17/06/2026
๐ช๐ฎ๐๐ฒ๐ฟ๐๐ฎ๐ป๐ฑ ๐ช๐ถ๐ป๐๐ฒ๐ฟ-๐ฟ๐ฒ๐๐ฒ๐ฝ๐๐ฒ
Winterkamp beteken knetterende vure, helder sterrehemels en heerlike kos wat jou van binne warm maak. Vandag maak ons:
Dubbel sjokoladepotjie-poeding๐ซ๐ซ'n Bederf vir langs die braaivleis vuur of op kamp
Bestandele:
Beslag:
250g bruismeel
2 el kakao poeier
2 el milo poeier
125 ml suiker
2 eiers
3 el botter (gesmelt)
125 ml melk
1 tl vanieljegeursel
Mespunt sout
1 x 80g blok bitter donkersjokolade opgebreek in blokkies
1 x 100g groot Bar-one opgekap in stukkies
Sous:
2 kop bruinsuiker
3 el kakao poeier
200 ml kookwater
200 ml ingedampte melk
Metode:
Vir die beslag:
Smeer platboompotjie met botter
Sommer so in jou gesmeerde koue potjie, breek die eiers in en klits
Voeg gesmelte botter, melk en vanieljegeursel by en meng goed deur met houtlepel
Gooi nou die meel, kakao, sout, suiker en opgekapte sjokolade by eier beslag, meng deeglik deur, los net so in potjie en maak gou die sous
Sous:
Eenkant op die vuur, in โn kleiner potjie, meng die suiker, kakao, ingedampte melk en kookwater saam
Roer totdat al die suiker opgelos is โ maar nie kook nie
Giet warm sous stadig oor die beslag in die pot
Moet dit nie roer nie. Sit deksel op en bak vir 30 minute deur kole onder die pot en kole op die deksel te pak
Draai nou en dan die pot, anders gaan die een kant van jou poeding gaarder as die ander kant wees. Verwyder van hitte, laat toe staan vir 15 minute.
Die poeding is gaar wanneer die bokant van die poeding weer terugspring en ferm onder jou vingers voel wanneer jy daarop druk
Bedien met vla of roomys.
*Resep gekry op https://boerekos.co.za/tag/kamp-resepte/
**Foto slegs vir illustrasiedoeleindes
