31/08/2026
Toorwater 201 is ’n nuut selfsorgwoonstel op die eerste vloer in ’n veilige kompleks, sentraal geleë in die hart van Hartenbos.
Die woonstel is slegs 500 meter vanaf die ATKV Hartenbos, waar jy ’n verskeidenheid winkels, restaurante, ’n Pick n Pay en die strand sal vind. Die woonstel bied gerieflike slaapplek vir 8 gaste en bestaan uit 3 slaapkamers en 2 badkamers. (Max 6 groot mense).
Die hoofslaapkamer is toegerus met ’n koningingrootte-bed en het ’n en suite-badkamer met ’n bad en stort.
Die tweede slaapkamer het ook ’n koningingrootte-bed.
Die derde slaapkamer beskik oor 2 enkelbeddens. ’n Slaapbank in die leefarea bied addisionele slaapplek vir 2 gaste.
Gaste gebruik die tweede badkamer, wat slegs ’n stort het.
Die kombuis is volledig toegerus met ’n yskas-vrieskas, stoof, oond, mikrogolf, eetgerei, breekware en geriewe vir tee- en koffiemaak. ’n Ontbytkroeg met 4 stoele vorm deel van die oopplan-leefarea.
Die sitkamer is gemeubileer met gemaklike sitplek, ’n Smart TV en gratis Wi-Fi. Die leefarea lei na ’n balkon met buitesitplek en ’n ingeboude braaigerief – ideaal vir ontspan en kuier.
