30/06/2026
Vigan
Alam mo ba?
Bago pa nakilala ang Vigan bilang isa sa pinakamakasaysayang lungsod sa Pilipinas, isa na itong mahalagang lugar ng kalakalan noong unang panahon.
Bago pa dumating ang mga Kastila, ang Vigan ay dinaraanan na ng mga mangangalakal mula sa Tsina at iba pang bahagi ng Asya. Dumaraan sila sa South China Sea papunta sa Isla de Bigan sa pamamagitan ng Mestizo River. Dito sila nakikipagpalitan ng mga kakaibang produkto kapalit ng ginto, beeswax, at iba pang produkto mula sa kabundukan ng Cordillera.
Dahil sa kalakalang ito, may mga dayuhang nanirahan sa lugar, lalo na ang mga Tsino. Marami sa kanila ang nakipamuhay at nakapag-asawa ng mga katutubo, kaya nabuo ang makulay at halo-halong pinagmulan ng mga Bigueรฑo.
Noong 1572, ipinadala ni King Philip II si Capitan Juan de Salcedo upang siyasatin ang baybayin ng Los Ylocanos. Umalis siya mula Maynila noong May 20, 1572 at nakarating sa Vigan noong June 12, 1572. Matapos ang kanyang paglalakbay sa hilaga, itinatag niya ang Villa Fernandina de Vigan bilang parangal kay Prince Ferdinand, anak ni King Philip II.
May dalawang kilalang salaysay naman tungkol sa pinagmulan ng pangalang Vigan.
Ayon sa unang kwento, nagmula raw ito sa dalawang salitang Tsino: โbiโ na nangangahulugang maganda, at โganโ na nangangahulugang dalampasigan. Sinasabing kapag papalapit ang mga mangangalakal na Tsino sa isla, lalo na sa gabing maliwanag ang buwan, nakikita nila ang kislap ng gold dust na dala ng agos ng Abra River at naiipon sa dalampasigan. Dahil dito, nasabi raw nila ang โBi-gan,โ o โmagandang baybayin.โ
Sa isa pang kwento, nang dumating si Salcedo sa lugar, tinanong niya ang isang katutubo kung ano ang pangalan ng lugar. Dahil hindi naintindihan ng katutubo ang wikang Kastila, inakala niyang ang itinuturo ni Salcedo sa lupa ay isang halaman. Kaya ang sagot niya ay โb**a apo,โ na tumutukoy sa b**a, isang uri ng halamang kauri ng gabi o taro.
Mula sa mga salaysay na ito, unti-unting nakilala ang lugar bilang Bigan, at kalaunan ay naging Vigan.
Kaya sa likod ng mga lumang bahay, kalsadang bato, at makasaysayang anyo ng lungsod, naroon ang kwento ng kalakalan, kultura, at mga salitang naging bahagi ng pagkakakilanlan ng Vigan.
