30/09/2022
🖊️ VANUIT DIE SKOOLHOOF SE KANTOOR 🖊️
Ons het sekerlik almal "donker tye" beleef in die laaste klompie weke met Eskom se beurtkrag.
By Nico Malan is ons egter ongelooflik dankbaar vir 'n goeie kwartaal en die lig van die vuurtoring skyn nog helder💡
Ons is veral dankbaar vir die kragopwekker wat in die begin van die jaar aangekoop is en help dat alle lesse en programme sonder enige onderbrekings kan voortgaan.
Verder is ons dankbaar vir die volgende:
🚎 Die Humansdorp Vervoerdiens het 2 busse aangekoop en is in die proses om 3 ou busse te verkoop.
🍔 Grill Café is nou finaal ingerig en ons word bederf met heerlike kos. Ouers word uitgenooi om ook gerus hier wegneemetes te kom koop.
🚗 Die skool word geborg met 'n voertuig vanaf Tavcor Suzuki waarmee basiese beginsels van bestuur aan leerders oorgedra kan word. Dit word binne LO in graad 10 en 11 hanteer.
🎤 Ons is baie trots op ons koor wat by die Sing in Harmonie finaal in Kaapstad aangewys is as wenner van die informele afdeling.
🏉 Max du Pisani verteenwoordig die SA-skole-rugby A-span wat teen Frankryk en Engeland speel.
🏆’n Uiters suksesvolle First Choice 7's-toernooi wat gehou is.
'n Paar hoogtepunte op volgende kwartaal se program sluit die volgende in:
Prysuitdeling, Laaste dag van matrieks, Wynveiling, Koshuis Plaasmark, Veeveiling en Begrotingsvergadering vir ouers. Ondersteun asseblief waar u kan en verseker so verdere sukses en volhoubaarheid van ons pragtige skool.
Personeelaangeleenthede:
👥Mev. Carin Davis het bedank gedurende die kwartaal. Ons dank en goeie wense vergesel haar. Mev. Juls Vermaak is tydelik aangestel in haar plek en mev. Michelle Janse van Rensburg is tydelik aangestel vir Wiskundige Geletterdheid, Wiskunde en Skeppende Kuns.
💒 Baie geluk aan mnr. Johann Jonker wat in die huwelik tree op 1 Oktober.
Geniet die vakansie saam met u kind en rus goed uit vir die uitdagings van die laaste kwartaal.
🙏🏼Hou vas aan Galasiërs 6:9: Laat ons dan nie moeg word om goed te doen nie, want as ons nie verslap nie, sal ons op die bestemde tyd ook die oes insamel.
