A. Våge as

13/10/2026

Arbeidet med den nye kaia for Giske kommune går stadig framover, og no byrjar ein verkeleg å sjå resultatet i Gjøsund Hamn. No er vi klar til å støype dekket👷

Den nye fiskerikaia skal gi området betre kapasitet i kommunen og regionen, og leggje til rette for vidare aktivitet i Gjøsundet.

Frå lufta får vi verkeleg eit inntrykk av dimensjonane på arbeidet!

PS: Ser du kaianlegget bak? Det er betongpiren og ro-ro-kaia vi bygde for Subsea7 i 2007-2008🌊



📸 Maciej Czarniak

05/09/2026

Vi gratulerer Hovdebygda Fotball med opninga av den nye aktivitetsparken på Hovdebygda stadion i dag! Ein flott dag med snorklipping, sandvolleyball-showkamp og grilling👏🏼🎉

A. Våge AS er stolt sponsor av betongarbeidet som er utført med aktivitetsparken, mellom anna ny trapp og tribune🤝🏼

03/09/2026

Veldig kjekt med besøk frå Øyblikk!🤩 Torsdag sist veke byrja arbeidet med å krane betongelement på den nye fiskerikaia til Giske kommune🏗️

Arbeidet med den nye kommunale fiskerikaia går etter planen.  Ute på anleggsområdet på Gjøsundneset er det høg aktivitet med bygging av ny

01/09/2026

Vi skal byggje kai for Mowi!🌊🐟

Kaispesialisten A. Våge AS har inngått kontrakt med Mowi Norge om bygging av eit nytt kaianlegg på lokaliteten deira på Rundereimstranda i Stad kommune.

Kaia får totalt 31 meter kaifront, og er knytt til Mowi sitt nye postsmoltanlegg med lukka merdar.

– Det er svært kjekt å få Mowi på kundelista, og å få bidra til ei så stor og framtidsretta satsing. Vi har lang erfaring med bygging av kaianlegg for fiskeri, havbruk og industri, så dette er eit prosjekt som passar kompetansen vår svært godt, seier prosjektleiar Øyvind Dalseth i A. Våge AS🤩

Arbeidet med kaia starta opp i juli, og skal etter planen vere ferdigstilt før årsskiftet.

For A. Våge er kontrakten nok eit prosjekt innanfor området som selskapet har spesialisert seg på gjennom fleire tiår. Frå hovudkontoret i Furene i Volda byggjer A. Våge kaier og maritime betongkonstruksjonar for verksemder langs heile norskekysten.

– Vi takkar for tilliten og ser fram til å levere eit robust kaianlegg som skal tene Mowi på Rundereimstranda i mange år framover, seier Dalseth🤝🏼

Bilete av Fosnot-kaia til Herøy kommune i Fosnavåg Næringspark 🌊

31/08/2026

Sist veke fekk lærlingane våre Erlend Amdam i A. Våge as og Olav Saanum i Volda Bygg As besøk av Fredrik Klock, dagleg leiar i Byggopp Møre & Romsdal.

På agendaen stod oppstartsmøte og ein god prat om læretida, forventningar og vegen vidare mot doble fagbrev🛠️

Erlend har starta opp læretida si i A. Våge og skal først ta fagbrev i betongfaget, før han deretter skal gjennomføre læretida og etter kvart får sveinebrev i tømrarfaget i Volda Bygg. Olav startar først opp med læretida si i Volda Bygg. Når han får sveinebrev i tømrarfaget, går han vidare til A. Våge, gjennomfører læretida og får fagbrev i betongfaget.

Vi er så glade for å ha unge og motiverte lærlingar med på laget – og ser fram til å følgje Erlend og Olav vidare på vegen💪 Vi er også svært stolte av å kunne tilby eit slikt løp med doble fagbrev. Lærlingane våre får på denne måten kombinert kompetanse som er svært ettertrakta i bransjen.

Takk til Fredrik og ByggOpp Møre og Romsdal for besøket og godt samarbeid!👏

29/06/2026

Vi har fått ny kontrakt på Larsnes!⚓️

Vi er stolte over å ha fått tilliten til å byggje den nye fiskerikaia på Larsnes for Sande kommune.

Den nye kaia får 48 meter kaifront og skal bidra til å møte det aukande behovet for kai- og servicetilbod for fiskeri- og havbruksnæringa på sørsida av Gurskøya.

– Vi har bygd alle dei nye kaiene for Sande kommune dei siste 15–20 åra. Det er difor svært kjekt å kunne halde fram denne rekkja, seier prosjektleiar Øyvind Dalseth i A. Våge AS.

Fem entreprenørar leverte tilbod på prosjektet, og det betyr mykje for oss at Sande kommune valde A. Våge AS igjen.

Arbeidet startar opp rett etter sommarferien, og vi ser fram til å ta fatt på endå eit prosjekt som skal styrkje den maritime infrastrukturen på Sunnmøre.

Takk for tilliten – no gler vi oss til å kome i gang!🌊

01/06/2026

Når tunge løft møter elektrisk drift, skjer det spennande ting!⚡️🌿

Vi har fått på plass ein splitter ny Manitou MRT 2660 V+ Bi-Energy, ein avansert roterande teleskoplastar som allereie er i full drift på anlegget vårt i Gjøsundet.

Dette er mykje meir enn ein vanleg teleskoptruck. Maskina kombinerer funksjonane til teleskoptruck, mobilkran og personløftar i éi og same løysing. Med ein løftekapasitet på 6 tonn, løftehøgd på opptil 26 meter og rekkevidde på over 21 meter, gir den stor fleksibilitet på A. Våge AS sine anleggsoppdrag. Éi maskin. Tre funksjonar. Mange moglegheiter!

Det som gjer denne modellen ekstra spennande er Bi-Energy-systemet. Med ein ekstra elektrisk modul kan maskina utføre fleire arbeidsoperasjonar elektrisk når ho står på støttebein. Det betyr:

✅ Bruke hydraulikken elektrisk
✅ Null lokale utslepp
✅ Effektivt løftearbeid utan bruk av dieselmotor

Dette er teknologi som bidreg til både eit betre arbeidsmiljø og meir berekraftige løysingar ute på anlegga våre.

Takk til Hesselberg for leveransen. Vi ser fram til mange spennande oppdrag med denne maskina på laget! 💪

29/05/2026

I dag støttar vi FotballtrøyeFredag og Barnekreftforeningen! ⚽ 🎗️

Vågegruppa er stolte av å vere med på FotballtrøyeFredag, ein dag der vi tek på oss fotballtrøya for å vise støtte til barn og unge som kjempar mot kreft.

Barnekreftforeningen gjer eit uvurderleg arbeid for barn med kreft og familiane deira, både gjennom støtte, forsking og omsorg. Ved å delta ønskjer vi å bidra til auka merksemd og støtte til denne viktige saka.

Saman kan vi gjere ein forskjell🎗️
Vil du støtte FotballtrøyeFredag og Barnekreftforeningen, vipps ein valfri sum til 4422💛

20/05/2026

Vi ønskjer Terje Giskeødegård Balsnes velkomen til Vågegruppa som ny sals- og marknadsleiar!🤩

Han starta i stillinga 1. mai, og kjem frå rolla som deleigar og dagleg leiar i Hadarhus AS på Hareid. Der har han vore med på å byggje opp sterke merkevarer som Blink Hus Søre Sunnmøre og Drømmekjøkkenet Hareid.

Terje tek med seg brei erfaring innan leiing, sal og marknadsarbeid, og blir ein viktig bidragsytar i vidareutviklinga av selskapa i Vågegruppa.

– Terje er ein person med stort engasjement, høg arbeidskapasitet og eit sterkt fokus på menneske og relasjonsbygging. Han har opparbeidd seg verdifull erfaring gjennom mange år i bransjen, og vi ser fram til å få nytte kompetansen og energien hans i Vågegruppa, seier dagleg leiar Askjell Våge.

– Eg set stor pris på tilliten eg har blitt vist og den gode velkomsten eg har fått i Vågegruppa, og ser fram til å bidra til vidare vekst og utvikling saman med dyktige kollegaer, seier Balsnes 🤝🏼👏🏼

Tidlegare i mai kjøpte Vågegruppa opp Hadarhus, og tok med det eit nytt og tydeleg steg inn i eitt av dei mest offensive næringsmiljøa i regionen.

17/05/2026

Hipp hipp hurra! Gratulerer med dagen frå oss alle i Vågegruppa 🇳🇴🎉🥳