30/03/2024
UPDATE ☀️🔥🌡️
43°C heat index, nahipatik ha Catarman, Northern Samar yana nga Sabado de Gloria — DOST-PAGASA
Inabot ha 43°C an gihahataasi nga heat index (kamapaso nga inaabat han lawas han tawo) nga nahipatik ha bungto han Catarman, Northern Samar yana nga Sabado de Gloria (Marso 30, 2024), subay han mga datos nga nahikay han DOST-PAGASA Catarman Weather Station.
An 43°C nga heat index in nagpapasabot hin "danger" (delikado) nga lebel hin kamadagaang han panahon, kun diin nanenelikado na an tawo nga magkaada hiya heat cramps ug heat exhaustion ngan mayda na posibilidad han makamaratay nga heat stroke kun hiya in dire magpataghom ha gilayon han iya lawas.
Ha lain nga bahin, an gihahataasi nga heat index dinhe ha bungto han Guiuan, Eastern Samar yana nga Sabado de Gloria in inabot hin 40°C, subay han mga datos tikang ha DOST-PAGASA Guiuan Weather Station. Ini nga heat index in nagpapasabot hin "extreme caution" (labi nga pag-ikmat) dara han posibilidad hin pagkaada heat cramps ug heat exhaustion, nga pwede umabot ha heat stroke kun maiha nga exposed ha kamapaso han adlaw.
Hurohamubo nga heat indices an narekord ha lain nga mga lugar ha Eastern Visayas yana nga Sabado:
- Maasin, Southern Leyte: 37°C (extreme caution)
- Catbalogan City, Samar: 36°C (extreme caution)
- Tacloban City: 36°C (extreme caution)
- Baybay City, Leyte: : 36°C (extreme caution)
- Borongan City, Eastern Samar: 34°C (extreme caution)
Sumala han pagbana-bana han DOST-PAGASA, posible umabot ha 38–43°C an gihahataasi nga heat index nga maeksperyensyahan dinhe ha Eastern Visayas buwas hiton Dominggo han Pagkabanhaw (Marso 31) ngan hiton tidaraon nga Lunes (Abril 1).
Gin-aabesohan han DOST-PAGASA an publiko nga maghirot durante hin takna nga madagaang an panahon:
1. Ayaw hingalimti an regular nga pag-inom hin mahamis ngan maiinom nga tubig, kasagaran maabot ha walo ka baso ha kada adlaw, o hirani 2 ngadto hin 4 ka litro ha kada adlaw.
2. Likayi an pag-inom hin kape, tsaa, soft drinks ngan mga makahurobog nga irimnon.
3. Likayi an maiha nga exposure ha sirak han adlaw ha gawas; kun mahihimo, gamit hin payong, kalo ngan mga bado nga hilaba an pako kun mag-iiha ha gawas durante hin madagaang nga panahon.
4. Kun mahihimo, an mga mapaguol nga trabahuon, urog na adton ginbubuhat ha gawas, in pwede buhaton hin uroagap ha aga o di ngani hiton tikatampos an kakurolpon, kun san-o dire ura-ura an kamadagaang.
5. Hinumdomi gihapon an mga basic nga first aid ug pag-andam hin emergency health kit para ha mga balatian nga epekto han kamapaso han panahon sugad han heat stroke.
Stay safe, cool and comfortable, mga ka-Radyo Natin!
------------------------------------
- DOST-PAGASA Highest heat index (5-day computed and 2-day forecast) as of 30 March 2024, 5 PM
Official website: https://www.pagasa.dost.gov.ph/climate/climate-heat-index
- "Gaano ba kainit ang panahon" han DOST-PAGASA
(https://pubfiles.pagasa.dost.gov.ph/iaas/heat_index/Heat%20days%20survival_heat%20index_infographics_%2020220302.png)
- "Extreme Heat Safety" han American Red Cross
(https://www.redcross.org/get-help/how-to-prepare-for-emergencies/types-of-emergencies/extreme-heat-safety.html)
- "How Much Water Should You Drink Per Day?" ni Kris Gunnars han HealthLine
(https://www.healthline.com/nutrition/how-much-water-should-you-drink-per-day)
