Sophia Guest House, Garies

27/07/2025

Gister was die son uit en kon ons gaan blomme kyk.
Roete was Skilpad - Soebatsfontein - Garies.
Ek kon nie glo wat ek sien nie - fotos is met sel geneem en kan geensins die werklikheid weergee nie - maar dit gee mens ‘n idee.
Ek deel graag.

07/07/2025

Met goeie reën sover en belofte van nog wat kom, gaan Namakwaland hierdie jaar ‘n mooi blommerok aantrek.
Hierdie foto’s tussen Soebatsfontein en Skilpad is twee dae terug geneem en wys reeds mooi blomme.

16/04/2025

03/04/2025

Gisteroggend kry ek ‘n oproep met navraag vir akkommodasie want die gaste wil vir Trompie kom kuier! 😂
Nou Trompie is die gastehuis se African Grey - bitter lief vir vroue maar geen ooghaar vir mans nie.

Shayne en Esther is twee dierbare mense van Holland en het verlede jaar met hul fietse hier verby gestoot.
Trompie was toe ‘n groot treat by ontbyt vir hierdie twee diereliefhebbers.
Dit was ‘n wonderlike wedersiens met baie lag en lekker stories.
Hierdie keer is hulle darem per motor.

Daisy die gastehuis se kat het seker gemaak hy word ook raakgesien en kry sy pondjie aandag.

Shayne en Esther ons hoop om jul volgende jaar weer te sien. Geniet die res van jul vakansie.

15/12/2023

Nog ‘n jaar is verby en ons het as ‘n span die wa deur die drif getrek, gebeur, gestoot en gestoei, maar ons is so te sê anderkant uit.
Met hierdie 7 mense plus 2 wie ongelukkig weens familie omstandighede nie vandag hier kan wees nie, sal ek oorlog toe gaan. Dis my hartsmense, my steunpilare, my familie en Sophia Gastehuis se hartklop.

Ons neem vandag afskeid van Elsalien Beukes in die middel, na 14 jaar.
Sy sal beslis gemis word - een my van meisies wat eenvoudig àlles kan doen. Ons wens haar voorspoed toe met beter gesondheid in die toekoms.

Dawid Minnies, Tasha Nero, Deidre Meyer, Doreen Willems, dierbare Nana Anita en Enrico Boyes, Esme Hanekom en Analien Boois sonder julle kan en wil ek niks aanpak nie.
Baie dankie vir harde werk en die trots wat jul het vir ons gastehuise - ek salueer julle.

02/08/2023

Groenriviersmond het ook haar mooiste bont rok aan. Dis ‘n kom-kyk-besigheid díé jaar.

31/07/2023

Blomme op ons familieplaas Rondawel tussen Garies en Groenriviersmond.
Vandag geneem.

31/07/2023

These pictures were taken today between Garies and Hondeklip Bay.
Absolutely stunning.

22/07/2023

Mooi Mooier Mooiste.
Dis vir ons plaaslike mense sò lekker om ons wêreld so mooi te sien.

21/07/2023

Ek weet nie wanneer laas ons al sulke mooi blomme rondom Garies in Julie maand gehad het nie.
Elke dag raak dit mooier.

04/12/2022

Water Warriors het Garies gister kom bederf met water, voer en baie kospakkies.
Ons staan verslae oor soveel mense se omgee harte. Baie dankie.

Die huidige Mnr Suid Afrika, Ntando Lurwengu, gooi ook sy gewig agter Water Warriors en was saam op die uitreik.

Moeder Sophia kon nie die geleentheid laat verby gaan om langs so ‘n mooi en baie aangename jong man te staan nie.
(Wonder of sy nou gaan oplet by die Kerssang diens🤣).

13/11/2022

Dis nie elke dag wat een van jou personeel se gunsteling akteurs, At Botha, vir ‘n naweek kom kuier nie. Tasha kry jy min sonder woorde - al wat sy kon uiter was ‘ek is mos ook màl oor ‘n lang man’!
Dis ook die eerste wat ek haar sien bloos. Kostelik verby!😁