဲ့ ပိုးစုန်းကြူးတွေမှာ သူ့မျိုးစိတ်နဲ့သူ မီးလင်းတဲ့ပုံစံမတူပါဘူး။ Patternကွဲပါတယ်တဲ့။ မီးလင်းတဲ့စတိုင်မတူပါဘူး။

ရယ်ရခက် Factတစ်ခုရှိတယ်။

ဒီထဲမှာ Photurisလို့ခေါ်တဲ့ ပိုးစုန်းကြူးမျိုးစိတ် အမ တွေဟာ Photinus လို့ခေါ်တဲ့ ပိုးစုန်းကြူးမျိုးစိတ်တွေ မီးလင်းတဲ့ ပုံစံအတိုင်းအတုခိုးနိုင်ပါတယ်တဲ့။ အဲ့လို
မျိုးတူသယောင်မီးလင်းပြပြီးတော့ မိတ်လိုက်ဖို့လာတဲ့ အထီးတွေကိုစားပစ်ပါသတဲ့။ အော် မိန်းမ။

ဆိုတော့ ဖင်မီးဟာ အရာရာဖြစ်နေတဲ့ပိုးစုန်းကြူးတွေဟာ လူသားတွေထွန်းတဲ့အလင်းရောင်ကြောင့် အများကြီးဒုက္ခရောက်ပါသတဲ့။ မီးရောင်တွေကြားမှာ သူတို့မဆက်သွယ်နိုင်ပါဘူး၊မိတ်မလိုက် မျိုးမပွားနိုင်တော့ပါဘူး။ ဒီလိုနည်းနဲ့ သူတို့ကို ကျွန်တော်တို့ဆုံးရှုံးရတာပါ။

ပိုပြီးဆိုးတာက LEDမီးတွေပါ။ Blue Ray ပါ၀င်တဲ့ LED စနစ်မီးရောင်ကို ဒီကောင်တွေပိုပြီးမခံနိုင်ပါဘူး။မူးဝေတာတွေ နေမကောင်းတာတွေတောင်ဖြစ်တယ်လို့ သိပ္ပံပညာက အတိအကျဆိုပါတယ်။ နဂိုမူလကိုက အနက်ရောင်အမှောင်ကိုခုံမင်တဲ့ ပိုးစုန်းကြူးတွေက လူသားတွေ ပယောဂကြောင့်ဖြစ်တဲ့ အလင်းညစ်ညမ်းမှု
ကို ဘယ်လိုမှမခံနိုင်ပါဘူး။

($) သူတို့ဘယ်လိုထိန်းသိမ်းကြလဲ။

၁၉၂၀ လောက်က ဂျပန်နိုင်ငံမှာ ‌တောထဲရွာထဲရှိတဲ့ ပိုးစုန်းကြူးတွေဖမ်းပြီး မြို့တော်တိုကျိုကို ပို့ကြပါသတဲ့။ မြို့တော်လှစေဖို့ပါ။ အဲ့လိုနဲ့ ပိုးစုန်းကြူးအရေအတွက်နည်းလာတဲ့အခါ 2010လောက်မှာဂျပန်ပညာရှင်တွေဟာ ပိုးစုန်းကြူးကိုစတင်ထိန်းသိမ်းလာကြပါတယ်။ အမေရိကန်ဟာ 2018မှာ ပညာရှင်တွေဖွဲ့ပြီး ပိုးစုန်းကြူးထိန်းလာလိုက်တာ အခုဆိုရင် မျိုးစိတ် 200 လောက်ကို အမေရိကမှာတွေနိုင်ပါသေးတယ်။ အဓိကက Citizen Science ဆိုတဲ့ လူထုအခြေပြုအဖွဲ့တွေဖွဲ့ပြီး Knowledgeရှဲတယ်၊အဖွဲ့တွေဖွဲ့တယ် ပိုးစုန်းကြူးအုပ်တွေ့ရင်သတိထားထိန်းသိမ်းကြတယ်။ အာရှမှာတော့ မလေးရှားနိုင်ငံကလွဲရင် တခြားနိုင်ငံ‌တွေမှာ ပိုးစုန်းကြူးမျိုးတော်တော်များများ မျိုးတုံးကုန်ကြပါပြီ။

ရန်ကုန်မှာတော့ ပိုးစုန်းကြူးတွေမတွေ့ရတာကြာပါပြီ။
ပိုးစုန်းကြူးဟာ နှစ်လိုဖွယ်ရာပိုးကောင်တွေပါ။ ကမ္ဘာမြေရဲ့အမွေအနှစ်လည်းဖြစ်ပါတယ်။ သူတို့ပျောက်ကွယ်သွားမှာတော့မလိုလားစရာပါပဲ။
Guardianသတင်းစာကတော့ အကြံတစ်ခုပေးပါတယ်။ တက်နိုင်သလောက် အလင်းညစ်ညမ်းမှုလျော့ချဖို့ပါ။ ညဘက်‌တွေမှာ မလိုအပ်ပဲ မီးခလုတ်တွေကို မဖွင့်လိုက်ပါနဲ့တဲ

Crd Ko Pyi Hein Thaw
Photo KT

Address

10. D Martin Avenue, Hlaing Township
Yangon
11052

Telephone

959779999099

Website

Alerts

Be the first to know and let us send you an email when The Treasure Host Jate Lett Beach posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Treasure Host Jate Lett Beach:

Shortcuts

Share

Category

What is Adventure Camping ???

Camping is an outdoor activity involving overnight stays away from home in a shelter, such as a tent. Typically participants leave developed areas to spend time outdoors in more natural ones in pursuit of activities providing them enjoyment. To be regarded as "camping" a minimum of one night is spent outdoors, distinguishing it from day-tripping, picnicking, and other similarly short-term recreational activities. Camping can be enjoyed through all four seasons.

Luxury may be an element, as in early 20th century African safaris, but including accommodations in fully equipped fixed structures such as high-end sporting camps under the banner of "camping" blurs the line.

Camping as a recreational activity became popular among elites in the early 20th century. With time, it grew more democratic, and varied. Modern campers frequent publicly owned natural resources such as national and state parks, wilderness areas, and commercial campgrounds. Camping is a key part of many youth organizations around the world, such as Scouting, which use it to teach both self-reliance and teamwork.