13/06/2026
🅵🅸🅲🅷🅸🅴 🅷🆄🅸🆂
🦁
𝑭𝒊𝒄𝒉𝒊𝒆 𝑯𝒖𝒊𝒔 𝒈𝒆𝒆 𝒗𝒍𝒆𝒓𝒌𝒆 𝒂𝒂𝒏 𝒉𝒆𝒓𝒊𝒏𝒏𝒆𝒓𝒊𝒏𝒈𝒆 🪁
Op Donderdag, 11 Junie het Fichie Huis die voorreg gehad om die inwoners van Trans 50 Aftreeoord in Fichardtpark te besoek as deel van die viering van, Month of the Elderly.
Die dag het nie net gegaan oor die maak van vlieërs nie, maar oor die skep van kosbare oomblikke, die deel van stories en die bou van brûe tussen geslagte. Met kreatiwiteit, lag en sorg het die inwoners hul eie unieke vlieërs ontwerp – elkeen ’n weerspieëling van ’n lewe vol herinneringe, wysheid en ervaring.
Dit was besonders om te sien hoe vaardige hande en kreatiewe geeste saam iets moois skep. Die vlieërs het ’n simboliese herinnering geword dat drome, vreugde en kreatiwiteit geen ouderdom ken nie.
Baie dankie aan die inwoners van Trans 50 Aftreeoord vir die warmte waarmee julle ons ontvang het. Julle stories, wysheid en lewenslus het ons harte ryker gemaak.
“Soms is die mooiste deel van ’n vlieër nie hoe hoog dit vlieg nie, maar die hande en harte wat dit gemaak het.”
💙🦁☀️
