31/05/2026
Dead on arrival sa pagamutan ang isang trentay uno anyos na Barangay Kagawad matapos itong pagbabarilin sa bayan ng Calasiao.
Naganap ang insidente sa mismong barangay hall ng Brgy. Poblacion East pasado alas-onse kagabi.
Ayon sa imbestigasyon ng PNP, nasa nasabing barangay hall ang biktima bilang barangay official on duty nang pumasok ang gunman at agad itong binaril bagama't nag-malfunction ito, kaya nagkaroon ng tiyansa ang biktima na tumakbo sa bandang kusina at tatakas sana sa pamamagitan ng pintuan doon.
Subalit agad itong sinundan ng gunman at agad na pinagbabaril na naging dahilan upang bumulagta ang Barangay Kagawad.
Matapos nito ay agad na sumakay sa isang motor ang suspek na minamaneho ng kasabwat nito at saka sila tumakas.
Ang biktima na nagtamo ng tama ng bala sa iba't ibang bahagi ng katawan ay agad na isinugod sa pagamutan subalit idineklarang dead on arrival.
Nakakuha naman sa crime scene ng apat na kapsula ng bala ng caliber .45 pistol at isang bala nito.
Patuloy pa ang imbestigasyon ng PNP sa pagkakakilanlan ng mga suspek maging ang motibo sa nasabing pamamaril.
