Herlaugstaul

13/02/2024

Her er eit bilete frå vårstemning på Herlaugstaul, me har ein liten utepeis de kan nytte til å lage mat i tillegg til svartomnen og peisen inne. Me leiger ut denne idylliske plassen kor alt er gamaldags utan straum og innlagt vatn. De får ta hand om nokre høner og lam og nyte dette sakte livet. Opphaldet her passar for dei som vil gjera noko utanom det vanlege og koma nærare natur og familie 🥰

09/05/2023

Når de bur på Herlaugstaul og nyter husmannslivet kan de ta turen opp til setra og kanskje ein ridetur på fjellet!

12/07/2021

Me har akkurat hatt 2 familiar på besøk på husmannsplassen, den eine 3 og den andre 2 netter. Dei lika seg godt der nede og var innom på seterlivet om dagen. Våre gode seternaboar var med og flutte høner ned og tilbake til setra når gjestene hadde reist vidare.

11/06/2021

5 fine smålam på Herlaugstaul! No har dei vore på husmannsplassen i 3 dagar, me er opp og gjev dei mjølk 2 gonger om dagen, til dei føler seg heime.

30/04/2021

I fjor haust var det min santens nokre greie vener som sette i stand brua over Ordøla. På bilete er ho ikkje heilt ferdig, men no er ho det. Eg håpar at me røkk og merke stigen mellom Herlaugstaul og setra, etter at snøen har reist og før buferdsdagen. Dette er ein lett fin tur på omlag 5 km.

14/04/2021

På Herlaugstaul har me eit lite hønsehus med 4-5 høner, det er fordi de skal få egg når de er husmenn. Vil du bli husmann til sommaren? Det er 6 sengeplassar til saman, 4 i huset og 2 i stabburet. Her kan de finne ut kva det vil sei å leva som i gamle dagar, utan straum og innlagt vatn og med utedo i fjoset! Herlaugstaul er rein idyll midt i skogen. Er de skikkeleg spreke så kan de ta turen over åsen etter den gamle setervegen og besøke alle dyra og mylderet på setra. For å tinge plass i sommar kan de ringe budeietelefonen 95059725 eller sende epost [email protected]

17/03/2021

Husmannsplassen ventar på ny sommar!

11/09/2020

Med eitt vart det stilt på Herlaugstaul, geitekjea gjekk heim til Håvardsrud, og lamma hadde laga eit hol i gjerdet. Eg fann 4 av dei på Lislestaul i går. I dag gjekk eg ein runde for å sjå etter resten, men fann dei ikkje. Eg får ut att i morgo. Ripsbusken står ved røyse og den har dei kosa seg med før dei for. I sommar har me hatt fleire gjester og eg tok ein kikk i hytteboka, takk for besøket og fine ord!

19/06/2020

14/06/2020

I går tok me med 5 lam opp på husmannsplassen, dei likar seg trur eg. No får dei som vil ha litt mjølk nokre dagar.