https://www.facebook.com/101360325829696/

Insectenhotel "De Biezaak"

Startpagina
Nederland
Roggel
Insectenhotel "De Biezaak"

Routebeschrijving

Hier is het verhaal van Insectenhotel De Biezaak te volgen. Het hotel wordt beheerd door Koeabus de kabouter. De naam van het insectenhotel verklaard.

De naam kwam laatst ter sprake door een Canadese vriend die gespecialiseerd is in vliegend spul en soms bij
zonder hoog de lucht in gaat.... deze komt voort uit een positieve levensinstelling. Geneet van het laeve. maak plezeer, zorg good väör elkaar en blief gezondj. De rest is biezaak.....

20/10/2026

Kroene Krane....
Het is weer de tied van het jaor. De wintjertrek is weer vol op gang en inmiddels zeen d'r väöl in oos provincie aan gekomme. Murge kos waal ins eine gooije daag waere om d'r väöl te zeen. Bie de miense die vreuger in het veldj bezig woore stopdje den de henj en waerdje er vol bewonjering nao de locht gekaeke. Ein prachtig sjouwspel woea men gaer aeve op het gemaak nao kaek. Volgens de kraanvogel radar kin het murge dus waal ins eine sjoeane daag gaon waere.....

17/10/2026

Het is weer de tied van het jaor. D'r staon momenteel weer väöl appartementen te kaup of te huur. Het is wikken en wegen. Zolle wae het aandörve samen? De huur is waal hoeag. Het liektj Roggel dörp waal, allein is hie het oetzicht ein stök sjoeaner.....

08/10/2026

Herfst.
Langsaam mer zeker nimme wae noe toch bietje bie bietje aafsjied van de zomer. Ofisjeel is de herfst al ein tiedje bezig, mer mét het waer van de letste tied kinne wae de zomer mer langsaam los laote. En los laote heurtj noe einmaol bie de herfst. Eedere baum probeertj zoea lang mäögelik zien blaajer vast te haoje, mer vreug of laat mot hae ze toch laote gaon. De daag waere korter en auch het vakantie geveul van de zomer motte we gaon loslaote. Nog get wiejer in de herfst gaon we op Alleheiligen aan. Äöver loslaote gespraoke...
Koeabus haaj mich al ein paar kieër gezagtj det de tied väör zomerbloome achter mien käöke raam noe toch echt väörbie waas en wie ich pas van eine miens op de Kerkveldjwaeg ein prachtig kistje pronkappelle kraeg, waas d'r gein ontkomme mieër aan. De käöke raam taegeäöver het hotel is noe auch weer verangerdj in herfstsfeer. En auch dao kumptj het loslaote weer in truuk. Mesjien waal op ein anger meneer den men mer zoea ein twieë drie zou verwachten.....

05/10/2026

Het waas eine prachtige mer kaoje nacht. Soms waas de locht klaor en kos men doezindje sterren zeen. Soms trokken vlagen mist äöver en goove het landjsjap ein mistiek karakter bie het leecht van de aafgaondje maon. Röstig waas het echter gaar neet. Het boore werk steit immers noeats stil. De letste boeane waere noe van het veldj gehaoldj. Midden in de nacht, mét väöl geraos. Den zeen ze vreug in de murge in de fabriek om lekker vers verwerktj te waere. Bie het hotel zoot Koeabus nog lang te kieke nao het biezunjer, mét vlagen boetenaards sjouwspel wat in de verte aan zien auge väörbie trok. Later in de nacht kieërdje de röst weer truuk in de Craenestraot. De komindje nachten zal dit sjouwspel zich nog waal ein paar kieër gaon herhaole.....

02/10/2026

Noe de nachten langsaam get kaojer waere is het vreug in de mörge sjoean boete. Ein bietje mist op het landj en de zon zeuktj langsaam ziene waeg omhoeag. Duudelik is allein det de miensheid niks lieërtj. De locht is net ein taekening van eine kleuter op de bewaarsjoeal. Allein mer strepen, kris kras door elkaar. Bienao zou men truuk verlange nao de corona tied. Toen waas de locht klaorhelder en ein stök gezonjer. Mer ja... sjienbaar motte we toch allemaol hoeagneudig mét dae vleeger op vakantie.....

25/09/2026

Harvest moon.
Eederein dae noe nog boete is zuut hem in volle pracht staon. Het is ein biezunjer vol maon. De ieërste nao de herfst equinox. Net zoea as bie de lintje equinox doortj de daag äöveral op aarde zoget aeve lang as de nacht. Door de ieuwe haen hubbe volkeren op oos bölke dees biezunjer maon gevierdj. Het is ein moment om aeve stil te staon en dankbaar te zeen väör de augst dae noe groeatendeils benne is. Op väöl plaatsen in de waereldj waerdj dit nog gevierdj. De energie van de volle maon is groeat en sterk. Koeabus en zien femilie weite dit feilloos en het is raeje genog väör fieëst. Dankbaarheid nao de natuur toe. Det is op vandaag ein groeat good woea väöl miense helaas niks mieër mét hubbe. Eine inkele toevallig passerendje wanjelieër stopdje en kaek verbaasdj noa wat allemaol in het hotel gaondje waas. Hopelik treftj de kracht van de maon hem noe auch en realiseertj hae zich wat wae toch in eine prachtige biezunjere waereldj mooge laeve...

23/09/2026

De kleine bontje specht.
Deze is dök lestig te vinje. Meistal zitj hae urges hoeag in de baum. En de naam zaet het al. Hae is hoeagoet mer ein klein bietje groeater den ein hoeskeggel. Dit is de kleinste in de spechten femilie. Zoea te zeen is dit ein menke. Vandaag haet hae mich de ganse daag geholpen mét de aoje naotebaum dae helaas kapot is. Het is prachtig om hie ein tiedje op het gemaak, zeker mét dit waer, mét ein ieske d'r bie nao zitte te kieke......

21/09/2026

Röst zaogt mien klein vriendje…

Wat zeen ze lekker, wat zeen ze fijn,
De näötjes van de buren.
Dich rens d’r haen op dien klein bein,
Geine tied om op de waeg te turen.

Gister dacht ich nog, det waerdj dich ins fataal,
De auto’s op de waeg zeen dich gaar neet komme.
Jao jao, dich wist dit natuurlik waal,
Mer toch heels dich dich van de domme.

In eine flits waas het vanmurge opins gebäördj,
De auto haet dich waarsjienlik gaaroet neet gezeen.
Hae raej mer zaogt, haaij neet gesjäördj,
Bie Koeabus in het hotel klinktj noe allein geween.

Klein prengelke, ich hoop des dich noe nao dien laeve,
In eine hemel vol mét näötjes zits.
Wae zeen os truuk, mer det doortj nog aeve,
Mer ich weit des dich mich dao neet vergits…..

Koeabus.

20/09/2026

Soms kumse hem deze tied van het jaor geweun taege op ein wanjeling. De rups van de Meriansborstel. Ich vinj het altied ein prachtige rups. Ziene roeaje stert stiktj trots omhoeag. Dae is noe op zeuk nao ein röstig plekske om te gaon verpoppen. Later waerdj het eine onoppvallindje nachtvlinder. Tja.... men kin noe auch neet altied aeve sjoean zeen worre...!

03/09/2026

Toet laat in de aovindj is d'r nog vleeg verkieër van ein paar bieje en ein inkel hommel op deze Jacobinia. Allemaol nog op zeuk nao get lekkers väör het slaope gaon.....

Adres

Roggel

Website

facebook.com

Meldingen

Wees de eerste die het weet en laat ons u een e-mail sturen wanneer Insectenhotel "De Biezaak" nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.