28/11/2025
Magandang Balita Biblia. 1 Mga Taga-Tesalonica 5:14-18,20-22
[14]Mga kapatid, ipinapakiusap din namin na inyong pagsabihan ang mga tamad, pasiglahin ang mahihinang-loob, at kalingain ang mga mahihina. Pagtiyagaan ninyo silang lahat.
[15]Huwag ninyong paghigantihan ang gumawa sa inyo ng masama; sa halip, magpatuloy kayo sa paggawa ng mabuti sa isa't isa at sa lahat.
[16]Magalak kayong lagi,
[17]palagi kayong manalangin,
[18]at magpasalamat kayo sa Diyos sa lahat ng pagkakataon; sapagkat ito ang kalooban ng Diyos para sa inyo sa inyong pakikipag-isa kay Cristo Jesus.
[20]Huwag na ninyong bale-walain ang anumang pahayag mula sa Diyos.
[21]Suriin ninyo ang lahat ng bagay at gawin ang mabuti.
[22]Lumayo kayo sa lahat ng uri ng kasamaan.
