Сэтгэлийн тэнхээ

10/09/2025

Непалын Катманду хотод 20 гаруй хүн үхсэн аюултай жагсаал болж байна. Gen Z нарын хийж байгаа энэ жагсаалын үр дүнд Засгийн газар нь огцорчээ. Шалтгаан нь манайхтай яг ижилхэн. Авлига нь дээд цэгтээ хүрсэн. Бас сайд дарга нар нь хэт тансаг. Дээр нь амьдрал ядуу байхад сайд дарга нарын хүүхдүүд дэндүү баян амьдарч байгаагаа сошиал сүлжээнд гайхуулсаар байж. Ард иргэд эсэргүүцээд эхэлсэн чинь төр засаг нь FB, Instagram, X, Whats upp, Youtube зэргийг хаах шийдвэр гаргасан нь залуусын дургүйцлийг дээд цэгт нь тулгажээ. Оюутан залуус сошиал орчныг нээхийг шаардан сургуулийнхаа дүрэмт хувцастай "Gen Z" нэртэй тайван жагсаал хийж байсан ч төр засаг нь хүч хэрэглэж эхэлснээр үймээн самуун дэгдсэн байна. Энэ үеэр цагдаа нар галт зэвсэг ашиглан 20 гаруй залууг буудан хороожээ. Энэ үйл явдлыг харсан ард иргэд Gen Z нарын эхлүүлсэн жагсаалд нэгдэн тэмцэж эхэллээ. Жагсагчид засгийн газрын ордон болон ерөнхийлөгчийн гэр, дээд шүүх, дарга нарын тансаг гэр орныг галдан шатаагаад байна. Мөн хэд хэдэн сайд гэр бүлийн хамт жагсагч нарт баригджээ. Гэхдээ залуус гэр бүлийн гишүүдийг тайван явуулж харин авлигад идэгдсэн гэж үзсэн сайд нарыг зодож биед нь халдаад байна. Ерөнхийлөгч нь залуусыг тайван байхыг уриалж, уулзаж ярилцах хүсэлт гаргасаар байна. Гэвч энэ жагсаал нь удирдагчгүй. Иргэдийн сайн дураараа хийж байгаа хүчтэй жагсаал учраас зогсоож дийлэхгүй байгаа юм.

07/09/2025

Нэг сая доллараар зөвлөгөө өгдөг, дэлхийн топ бизнес коуч Тони Роббинсийн лекцийг үзээд, зөвлөгөөг нь багцлав.

1. Жинхэнэ удирдагчид асуудлыг ойлгоход цагийнхаа 5%-ийг зарцуулдаг бол 95%-ийг түүнийг шийдвэрлэхэд зарцуулдаг
2. Таны амьдрал таныг шийдвэр гаргаж, хөдөлж эхэлсэн үед өөрчлөгдөж эхэлдэг
3. Бидний амьдралын утга учир бол ямар нэгэн зүйл авах биш харин ямар нэгэн зүйл өгч, хэн нэгэн болох юм
4. Хүмүүс амьдралын тодорхой нэг зүйлд анхаарлаа төвлөрүүлэхэд юунд хүрч чадахаа төсөөлж ч чаддаггүй
5. Та 30 секундээс илүү хугацаанд уурлахад энэ сэтгэл хөдлөлийн үлдэгдэлд биед дахин 5 цаг байдаг
6. Таны өнгөрсөн болон ирээдүй тань адилхан байж болохгүй
7. Залхуу хүн гэж байдаггүй. Урам, түлхэц өгдөггүй зорилго гэж байдаг
8. Жинхэнэ шийдвэр гэдэг бол та уг шийдвэрийн дараа шинэ үйлдэл хийхийг хэлнэ. Хэрэв үйлдэл байхгүй бол та шийдвэр гаргаагүй байна гэсэн үг
9. Олон хүн амьдралдаа юу хийхийг мэддэг. Гэвч зөвхөн хэдхэн нь хийж буй зүйлээ мэддэг. Мэдэх нь хангалтгүй юм. Хөдлөх хэрэгтэй.
10. Таны орлого таны сонголт болхоос дэлхийн эдийн засгийн асуудал биш
11. Та хэн ч бай өөрийн хийж буй зүйлдээ дуртай биш бол та аугаа хүн болохгүй
12. Хэрэв та өөрийн амьдралаа удирдахыг хүсэж байгаа бол та өөрийн өдөр тутмын амьдралаа хянах хэрэгтэй. Бидний амьдралд хэзээ нэгэн өдөр хийсэн зүйл нөлөөлөхгүй харин өдөр тутам хийдэг зүйл нөлөөлдөг
13. Тоотой хэдэн хүн зорилгодоо хүрдэг. Бусад хүмүүс зорилгодоо хүрч чаддаггүй цор ганц шалтгаан бол төвлөрч чаддаггүй байдал. Ихэнх хүмүүс зүгээр л урсгалаар амьдардаг
14. Бидний гол асуудал бол аливаа асуудлыг муу зүйл гэж боддог. Гэвч яг үнэн хэрэгтээ асуудлын тусламжтайгаар бид өсөж, дэвжиж, өөрчлөгддөг
15. «Хэзээ нэгэн цагт» гэсэн зам «хаашаа» ч хүргэдэггүй
16. Та үргэлж хийж байсан зүйлээ хийсээр байх юм бол авдаг зүйлээ авсаар байх болно
17. Та юу хийхээ мэдэхгүй байна уу? Тэгвэл та мэддэг зүйлээ хий
18. Аливаа зүйлд чин сэтгэлээ зориулж хийдэг хүн жинхэнэ аз жаргал, амьдралын таашаалыг ойлгоно
19. Хэрэв та амжилттай болохыг хүсвэл амжилтанд хүрсэн хүнийг олж, түүнийг дага. Тэгвэл та амжилтанд хүрнэ
20. Халамж, хайр гэдэг 2 зүйл таны амьдралыг өөрчлөх дуусашгүй эх үүсвэр юм
21. Зорилгоо тодорхойлох нь мөрөөдлөө бодит болгох хамгийн эхний алхам юм
22. Амжилттай хүмүүс асуултуудыг илүү тодорхой асуудаг бөгөөд үүнийхээ хариуд илүү дэлгэрэнгүй хариулт авдаг
23. Өөрийн амьдралаа гайхалтай болго
Биширдэг хүн шигээ хүн бол
24. Би хүмүүст туслах тусам илүү ихийг авдаг гэдгийг ойлгодог
25. Үргэлж сайжирч, өөрийгөө хөгжүүл. Хэзээ ч бүү зогс!
Амжилт хүсье 👏

02/09/2025

Муу зуршлаасаа салмаар байвал өдөр бүр өнөөдөр л тэсхийг хичээ.
Сайн дадал зуршил сууж, шинийг сурмаар байвал өдөр бүр өнөөдөр л жоохон хийхийг хичээ.
(Том зургаар харж 1 сар, 1 жил гэх мэт зорилт бүү тавь өдөр бүрийн жижиг алхмаа л биелүүлхийг хичээ) Тэгж чадвал хүссэн үр дүндээ заавал хүрэх болно.💯

12/08/2025

06/08/2025

Хүүхэд байхаасаа эдгээр зүйлсэд сайн суралцсан байхад амьдралд хэзээ я алзахгүй
1. Сэтгэлийн тэнхээ
2. EQ бусдыг ойлгох
3. IQ
4. Бие бялдрын өв тэгш хөгжил тогтмол дасгал хөдөлгөөн
5. Амьдралаа аваад явах чадвар

31/07/2025

“Зөвхөн тусламж хүссэн хүнд л тусал.” — Сатьяананда Сарасвати

• Бусдын зовлонд өөрийгөө бүү оруул.
• Хүн бүр зовлонгийн ёроолд тултал унаж, өөрийнхөөрөө ойлгож, даван туулах хэрэгтэй байдаг.
• Бүх хүнд тусалж чадна гэж найдах хэрэггүй. Зөвхөн тусламж хүлээн авахад бэлэн байгаа хүнд л жинхэнээсээ тусалж болно.
• Зовлон дунд байгаа хүн хорвоог зөвхөн зовлонгоор хардаг тул тэр үедээ сохор, дүлий мэт байдаг.
• Хэрэв чи бусдын зовлонд татагдвал, өөрийн үйлийн үрээр бусдын зовлонгийн тоглоомд татагдан орно.
• Зовлон халдварладаг гэдгийг сана.
• Тиймээс чимээгүйхэн, нүд аниад өөрийн замаар урагш алх.
• Зөвхөн өөрийн замаа олж, хүчирхэгжсэн үедээ л бусдад жинхэнэ утгаар нь тусалж чадна.

30/11/2021