Menoegaa campsite

22/09/2026

Menoegaa campsite; a place where you can sit and braai.

Gazing into far distances.....

Large gazebo's.

Symphony of bird sounds

To BE for a moment or two....

Easy driving to the campsites

Easy with one self

little effort to experience Menoegaa campsites

10/09/2026

Smarti.10

Met ons terugkeer van ons naweek weg, het ons bokser Dulux 'n volwasse stinkmuishond in die agterplaas vasgekeer. Dit was groot moerakkas! Daarvandaan was Smarti versigtig vir Dulux se bewegings. Nogtans kan die woord bang nie daaraan gekoppel word nie.

'n Volwasse wyfie in die veld kan weeg 600-800g. Smarti het goeie kos gekry en haar gewig was al amper daar. Dis ook te verstane, want die hele plaas het vir haar krieke in sakke en blikke en emmers aangedra. Haar 1ste kriek het ons bietjie stadiger gemaak met die vlieplak. Sy wou die dis net eet, maar die dis hardloop weg en meteens ontdek sy dat haar voete die vangwerk kan doen. Sy het nie gehou van die bene van die kriek nie. Takealot het die meelwurms afgelewer op die voorstoep. Dit wat ons kon wegsteek, het ons weggesteek. Onse meisiekind moes leer om haar kos te gaan soek.

Wonder wie ken die pedale op die foto? Smarti se gunsteling plek was agter die pedale en as jy haar roep het sy soms sommer daar in die hoekie uitgedop!

Ons het by Menoegaa die Stink muishondjie, klein grys muishondjie en die witkwas muishondjie. Hulle kan 'n gebied vir hul eien van 100ha.

16/08/2026

Smarti.9

Smarti was so 8 weke oud. Op 21 weke word die stinkmuishondjies as volwassenes gereken. Sy drink 4 ml melk waarvoor sy baie lief is en hou sommer met haar voetjies die inspuiting vas terwyl ons die volume se tempo beheer.

Sy kan nou klein flenterjies maer maalvleis eet met haar fyn tandjies. Sy speel en hardloop deur karton silinders. Kruip onder komberse in en as iets nuuts by haar omgewing toegevoeg is, word dit dadelik verken.

Met ons kuier moes ons baie seker maak sy glip nie iewers uit nie. Dit sou net een erge traumatiese saak gewees het!!!!!

15/08/2026

14/08/2026

Smarti.8

Ons het baie tyd saans en vroeg oggend gespandeer. Om seker te maak dat ons nie vir haar seermaak nie, het ons ons skoene altyd uitgetrek. Selfs as mens net effe gewig na die sykant van jou voet verplaas sonder om jou voet te skuif dan druk haar voetjie vas en dan kry sy seer. Al was sy klein kon sy baie vinnig beweeg.

Ons wou baie graag as gesin bymekaar kuier. Dit het beteken Smarti gaan saam. Haar mens pappa en mamma het sy gedurig gesoek. 'n Reis en vreemde omgewing en om beskerming te kan bied mag uitdagend wees. As sy eers groter is kan dit glad nie werk nie.

So pak ons die reis met Smarti aan.
Sy sou 'n goue by die Olimpiese spele in gimnastiek kon verower. Haar baan - die kar. Haar medalje - 'n vredevolle slaap. Ek word beskerm en is nie bang nie.

04/08/2026

Smarti.7

Smarti ons meisiekind stinkmuishondjie het sowaar van week 4 tot week 5 'n volle 120g in gewig toegeneem!!!!! Die ander weke was dit 50g.

Haar ogies het op week 4 oop gegaan, maar sy het gereeld in die kas vasgeloop.

Hul neuse moet so goed ontwikkel, want hul moet hul kos selfs onder die grond kan uit ruik. Haar tandjies het begin uitkom. Ons het vir haar lean maalvleis flentertjies gegee. Piepklein stukkies uitmekaar geplaas. Sy moet leer om haar kos te soek met haar neus!!!!

Haar oortjies het meer regop begin staan en haar gesiggie begin kry 'n langwerpige voorkoms.

'n Deel van die kombuis is afgesper vir haar en met plankies is rondom alle oop spasies gebou sodat sy nie onder die yskas en stoof kan inbeweeg nie.

Met haar gewig op 340g en dalk 6½ weke oud is sy eintlik amper halfpad na volwasse stadium toe.

Moeg gespeel. Kan nie verder nie. Slaap net daar. Dis 'n veilige nes!
Kyk die vorm van die ogie en die kleur. Sy is 'n nagdiertjie.

02/08/2026

Menoegaa = lovely guests

Dutch and Afrikaans weekend

Mark the date
28 November 2026

30/07/2026

Smarti.6

Smarti was soos 'n baba. Sy het duim gesuig dat dit lyk asof dit haar fopspeen was en aan haar voete gesuig.

Die muiskind was 'n huiskind en sodra sy wakker word dan maak sy binnensmondse geluidjies. Voordat sy regtig begin beweeg word sy opgetel sommer met die rolletjie witgoud byderhand.
Sy trap dan met die voorvoetjies en die boude wieg omtrent heen en weer. Die spreier word dan wawyd oopgedraai met die toiletpapier op sy plek. Sy praat dan luidkeels binnensmond. Dit was 'n storie en 'n half!!! Jy voel jy verdien 'n medalje om al die druppels te kon vang. Sy raak dan diep rustig en knibbel aan die velletjie tussen die duim en wysvinger.

Ons het besluit om haar na die beste van ons vermoë groot te maak om weer vry te laat in die natuur.

Dis hartseer as mense wilde diertjies uit die natuur verwyder om hul groot te maak en dan sterf hul ook baiekeer.

Haar 1ste blik melk van R200.

Smarti se nuwe haartjies het by haar bene begin verskyn. Ten spyte van die myte was sy aktief en spelerig. Sy liefie ons en wil net by ons wees.

24/07/2026

Smarti.5

Die veearts se raad. Dit blyk te wees: parasiete. Onsigbare parasiete wat vir Smarti so gekarnuffel het.

'n Parasiet!
Dink daar kan allerhande soorte parasiete in mense se lewens ook wees!

Volgens haar gewiggie.. 0 , 0 1 m l. Soos die veearts sê. As jy daardie bietjie mis of sy spoeg dit uit.... En na 2 weke nog 0 , 0 1 5 m l. Dit is baie baie min!
As die min 'n verskil kan maak, wat ek regtig van harte hoop.... Dan kan min soms ook 'n groot verandering in ons lewe teweegbring.

En Smarti het gesluk uit die insulien buisie en nog voordat sy die verslag kon gee, toe is haar gunsteling melk daar. En dit wou voorkom dat die bietjie van die alles moet in wees. Dooi parasiete! Dooi!

Smarti het haar 1ste bad gekry in 'n roomysbak.

23/07/2026

Smarti.4

'n Ellende tref Smarti!

Sy begin om in 'n oogwink haar jas te verloor!
Die veearts doen moeite om uit te vind wat ons moet doen om haar jas weer terug te kry. Wilde diertjies kan nie net met enige iets behandel word nie. Almal help met die soektog na raad wat kan werk.

Van die moontlike oorsake kan wees trauma en parasiete.
Ons was nogal besorgd oor hoe lank sy in en onder die yswater was. Watter effek kon dit op haar brein en longe hê?

Dit het vir my so aan ons as mense ook laat dink.
Hoeveel kan ons verloor as gevolg van trauma?
Verloor ons dalk 'n deel van onsself?
Watter effek het daardie verloor op ons?
En hoe lank neem die herstel proses?

Smarti het baie gou koud gekry. Ons weet die baba meisiekind van ons moet baie vinnig haar hare terugkry! Dit kan soms baie koud raak in die winter. Liewe, dan bestaan die kans ook nog dat as die traumatiese ervaring so erg was, dat haar hare nie weer kan uitkom nie. Smarti het toe net haar ingebore tatoeëermerke gehad. Foeitog!