10/04/2012
●Hierdie wenke hou verband met wanneer ‘n plaasaanval dreig, maar die meerderheid kan ook daagliks en permanent toegepas word.
●Inwoners van plaashuis moet hul binnevertrek hul slaapkamer maak, al beteken dit matrasse eetkamer of sitkamer toe dra elke aand, as ‘n plaasaanval dreig. Moenie dat jou werkers hiervan weet nie!!! Vermy kamers met buitevensters. Maak seker alle vensters, deure en hekke is gesluit en alarm is aan (ook elektriese heining). Beveilig jou huis met versterkte binne-hekke en deure, veral waar jy slaap / skuil.
●Moet geen brandstof binne bereik in buitegeboue stoor nie, tensy dit goed toegesluit is. Koppel ‘n tuinslang aan ‘n binnekraan en hou brandblussers reg om vuur te kan blus in die huis. Dis vir as hulle jou huis aan die brand steek om jou uit te kry.
●Maak altyd seker dat alle selfone in die huis vol gelaai is en genoeg lugtyd het. Maak seker dat jy ALLE noodnommers en bure se nommers op ALLE selfone het. Gebruik Facebook as jy dit het – skakel met Panic Track, Staan Saam, BKA of enige ander Noodblad – dit het al talle lewens gered!!! 2-Rigting radios en rekenaars se batterye moet ook vol gelaai wees.
●Koppel ‘n paar buiteligte aan ‘n 12-Volt trekker-battery vir noodgeval, sou die krag afgaan. Sorg dat jou alarm-battery deur die nag kan hou in noodgeval. Koppel ook ‘n baie harde sirene, asook “strobe” lig (flitsende noodlig) hieraan.
●Moet vir GEEN REDE uit jou huis uitgelok word nie!!! Moenie uitgaan na “krag-box” om te kyk wat aangaan as jou krag afgaan nie – kry eers hulp van buite. Selfde reel geld as jy water hoor loop in tuin of as iemand om hulp roep. Moet GEEN vreemdes by plaashuis toelaat nie (dag of nag) .. hanteer dit altyd as ‘n moontlike plaasaanval as daar vreemdes per voertuig of voet aankom .. roep onmiddelik hulp van buite af in voordat hulle naby jou kom!!! (Reel hierdie dril met jou bure en help mekaar so)
●Moenie reageer op “hulproep” van jou werkers in die nag nie .. maak ‘n alternatiewe reeling met hulle .. in mediese noodgeval byvoorbeeld kan hulle jou bel en jy kan ambulans reel, ens. Moet ook nie goedsmoeds vir die “polisie” oopmaak nie .. kontak jou naaste polisiestasie en bevestig eers alle detail voor jy reageer. Roep dadelik hulp in as dit verdag voorkom!!!
●Volwasse inwoners moet om die b***t slaap om wag te staan indien nodig. Moenie helder ligte binne die huis brand nie. Maak seker dat gordyne goed toegetrek is. Vervang badkamerdeur met ‘n sterk staaldeur, koëlvas met ordentlike skuifslotte binne - vir klein kinders en oumense om in te skuil indien nodig. Versterk ook die vensters (“intruder-proof” glas) en diefwering hier.
●Al het vensters diefwering, sit aan die buitekant “expanded metal” sif diefwering op – dit bemoeilik petrolbom aanval (om die mense uit die huis te kry) Hou een nooduitgang waardeur julle kan ontsnap indien nodig.
●Moenie in die aand rondry nie, neem gedurig fotos met selfoon van enige lewe op die pad in die omgewing. Hou altyd ‘n pen en notaboek byderhand vir inligting soos registrasienommers en voetganger beskrywings. (deel gereeld hierdie info met jou bure) Kyk vir “tekens” by hekke, heinings en paaie!!! Kyk daagliks vir vreemde voertuig- en voetspore. Patrolleer veral buite-paaie daagliks en “vee” met ‘n tak of ketting agter jou voertuig. “Vee” veral as julle almal die plaas verlaat agter jou op pad hoofpad toe .. dan kan jy sien wat aangaan as jy terugkeer.
●As almal uit was en julle die opstal nader .. kyk vir iets wat nie daar was toe jy gery het nie .. voertuigspore, voetspore, sigaretpakkies, stompies, takkies, gras, ens. Kyk of jou honde jou kom verwelkom en kyk na hulle gedrag .. waai hulle hulle sterte? .. is hulle bang? .. is hulle nie daar nie? As jy enige onraad vermoed .. maak ‘n U-draai en kry spoed en kry hulp in!!!
●As alles veilig lyk en jy ry erf binne .. as jou alarm aan is .. bly in voertuig en toets eers met “remote” of alarm dalk ge-”trigger” was voordat jy parkeer en uit voertuig uitklim .. hou jou opsies oop te alle tye.
●As alles veilig lyk en jy nader die huis te voet .. hou jou vuurwapen(s) gereed .. kyk steeds vir “iets verdags” .. moedig jou honde aan om te snuffel .. kyk of daar niemand in moontlike skuilplekke is nie. Met die oopsluit .. as jy ‘n alarm het behoort dit veilig te wees, maar laat in elk geval jou honde eers deur die huis gaan voordat jy ingaan.
●Bel jou bure en Plaaswag as jy iets vreemds gewaar, al is dit net oor ‘n deurloper of vee wat bondel of honde wat onrustig is. Vergewis jou met jou bure se bewegings en verwittig hulle van jou doen en late. Jou beste hulp bly reg langs jou. (2-Rigting radios is eintlik absoluut noodsaaklik hier!!!)
●Raak van alle oortollige los eiendom ontslae wat “begeerlike trekpleisters” kan wees. Vermy dit om produkte op die plaas te verkoop .. verkoop jou vee eerder direk aan koper / slagpale / vendusie, ens. Verkoop vrugte en groente slegs sekere ure, met streng voorwaardes OF beter nog .. verkoop dit by die hoofpad / stalletjie. Vermy kontant besighede soos ‘n plaaswinkel .. dis nie die risiko werd nie!!!
● ‘n Ordentlike alarm-sisteem met Infrarooi-strale of Infrarooi-“ogies” buite in tuin, maar ook by vensters en deure is deesdae ABSOLUUT NOODSAAKLIK!!! Sisteem moet gekoppel wees aan veiligheids-maatskappy met gewapende reaksie of instansie soos Panic Track, ens. Kry ‘n kundige se raad en ontwerp hier in .. mens is geneig om belangrike punte mis te kyk by jou eie plek. Koppel alarm-sisteem ook aan skerp buiteligte en ‘n “strobe” lig op jou dak .. as alarm “afgaan”, gaan ligte aan.
●Laat slaap klein hondjies, maar ook ‘n groot hond of twee in die huis as jy ‘n aanval verwag. Hou ook ganse buite aan om die buitehonde te help alarm maak .. ganse is baie goeie wagte!! Die kombinasie van Infrarooi-alarmstrale, elektriese heining (gekoppel aan alarm), honde en ganse is natuurlik die heel beste. As jou buite honde in nag blaf .. gaan stel volgende dag ondersoek in in die rigting waarin hulle geblaf het .. kyk vir spore, sit plekke, vuurhoutjies, sigaretstompies, ens.
● Slaapvertrek se lig moet uit wees, slegs ‘n bedlamp moet kan aangesit word. (haal die gloeilamp uit) Sorg dat jy ‘n ordentlike flits het, maar SLEGS IN ‘N NOODGEVAL, as jy buite lig, hou dit met ‘n langarm weg (sywaarts) van jou lyf af en hou jou liggaam agter ‘n muur. Moenie te gou jou posisie met ‘n flits verraai nie. As jy kan .. te alle tye .. sit eerder buiteligte aan en VERMY die flits-ding!!! Moenie oorhaastig beweeg nie, staan eers lank in die donker stil en wees geduldig. Solank jy binne die huis agter mure is het jy die voordeel .. gebruik dit!!
●Indien jy ‘n noodoproep van jou buurman sou ontvang, maak seker jy beweeg uit met veiligheid - jy kan ingewag word!!! Laat weet ook dadelik ander bure of Plaaswag en SAPD.
●RAAK ONTSLAE VAN ALLE VREEMDES OP JOU EIENDOM!!! Onthou hulle kuier oor en weer en is gasvry teenoor vreemdes en GEE INLIGTING UIT!!! Werkers kan ook geintimideer word om jou kwesbaar te maak. Moenie vreemdes in diens neem nie .. kontak eers vorige werkgewer en kry verwysings .. as daar nie verwysings is nie, is daar nie werk nie!!! Kry een of twee betroubare werkers aan jou kant en gebruik hulle as informante .. loof ordentlike belongings uit as hulle met lewens-reddende inligting vorendag kom. Dril dit by hulle in dat as die Baas dood is, is die werk ook klaar.
●Moenie jou werkers op die perseel lone betaal nie. Betaal hulle opgemaakte lone binne die bank waar jy geld getrek het of nog beter, betaal hulle elektronies in hul eie rekeninge in .. verplaas die risiko van kontant na hulle toe. Wanneer jou werkers geld leen, moenie dit dadelik gee nie, sê vir hulle jy het nie geld op die plaas nie, sodra jy terugkom van die dorp (bank) af sal jy kan help.
●Slaap met jou vuurwapen(s) byderhand. Maak seker jy is nog vertroud met jou wapen(s) en het genoeg magasyne en ammunisie. Doen gereeld ‘n skietoefening .. laat die hele gesin met alle wapens skiet. Leer die kinders vooraf van ‘n noodsituasie en beplan strategie .. elkeen moet presies weet wat van hom verwag word .. Wie bel vir wie .. wie praat op die radio en wie skiet waar??? Oefen dit gereeld in en kyk waar julle kan verbeter. Morne skop nie sommer toevallig goed pale toe nie .. hy OEFEN sy skoppe .. anders kon Bismark net sowel pale toe skop!!
●Doen self 'n denkbeeldige aanval op jou huis, en kyk wat moet jy wegvat of uitkap, wat as bekruip-skanse gebruik kan word of waar-agter geskuil kan word. Hou die gras en bosse skoon rondom die plaasopstal en alle paaie en hekke. Verwyder alle wegkruipplekke en hinderlaag moontlikhede.
●Kry hulp van “pro’s” as jy twyfel oor iets .. kundiges kyk met ander oe na jou huis, heining, alarm, ens. Sterkte en wees wakker, voorbereid en veilig!!!
