13/03/2026
RIV Johann jy laat diep spore in jou gesin se lewens. Ons sal jou altyd onthou vir die grappie in die sak, die dae toe ons tent opgeslaan het, en die molle hopies onder ons tent gestoot het. Danie wat die hele dag met sy visstok langs die water gesit het, en emmertjes vol klein vissies aangedra het. Jy was die beste braaier ooit. Jy het ook 100 keer seker gemaak voor ons oppad gaan dat voertuie in orde is en by die Witbrug omgedraai om seker te maak die agterdeur was gesluit, of jou beursie of selfoon gesoek. Ramskop se grasperk was n paradys vir kinders, en niemand het die groot ruit met die krieket bal uit geslaan nie. Jy het toegelaat dat Luzanne 24 katte mag hé en al haar skoene saam op vakansie mag neem, al moes jy die trailer net vir die skoene hak. Jou kinders en kleinkinders was jou hele lewe. Jou liefde vir hulle het altyd deurgeskyn. Jy het n spesiale manier gehad om daar te wees vir hulle. en hulle kon jou om die pinkie draai. Die seuntjies was jou groot liefde. Jy het nooit hard met hulle gepraat nie en altyd belang gestel in wat hulle doen en waarmee hulle besig was. Hulle het altyd n drukkie gehad om met oupa te deel. Jou plek sal altyd daar wees en ons sal jou nooit vergeet nie.
