19/04/2026
Naalala ko yun unang akyat ko sa Mt Balagbag sabi ko agad, napakaganda ng lugar at gusto ko dito magpapatayo ng pwede ko pahingaan pagtanda.
Madami dinaanang pagsubok na hindi mo malaman saan ka mag uumpisa para maiayos ang lugar-walang kuryente, walang tubig at walang wifi signal.
May mga pagkakataon na gusto mo na mag give up dahil hindi natatapos ang pagod at triple gastusan.
Sige kako tuloy lang paunti unting ayos malayo na pero malayo pa.
Kahit pagod sa trabaho di ramdam ang pagod at walang sinayang na day off dahil iba ang pakiramdam pag umaakyat kalmado ka, yun titigan mo lang ang bundok parang minamasahe na ang katawang lupa.
Sabi ko sa sarili ko darating din pala sa buhay ko na hindi hawak ang telepono mo nalayo sa busy na mundo.
Sa umpisa may paisa isang tourista at weekends lang madami umaakyat. Pero lumaon halos padami ng padami ang bumibisita araw araw na at binabalik balikan na din kami talaga.
Kaming mga Campsite ang nagbigay ng trabaho sa mga local sa paraan ng pagiging tourguide, natutulungan ang mga simpleng tao na nagtatrabaho ng marangal naglalakad sa initan at ulan maihatid lang ng maayos sa inyong destinasyon.
Ang aming simpleng Camping Farm ay makikita mo sa social media na walang filter posting, hindi AI, hindi fancy or fake kaya parehas sa actual na makikita mo pag andito ka na- walang budol ika nga.
Hindi kailangan ng magarbong gastusan kung gusto mong sumaya. Kung nature lover ka ma appreciate mo ang simpleng buhay naturally.
Kaya sa inyong lahat maraming salamat sa inyong supporta. May negosyo tayo hindi para lang kumita kundi mas madami tayong natutulungan at nabibigyan ng saya lalo sa mga simpleng tao na bumibisita na ang gusto ay tunay na pahinga.
Gusto namin na umuwi kayong nakangiti at dala ang napakagandang alaala.😊
