Boss Nilo's Guest House and Pasalubong

12/04/2026

𝐁𝐔𝐌𝐈𝐁𝐈𝐋𝐈 𝐊𝐀𝐌𝐈 𝐍𝐆 𝐍𝐀𝐓𝐈𝐕𝐄 𝐍𝐀 𝐁𝐀𝐘𝐀𝐁𝐀𝐒 𝐀𝐓 𝐋𝐀𝐍𝐆𝐊𝐀

Nakaugat sa prutas na tumutubo sa Mauban ang aming mga produkto. Sa katunayan, nagsimula na kaming mag-imbag ng liputi na ginagamit na pambabad sa lambanog at pang liputi jam.

Sa minanang kagawian kay Boss Nilo, sinusuportahan namin ang tradisyon ng pamumuti (foraging) sa Mauban. Ang mga bungang hinahanap sa kagubatan at paligid ay hindi lamang kinakain sa panahon ng tag-init—iniingatan at pinepreserba upang mapakinabangan sa buong taon.

Ganito namin sinusuportahan ang aming mga kababayan—walang nasasayang, lahat may kwento, at buong taon ay natitikman ng mga Maubanin ang mga lokal na prutas.

📍Kaya sa mga namumuti sa Mauban ng mga lokal na prutas, makipag ugnayan po sa aming tindahan sa Enverga Street Brgy. Bagong Bayan.

☎️ O tumawag o magtext sa 0970-8465-399.

06/04/2026

𝐔𝐌𝐎𝐑𝐃𝐄𝐑 𝐍𝐀 𝐍𝐆 𝐖𝐄𝐃𝐃𝐈𝐍𝐆 𝐆𝐈𝐕𝐄𝐀𝐖𝐀𝐘𝐒 𝐇𝐀𝐁𝐀𝐍𝐆 𝐇𝐈𝐍𝐃𝐈 𝐏𝐀 𝐓𝐔𝐌𝐀𝐓𝐀𝐀𝐒 𝐀𝐍𝐆 𝐀𝐌𝐈𝐍𝐆 𝐏𝐑𝐄𝐒𝐘𝐎
𝑴𝒖𝒏𝒕𝒊𝒏𝒈 𝒓𝒆𝒈𝒂𝒍𝒐 𝒔𝒂 𝒎𝒈𝒂 𝒊𝒌𝒂𝒌𝒂𝒔𝒂𝒍

Wala pa pong pagtataas ng presyo sa aming best seller na liputi flavored nipanog (lambanog ng nipa/sasa). Wala pa rin pong pagtaas sa presyo ng buli. Free customized stickers parin po sa 12 bote at pataas.

📍Ang aming tindahan ay matatagpuan
sa Enverga St. Brgy Bagong Bayan
sa Mauban, Quezon

🚗 Nagdedeliver kami isang beses
sa isang linggo sa mga karatig
bayan tulad ng Tayabas, Lucena,
Pagbilao at Sariaya–madalas
ay tuwing Lunes o Biyernes.

🗓 Dalawang beses sa isang buwan
naman ang aming pasaBUY schedules
sa Candelaria, Tiaong, San Pablo,
Alaminos at Santo Tomas. SLEX
meet up po para sa mga customers
sa Santa Rosa at Calamba.

🛵 Dalawang beses isang buwan
din po ang pasaBUY schedules
para sa Metro Manila. Bibitbitin
po namin ang inyong order.
Ang inyong babayaran ay ang
Lalamove mula Pasig papunta
sa inyong lokasyon.

🗨 Magmessage dito sa aming page
para matulungan namin kayong
pumili ng pang giveaway base sa
inyong motiff at budget.

☎️ O tumawag o magtext sa
0970-846-5399.

04/04/2026

𝐃𝐈𝐒𝐂𝐎𝐔𝐍𝐓 𝐀𝐋𝐄𝐑𝐓: 𝐒𝐔𝐊𝐀𝐍𝐆 𝐓𝐔𝐁𝐀 𝐏𝐀𝐑𝐀 𝐒𝐀 𝐏𝐀𝐀𝐋𝐈𝐒 𝐍𝐆 𝐌𝐀𝐔𝐁𝐀𝐍 🌿

Para sa mga kababayang paalis ng Mauban, may munting handog kami—discounted ang 𝐬𝐮𝐤𝐚𝐧𝐠 𝐭𝐮𝐛𝐚 𝐧𝐠 𝐧𝐢𝐲𝐨𝐠 bilang pasasalamat at baon ninyo sa paglalakbay.

Hindi lang ito suka—ito ay kwento ng ating lupa, niyog, at paraan ng pagkain at pagluluto.

Gift of health, traditions in a bottle.

Iuwi ang lasa ng Quezon saan man kayo mapadpad. 🥥✨

01/04/2026

𝐇𝐀𝐁𝐀𝐍𝐆 𝐇𝐈𝐍𝐃𝐈 𝐏𝐀 𝐓𝐔𝐌𝐀𝐓𝐀𝐀𝐒—𝐈𝐔𝐖𝐈 𝐍𝐀 𝐀𝐍𝐆 𝐋𝐀𝐒𝐀 𝐍𝐆 𝐌𝐀𝐔𝐁𝐀𝐍
𝑴𝒖𝒏𝒕𝒊𝒏𝒈 𝒓𝒆𝒈𝒂𝒍𝒐 𝒔𝒂 𝒎𝒈𝒂 𝒌𝒂𝒃𝒂𝒃𝒂𝒚𝒂𝒏𝒈 𝒎𝒂𝒈-𝒖𝒖𝒘𝒊 𝒏𝒈 𝒍𝒂𝒔𝒂 𝒏𝒈 𝑴𝒂𝒖𝒃𝒂𝒏

Wala pa pong pagtataas ng presyo sa inyong mga paboritong pagkain ng Quezon at ng Mauban.

✅ Binalawang santon (sinantolan)
️✅ Tinuto
️✅ Atsarang papaya
️✅️ Santan (coco jam)
✅ Chilli garlic
️✅️ Sukang tuba ng niyog (classic,
spicy, at sweet and spicy)
✅️ Lambanog ng sasa (nipanog)
✅️ Pulot (honey)
✅️ Calamansi concentrate
✅️ Pili tart

Parehong kalidad, parehong presyo, parehong sarap.

Habang hindi pa tumataas ang presyo, ngayon na ang tamang panahon para bumili ng inyong paboritong pagkain ng Mauban.

📍Boss Nilo’s Guest House
Enverga St. Brgy. Bagong Bayan

🕚 8:00 AM to 6:00 PM

Sulitin habang kaya pa naming panatilihin ang presyong abot-kaya, nang hindi isinasakripisyo ang kalidad at kwento ng bawat produkto.

30/03/2026

Order your lambanog wedding giveaways while our prices haven’t increased yet.

09/03/2026

Magpapahanga ang Mauban sa Pumsyunan 2026. Kitakits, kabayan!

06/03/2026

Makiisa po tayo sa pagdiriwang Filipino Food Month sa lalawigan ng Quezon.

Abril 18, 2026
Kalilayan Civic Center
Lungsod ng Lucena
https://maps.app.goo.gl/H2hg4iCfahmF98DG7

𝐁𝐔𝐖𝐀𝐍 𝐍𝐆 𝐊𝐀𝐋𝐔𝐓𝐎𝐍𝐆 𝐏𝐈𝐋𝐈𝐏𝐈𝐍𝐎 (𝐅𝐈𝐋𝐈𝐏𝐈𝐍𝐎 𝐅𝐎𝐎𝐃 𝐌𝐎𝐍𝐓𝐇)

Tuwing Abril, ipinagdiriwang ang 𝐁𝐮𝐰𝐚𝐧 𝐧𝐠 𝐊𝐚𝐥𝐮𝐭𝐨𝐧𝐠 𝐏𝐢𝐥𝐢𝐩𝐢𝐧𝐨—isang paalala na ang pagkain ay hindi lamang panlasa, kundi kasaysayan, pagkakakilanlan, at kultura.

Sa bawat kinulob, sa bawat ginanga, sa bawat sangkutsa, naroon ang kuwento ng ating mga ninuno. Ang ating mga pagkain ay hinubog ng ating heograpiya, likas na yaman, kalakalan, kasaysayan, at pakikipag-ugnayan sa iba’t ibang kultura—ngunit nanatiling malinaw ang ating sariling lasa at diwa.

Sa bisa ng 𝐑𝐞𝐩𝐮𝐛𝐥𝐢𝐜 𝐀𝐜𝐭 𝐍𝐨. 𝟏𝟏𝟑𝟖𝟖, kinikilala ng pamahalaan ang kahalagahan ng pagpapanatili at pagpapayabong ng ating mga lutuin, Layunin nitong suportahan ang mga magsasaka, mangingisda, at mga tagapagluto na patuloy na nagbubuhay sa ating mga tradisyon.

Ang pagdiriwang na ito ay hindi lamang tungkol sa hardinera, ubod sa tahure o iba’t-ibang pansit ng Quezon. Ito ay tungkol sa pagpapahalaga sa ating mga pagkain ng iba’t-ibang bayan—sa mga kakaning-bayan, sa mga sinaunang paraan ng pagluluto, at sa mga sangkap na likas sa ating lupain, sapa, ilog at karagatan.

Sa panahon ng globalisasyon, mas mahalaga kaysa kailanman na kilalanin at ipagmalaki ang sariling atin. Kapag tinatangkilik natin ang lutong Pilipino, ang pagkain ng mga Quezonina, sinusuportahan natin ang ating mga komunidad at pinananatiling buhay ang ating kultura para sa susunod na henerasyon.

Dahil ang kultura ay buhay—at ito’y nalalasahan.

Makiisa sa 𝐏𝐮𝐧𝐬𝐲𝐮𝐧𝐚𝐧 𝟐𝟎𝟐𝟔, ang pagdiriwang ng lalawigan ng Quezon sa Buwan ng Kalutong Pilipino!

Abril 18, 2026
Kalilayan Civic Center
Lungsod ng Lucena
https://maps.app.goo.gl/H2hg4iCfahmF98DG7

15/02/2026

𝐏𝐀𝐍𝐆 𝐖𝐄𝐃𝐃𝐈𝐍𝐆 𝐆𝐈𝐕𝐄𝐀𝐖𝐀𝐘 𝐁𝐀 𝐊𝐀𝐌𝐎?

Marami pong salamat sa mga bagong nakadiskubre ng aming lambanog ng sasa (nipanog) at patuloy na tumatangkilik, lalo na sa aming best seller na liputi flavored nipanog.

Nagcucustomize po kami ng sticker ng lambanog base sa wedding invitation ng ikakasal.

📍Ang aming tindahan ay matatagpuan
sa Enverga St. Brgy Bagong Bayan
sa Mauban, Quezon

🚗 Nagdedeliver kami isang beses
sa isang linggo sa mga karatig
bayan tulad ng Tayabas, Lucena,
Pagbilao at Sariaya–madalas
ay tuwing Biyernes.

🗓 Dalawang beses sa isang buwan
naman ang aming pasaBUY schedules
sa Candelaria, Tiaong, San Pablo,
Alaminos at Santo Tomas. SLEX
meet up po para sa mga customers
sa Santa Rosa at Calamba.

🛵 Dalawang beses isang buwan
din po ang pasaBUY schedules
para sa Metro Manila. Bibitbitin
po namin ang inyong order.
Ang inyong babayaran ay ang
Lalamove mula Pasig papunta
sa inyong lokasyon.

🗨 Magmessage dito sa aming page
para matulungan namin kayong
pumili ng pang giveaway base sa
inyong motiff at budget.

☎️ O tumawag o magtext sa
0970-846-5399.

14/02/2026

𝐋𝐎𝐕𝐄 𝐈𝐒 𝐀 𝐁𝐎𝐓𝐓𝐋𝐄 𝐎𝐅 𝐘𝐎𝐔𝐑 𝐅𝐀𝐕𝐎𝐑𝐈𝐓𝐄 𝐐𝐔𝐄𝐙𝐎𝐍 𝐏𝐑𝐎𝐃𝐔𝐂𝐓

Iba ang love language nating mga Filipino. Hindi taal sa atin ang nagwiwika ng “𝐈 𝐥𝐨𝐯𝐞 𝐲𝐨𝐮” o “𝐌𝐚𝐡𝐚𝐥 𝐤𝐢𝐭𝐚,” sa ating mga mahal sa buhay.

Sa karamihan sa atin, ang love language natin ay ipagluto ang ating mga mahal sa buhay ng paborito nilang pagkain.

At sa mga Maubanin, tradisyon noon ang magpapaktura ng gamit, maging pagkain sa mga jeep na bumibiyahe mula Mauban pa-Maynila. Nariyan ang 𝐁𝐥𝐚𝐧𝐪𝐮𝐢𝐭𝐚, 𝐌𝐚𝐧𝐳𝐚𝐧𝐢𝐥𝐥𝐚, at 𝐁𝐞𝐫𝐧𝐢𝐞. Ilan sa mga padala ay 𝐛𝐢𝐧𝐚𝐥𝐚𝐰𝐚𝐧𝐠 𝐬𝐚𝐧𝐭𝐨𝐥 o 𝐭𝐢𝐧𝐮𝐭𝐨. Ilalagay sa tupperware o disposable container at itatape ang gilid upang masigurado na hindi matatapon o tatagas ang likido nito.

Minsan pa nga’y pinapadala maging sa abroad ang mga pagkaing kinasasabikan ng mga kamag-anak.

Sa Boss Nilo’s pasalubong, alam namin na mahalaga sa mga Maubanin ang pagpapadala ng pagkain sa mga kamag-anak sa ibang lugar. Kaya naman ibinote namin ang inyong mga paboritong pagkain, sawsawan at inumin upang malasap ng inyong mga minamahal saan man sila mapadpad.

✅️ Lambanog ng sasa (nipanog)
✅️ Sukang tuba ng niyog
Classic, spicy, and sweet and spicy)
✅️ Binalawang santol (sinantolan)
✅️ Tinuto (laing)
✅️ Santan (coco jam)
✅️ Pulot (honey)
✅️ Atsarang papaya
✅️ Tableya
✅️ Pili (pilaway) tart

Huwag kalimutan ang pasalubong bago umalis ng Mauban! Ibahagi ang pagmamahal.

📩 Para umorder, magmensahe sa page na ito.

📞 O tumawag o mag-text sa 0970-8465-399.

12/02/2026

Ang malalim na kwento ng hardinera, voice over by Lady Boss (also known as Hermana Mayor ng Mauban).