Lassemohytta i Kviteseid

Veibeskrivelse Kontakt bedriften

Lassemohytta i Kviteseid Tømmerkoie frå femtitallet. Bygd for tre skogsarbeidarar. Stor er den ikkje, men den rommar alt ein treng for å koble av og fylle på.

Nå er det fire sengeplasser der.

Sit med beina i glaskarmen og et litt før eg skal måle vidare. Så landar den. Ser seg litt om. Akkurat lenge nok til at ...
24/08/2026

Sit med beina i glaskarmen og et litt før eg skal måle vidare. Så landar den. Ser seg litt om. Akkurat lenge nok til at eg forsiktig kan strekke meg etter mobilen og få eit par bilete av den. Spurvehauken. Liten, fin og med skarpe auger.

🦅

💙 Rikdom er ei trillebår full av vatn. 💙
30/07/2026

💙 Rikdom er ei trillebår full av vatn. 💙

21/07/2026

Eg er på besøk i Grönbo, utanfor Örebro, hos venner eg blei kjent med då eg gjekk på møbelsnekkarskulen i Kristianstad, Skåne. Ein miniferie på tre netter.
Eg har vore her annakvart år dei seiste seks åra, og eg blir allltid inspirert av å være her. Denne stemninga har eg lyst til å ta med heim, for her er det så fantastisk godt å være. Maten er god, selskapet er godt og visuelt treff dei på alle små detaljar både ute og inne.

Falurødt f.eks. Det er fargen eg har bruka på hytta og. I gjengjeld har visst eg inspirert dei til å legge gjesteleiligheten eg får låne ut på airbnb.

Så fint det er å kunne utveksle inspirasjon bare sånn ved og omgås, ete og prate.

Her er det svensk idyll så langt auget kan sjå. 💙💛 Og det er dogg i graset og plenen er grøn. (Bare det liksom!..)

God sommar!

https://www.airbnb.no/rooms/1481946391373825997?unique_share_id=45a13b59-db1a-45d0-a236-3741989b6c85&viralityEntryPoint=1&s=76

"Tørkestress oppstår når planter, busker eller trær ikke får nok vann til å opprettholde normal stoffomsetning, vekst og...
19/07/2026

"Tørkestress oppstår når planter, busker eller trær ikke får nok vann til å opprettholde normal stoffomsetning, vekst og utvikling." Store norske leksikon.

Eg har også vore utsatt for tørkestress dei seiste vekene. I stadig større grad. Jepps, i så stor grad faktisk at det gjekk litt ut over lettheten i livet.

Men varmebølga er over. 🎉 Det går an å tenke utan å få tung puls✨️, og kveldsturen med bikkja gjekk i går med friske fraspark mot dei foregåande vekenes seige steg! 🎊

Ein skal visst ikkje klage over varmen i Norge. Det er opplest og vedtatt. Men om det absolutt skal være slik vil eg i allefall juble nå, på vegne av skogen og jorda og insektene og fuglane og dyra og sånne som meg, for at det endelig går an å puste igjen! 💃🤸‍♂️🫶

Regnet eg håpa skulle komme på laurdag var nesten heilt fråværande. Det kom bare nok til å fukte overflata, og det støva på nytt rundt føtene i fjellhagen før dagen var over. Men det skal ikkje mange millimeterane med nedbør før det sildrar godt frå ei takrenne. Derfor var det ei sann lykke å sjå at vasstønna var full då eg kom opp til hytta i går. 💙💦🩵 Og lufta var frisk og alt lukta nytt.

Eg kjørte også ein pensjonert søppeldunk opp, ausa vasstønnevatnet over i andre kar for lagring og let dessutan plantene frotse frå vasskanna for ein gong skuld. Så nå kan eg samle over 200 nye liter vatn ved neste, spontane regnskur. Og nå trur eg på at dei kan komme, sånn innimellom. 🥳

🌱 🌱🌱

Det er ikkje mykje eg oppheld meg på hytta for tida. Det er rett og slett alt, alt for varmt. 32 grader inne, litt mindr...
16/07/2026

Det er ikkje mykje eg oppheld meg på hytta for tida. Det er rett og slett alt, alt for varmt. 32 grader inne, litt mindre i skuggen inne i skogen. Og eg fungerar dårlig i slike temperaturar. Både fysisk og mentalt. Men eg kjører opp for å halde liv i hagen med medbragt vatn, i går gjekk det med 40 liter, og jordskokken heng framleis med bladene.
Eg har planar om å samle vatn frå taket. Før neste sommar må vasstankane ikkje bare vere tankar, men faktisk være på plass. Ellers fungerar det ikkje. Eg grov opp tidligpotetene mine igår, eg har ikkje håp om å klare å vatne dei nok til å nå blomstringa. Bregnene krøllar seg og graset blir til pulver under føtene der sola står rett på.
Værmeldinga seier det skal regne i morgo. Det er eg glad for. For eg treng hagen min. Eg treng jorda å grave i. Blomane å glede meg over. Og matplantene eg kan sette tennene i. 💚

15/07/2026

Hugs å skru på temperaturen og så kan du legge mobilen der du treng det mest.

👇 Trykk her:

🌡❄️

16/06/2026

Ein må visst være forsiktig med kor ein set føtene for tida, for det kan være egg og ungar kor som helst. Trepiplerka skvatt opp ved foten min for andre gong på same stad, så eg lokaliserte reiret forsiktig. Då treng eg ikkje gå der på ein stund. Ikkje nederst på "enga" mi heller, der rugda ligg. Dei to jerpene, med sine to kull var på tur som storfamilie, og eg fekk filma ein av ungane. Røya og kyllingen eg støkk i dag, var meir mobile enn egga og kunne ta litt meir vare på seg sjølv. Men ikkje så veldig mykje meir heller.

Grevlingen derimot, den er eg ikkje redd for å trø på. Den støtte me på i Vrådal, bikkja og eg, og ikkje her på hytta. Men skal ein lage ein reel av dei siste daganes begivenheiter på og ved sti, bør den med. Det var jo gøy å møte han også, der me vandra fordjupa i eigne tankar, alle tre.

15/06/2026

I går var det nokon som leika med tåka. Skrudde ho av og på, av og på. Eg prøva å argumentere med at det ikkje er bra for tåka, at tåka kan bli øydelagt.
Men det var ikkje før eg hurtigfilma at eg såg at morgondisen sjølv var årask til sin eigen fortetting. For utanfor møttes trekken frå Kviteseid og trekken frå Fjågesund og trykte seg saman og blei tjukk. Av og til var det heilt kvitt der ute, det var så vidt eg kunne sjå svarttrosten hoppe oppover i furutoppen under meg. Men plutselig kunne eg skimte fjellrekka som skein med våte svaberg i morgonsola att.

Er det nokon som har lyst til å trykke på saueskinn i haust? Her på hytta altså? Eg sjekkar interessen nå, og så kan eg ...
14/06/2026

Er det nokon som har lyst til å trykke på saueskinn i haust? Her på hytta altså? Eg sjekkar interessen nå, og så kan eg organisere noko når eg veit om det er stemning for det. 😊
Alternativt: har nokon lyst på saueskinn frå ein aldri så liten besetning i Vrådal nå, utan trykk?

Koppelamma Lars og Lea som tusla her oppe i fjor kjem frå denne lille besetninga. I år blei det ingen koppelam, og det er jo det beste. Men eg jobbar med dei åpningane i skogen som gjer seg best som beiter og skal legge til rette for at eg kan ha nokre få dyr her sommarstid framover. (Slik at eg kan produsere fluger til dei store vinduskarmane mine 😉😅) Dyr er i følge meg noko av det beste som finnast, og er dei eg saknar mest frå småbruket mitt. Derfor har eg investert emosjonelt i desse lamma og dermed også skinna, som avløysar, lammevakt og ved gjerding og flytting. Eg er litt sauebonde, utan å være sauebonde.

Isak har, som inspirasjon, tulla seg inn i skinnet til Bruse, ein av tre værlam som budde hos meg på Neslandsvatn. Og det skinnet blir værande her. 😊

07/06/2026

Eg skal straks snøre søppelsekken, kassa med gryter og kakefat, tomme vassdunkar og bikkjeburet på firhjulingen og så vende nesa mot kvardagen att. Det blir ein travel veke og eg kjem ikkje opp hit att før neste helg. Og nå kjennes det heilt urimelig.

Eg har vore her mykje veka som var, og det er så bra for meg. Og eg gledar meg så til å komme tilbake.

Adresse

Kvennesvegen 208
Kviteseid
3840

Nettsted

Varslinger

Bli den første som får vite det: Vi sender deg en e-post når Lassemohytta i Kviteseid legger ut nyheter og kampanjer. E-postadressen din brukes ikke til noe annet formål, og du kan melde deg av når som helst.

Kontakt Bedriften

Send en melding til Lassemohytta i Kviteseid:

Snarveier

Del

Kategori