31/07/2026
Drifta i Anleggsgartnar Jan Erik Sandal er ikkje påverka av dette. Drifta her fortsett som vanleg.
PRESSEMELDING
Modena Sandal Steinsenter avviklar drifta etter 15 år i Furene. Styret i Sandal Steinsenter AS har vedteke å gjennomføre ei styrt avvikling av butikken. Etter mange år med stabil omsetning og positive resultat har dei siste åra vore krevjande og drifta har jamnt over enda med underskot.
Bakgrunnen for utviklinga er vanskeleg å fastslå sikkert. Men ein medverkande faktor er nok at konkurransen i marknaden har auka betydeleg, særleg frå større kjedebutikkar som har etablert seg i regionen. I tillegg har høge renter og mindre byggeaktivitet gjerne gitt generelt lavare kjøpelyst blant kundane.
Trass i ulike tiltak for å styrkje drifta og tilpasse verksemda til marknadsutviklinga, har selskapet ikkje lukkast med å oppnå økonomisk grunnlag for vidare drift.
Dette er ei tung avgjerd etter mange år med lokal verksemd og godt samarbeid med kundar og leverandørar.
Selskapet vil no arbeide for ei ordna og ansvarleg avvikling utover seinsommaren og hausten 2026. Dette får ingen konsekvensar for drifta i søsterselskapet Anleggsgartnar Jan Erik Sandal
