15/07/2026
๐๐ฅฐ๐คฉ
https://www.facebook.com/share/19CZgSnTVJ/
GENERAL LUNA SURFER NA SI JOHN MARK "MARAMA" TOKONG, NAKAKUHA NAN WILDCARD SPOT SA WSL CHAMPIONSHIP TOUR PHILIPPINES PRO
Dako na pasidungog an nahitabo para sa surfing sa Siargao human opisyal na gipahibayo na an surfer na si John Mark "Marama" Tokong nakakuha nan wildcard spot para sa World Surf League (WSL) Championship Tour Philippines Pro.
Gipahibayo an maong anunsyo sa media launch nan torneyo kagahapong adlawa Hulyo 14, 2026, diin gisaulog nan Lokal na Panggamhanan sa General Luna an dakong kadaugan para sa ilang ilado na surfer.
Si Tokong, natawo ug nagdako sa General Luna, mo apil Cloud 9 sugod Oktubre 31 hangtod Nobyembre 10, 2026.
Dako isab an pasidungog ini tungod kay an Cloud 9 sa General Luna, Siargao amo an una na venue sa Pilipinas na mahimong opisyal na World Surf League Championship Tour para sa season 2026โ2027.
Gawas kay Tokong, jaon pay duha ka wildcard slots para sa mga Pilipino, isa ka layaki ug isa ka babaje para makigkompetensya sa mga pinaka-abtik na surfers sa kalibotan.
An pagpili kay Tokong nagpakita nan kalig-on na talento nan mga Pilipino sa surfing ug nagpadajon sa pagpasikat sa General Luna, Siargao isip isa sa mga nanguna na surfing destinations sa kalibutan.
Samtang nangandam an General Luna sa pag-host nan maong international competition. Dako an paglaom ug suporta kang Tokong sa pagrepresentar sa Siargao ug sa Pilipinas sa pinakamataas na entablado nan surfing.
Photo courtesy: Municipality of General Luna
RPN DXKS Surigao
