31/05/2026
عید الاضحیٰ کے موقع پر نیلم ویلی میں سیاحوں کی بڑی تعداد آ رہی ہے۔ اس خوشی کے موقع پر ہم تمام ہوٹل مالکان، لاجز، گیسٹ ہاؤسز اور مقامی افراد سے درخواست کرتے ہیں کہ آنے والے مہمانوں کے ساتھ محبت، احترام اور اعلیٰ اخلاق کے ساتھ پیش آئیں۔
ٹاپ لاجز اور دیگر رہائشی مراکز نہ صرف خود بہترین میزبانی کا مظاہرہ کریں بلکہ دوسروں کو بھی اس کی ترغیب دیں۔ کوشش کریں کہ کوئی بھی سیاح، چاہے وہ فیملی کے ساتھ ہو، دوستوں کے ہمراہ ہو یا بیچلرز کی صورت میں آیا ہو، کھلے آسمان تلے رہنے پر مجبور نہ ہو۔
اپنے مہمانوں کو مناسب رہائش، معیاری سہولیات اور خلوصِ دل سے میزبانی فراہم کریں تاکہ وہ نیلم ویلی کی خوبصورتی کے ساتھ یہاں کے لوگوں کی محبت اور مہمان نوازی کو بھی مدتوں یاد رکھیں۔ یہی رویہ نیلم ویلی کی نیک نامی اور سیاحت کے فروغ کا سبب بنے گا۔
عید مبارک، اور تمام آنے والے مہمانوں کو دل کی گہرائیوں سے خوش آمدید
