Crodinie Kampplek

28/09/2026

Stadig maar seker kom die lewe terug…
Na die vloed is die natuur stadig besig om te herstel. Oral begin die gras weer deurkom en stukkie vir stukkie kry Crodinie kampplek sy groen kleur terug.
Kom ontspan langs die rivier, sit jou voete op, luister na die water en geniet die saligheid van die platteland.
- Maak ’n lyntjie nat.
- Luister na die roep van die visarend.
- Geniet die oop ruimte en rustigheid.
- Spandeer ’n bietjie tyd langs die rivier.

15/08/2026

🏕️ CRODINIE KAMPPLEK, SWELLENDAM IS OOP! 🌿

Uiteindelik is ons reg vir kampeerders! ❤️

Mei se vloed het ons kampterrein baie hard getref. Orals is daar nog tekens van die vloed, en dit gaan tyd neem om alles weer mooi te herstel. Ons het eintlik ’n nuwe kamp – baie min van die ou kamp het oorgebly.

Ons wil graag eerlik wees oor wat jy kan verwag wanneer jy nou by ons kom kamp:

🌱 Die gras is besig om terug te kom, maar vir eers word daar nog hoofsaaklik op sand gekamp.

🌳 Daar is tans geen tot min koelte. Die bome wat die vloed oorleef het, moet nog herstel en ons het reeds heelwat nuwe bome geplant. Hulle kort net tyd om groot te word.

🚿 Die badkamers word nog herstel. Die mure is steeds nat van die vloed, wat veroorsaak dat die verf in lae afkom. Sodra die mure behoorlik droog is, sal dit weer geverf word.

Maar nou vir die GOEIE NUUS!

🌿 Dis steeds ’n plek waar jy kan ontspan en wegkom van die gejaag
🎣 Baie vis vir dié wat graag ’n lyntjie natmaak
🛶 Kano ry vir ’n bietjie avontuur
🏊 Swem en afkoel
🐦 Word wakker met voëlgesang en geniet die rustigheid van die natuur

Ons kamp is dalk nie op die oomblik perfek nie, maar ons is besig om dit weer op te bou – en ons nooi jou graag uit om deel te wees van die nuwe begin van Crodinie Kampplek.

Kom kamp, ontspan, vang ’n vis, roei ’n kano en geniet die natuur. 🏕️🌿

📞 Vir besprekings en navrae: 066 243 4000

22/05/2026

Crodinie Kampplek, Swellendam
Hier is 'n paar voor die vloed en na die vloed fotos, ons het probeer om hulle vanaf dieselfde plek af te neem.
Daar is darem hier en daar 'n staanplek met minimale skade.
Baie dankie vir al die navrae. Ons sal die kamp in seksies oopmaak. 1ste vir die "Wild campers" wat so vroeg as volgende week kan wees. Dit sal gevolg word deur die gedeelte regs van die pad en laastens die hoofkamp. Laastens gaan egter 'n tydjie neem, daar is baie plekke wat opgevul moet word en bome / opdrifsels om te verwyder.

15/05/2026

Crodinie Kampplek 20km buite Swellendam
Die water sak amper net so vinning soos dit opgestoot het. Hier is 'n paar fotos geneem Donderdag 14 Mei 2026, 16:00.
Meeste van die groot bome is weg. Alles is bedek onder 0.5m tot 1m sand. Dit lyk of al die infrastruktuur darem nog daar is. Ons kan egter nog nie die tent staanplekke sien nie, so ons weet nog nie wat daar aangaan nie.
Gelukkig het ons alles wat verwyderbaar was betyds ontruim.
Ons hou julle op hoogte soos die water sak

15/05/2026

Breederivier vloed: Crodinie kampplek - Woensdag 13 Mei 2026, 15:00

09/04/2026

Laasnaweek is daar is lekker gekuier, gespeel, visgevang en sommer net ontspan.

Onthou om vroegtydig te bespreek vir die 2 langnaweke wat voorlê. Maandag die 27ste April is Vryheidsdag en Vrydag die 1ste Mei, Werkersdag.
Whatsapp 066 243 4000 om te bespreek

11/02/2026

Die water is hier!!!
Vanoggend omtrent 9:15 kry ons die boodskap dat die water ons bereik het, almal spring in die bakkies af rivier toe. Ons wat ongelukkig te laat om die voorloop af te neem, maar die fotos is tussen 9:30 en 10:30 geneem. Binne 1 en 'n half uur was ons van dol leeg tot op die normale somer vlak en die water lig nog.
Ons dankbaarheid ken geen einde nie.

11/02/2026

29/01/2026

Mense die rivier is leeg!

Iets wat ons nie gedink het is moontlik nie, het gebeur. Die Breerivier is droog. Daar is nog hier en daar 'n poel of dam water, maar van swem en visvang is daar geen sprake nie.
Ons pompe is besig om droog te loop, wat beteken ons krane gaan droogloop.
Op die huidige stadium vat ons dit van dag tot dag, dus indien jy sou wou kamp, stuur 'n whatsapp of bel 066 243 4000 om te verseker dat ons jou sal kan help. Ons neem steeds bespreekings vir Maart en April, ons vertrou dat teen daardie tyd sal ons water hê.